డాక్టర్ అమీనా వదూద్ - మొదటి ముస్లిం మహిళా ఇమామ్ Dr. Amina Wadud -First Muslim Female Imam

 

 

డాక్టర్ అమీనా వదూద్, మొదటి ముస్లిం మహిళా ఇమామ్ అనే విశిష్టతతో పాటు, ప్రొఫెసర్, శాస్త్రవేత్త, షేక్ మరియు హజ్జియా Sheilk, and Hajjiyyaa వంటి అనేక బిరుదులను కలిగి ఉన్నారు. డాక్టర్ అమీనా వదూద్ ఇప్పటికీ ప్రార్థనలకు నాయకత్వం వహిస్తున్నారు.

చరిత్రలోనే అతిపెద్ద మసీదు ప్రార్థనలలో ఒకదానికి నాయకత్వం వహించిన మొదటి ముస్లిం మహిళా ఇమామ్/షేక్ అమీనా వదూద్. ఆధునిక కాలంలో 2005లో న్యూయార్క్ నగరంలో మిశ్రమ-లింగ శుక్రవార ప్రార్థన (సలాత్)కు నాయకత్వం వహించి, ఉపన్యాసం (ఖుత్బా) ఇచ్చిన మొదటి మహిళగా అమీనా వదూద్ అంతర్జాతీయంగా ఖ్యాతిని పొందారు.  

2005 మార్చి 18న, అమీనా వదూద్ మాన్‌హాటన్‌లో సుమారు 100 మంది పురుషులు మరియు మహిళలతో ఒక ప్రార్థన సభకు నాయకత్వం వహించారు. ఈ సంఘటన ప్రపంచవ్యాప్త చర్చకు దారితీసింది; కొందరు దీనిని సమానత్వం దిశగా ఒక ముందడుగుగా భావించగా, విమర్శకులు ఇది సాంప్రదాయ ఇస్లామిక్ న్యాయశాస్త్రాన్ని ఉల్లంఘిస్తోందని వాదించారు.

మేరీల్యాండ్‌లో మేరీ టీస్లీగా జన్మించిన అమీనా వదూద్ మెథడిస్ట్‌గా పెరిగారు మరియు పెన్సిల్వేనియా విశ్వవిద్యాలయంలో చదువుతున్నప్పుడు 1972లో ఇస్లాం మతంలోకి మారారు.

1975లో, అమీనా వదూద్ పెన్సిల్వేనియా విశ్వవిద్యాలయం నుండి ప్రాథమిక విద్య Elementary Education లో బ్యాచిలర్ ఆఫ్ సైన్స్ పట్టా పొందారు మరియు తదనంతరం సర్టిఫైడ్ టీచర్ అయ్యారు. ఆ తర్వాత అమీనా వదూద్ లిబియాలోని ఎల్-బేదా El-Beida కు మారారు మరియు అమీనా వదూద్ అక్కడి విశ్వవిద్యాలయంలో రెండు సంవత్సరాలు ఆంగ్లం బోధించారు.

అమీనా వదూద్ ఆ తర్వాత నియర్ ఈస్టర్న్ స్టడీస్‌లో ఎం.ఏ. పట్టా పొందారు, దాని తర్వాత 1988లో మిచిగాన్ విశ్వవిద్యాలయం నుండి అరబిక్ మరియు ఇస్లామిక్ స్టడీస్‌లో పిహెచ్.డి. పూర్తి చేశారు. మరియు వర్జీనియా కామన్వెల్త్ విశ్వవిద్యాలయం, మలేషియా మరియు ఇండోనేషియాలోని వివిధ అంతర్జాతీయ సంస్థలలో బోధనా పదవులను నిర్వహించారు.

డాక్టర్ అమీనా వదూద్ కు గ్రాడ్యుయేట్ అధ్యయనాల సమయంలో, ఈజిప్టులో అధ్యయనం చేసే అవకాశం లభించింది. అమీనా వదూద్ కైరోలోని అమెరికన్ విశ్వవిద్యాలయంలోని సెంటర్ ఫర్ అరబిక్ స్టడీస్ అబ్రాడ్ కార్యక్రమంలో ఉన్నత స్థాయి అరబిక్ advanced Arabic, కైరో విశ్వవిద్యాలయంలో ఖురాన్ అధ్యయనాలు మరియు తఫ్సీర్ (వివరణ లేదా మతపరమైన వ్యాఖ్యానం), మరియు అల్-అజార్ విశ్వవిద్యాలయంలో తత్వశాస్త్రం అద్యయనం చేసారు.

డాక్టర్ అమీనా వదూద్  పరిశోధన ఖురాన్ వ్యాఖ్యానం (హెర్మెన్యూటిక్స్). ముఖ్యంగా సామాజిక న్యాయం, లింగ సమానత్వం పై కేంద్రీకృతమై ఉంటుంది

డాక్టర్ ఇమామ్ అమీనా వదూద్ ఒక అద్భుతమైన పండితురాలు. డాక్టర్ అమీనా వదూద్ ఒక అమెరికన్ ముస్లిం వేదాంతవేత్త మరియు ప్రొఫెసర్ ఎమెరిటా professor emerita. అమీనా వదూద్ ఇస్లామిక్ స్త్రీవాదంలో తన మార్గదర్శక కృషికి మరియు ఇస్లాంలోని సాంప్రదాయ లింగ పాత్రలను సవాలు చేసినందుకు ప్రసిద్ధి చెందారు.

డాక్టర్ అమీనా వదూద్ ను  తరచుగా "ది లేడీ ఇమామ్" అనే  బిరుదుతో పిలుస్తారు. బహిరంగ ఆరాధనలో స్త్రీ నాయకత్వాన్ని మరియు లింగ-సమ్మిళిత మతపరమైన ప్రదేశాల కోసం వాదించే డాక్టర్ అమీనా వదూద్ పోర్టల్, 'ది లేడీ ఇమామ్'ను నడుపుతున్నారు.

డాక్టర్ అమీనా వదూద్ రచించిన ప్రధాన గ్రంథం, 'ఖురాన్ అండ్ వుమన్: రీరీడింగ్ ది సేక్రేడ్ టెక్స్ట్ ఫ్రమ్ ఎ వుమన్స్ పర్స్పెక్టివ్Qur'an and Woman: Rereading the Sacred Text from a Woman's Perspective (1992)' , ఇస్లామిక్ స్త్రీవాదం యొక్క ఆధునిక విద్యా అధ్యయనంలో ఒక ప్రాథమిక గ్రంథంగా పరిగణించబడుతుంది.

డాక్టర్ అమీనా వదూద్  మలేషియా స్వచ్ఛంద సంస్థ 'సిస్టర్స్ ఇన్ ఇస్లాం' (SIS) సహ వ్యవస్థాపకురాలు మరియు ముస్లిం కుటుంబంలో న్యాయం, సమానత్వం కోసం జరిగిన ప్రపంచ ఉద్యమం 'ముసవా Musawah 'ను 2009లో ప్రారంభించడంలో కీలక పాత్ర పోషించారు.

డాక్టర్ అమీనా వదూద్ ప్రస్తుతం ఇండోనేషియాలోని యోగ్యకార్తా Yogyakarta లో నివసిస్తున్నారు. అక్కడ డాక్టర్ అమీనా వదూద్ ప్రగతిశీల ఇస్లామిక్ ఆలోచనా విధానాన్ని బోధిస్తూ, దాని కోసం వాదిస్తున్నారు.