మహారాష్ట్రలో ముస్లింలు 11.5% ఉన్నారు కానీ పరిపాలనలో కనీస ఉనికిని కలిగి ఉన్నారు Muslims are 11.5 % in Maharashtra but Have Minimal Presence in Governance

 

న్యూఢిల్లీ –

ముస్లింలు ఇన్ ఇండియా - గ్రౌండ్ రియాలిటీస్ వర్సెస్ ఫేక్ నేరేటివ్స్ - అచీవ్‌మెంట్స్ & అకాప్లిష్‌మెంట్స్ Muslims in India – Ground Realities Versus Fake Narratives – Achievements & Accomplishments అనే కొత్త పుస్తకం ప్రకారం, ఉత్తరప్రదేశ్, పశ్చిమ బెంగాల్ మరియు బీహార్‌లతో పాటు జనాభాలో అత్యధిక ముస్లింలు ఉన్న మొదటి నాలుగు రాష్ట్రాల్లో మహారాష్ట్ర ఉంది.

·       దేశంలో అతిపెద్ద స్థూల రాష్ట్ర దేశీయోత్పత్తి (GSDP)తో రెండవ అత్యధిక జనాభా కలిగిన రాష్ట్రమైన మహారాష్ట్ర, ప్రభుత్వ ఉద్యోగాలలో మరియు ఇతర సామాజిక-ఆర్థిక డొమైన్‌లలో ముస్లింల ప్రాతినిధ్యం విషయానికి వస్తే అది ప్రోత్సాహకర౦గా లేదు..

 

·       మహారాష్ట్ర రాష్ట్ర జనాభాలో దాదాపు 11.5 శాతం ముస్లింలు ఉన్నారు, పశ్చిమ విదర్భ, మరాఠ్వాడా, ఉత్తర కొంకణ్ మరియు ఖాందేష్ వంటి ప్రాంతాలలో ఎక్కువ మంది ఉన్నారు.

·       ధులే, పర్భానీ, లాతూర్, అకోలా, ముంబై, నాందేడ్, థానే, భివాండి మరియు ఔరంగాబాద్‌లతో సహా గణనీయమైన ముస్లిం జనాభా కలిగిన 11 జిల్లాలు ఉన్నాయి.

·       మహారాష్ట్రలోని 11.24 కోట్ల జనాభాలో 1.3 కోట్ల మంది ముస్లింలు 11.56 శాతం ఉన్నారు.

·       ఉత్తర కొంకణ్, ఖాందేష్, మరాఠ్వాడా మరియు పశ్చిమ విదర్భలో ముస్లింలు కొంచెం ఎక్కువ సాంద్రత concentration కలిగి ఉన్నారు.

 

సెప్టెంబరు 2022లో, మహారాష్ట్ర ప్రభుత్వం "ముస్లిం సమాజం యొక్క సామాజిక, విద్యా మరియు ఆర్థిక స్థితి"పై "గణనీయమైన ముస్లిం జనాభా ఉన్న రాష్ట్రంలోని ఆరు రెవెన్యూ డివిజన్లలోని 56 నగరాల్లో" ఒక అధ్యయనాన్ని TISS ద్వారా నిర్వహించాలని ఆదేశించింది.

 

2009లో, కాంగ్రెస్ నేతృత్వంలోని ప్రభుత్వం ముస్లింల సామాజిక, ఆర్థిక మరియు విద్యా స్థితిగతులను అధ్యయనం చేయడానికి రిటైర్డ్ బ్యూరోక్రాట్ డాక్టర్ మహమూద్-ఉర్-రెహ్మాన్ నేతృత్వంలో ఐదుగురు సభ్యుల కమిటీని ఏర్పాటు చేసింది. డాక్టర్ మహమూద్-ఉర్-రెహ్మాన్ నివేదికను 2013 అక్టోబర్‌లో కాంగ్రెస్ నేతృత్వంలోని ప్రభుత్వానికి సమర్పించారు, అయితే అది ఇంకా అధికారికంగా విడుదల చేయలేదు లేదా అసెంబ్లీలో ప్రవేశపెట్టలేదు. విద్య, ఉద్యోగాల్లో ముస్లింలకు ఎనిమిది శాతం రిజర్వేషన్లు కల్పించాలని ప్యానెల్ సిఫారసు చేసింది.

 

డాక్టర్ మహమూద్-ఉర్-రెహ్మాన్ కమిటి ద్వారా ముస్లిం సమాజం చాలా పేలవమైన సామాజిక సూచికలను కలిగి ఉందని వెల్లడైంది. మహారాష్ట్ర పట్టణ ముస్లింలు షెడ్యూల్డ్ కులాలు మరియు తెగల సభ్యుల కంటే కూడా పేదవారు. మహారాష్ట్ర పట్టణ ముస్లింలు ఘెట్టోలలో నివసిస్తున్నారు ఎందుకంటే వారికి మరెక్కడా ఇల్లు దొరకదు మరియు వారికి రుణాలు ఇవ్వడంలో బ్యాంకులు జాగ్రత్త వహిస్తాయి. మహారాష్ట్రలోని 10.2 మిలియన్ల ముస్లింలు తమ జీవితంలోని దాదాపు ప్రతి అంశంలో పేదరికం, పక్షపాతం మరియు వివక్షతతో పోరాడుతున్నారని నివేదికలోని విషయాలు వెల్లడిస్తున్నాయి. "స్వాతంత్ర్యం తర్వాత మహారాష్ట్ర రాష్ట్రంలో అత్యధిక సంఖ్యలో హిందూ-ముస్లిం అల్లర్లు జరిగాయి" అని నివేదిక పేర్కొంది.

 

2014లో కాంగ్రెస్‌-ఎన్‌సీపీ సంకీర్ణ ప్రభుత్వం ముస్లింలకు ప్రభుత్వ ఉద్యోగాల్లోనూ, విద్యా రంగంలోనూ ఐదు శాతం రిజర్వేషన్లు ప్రకటించింది. కాని బొంబాయి హైకోర్టు ఒక ప్రజా ప్రయోజన వ్యాజ్యం (పిఐఎల్)కి ప్రతిస్పందనగా ప్రభుత్వ నోటిఫికేషన్‌ను పక్కన పెట్టింది, అయితే ముస్లింలకు విద్యలో మాత్రం రిజర్వేషన్లు ఇవ్వవచ్చని అంగీకరించింది.  కోర్టు తీర్పు తర్వాత, అధికారంలోకి వచ్చిన బిజెపి నేతృత్వంలోని ప్రభుత్వం కేవలం మతం ఆధారంగా రిజర్వేషన్లు ఇవ్వడానికి తాము అనుకూలంగా లేమని పేర్కొంటూ ముస్లిం రిజర్వేషన్లను కొనసాగించకూడదని నిర్ణయించుకొంది..

 

శాసన సభ/పార్లమెంట్ లో ప్రాతినిద్యం:

·       మహారాష్ట్ర ఎన్నికలలో, 288 అసెంబ్లీ సెగ్మెంట్లలో కనీసం 30 సెగ్మెంట్లను ప్రధానంగా ముస్లిం ఓటర్లు నిర్ణయిస్తారు.

·       2024 మధ్యలో ఇద్దరు ముస్లిం ఎమ్మెల్సీలు తమ పదవీకాలాన్ని పూర్తి చేసిన తర్వాత 1937లో ప్రారంభమైన తర్వాత మహారాష్ట్ర లెజిస్లేటివ్ కౌన్సిల్‌లో మొదటిసారి ముస్లిం ఎవరూ లేరు.

·       2024లో జరిగిన లోక్‌సభ ఎన్నికల్లో రాష్ట్రంలోని 48 స్థానాల్లో ఒక్కదానిలో కూడా ముస్లిం అబ్యర్ది గెలవలేదు.

·       2019 అసెంబ్లీ ఎన్నికల్లో 288 సీట్లున్న సభకు కేవలం 10 మంది ముస్లింలు మాత్రమే ఎన్నికయ్యారు.

 

·       రాష్ట్రం ఏర్పడినప్పటి నుండి, మహారాష్ట్ర నుండి 567 మంది ఎంపీలు ఎన్నికయ్యారు, వారిలో 15 మంది (2.5 శాతం) మాత్రమే ముస్లింలు.

·       మహారాష్ట్రలోని 48 లోక్‌సభ స్థానాల్లో కనీసం డజను స్థానాలకు జరిగిన ఎన్నికల్లో ముస్లిం కమ్యూనిటీ ఓట్లు కీలక పాత్ర పోషించాయి

·       మహారాష్ట్రలో మొదటి ముస్లిం ముఖ్యమంత్రి అబ్దుల్ రెహ్మాన్ అంతులే జూన్ 1980 నుండి జనవరి 1982 వరకు రెండు సంవత్సరాలు పనిచేశారు.

·       అంతులే కేంద్ర మైనారిటీ వ్యవహారాల మంత్రిత్వ శాఖకు నాయకత్వం వహించిన మొదటి వ్యక్తి అయ్యాడు.

 

·       1999లో మహారాష్ట్రలో 288 మంది సభ్యులున్న విధానసభలో అత్యధికంగా ముస్లిం ఎమ్మెల్యేలు 13 మంది ముస్లింలు ఎన్నికయ్యారు.

·       2014లో కేవలం తొమ్మిది మంది ముస్లిం ఎమ్మెల్యేలు మాత్రమే ఎన్నికైనారు

·       2019లో మహారాష్ట్ర 14వ శాసనసభ 10 మంది ముస్లిం ఎమ్మెల్యేలను కలిగి ఉంది.

·       నవంబర్ 2021 నాటికి, మహారాష్ట్రతో సహా బీజేపీ పాలిత రాష్ట్రాల్లో 151 మంది మంత్రుల్లో ఒక్క ముస్లిం మాత్రమే ఉన్నారు.

 

·       మహారాష్ట్ర శాసన సభ  తొమ్మిది స్థానాల్లో ముస్లింలు మొత్తం జనాభాలో దాదాపు 40 శాతానికి పైగా ఉన్నారు.

·       జనాభాలో 30 శాతం ముస్లింలు ఉన్న 15 స్థానాలు ఉన్నాయి.

·       జనాభాలో 10-20 శాతం మధ్య ముస్లింలు ఉన్న 38 స్థానాలు ఉన్నాయి.

·       2014లో మహారాష్ట్ర అసెంబ్లీ ఎన్నికల్లో మజ్లిస్ తొలిసారిగా ప్రవేశించి రెండు స్థానాలను కైవసం చేసుకుంది.

 

వివిధ పాలనా శాఖలలో ప్రాతినిద్యం:

 

·       మహారాష్ట్ర పోలీసులలో 72 మంది ఎస్పీలు మరియు ఏఎస్పీలలో ముగ్గురు మాత్రమే ముస్లింలు.

·       210 మంది ఎస్‌డిపిలు మరియు డిఎస్‌పిలలో ముగ్గురు మాత్రమే ముస్లింలు.

·       లా అండ్ ఆర్డర్ మరియు క్రైమ్ విభాగాలలో 1,018 ఇన్‌స్పెక్టర్లు మరియు సబ్-ఇన్‌స్పెక్టర్లలో 10 మంది ముస్లింలు.

·       215 మంది రాష్ట్ర పోలీసు సర్వీస్ అధికారులలో ఒక ముస్లిం మాత్రమే పనిచేస్తున్నారు.

 

·       మహారాష్ట్ర అడ్మినిస్ట్రేటివ్ సర్వీస్‌లో 156 మంది అధికారులు ఉన్నారు, వారిలో ఒకరు ముస్లిం..

·       డ్రగ్ కంట్రోల్ అండ్ ఇన్‌స్పెక్షన్ టీమ్‌లోని 125 మంది అధికారుల్లో నలుగురు ముస్లింలు.

·       మహారాష్ట్ర రాష్ట్ర మానవ హక్కుల కమిషన్‌లో 10 మంది సభ్యుల్లో ఒకరు ముస్లిం.

·       రాష్ట్ర మహిళా కమిషన్ సిబ్బంది మరియు ప్యానెల్‌లలో ముస్లింలు లేరు.

·       లేబర్ డిపార్ట్‌మెంట్‌లోని 21 మందిలో ముస్లిం అధికారి లేరు.

·       మహారాష్ట్ర స్టేట్ లీగల్ సర్వీసెస్ అథారిటీ ప్యానెల్‌లో 4,110 మంది న్యాయవాదులు ఉన్నారు, వారిలో 165 మంది ముస్లింలు ఉన్నారు.

·       వాణిజ్య పన్నుల శాఖలో 1,762 మంది అధికారుల్లో 26 మంది ముస్లింలు మాత్రమే ఉన్నారు.

·       రెవెన్యూ శాఖలో 53 మందిలో ముస్లిం అధికారి ఎవరూ లేరు.

·       అవినీతి నిరోధక శాఖలోని 252 మంది అధికారుల్లో ఇద్దరు ముస్లింలు మాత్రమే ఉన్నారు.

·       ప్రాసిక్యూషన్ డిపార్ట్‌మెంట్‌లోని 75 మంది అధికారుల్లో నలుగురు మాత్రమే ముస్లింలు.

·       ఎక్సైజ్ మరియు ప్రొహిబిషన్ డిపార్ట్‌మెంట్‌లోని మేనేజ్‌మెంట్ మరియు ఇన్‌స్పెక్షన్ అధికారుల జాబితాలో ముస్లింలు ఎవరూ లేరు.

·       మహారాష్ట్రలోని మూడు ఓడరేవుల్లో భారత కస్టమ్స్‌లో ఉన్న 812 మంది అధికారుల్లో కేవలం 13 మంది ముస్లింలు మాత్రమే ఉన్నారు.

 

·       1960-2021 సమయంలో, మహారాష్ట్రలో మొత్తం 183,373 MBBS వైద్యులు ఉన్నారు, వీరిలో 14,680 మంది ముస్లింలు ఉన్నారు.

 

·       మహారాష్ట్ర మెట్రో రైల్ కార్పొరేషన్ - పూణే మరియు నాగ్‌పూర్ మెట్రోలలోని 801 మంది అధికారులలో పద్నాలుగు మంది ముస్లింలు.

·       ముంబై మెట్రో రైలులో మొత్తం 443 మందిఅధికారులలో 10 మంది  ముస్లిం అధికారులు ఉన్నారు.

 

·       పబ్లిక్ వర్క్స్ డిపార్ట్‌మెంట్ (PWD)లో 148 మందిలో ఒక ముస్లిం మాత్రమే ఉన్నారు.

·       రెండు ఓడరేవుల మొత్తం 302 నిర్వహణ బృంద౦లో  ఆరుగురు మాత్రమే ముస్లింలు.

·       అటవీ శాఖలోని 43 సీనియర్ మేనేజ్‌మెంట్ బృందంలో ఒక్క ముస్లిం అధికారి కూడా లేరు.

 

·       47 మంది డైరెక్టర్ జనరల్ ఆఫ్ మహారాష్ట్ర పోలీస్‌లలో ఒకరు మాత్రమే(1968లో) ముస్లింగా ఉన్నారు.

·       మహారాష్ట్రలోని 23 మంది గవర్నర్‌లలో నలుగురు ముస్లింలు.

·       మొత్తం 44 మంది బాంబే హైకోర్టు ప్రధాన న్యాయమూర్తులలో  ఒక ముస్లిం మాత్రమే బాంబే హైకోర్టు ప్రధాన న్యాయమూర్తిగా ఉన్నారు,

·       మొత్తం 492 మంది  బాంబే హైకోర్టు న్యాయమూర్తులలో  కేవలం 11 మంది మాత్రమే ముస్లింలు.

·   

పోలీసు బలగాల్లో మొత్తం 797 మంది అమరవీరుల్లో ఇరవై నాలుగు మంది ముస్లింలు.

నేషనల్ క్రైమ్ రికార్డ్స్ బ్యూరో (NCRB) ప్రకారం, 2014 నుండి మహారాష్ట్ర పోలీస్ ఫోర్స్‌లో ముస్లింలు 3.81 శాతం మాత్రమే ఉన్నారు, అయితే శిక్ష పడిన ఖైదీలలో convicted prisoners ముస్లింల వాటా 25.5 శాతంగా ఉంది, ఇది దేశంలో రెండవ అత్యధికం.

 

 

Source: Clarion India Date:November 6, 2024