అల్-నువైరీ1279-1333 Al-Nuwayri1279-1333

 

అల్-నువైరీ పూర్తి పేరు షిహాబ్ అల్-దిన్ అహ్మద్ బిన్ అబ్ద్ అల్-వహ్హాబ్ అల్-నువైరీ. అల్-నువైరీ 1279లో  ఈజిప్టు లోని అఖ్మీమ్‌లో జన్మించారు. అల్-నువైరీ కైరోలోని అల్-అజార్ విశ్వవిద్యాలయంలో చదువుకున్నాడు, చరిత్రతో పాటు హదీసులు మరియు సిరా అధ్యయనంలో నైపుణ్యం సాధించాడు. నగీషీ వ్రాతలో నైపుణ్యం కలిగి అల్-నువైరీ “సాహిహ్ అల్-బుఖారీ” కాపి ని రాసినాడు.

అల్-నువైరీ ఈజిప్షియన్ ముస్లిం చరిత్రకారుడు మరియు బహ్రీ మమ్లుక్ రాజవంశం యొక్క సివిల్ సర్వెంట్. అల్-నువైరీ సుల్తాన్ అన్-నాసిర్ ముహమ్మద్ పరిపాలనలో సివిల్ సర్వెంట్‌గా పనిచేశాడు, సుల్తాన్‌కు ప్రాపర్టీ మేనేజర్ మరియు ట్రిపోలీలోని ఆర్మీ ఫైనాన్స్‌ల సూపరింటెండెంట్‌తో సహా వివిధ విధులను నిర్వహించాడు.

అల్-నువైరీ “ది అల్టిమేట్ యాంబిషన్ ఇన్ ది ఆర్ట్స్ ఆఫ్ ఎరుడిషన్ నిహాయత్ అల్-అరబ్ ఫెటైన్-ఫున్ The Ultimate Ambition in the Arts of Erudition , Nihāyat al-arab fī funūn al-adab))” అన్న  మామ్లుక్ శకం యొక్క జంతు శాస్త్రం, శరీర నిర్మాణ శాస్త్రం, చరిత్ర, కాలక్రమం, మొదలగు వాటిపై 9,000-పేజీల ఎన్‌సైక్లోపీడియా సంకలనం చేసినాడు.

అల్-నువైరీ యొక్క ఎన్సైక్లోపీడియా, “ది అల్టిమేట్ యాంబిషన్ ఇన్ ది ఆర్ట్స్ ఆఫ్ ఎరుడిషన్” ఐదు విభాగాలుగా విభజించబడింది:

1. భౌగోళికం మరియు ఖగోళ శాస్త్రం

2. మనిషి, మరియు అతనికి సంబంధించినది

3. జంతువులు

4. మొక్కలు

5. చరిత్ర

మొదటి నాలుగు సబ్జెక్టులు 10 వాల్యూమ్‌లను కలిగి ఉండగా, చివరిగా 21 సంపుటాలు నింపబడ్డాయి.

అల్-నువైరీ తన ఎన్సైక్లోపీడియాను అనేక మునుపటి రచనల ఆధారంగా రూపొందించాడు. వాస్తవానికి, పుస్తకం రెండులో ఆర్థిక కార్యదర్శిత్వానికి సంబంధించిన చర్చ మరియు ఐదు పుస్తకంలోని కొన్ని చారిత్రక అంశాలు మాత్రమే పూర్తిగా అసలైన భాగాలు. మిగిలిన పని జమాల్ అల్-దిన్ అల్-వాట్వాట్ మరియు అవిసెన్నా యొక్క కానన్ ఆఫ్ మెడిసిన్, డిలైట్‌ఫుల్ కాన్సెప్ట్స్ మరియు పాత్ టు ప్రిసెప్ట్స్ (మబాహిజ్ అల్-ఫికర్ వా మనహిజ్ అల్-ఇబార్)తో సహా అనేక గ్రంథాల సంకలనం.

అల్-నువైరీ సిరియాపై  మంగోలుల ఆక్రమణకు సంబంధించి తన విస్తృతమైన కృషికి అల్-నువైరీ ప్రసిద్ది చెందాడు. అల్-నువైరీ తన ఎన్సైక్లోపీడియాను సుమారు 1314 సంవత్సరంలో ప్రారంభించాడు మరియు దానిని 1333లో పూర్తి చేశాడు. అల్-నువైరీ కైరో లో 54సంవత్సరాల వయస్సులో 1333లో మరణించినాడు.