న్యాయం, సత్యం కోసం నిలబడటం మన కర్తవ్యo అని ముహర్రం గుర్తు చేస్తుంది Muharram reminds us of our duty to stand up for justice, truth

 

ముహర్రం, ఇస్లామిక్ క్యాలెండర్ యొక్క మొదటి నెల. ముహర్రం ముస్లింలకు ఆత్మపరిశీలన మరియు స్మరణ కాలంగా ప్రాముఖ్యతను కలిగిన నెల.  ప్రతి సంవత్సరం ముహర్రం 10వ రోజున (అషురా) ముస్లింలు ప్రపంచవ్యాప్తంగా ప్రవక్త ముహమ్మద్ మనవడు హుస్సేన్ ఇబ్న్ అలీ యొక్క బలిదానాన్ని స్మరించుకుంటారు.

మహ్మద్ ప్రవక్త(స) శాంతి, సహనం, మానవత్వం, సౌభ్రాతృత్వం సందేశాన్ని అందించారు. శాంతి బోధలను బని ఉమ్మయ అనే దుర్మార్గుల సమూహం ఎక్కువగా వ్యతిరేకించింది.ఉమ్మయ్యద్ సమూహంలో అత్యంత ఘోరమైన మరియు ప్రమాదకరమైన వ్యక్తి ముయావియా కుమారుడు యాజిద్. ముయావియా కుమారుడు యాజిద్ క్రూరమైనవాడు. సిరియాలోని కాలిఫేట్ పీఠాన్ని బలవంతంగా అధిరోహించిన తర్వాత, యాజిద్ ఇమామ్ హుస్సేన్ నుండి విశ్వాసుల కమాండర్ మరియు ఆధ్యాత్మిక నాయకుడిగా గుర్తింపు పొందాలనుకొన్నాడు.. కాని ఇమామ్ హుస్సేన్, ఒక గొప్ప వ్యక్తి, ఇస్లాం యొక్క ఖలీఫాగా యాజిద్‌ను అంగీకరించడానికి నిరాకరించాడు.

మొహర్రం 10వ తేదీన 71 మంది కుటుంబ సభ్యులు, సహచరులతో కలిసి హుస్సేన్ హత్యకు గురయ్యాడు. సత్యం మరియు అసత్యం మధ్య జరిగిన ఈ యుద్ధంలో, హజ్రత్ ఇమామ్ హుస్సేన్ యొక్క 72 మంది సహచరులు తమ ముందున్న 4,000 మంది సైన్యాన్ని ఎదుర్కోవడానికి సిద్ధంగా ఉన్నారు. వీర, ధైర్యసాహసాలు కలిగిన ఈ యోధులు హజ్రత్ ఇమామ్ హుస్సేన్ నుండి ఆశీస్సులు పొంది యుద్ధరంగంలోకి ప్రవేశించారు. హజ్రత్ ఇమామ్ హుస్సేన్ అనుచరులు నిర్భయంగా పోరాడి, లొంగని ధైర్యసాహసాలు ప్రదర్శించి, చివరికి వీరమరణం పొందారు.

హజ్రత్ ఇమామ్ హుస్సేన్ యొక్క ఆరు నెలల పసివాడు, అలీ అస్గర్‌తో సహా ఇమామ్ హుస్సేన్ అనుచరుల తలలు శరీరాల నుండి వేరు చేయబడ్డాయి మరియు బల్లాలపై వేలాడాయి. అనుచరుల శరీరాలు గుర్రాలచే తొక్కబడ్డాయి. స్త్రీలు మరియు పిల్లలు  బందీలు అయ్యారు. హుస్సేన్ యుద్ధంలో ఓడిపోయినప్పటికీ సత్యం,  ధర్మంగా  గెలిచాడు. హజ్రత్ ఇమామ్ హుస్సేన్ ఒక దుర్మార్గుని చేతిలో బైఅత్ [విధేయత యొక్క ప్రతిజ్ఞ] చేయాలని కోరుకోలేదు; అసత్యంపై సత్యం, అధర్మం పై ధర్మం విజయం పొందాలనుకొన్నాడు.

ముహర్రం 10వ తేదీన (అషురా) ముస్లింలు ఈ ముఖ్యమైన సంఘటనను హుస్సేన్ మరణం గురించి ప్రత్యేక ప్రార్థన సేవల్లో పాల్గొనడం వంటి సంతాప ఆచారాలలో పాల్గొoటారు. కొంతమంది వ్యక్తులు ఇమామ్ హుస్సేన్ బలిదానం కోసం గుర్తుగా వారి ఛాతీ (మాతమ్)ని బాదుకొంటారు.

ప్రపంచవ్యాప్తంగా ఉన్న ముస్లింలకు అషూరా చాలా ముఖ్యమైన రోజు. కర్బలాలో హుస్సేన్ చేసిన త్యాగమును అణచివేత మరియు అన్యాయాన్ని ఎదిరించడం ద్వారా గుర్తుoచుకొంటారు. ప్రతి ఒక్కరూ హుస్సేన్ నాయకత్వాన్ని అనుసరించడానికి ప్రయత్నిస్తారు.

మొహర్రం మాసం అంతటా, ప్రపంచం అంతటా ముఖ్యంగా మొహర్రం 7వ తేదీ నుండి 10వ తేదీ వరకు ఇమామ్ హుస్సేన్ పట్ల సంతాపాన్ని ప్రదర్శించే ఊరేగింపులు, ఇతర ప్రదర్సనలు జరుగుతాయి. షియా కుటుంబాలు ముహర్రం రోజులలో సంతాపం, శోకo ప్రదర్శిస్తారు.