ఇంగ్లాండ్‌లో మొదటి ముస్లింలు The first Muslims in England

 

 

ఇంగ్లాండ్‌కు మొరాకో రాయబారి ముహమ్మద్ అల్-అన్నూరి, 1600

పదహారవ శతాబ్దపు ఎలిజబెతన్ ఇంగ్లాండ్ ప్రత్యేక స్థానాన్ని కలిగి ఉంది. జెర్రీ బ్రాటన్ అనే చరిత్రకారుని ప్రకారం మొదటిసారి ముస్లింలు ఇంగ్లాండ్‌లో బహిరంగంగా జీవించడం, పని చేయడం మరియు వారి విశ్వాసాన్ని ఆచరించడం ప్రారంభించారు..  

ఉత్తర ఆఫ్రికా, మధ్యప్రాచ్యం మరియు మధ్య ఆసియా వంటి సుదూర ప్రాంతాల నుండి, వివిధ రంగాలకు చెందిన ముస్లింలు 16వ శతాబ్దంలో లండన్‌లో దౌత్యవేత్తలు, వ్యాపారులు, అనువాదకులు, సంగీతకారులు, సేవకులు మరియు వేశ్యలుగా పనిచేస్తున్నారు.

ఇంగ్లాండ్‌లో ముస్లిం ఉనికికి కారణం క్వీన్ ఎలిజబెత్ కాథలిక్ యూరప్ నుండి ఒంటరిగా ఉండటం. 1570లో పోప్ పియస్ V,  ఆమెను  అధికారిక బహిష్కరణ official excommunication చేయడం తో క్వీన్ ఎలిజబెత్,  ముస్లింలతో క్రైస్తవ వాణిజ్యాన్ని నిషేధించే పాపల్ శాసనాల వెలుపల వ్యవహరించడానికి మరియు మొరాకో సాదియన్ రాజవంశం, ఒట్టోమన్ సామ్రాజ్యం మరియు షియా పెర్షియన్ సామ్రాజ్యంతో సహా వివిధ ఇస్లామిక్ దేశాలతో వాణిజ్య మరియు రాజకీయ పొత్తులను ఏర్పరచుకోవడానికి వీలు కల్పిoచినది..

క్వీన్ ఎలిజబెత్ తన దౌత్యవేత్తలను మరియు వ్యాపారులను ముస్లిం ప్రపంచంలోకి పంపింది మరియు ప్రతిగా ముస్లింలు లండన్‌కు రావడం ప్రారంభించారు, వారిని "మూర్స్", "ఇండియన్లు", "నీగ్రోలు" మరియు "టర్కులు" అని వివిధ రకాలుగా వర్ణించారు.

17వ శతాబ్దంలో మాత్రమే ఆంగ్ల భాషలోకి ప్రవేశించిన "ఇస్లాం" లేదా "ముస్లిం" అనే పదాలు అంతకు ముందు వాడుకలో లేవు వారు ముస్లిమ్స్ ను "సారాసెన్స్" అని సంబోధించేవారు.,

అంతకు ముందు ఇస్లాం ఒక స్థిరమైన మత విశ్వాసం అని క్రైస్తవులు అంగీకరించలేరు. బదులుగా వారు దానిని అన్యమత బహుదేవతత్వం pagan polytheism లేదా క్రైస్తవ మతం యొక్క మతవిశ్వాశాల వైకల్యంగా heretical deformation of Christianity తోసిపుచ్చారు.

కానీ ఎలిజబెత్ కాలం లో ఈ పరిస్థితి మారడం ప్రారంభమైంది. 1562లో ఎలిజబెత్ వ్యాపారులు పర్షియన్ షా తహ్మాస్ప్ Persian Shah Tahmasp's ఆస్థానానికి చేరుకుని, సున్నీ మరియు షియా విశ్వాసాల మధ్య వేదాంతపరమైన వ్యత్యాసాల గురించి తెలుసుకుని, లండన్‌కు తిరిగి వచ్చి, రాణికి ఆరా సోల్టానా Aura Soltana అని పేరు పెట్టిన యువ ముస్లిం టాటర్ Tatar బానిస అమ్మాయిని బహుమతిగా ఇచ్చారు.

ఆరా సోల్టానా ఆమె గ్రెనడా పట్టుతో చేసిన దుస్తులు ధరించిన రాణి ఎలిజబెత్ కి "ప్రియమైన మరియు అత్యంత ప్రియమైన" సేవకురాలిగా మారింది మరియు రాణి ఎలిజబెత్‌కు స్పానిష్ తోలు బూట్లు ధరించే ఫ్యాషన్‌ను పరిచయం చేసింది.

వందలాది మంది ఇతరులు ఇస్లామిక్ దేశాల నుండి వచ్చారు మరియు వారి ఎలిజబెతన్ జీవితాల సంగ్రహావలోకనాలు ఇప్పటికీ లండన్ పారిష్ రిజిస్టర్ల నుండి పొందవచ్చు. 1586లో ఫ్రాన్సిస్ డ్రేక్ కొలంబియా నుండి ఇంగ్లాండ్‌కు వందలాది టర్క్స్ తో తిరిగి వచ్చాడు, వీరిని మధ్యధరా ప్రాంతంలో స్పానిష్ వారు బంధించి అమెరికాలో బానిసత్వంలోకి నెట్టారు.వారిలో ఒకరు, చినానో అని మాత్రమే పిలుస్తారు, ఇంగ్లీష్ ప్రొటెస్టంటిజంలోకి మారిన మొదటి ముస్లిం.చినానో లండన్ టవర్ సమీపంలోని సెయింట్ కాథరిన్ చర్చిలో ఆయన బాప్టిజం పొందారు, మరియు విలియం హాకిన్స్ అనే పేరును స్వీకరించాడు.

చినానో  తరువాత అనేకమంది నేత కార్మికులు, దర్జీలు, బ్రూవర్లు మరియు లోహ కార్మికులు మతమార్పిడి చెందారు మరియు విభిన్న పట్టణ వృత్తులలో జీవనం సాగించడానికి ఆసక్తి చూపారు.

కొన్ని ఇతర రిజిస్టర్లలో కొంతమంది ముస్లిం మహిళలు ఉదాహరణకు "బ్లాక్‌మౌర్" అని పిలువబడే మొరాకో బుట్ట తయారీదారుడి basket-maker కుమార్తె, లండన్‌లో 13 సంవత్సరాలు పనిచేసిన తరువాత మేరీ ఫిల్లిస్ పేరుతో  1597లో వైట్‌చాపెల్‌లో బాప్టిజం పొందింది. అనేకమంది ఇతరులు కూడా బాప్టిజం పొందారని నమోదు చేయబడినది. అంతేకాదు పేరు తెలియని మొరాకో వ్యక్తిని అదే సంవత్సరం "ఎటువంటి వ్యక్తుల సమూహం లేకుండా మరియు వేడుక లేకుండా" ఖననం చేసినట్లుగా ఉంది, ఎందుకంటే చర్చి అధికారులకు "అతను క్రైస్తవుడో కాదో తెలియదు".

మత మార్పిడులు ఏకపక్షం కూడా కాదు. వందలాది మంది ఎలిజబెతన్ కాలం లోని  పురుషులు మరియు మహిళలు తమ అదృష్టాన్ని వెతుక్కుంటూ ముస్లిం దేశాలకు ప్రయాణించారు, మరియు చాలామంది - కొందరు బలవంతంగా, మరికొందరు ఇష్టపూర్వకంగా - ఇస్లాంలోకి మారారు. వారిలో నార్ఫోక్ వ్యాపారి సామ్సన్ రౌలీ Samson Rowlie కూడా ఉన్నారు, సామ్సన్ రౌలీ 1577లో అల్జీర్స్ లో  టర్కిష్ సముద్రపు దొంగలచే బంధించబడ్డాడు, అక్కడ అతను జైలు పాలయ్యాడు, నపుంసకుడిగా చేయబడ్డాడు  మరియు తరువాత  ఇస్లాంలోకి మారాడు.

సామ్సన్ రౌలీ,  హసన్ అగా అనే పేరును స్వీకరించి అల్జీర్స్ యొక్క ప్రధాన నపుంసకుడు మరియు కోశాధికారిగా మరియు దాని ఒట్టోమన్ గవర్నర్‌కు అత్యంత విశ్వసనీయ సలహాదారులలో ఒకరిగా ఎదిగాడు. సామ్సన్ రౌలీ ఇంగ్లాండ్ లేదా క్రైస్తవ మతానికి తిరిగి రాలేదు.

ఒట్టోమన్, పెర్షియన్ మరియు మొరాకో సామ్రాజ్యాలతో రాణి ఎలిజబెత్ కున్న పొత్తులు కారణం గా అనేకమంది  ఉన్నత వర్గ ముస్లింలను లండన్ కు వచ్చారు. 1580లలో టర్కిష్ దౌత్యవేత్తలను ఇంగ్లాండ్ కు  పంపినట్లు రికార్డులు చూపిస్తున్నాయి,.

1589లో మొరాకో రాయబారి అహ్మద్ బిల్కాసిమ్ Ahmed Bilqasim లండన్‌లోకి బార్బరీ కంపెనీ వ్యాపారులతో కలసి   ప్రవేశించాడు, " ఉమ్మడి  శత్రువు  స్పెయిన్ రాజు"పై ఆంగ్లో-మొరాకో సైనిక చొరవ military initiative ను ప్రతిపాదించారు. స్పానిష్ వ్యతిరేక ప్రతిపాదన ఫలించనప్పటికీ, మొరాకో రాయబారి ఆ సంవత్సరం చివర్లో మొరాకో పాలకుడు ములే అహ్మద్ అల్-మన్సూర్, Mulay Ahmed al-Mansur మద్దతుతో లిస్బన్‌పై దాడి చేసిన ఆంగ్ల నౌకాదళంలో ప్రయాణించాడు.

10 సంవత్సరాల తర్వాత ముహమ్మద్ అల్-అన్నూరి అనే మరో మొరాకో రాయబారి వ్యాపారులు, అనువాదకులు, పవిత్ర పురుషులు మరియు సేవకుల పెద్ద బృందంతో లండన్ చేరుకున్నాడు, వారు ఆరు నెలలు స్ట్రాండ్‌లోని ఒక ఇంట్లో నివసించారు, లండన్ వాసులు వారు తమ మత విశ్వాసాన్ని ఆచరించడం చూశారు.

అల్-అన్నూరి రాణి ఎలిజబెత్ మరియు ఆమె సలహాదారులను రెండుసార్లు కలిశాడు మరియు స్పెయిన్‌పై ఉమ్మడి ప్రొటెస్టంట్-ఇస్లామిక్ దండయాత్ర మరియు రాణి ఎలిజబెత్ అమెరికన్ కాలనీలపై నావికా దాడిని కూడా ప్రతిపాదించాడు.కాని కొన్ని కారణాల వల్ల  ఆ ప్రణాళిక కార్యరూపం దాల్చలేదు

రాణి ఎలిజబెత్ మరణం తరువాత ఆమె వారసుడు జేమ్స్ I కాథలిక్ స్పెయిన్‌తో శాంతిని నెలకొల్పాలనే నిర్ణయంతో ఈ కూటమి అకస్మాత్తుగా ముగిసింది, కానీ అల్-అన్నూరి, అహ్మద్ బిల్‌కాసిమ్ మరియు చినానో మరియు మేరీ ఫిల్లిస్ వంటి వినయపూర్వకమైన వ్యక్తుల ఉనికి ఎలిజబెతన్ చరిత్రలో ముఖ్యమైన కానీ నిర్లక్ష్యం చేయబడిన అంశంగా మిగిలిపోయింది.

ముస్లింలు బ్రిటన్‌లో మరియు దాని చరిత్రలో చాలా మంది ఊహించిన దానికంటే చాలా కాలంగా భాగమని ఇది చూపిస్తుంది.