సయీద్ సుల్తానా(1936-2005): టేబుల్ టెన్నిస్ ప్రపంచాన్ని ఆశ్చర్యపరిచిన హైదరాబాదీ వండర్ గర్ల్ Sayeed Sultana : Wonder Girl From Hyderabad Who Stunned the World of Table Tennis

 

 

అది 1951, ఆస్ట్రియా రాజధాని  వియన్నా నగరం. వియన్నా లో జరగుతున్న  ప్రపంచ టేబుల్ టెన్నిస్ ఛాంపియన్‌షిప్‌లో, రొమేనియాకు చెందిన ఏంజెలికా రోజెన,  14 ఏళ్ల భారతీయ బాలిక తో పోటీ పడుతున్నారు. పోటీ చరిత్రలో ఏంజెలికా ఎన్నడూ అనేక గేమ్స్ ఓడిపోలేదు. మ్యాచ్ సమయంలో స్పోర్ట్స్ కరస్పాండెంట్లందరూ లేచి స్నాక్స్ తీసుకుoటున్నారు. ఏంజెలికా మ్యాచ్  ను సునాయాసం గా గెలుస్తుందని అందరు నిశ్చయంగా ఉన్నారు.. ప్రతి ఒక్కరినీ ఆశ్చర్యపరిచే విధంగా, అక్కడ ఉన్న ప్రేక్షకులు  ఆంజెలికా ఒక గేమ్ లో ఓడిoదని తెలియజేయడానికి స్పోర్ట్స్ కరస్పాండెంట్‌ల వద్దకు పరుగులు తీశారు. మరుసటి రోజు, వార్తాపత్రికలు సల్వార్ కమీజ్ ధరించిన ఒక భారతీయ అమ్మాయి ఒక గేమ్ లో ఏంజెలికాను ఓడించినదని వార్తలు ప్రచురించాయి. టేబుల్ టెన్నిస్ అభిమానులు, వార్తాపత్రికలు ఆ బాలికను సిండ్రెల్లా ఆఫ్ టేబుల్ టెన్నిస్ అని పిలివసాగారు. . ఆ బాలిక మన హైదరాబాద్ కు చెందిన సయీద్ సుల్తానా.

సయీద్ సుల్తానా సెప్టెంబర్ 14, 1936 న హైదరాబాద్ (దక్కన్. నేటి తెలంగాణా) లో ఒక ధనిక కుటుంబంలో జన్మించాడు. సయీద్ సుల్తానా తండ్రి పేరు మహమ్మద్ అహ్మద్ అలీ. ఆరుగురు సోదరులకు  ఏకైక సోదరి కావడంతో, సయీద్ సుల్తానా కుటుంబంలోని ప్రతి ఒక్కరికీ ప్రియమైనది. సయీద్ సుల్తానా హైదరాబాద్‌లోని ప్రముఖ మెహబూబియా బాలికల ఉన్నత పాఠశాలలో చదువుతోంది.

1947 లో సయీద్ సుల్తానా అన్నయ్య హమీద్ అలీ టేబుల్ టెన్నిస్ సెట్‌ను ఇంటికి తీసుకువచ్చాడు. మొదట్లో, పెద్దలందరూ ఆటలో పాల్గొంటూ తమ తీరిక సమయాన్ని గడిపేవారు. సోదరుడు అల్తాఫ్ మరియు సుల్తానా గంటల తరబడి కూర్చుని పెద్దలు ఆడుకోవడం చూసేవారు. పెద్దలు ఆట నుండి విరామం తీసుకోన్నప్పుడు  ఈ ఇద్దరు పిల్లలు టేబుల్ టెన్నిస్‌ ఆడేవారు..

అనుకోకుండా 1948లో, పిల్లలు ఇద్దరూ టేబుల్ టెన్నిస్ ఆడుతుండగా, అకస్మాత్తుగా వారి అన్నలు ఆటగది లోకి ప్రవేశించి, వారు బాగా ఆడుతుండగా గమనించారు. వారు ఆశ్చర్యపోయారు. దీని తరువాత, అన్నలందరూ ఈ చిన్న పిల్లలను ప్రోత్సహించడమే కాకుండా, వారికి మార్గనిర్దేశం చేయడం ప్రారంభించారు. 1949 నాటికి, సయీద్ సుల్తానా టేబుల్ టెన్నిస్ ఆటలో ప్రావీణ్యం సంపాదించింది మరియు ఇంట్లో తన సోదరులను సైతం  ఓడిoచేది.

ఇంతలో, ఒక కుటుంబ పరిచయస్తుడు సయీద్ సుల్తానాకు హైదరాబాద్ స్టేట్ ఛాంపియన్‌షిప్‌లో పాల్గొనమని సలహా ఇచ్చాడు. చాలా మంది ప్రోత్సాహం మరియు ఆమె సోదరుల ప్రయత్నాల తరువాత, సయీద్ సుల్తానాను ఆమె కుటుంబ సభ్యులు పోటీలో పాల్గొనడానికి అనుమతించారు. మరియు అక్కడ నుండి, భారతదేశ మహిళల టేబుల్ టెన్నిస్ చరిత్రలో అద్భుతమైన మార్పు కనిపించింది. సయీద్ సుల్తానా తనతో పోటీ చేస్తున్న క్రీడాకారులందరినీ ఓడించడమే కాకుండా, క్రిందటి విజేతను ఓడించి మహిళల సింగిల్స్ టైటిల్‌ను కూడా గెలుచుకుంది.

డిసెంబర్ 1949 లో, ఆల్ ఇండియా టేబుల్ టెన్నిస్ ఛాంపియన్‌షిప్ హైదరాబాద్‌లో జరుగుతోంది. సయీద్ సుల్తానా హైదరాబాద్‌మహిళా జట్టుకు ప్రాతినిధ్యం వహించడానికి ఎంపికయ్యారు. సయీద్ సుల్తానా తల్లి పోటీలో సయీద్ సుల్తానా పాల్గొనడాన్ని వ్యతిరేకించింది, ఎందుకంటే ఆనాటి  ఆచారం ప్రకారం   మహిళలు ముసుగు లేకుండా బహిరంగంగా వెళ్లడానికి అనుమతిలేదు. కానీ సుల్తానా సోదరులు తమ తల్లిని ఒప్పించిన తరువాత, సయీద్ సుల్తానా చివరకు అన్నయ్య ముజఫర్ అలీ పర్యవేక్షణలో పోటీలో పాల్గొనడానికి తల్లి అనుమతించారు.

మొట్టమొదటిసారిగా హైదరాబాద్ మహిళా జట్టు బాగా ప్రదర్శించి, ఫైనల్స్‌కు చేరుకుంది. మొత్తం పోటీలలో  సయీద్ సుల్తానా ఒక మ్యాచ్ మాత్రమే ఓడిపోయింది. సయీద్ సుల్తానా 13సంవత్సరాల వయస్సులో మహిళల సింగిల్స్ జాతీయ టైటిల్ గెలుచుకుంది. దీని తరువాత, సయీద్ సుల్తానా వెనక్కి తిరిగి చూడలేదు

సయీద్ సుల్తానా 1950 లో శ్రీలంకలోని కొలంబోలో జరిగిన ఆల్ ఇండియా టేబుల్ టెన్నిస్ ఛాంపియన్‌షిప్‌లో మహిళల సింగిల్స్ గెలుచుకోవడమే కాకుండా, మిక్స్‌డ్ డబుల్స్ టైటిల్ కూడా గెలుచుకుంది. దీనితో, ఆమె భారతదేశంలో నంబర్1 స్థానంలో ఉంది మరియు 1951 లో వియన్నా (ఆస్ట్రియా) లో అంతర్జాతీయ టేబుల్ టెన్నిస్ పోటీలో భారతదేశానికి ప్రాతినిధ్యం వహించడానికి ఎంపికైంది. వియన్నాలో, సయీద్ సుల్తానా ఆడిన  55 మ్యాచ్‌లలో 40 గెలిచింది, అమెరికా, హాలండ్ మరియు ఈజిప్ట్ నంబర్ వన్ ప్లేయర్‌లను ఓడించింది. యూరోప్ వార్తాపత్రికలలో సయీద్ సుల్తానా  ను 'టేబుల్ టెన్నిస్ ప్రపంచంలో అద్భుతం' అని పిలిచేవారు. 20 సంవత్సరాల వయస్సులో, సయీద్ సుల్తానా అజేయమైన క్రీడాకారిణి అవుతారని ఆట నిపుణులు విశ్వసించారు.

 1952 లో బొంబాయిలో జరిగిన అంతర్జాతీయ పోటీలో 1952 లో బొంబాయిలో జరిగిన అంతర్జాతీయ పోటీలో సయీద్ సుల్తానా ప్రదర్శన మరపురానిది. ఎక్కువ ప్రాక్టీస్ చేస్తే, సయీద్ సుల్తానా ఏదైనా యూరోపియన్ ఛాంపియన్‌ను ఓడించగలదని అందరూ విశ్వసించారు.

1954 లో, టేబుల్ టెన్నిస్ లో అంతర్జాతీయ పోటీ లండన్‌లో జరిగింది. సయీద్ సుల్తాన టోర్నమెంట్‌లో అత్యుత్తమ క్రిడాకారిణి. అప్పటి క్రీడా నిపుణుల అభిప్రాయం ప్రకారం, సయీద్ సుల్తానా  స్వయంగా ఉత్తమమైనది, కానీ జట్టు నుండి మిగతా క్రీడా కారుల మంచి మద్దతు లేకపోవడం వల్ల భారతదేశం ఛాంపియన్‌షిప్ గెలవలేకపోయింది.  సయీద్ సుల్తాన చాలా సులభంగా సింగిల్స్ గెలిచింది.

సయీద్ సుల్తానా 1949, 1950, 1951, 1952, 1953 మరియు 1954 లలో భారతదేశ మహిళా టేబుల్ టెన్నిస్ జాతీయ ఛాంపియన్. ఆమె కుటుంబం పాకిస్తాన్‌కు 1956 లో వలస వెళ్ళింది. . సయీద్ సుల్తానా కూడా పాకిస్తాన్‌కు వెళ్లి 1956, 1957 మరియు 1958 లలో పాక్ నేషనల్ ఛాంపియన్‌షిప్‌లను గెలుచుకుంది. పాకిస్తాన్ యొక్క మహిళా  టేబుల్ టెన్నిస్ జాతీయ ఛాంపియన్. 1959లో, ఆమె ఆట నుండి పదవీ విరమణ చేసి, 15 సెప్టెంబర్, 2005 న మరణించింది.