నవాబ్ సయ్యద్ మహమ్మద్ బహదూర్ (1867 -1919) జాతీయ సమైక్యత కోసం పోరాడారు Nawab Syed Mahommed Bahadur (1867 -1919) fought for national unity

•  

మహాత్మా గాంధీ అని పిలువబడే  మోహన్‌దాస్ కరంచంద్ గాంధీ భారత స్వాతంత్ర్య పోరాటాన్ని ఒక సామూహిక ఉద్యమంగా మార్చిన వ్యక్తిగా తరచుగా పేర్కొనబడతారు. కాని గాంధీజీని అధికారికంగా దేశానికి పరిచయం చేసిన వ్యక్తి నవాబ్ సయ్యద్ మహమ్మద్ బహదూర్ అని మరియు దక్షిణాఫ్రికా నుండి తిరిగి రావడానికి మార్గం సుగమం చేసిన వ్యక్తి అని ప్రస్తుత భారతదేశంలో చాలా తక్కువ మందికి తెలుసు. 

నవాబ్ సయ్యద్ మహమ్మద్ బహదూర్, టిప్పు సుల్తాన్ యొక్క ప్రత్యక్ష వారసుడు మరియు  20వ శతాబ్దం ప్రారంభంలో ప్రముఖ జాతీయవాదులలో ఒకరు. నవాబ్ సయ్యద్ మహమ్మద్ బహదూర్ రాజ్యాంగ పద్ధతులను విశ్వసించాడు. నవాబ్ సయ్యద్ మహమ్మద్ బహదూర్ మితవాది, వలస పాలకుల నుండి రాయితీలను గెలుచుకోవడానికి పిటిషన్లను విశ్వసించాడు. గోపాల్ కృష్ణ గోఖలే, దాదాభాయ్ నౌరోజీ మరియు బహదూర్ వంటి నాయకులు జాతీయ స్వాతంత్ర్య ఉద్యమానికి పునాదులు వేసారు.

సయ్యద్ మహమ్మద్ బహదూర్ భారత జాతి సేవకు అంకితమయ్యాడు. సయ్యద్ మహమ్మద్ బహదూర్ తండ్రి మీర్ హుమాయున్ బహదూర్ భారత జాతీయ కాంగ్రెస్ యొక్క ప్రారంభ సమావేశాలకు నిధులు సమకూర్చారు మరియు సయ్యద్ మహమ్మద్ బహదూర్ ముత్తాత టిప్పు సుల్తాన్ వీరోచితాలు ప్రసిద్ధి చెందాయి

 1894లో నవాబ్ సయ్యద్ మహమ్మద్ బహదూర్ కాంగ్రెస్‌లో చేరారు. నవాబ్ సయ్యద్ మహమ్మద్ బహదూర్ లౌకిక జాతీయ దృక్పథం ఉన్న వ్యక్తి, నవాబ్ సయ్యద్ మహమ్మద్ బహదూర్ గురించి ప్రముఖ స్వాతంత్ర్య సమరయోధుడు పట్టాభి సీతారామయ్య " నవాబ్ సయ్యద్ మహమ్మద్ బహదూర్ మొదట కాంగ్రెస్‌వాది మరియు తరువాత ముస్లిం" అని రాశారు.

1898లో సయ్యద్ మహమ్మద్ బహదూర్ మద్రాసు కాంగ్రెస్ కమిటీ సభ్యుడిగా, మూడు సంవత్సరాల తర్వాత భారత కాంగ్రెస్ కమిటీకి ఎన్నికయ్యారు. 1903, 19వ సెషన్‌లో, రిసెప్షన్ కమిటీకి అధ్యక్షత వహించాడు మరియు మరుసటి సంవత్సరం కాంగ్రెస్ కోసం రాజ్యాంగాన్ని రూపొందించే బాధ్యతను సయ్యద్ మహమ్మద్ బహదూర్ కి అప్పగించారు.

1913లో కరాచీలో జరిగిన 28వ భారత జాతీయ కాంగ్రెస్ సెషన్‌కు  నవాబ్ సయ్యద్ మహమ్మద్ బహదూర్  అధ్యక్షుడిగా ఎన్నికయ్యారు. తద్వారా కాంగ్రెస్‌కు మూడో ముస్లిం అధ్యక్షుడయ్యాడు. సయ్యద్ మహమ్మద్ బహదూర్ పదవీకాలంలో, ఒప్పంద కార్మికులను నిషేధించాలని బ్రిటిష్ ప్రభుత్వాన్ని కోరుతూ కాంగ్రెస్ ఒక తీర్మానాన్ని ఆమోదించింది. అలాగే, కాంగ్రెస్ కరాచీ సెషన్‌లో ఆమోదించిన మరో నోట్ "శ్రీ. గాంధీ మరియు అతని అనుచరుల వీరోచిత ప్రయత్నాలకు ప్రశంసలు మరియు భారతదేశ ఆత్మగౌరవం మరియు భారతీయ మనోవేదనల పరిష్కారం కోసం వారి పోరాటంలో వారి అసమాన త్యాగం.

కాంగ్రెస్ చరిత్ర కర్త " సీతారామయ్య ఇలా అంటాడు, " నవాబ్ సయ్యద్ మహమ్మద్ బహదూర్, మిస్టర్ గాంధీని భారతదేశానికి నిజమైన పరిచయం చేసాడని చెప్పవచ్చు". దాదాపు ఒక సంవత్సరం తరువాత, గాంధీ దక్షిణ ఆఫ్రికా నుండి  అణగారిన ప్రజల పోరాట యోధుడిగా భారతదేశానికి తిరిగి వచ్చారు

నవాబ్ సయ్యద్ మహమ్మద్ బహదూర్ గాంధీ రాజకీయ ప్రయాణానికి కావలసిన రోడ్‌మ్యాప్‌ను అందించాడు. టర్కీ సమగ్రతను కాపాడేందుకు హిందువులు మరియు ముస్లింలు ఐక్యంగా నిలిచిన ఖిలాఫత్ మరియు సహాయ నిరాకరణ ఉద్యమాల ఫలితంగా గాంధీ మహాత్ముడు అయ్యాడు. నవాబు సయ్యద్ మహమ్మద్ బహదూర్ తన ప్రసంగంలో, "ఐరోపాలో ఒట్టోమన్ సామ్రాజ్యాన్ని అణచివేయడం మరియు పర్షియా గొంతు నొక్కడం" అనే అంశంపై హిందువులు, ముస్లింలు ఐక్యంగా ఉద్యమించాలని, బ్రిటీష్ సామ్రాజ్య నియంతృత్వ విధానాలను సవాలు చేయాలని సభికులను ఉద్దేశించి అన్నారు.

నవాబ్ సయ్యద్ మహమ్మద్ బహదూర్ కరాచి కాంగ్రెస్ అధ్యక్ష ప్రసంగం గురించి కాంగ్రెస్ చరిత్ర కర్త సీతారామయ్య ఇలా  రాశారు;

“ఇది మనకు 1921 నాటి ఖిలాఫత్ ఉద్యమం మరియు భారతదేశంలోని హిందూ-ముస్లిం సంబంధాలపై దాని పరిణామాలను గుర్తుచేస్తుంది. 'ది సిక్ మ్యాన్ ఆఫ్ యూరప్' (టర్కీని 19వ శతాబ్దంలో పిలిచినట్లు) భారత రాజకీయాల గమనాన్ని రూపొందించడంలో చెప్పుకోదగ్గ పాత్ర పోషించింది. కరాచీ కాంగ్రెస్ (1913)లో హిందువులు మరియు ముస్లింలు ఐక్యమయ్యారు.

మత విభజన, మత దురభిమానానికి వ్యతిరేకంగా అలుపెరగని పోరాటం చేసి, వలస పాలకులకు వ్యతిరేకంగా భవిష్యత్తు పోరాటానికి దేశాన్ని ఏకం చేసేందుకు ప్రయత్నించిన దేశభక్తుడు నవాబ్ సయ్యద్ మహమ్మద్ బహదూర్ ని చాలా వరకు మరచిపోయారు. నవాబ్ సయ్యద్ మహమ్మద్ బహదూర్ 12 ఫిబ్రవరి 1919న ఈ లోకాన్ని విడిచి స్వర్గలోకానికి ప్రయాణమయ్యారు.