ఇస్లామిక్ స్వర్ణ యుగ వికాసం లో భారతీయుల సహకారం India’s Contribution in Islamic Golden Age

 

హౌస్ ఆఫ్ విజ్డమ్ లోని పండితులు

 “భారతీయులు జ్యోతిష్యం, గణితం, భాషలు మరియు వైద్యంలో ప్రావీణ్యం కలిగి ఉన్నారు. భారతీయులు అనేక దీర్ఘకాలిక వ్యాధులకు నివారణలను కలిగి ఉన్నారు. శిల్పం, పెయింటింగ్‌, వాస్తు శాస్త్రం లో రాణిస్తారు. అరబ్బులు భారతీయులనుండి వైద్యం, తత్వశాస్త్రం మరియు ఇతర జ్ఞానంపై అనేక పుస్తకాలను గ్రహించారు”- 8వ శతాబ్దపు అరబ్ పండితుడు అల్-జాహిజ్ భారతీయలను ఈ విధంగా వర్ణించాడు.

8-14 శతాబ్దాలను  'ఇస్లాం యొక్క స్వర్ణయుగం' అని పిలుస్తారు.  అబ్బాసిడ్ పాలనలో అరబ్బులు సైన్స్, టెక్నాలజీ, ఫిలాసఫీ మరియు సైన్స్‌లలో రాణించారని చరిత్రకారులలో దాదాపు ఏకాభిప్రాయం ఉంది. అబ్బాసిద్ పాలనలో ముఖ్యమైన మంత్రి పదవులు నిర్వహించిన బర్మాకిద్ కుటుంబం, అరబ్బులలో ఈ విద్యా పునరుజ్జీవనాన్ని పెంపొందించడం వెనుక ఉన్న వ్యక్తులుగా భావిస్తున్నారు.

బార్మాకిడ్‌లు వాస్తవానికి బాల్ఖ్ (ప్రస్తుతం ఆఫ్ఘనిస్తాన్‌లో ఉన్నారు) మరియు వారి కుటుంబ అధిపతి ఖలీద్ ఇబ్న్ బర్మాక్ ఇస్లాం మతంలోకి మారడానికి ముందు బౌద్ధ (లేదా కొన్ని మూలాల ప్రకారం హిందూ) ఆశ్రమానికి నాయకత్వం వహించారు మరియు ఉమయ్యద్ కోర్టులో చేరారు 

ఖలీద్ అబ్బాసిద్ ఖలీఫ్ అల్-సఫా మరియు అల్-మన్సూర్ ఆధ్వర్యంలో అత్యంత ముఖ్యమైన మంత్రులలో ఒకడు అయ్యాడు. ఖలీద్ ఇబ్న్ బర్మాక్ మరియు తరువాత అతని మనవడు యాహ్యా బర్మాకి, బాగ్దాద్‌లో హౌస్ ఆఫ్ విజ్డమ్ స్థాపనలో ముఖ్యమైన పాత్ర పోషించారు. బార్మకిడ్స్ సంస్కృతం తెలిసిన భారతీయ పండితులను బాగ్దాద్ కు ఆహ్వానించారు.

అరబ్బులు భారతీయుల నుండి సంఖ్య విధానాన్ని నేర్చుకున్నారు అనేది రహస్యం కాదు. ఒక భారతీయ పండితుడిని అబ్బాసిడ్ ప్రభువులు  బాగ్దాద్ లోని హౌస్ ఆఫ్ విజ్డమ్ కు ఆహ్వానించగా  ఆ భారతీయ పండితుడు సిద్ధాంత్ అనే సంస్కృత గ్రంథాన్ని అనువదించాడు మరియు అరబ్బులకు భారతీయ గణితాన్ని మరియు ఖగోళ శాస్త్రాన్ని పరిచయం చేసినాడు.. అనేకమంది భారతీయ పండితులు బాగ్దాద్‌కు వెళ్లారు మరియు ఆర్యభట్ట, బ్రహ్మగుప్తుడు మొదలైన వారి గ్రంథాలు సంస్కృతం నుండి అరబిక్‌లోకి అనువదించబడ్డాయి.

బీజగణితానికి మార్గదర్శకుడు మరియు ఆల్గారిథమ్ అనే పదాన్ని ప్రేరేపించిన అల్-ఖ్వారిజ్మీ, భారతీయ భారతీయ పండితుల వద్ద గణితం నేర్చుకున్నాడు. అంకెలను  మొదట అరబ్బులకు భారతీయులు పరిచయం చేయగా వారినుంచి అవి అరబిక్ అంకెల రూపం లో యూరప్ లో ప్రాచుర్యం పొందినవి 

ఒక భారతీయ పండితుడు బ్రహ్మసప్ట్ సిద్ధాంతాన్ని Brahmsapt Siddhant  అరబిక్ లోకి అనువదించి బోధించాడు మరియు ఆర్యభట్ రచనలు కూడా బాగ్దాద్‌కు చేరుకున్నాయి. ఖగోళ శాస్త్ర జ్ఞానాన్ని అరబ్బులు భారతియలుల నుంచి నేర్చుకొని దానిని మరింత అభివృద్ధి చేసారు.  

9వ శతాబ్దపు అరబ్ పండితుడు, అబూ మషార్, ఆర్యభట్ అభివృద్ధి చేసిన కల్ప అనే భారతీయ భావనను స్వీకరించారు, ఇది తరువాత అరబ్బులచే ఖగోళశాస్త్రంపై అనేక గ్రంథాలకు ఆధారమైంది. అరబ్బులలో ప్రబలంగా ఉన్న ఔషధాల పరిజ్ఞానం ఎక్కువగా గ్రీకులకు ఆపాదించబడింది, ఇది కొంతవరకు సరైనది, అయితే వారి జ్ఞానంలో ఎక్కువ భాగం భారతీయ వైడ్స్ Vaids (వైద్యులు) నుండి వచ్చింది.

ఒకసారి ఖలీఫ్ హరున్ రషీద్ ఒక వ్యాధితో అనారోగ్యంతో ఉన్నాడు మరియు ఖలీఫ్ హరున్ రషీద్ సామ్రాజ్యంలో ఏ వైద్యుడిచే అతని రోగం నయం చేయబడలేదు. యాహ్యా బార్మిక్ ఒక భారతీయ వైద్‌ను తీసుకురావడానికి భారతదేశానికి ఒక దూతను పంపాడు, భారతీయ వైద్‌ మంకా పండిట్ ఖలీఫ్ హరున్ రషీద్ కి విజయవంతంగా చికిత్స చేశాడు మరియు భారతీయ వైద్యం బోధించడానికి బాగ్దాద్‌లో ఉన్నాడు. ఇబ్న్ ధన్ (ధనపతి) బాగ్దాద్‌లోని ఒక ఆసుపత్రికి డైరెక్టర్‌గా నియమించబడిన మరొక భారతీయుడు.

భారతీయ వైద్యం యొక్క కీర్తి అత్యున్నత స్థాయికి ఖలీఫ్ హరున్ రషీద్ కాలం లో చేరింది.  ఒకసారి ఖలీఫ్ హరున్ రషీద్ యొక్క బంధువు ఇబ్రహీం మరణించినట్లు గ్రీకు వైద్య నిపుణుడు రాజ వైద్యుడు అయిన గాబ్రియేల్ ప్రకటించినాడు. ప్రఖ్యాత భారతీయ వైద్ భీయ Bhea కుమారుడు సాలి గ్రీక్ వైద్యుడు గాబ్రియేల్ ని సవాలు చేశాడు. ఇబ్రహీంను శవపేటికలోంచి బయటకు తీసుకొచ్చి సాలి ఇబ్రహీం ముక్కులో మందు ఊదాడు. పది నిముషాల తర్వాత ఇబ్రహీం తుమ్మి లేచాడు. సాలి దానిని మూర్ఛ వ్యాధిగా నిర్ధారించారు.

సుశ్రుత, చరక్ మరియు ఆయుర్వేదాలను అనువదించడానికి మరియు బోధించడానికి భారతీయ పండితులతో  బాగ్దాద్‌లో ఒక విభాగం సృష్టించబడింది. భారతీయ ఔషధ మొక్కలు మరియు ఇతర చికిత్సలను అధ్యయనం చేయడానికి భారతదేశానికి ఒక మిషన్ పంపబడింది. సుశ్రుత, కనకాయన, శాండిల్య, యశోధర మరియు ఇతరుల గ్రంథాలు అనువదించబడ్డాయి మరియు అరబ్ విజ్ఞాన వ్యవస్థలో భాగమయ్యాయి.

 

నీతి, పాలన మరియు నైతికత యొక్క భారతీయ సంస్కృత గ్రంథాలు అరబిక్‌లోకి అనువదించబడ్డాయి. ఈ గ్రంథాలు అరబ్ పండితుల తరువాత అనేక రచనలకు పునాదిగా మారాయి.

ఇబ్న్ అల్ నదీమ్ మరియు అల్-జాహిజ్ వంటి అరబ్ పండితులచే గుర్తించబడిన భారతీయ పండితులలో మంకా పండిట్, ఇబ్న్ ధన్, పండిట్ రుసా (మహిళ) మరియు పండిట్ సావ్‌బారం Savbaram. ఉన్నారు.

అరబ్బులు భారతీయ జ్ఞాన వ్యవస్థను నేర్చుకొని  దానిని తమ జ్ఞానంతో మేళవించారు.  9వ శతాబ్దపు అరబ్ పండితుడు యాకుబీ ఇలా వ్రాశాడు, “ఖగోళ శాస్త్రం మరియు వైద్యశాస్త్రంలో భారతీయులు నైపుణ్యం కలవారు. చైనీయులు మరియు పర్షియన్లు వారి నుండి నేర్చుకున్నారు.అరబ్బులు భారతీయుల నుండి విజ్ఞాన శాస్త్రాలు, తత్వశాస్త్రం మరియు సాహిత్యాన్ని నేర్చుకొని వాటిని అభివృద్ధి చేసి మిగతా ప్రపంచానికి అందించారు.