చెన్నై విద్యావేత్త నిఖత్ ఫాతిమా Nikhath Fatima, An Educator of Chennai

 

 

“ముస్లిం సమాజంలో మార్పును బయటి నుండి రుద్దలేము; అది లోపలి నుండే రావాలి. మన అమ్మాయిలు ఉన్నత విద్యను అభ్యసించి, తమ హక్కుల కోసం నిలబడేంత వరకు, ఈ తిరోగమన మనస్తత్వం మారదు.”-నిఖత్ ఫాతిమా సుహైల్

నిఖత్ ఫాతిమా సుహైల్ ఒక విద్యావేత్త మరియు సాంఘిక సంస్కర్త. నిఖత్ ఫాతిమా బాలికల సాధికారతకు, డిస్లెక్సియాతో బాధపడుతున్న పిల్లలకు మద్దతు ఇవ్వడానికి, మరియు వితంతువులు, ఒంటరి తల్లులకు అవకాశాలు కల్పించడానికి అంకితమయ్యారు.

చెన్నైలోని ఒక ప్రముఖ ముస్లిం కుటుంబంలో జన్మించిన నిఖత్ ఫాతిమా, ఒక ఉపాధ్యాయురాలు మరియు  ఆమె పూర్వీకులు ఆర్కాట్ నవాబుల కుటుంబానికి చెందినవారు.

నిఖత్ ఫాతిమా ప్రత్యేకమైన విద్యా విధానం Special Education విభాగం లో శిక్షణ పొందడమే కాకుండా, చెన్నైలో ఐదు ప్రత్యేక అభ్యసన కేంద్రాలను కూడా స్థాపించారు నిఖత్ ఫాతిమా స్థాపించిన ఐదు ప్రత్యేక అభ్యసన కేంద్రాలలో, సాంప్రదాయ పద్ధతుల ద్వారా సమర్థవంతంగా నేర్చుకోలేని డిస్లెక్సియాతో బాధపడుతున్న పిల్లలను, ఆటల పద్ధతి మరియు ప్రత్యేక చికిత్స ద్వారా విద్య నేర్పి ప్రధాన స్రవంతి విద్యలో విలీనం చేస్తారు.

నిఖత్ ఫాతిమా ప్రత్యేక అభ్యసన కేంద్రాలలో విద్యావేత్తలుగా పనిచేయడానికి ఒంటరి తల్లులను మరియు వితంతువులను ఎంచుకున్నారు. వారికి ప్రత్యేక శిక్షణను అందించారు.

నిఖత్ ఫాతిమా సుహైల్ ముఖ్యంగా ముస్లిం బాలికలు మరియు ఆర్థికంగా వెనుకబడిన వర్గాల విద్యార్థుల సాధికారతను లక్ష్యంగా చేసుకొని అనేక ముఖ్యమైన క్షేత్రస్థాయి కార్యక్రమాలను చేపట్టారు.

ప్రస్తుతం, నిఖత్ ఫాతిమా ఎం.డబ్ల్యూ.ఏ. మెట్రిక్యులేషన్ మరియు హయ్యర్ సెకండరీ స్కూల్ ప్రిన్సిపాల్‌గా పనిచేస్తున్నారు. ప్రిన్సిపాల్‌గా ఆమె 1,500 మందికి పైగా బాలికలకు నాణ్యమైన విద్యను అందిస్తున్నారు.

బాలికలకు కేవలం మత విద్యే కాకుండా సైన్స్, కంప్యూటర్ విద్య, ఇతర ఆధునిక విషయాలపై కూడా అవగాహన కల్పించాలని, తద్వారా వారు స్వయం సమృద్ధి సాధించగలరని నిఖత్ ఫాతిమా నమ్ముతారు.

బాలికలు, మహిళలను ఆర్థికంగా స్వతంత్రులుగా చేయడం పై  నిఖత్ ఫాతిమా దృష్టి సారించారు.నిఖత్ ఫాతిమా ఆర్ధికంగా బలహీనమైన కుటుంబాలకు చెందిన యువతీ, మహిళలకు శిక్షణ ఇచ్చి, నెలకు ₹30,000 వరకు సంపాదించగల ఉద్యోగాలు పొందడంలో సహాయం చేస్తారు.”

నిఖత్ ఫాతిమా, అకాడమీ ఫర్ విమెన్ ద్వారా, కళాశాలకు వెళ్లే బాలికల కోసం, అలాగే బడి మానేసిన బాలికల కోసం ప్రత్యేక వృత్తి విద్యా శిక్షణా కార్యక్రమాలను నిర్వహిస్తున్నారు. వారికి కంప్యూటర్ కోడింగ్, టైలరింగ్, గ్రాఫిక్ డిజైన్ మరియు ఇతర వృత్తి నైపుణ్యాలలో శిక్షణ ఇస్తారు.

ఆర్థికంగా వెనుకబడిన కుటుంబాల బాలికలు ఎలాంటి అంతరాయం లేకుండా తమ విద్యను కొనసాగించేలా చూసేందుకు, నిఖత్ ఫాతిమా ప్రత్యేక నిధులను మరియు స్కాలర్‌షిప్ సహాయాన్ని ఏర్పాటు చేస్తున్నారు.

నిఖత్ ఫాతిమా తన పాఠశాలలో వితంతువులు మరియు ఒంటరి తల్లుల కుమార్తెలకు పాఠశాల ఫీజులు మరియు పాఠ్యపుస్తకాలలో ప్రత్యేక రాయితీలు లభిస్తాయి. తద్వారా వీరు విద్యకు దూరం కాకుండా చూస్తున్నారు.

నిఖత్ ఫాతిమా తల్లిదండ్రుల కోసం ప్రత్యేక అవగాహన సదస్సులను నిర్వహిస్తారు, అక్కడ బాలికలకు ఉన్నత విద్య మరియు ఆర్థిక స్వాతంత్ర్యం ఎందుకు అవసరమో వివరిస్తారు.

సుమారు 2015లో, నిఖత్ ఫాతిమా ఆల్ ఇండియా ముస్లిం పర్సనల్ లా బోర్డ్ (AIMPLB) యొక్క చెన్నై శాఖలో సభ్యురాలిగా చేరారు. ఈ ప్రభావవంతమైన సంస్థలో ఉంటూ ఇస్లామిక్ న్యాయశాస్త్ర పరిధిలో ముస్లిం మహిళల సామాజిక మరియు చట్టపరమైన సమస్యలను (విడాకులు, భరణం, మరియు మహిళల హక్కులు వంటివి) లేవనెత్తడం మరియు వారికి అనుకూలంగా సంస్కరణల కోసం వాదించడం.అయితే 2016లో, సైద్ధాంతిక విభేదాల కారణంగా, నిఖత్ ఫాతిమా ఆల్ ఇండియా ముస్లిం పర్సనల్ లా బోర్డ్ (AIMPLB) యొక్క చెన్నై శాఖలో తన పదవికి రాజీనామా చేశారు.

నిఖత్ ఫాతిమా ఒక విశిష్ట సామాజిక కార్యకర్త మరియు తన సూత్రాలకు ఎల్లప్పుడూ కట్టుబడి ఉండే ప్రభావవంతమైన మహిళ. తన అచంచలమైన నిబద్ధతతో, ముఖ్యంగా మహిళా సాధికారత మరియు సామాజిక అభ్యున్నతిని పెంపొందించడం ద్వారా సమాజానికి స్ఫూర్తినిస్తూనే ఉన్నారు.…