గొప్ప సోషలిస్ట్ నాయకుడు, ఆలోచనాపరుడు మరియు కార్యకర్త సురేంద్ర మోహన్ (1926-2010) Great socialist leader, thinker and activist Surendra Mohan (1926-2010)

 

గొప్ప సోషలిస్టు నాయకుడు, ఆలోచనాపరుడు. ఉద్యమకారుడు మరియు  కార్యకర్త అయిన సురేంద్ర మోహన్(1926-2010) 84 సంవత్సరాల వయస్సులో డిసెంబర్ 17, 2010న ఢిల్లీలో కన్నుమూశారు.

సురేంద్ర మోహన్,  లోక్ నాయక్ జై ప్రకాష్ నారాయణ్ మరియు డాక్టర్ రామ్ మనోహర్ లోహియాలకు సన్నిహిత మిత్రుడు. మొరార్జీ దేశాయ్, వి.పి సింగ్, చంద్ర శేఖర్, ఇంద్ర కుమార్ గుజ్రాల్ మరియు హెచ్.డి. దేవే గౌడ .వంటి కొంతమంది మాజీ ప్రధానులకు కూడా సన్నిహిత మిత్రుడు. సురేంద్ర మోహన్ పాత సోషలిస్టు ఉద్యమానికి ఆధునిక లింక్. 

డిసెంబర్ 4, 1926న అంబాలాలో జన్మించిన సురేంద్ర మోహన్, సామాన్యుడిలా సాదాసీదా జీవితాన్ని గడిపారు, అయితే తన అసాధారణ ఉపన్యాస ప్రతిభ తో ప్రజలపై శాశ్వత ప్రభావాన్ని చూపారు.

సురేంద్ర మోహన్ ఉపాధ్యాయుడు, లెక్చరర్, ట్రేడ్ యూనియన్ నాయకుడు, పర్యావరణ కార్యకర్త, కాలమిస్ట్, రాజకీయ విశ్లేషకుడు మరియు పార్లమెంటేరియన్.

సురేంద్ర మోహన్ 1977లో జనతాపార్టీ సంకీర్ణ ప్రభుత్వాన్ని ఏర్పాటు చేయడంలోనూ, 1989లో కొత్త పార్టీ జనతాదళ్ ఏర్పాటులోనూ కీలక పాత్ర పోషించారు. 1975లో ఎమర్జెన్సీకి వ్యతిరేకంగా ఆందోళన ఉద్యమం చేసి 19 నెలల జైలు జీవితం గడిపారు.

జైలు శిక్ష సమయంలో సురేంద్ర మోహన్ మొదటిసారి  గుండెపోటును ఎదుర్కొన్నాడు. జైలు నుంచి పెరోల్‌పై బయటకు వచ్చేందుకు ప్రయత్నించాలని జై ప్రకాష్ నారాయణ సూచించారు. కానీ సురేంద్ర మోహన్ ఆ ప్రతిపాదనను తిరస్కరించాడు మరియు జైలులోనే ఉన్నాడు.

సురేంద్ర మోహన్ 1978 నుండి 1984 వరకు జనతా పార్టీ తరుపున రాజ్యసభ సభ్యుడు మరియు 1996-1998 మధ్యకాలంలో ఖాదీ మరియు విలేజ్ ఇండస్ట్రీస్ కమిషన్ ఛైర్మన్‌గా ఉన్నారు. శ్రీ సురేంద్ర మోహన్ అధ్యక్షతన, ఖాదీ మరియు గ్రామ పరిశ్రమల కమిషన్ గ్రామీణ చేతివృత్తుల అభ్యున్నతికి తోడ్పడినది.

చివరి గాంధేయ సోషలిస్ట్ మరియు రాజకీయ విశ్లేషకుడు అయిన సురేంద్ర మోహన్. ఆలోచనలను రేకెత్తించే కథనాలను మెయిన్ స్ట్రీం, మరియు ఇతర ఇతర వార్తాప్రచురణలకు అందించాడు.

శ్రీ సురేంద్ర మోహన్ సోషలిస్టు ఉద్యమానికి జ్యోతి ప్రజ్వలన చేసేవారు మరియు మరణించే వరకు ఉద్యమ వెలుగుతో  ప్రకాశించే దీపంలా నిలిచాడు.

2010లో రామ్‌మనోహర్‌ లోహియా బర్త్‌ సెంటెనరీ ప్రోగ్రామ్‌ కమిటీ అధ్యక్షుడిగా శ్రీ సురేంద్ర మోహన్ నియమితులయ్యారు. రామమనోహర్ లోహియా ఆలోచనలను ప్రకాశింపజేయడానికి శ్రీ సురేంద్ర మోహన్ నేతృత్వం లో ఒకే స్వరంతో  భారత సమాజంలోని సోషలిస్టు సంస్కర్తలు మరియు ప్రగతిశీల ఆలోచనాపరులు అందరూ ఒకే వేదికపైకి వచ్చారు.

శ్రీ సురేంద్ర మోహన్ వివిధ రాజకీయ పార్టీల కార్యకలాపాలపై మరియు జాతీయ మరియు అంతర్జాతీయ రాజకీయాలపై చాలా సునిశితమైన దృష్టిని కలిగి ఉన్నారు. సురేంద్ర మోహన్ ఆలోచనలు మరియు రచనలు కొత్త తరంపై గొప్ప ప్రభావాన్ని చూపాయి.

సరళమైన జీవనశైలి మరియు స్థిరమైన భావజాలానికి పేరుగాంచిన సురేంద్ర మోహన్ ప్రభుత్వం యొక్క నూతన ఉదారవాద ఆర్థిక మరియు పారిశ్రామిక విధానానికి చాలా వ్యతిరేకం, ఎందుకంటే సురేంద్ర మోహన్ ప్రకారం ఈ విధానం ధనిక మరియు పెట్టుబడిదారీ వర్గానికి మాత్రమే ప్రయోజనం చేకూరుస్తుంది మరియు  వెనుకబడిన మరియు పేద వర్గాలను దోపిడీ చేస్తుంది. అణగారిన వారు కూడా గౌరవంగా జీవించగలిగే న్యాయమైన సమాజానికి సురేంద్ర మోహన్ అనుకూలంగా ఉండేవారు.

సురేంద్ర మోహన్ నుంచి ఎంతో నేర్చుకుని బీహార్ ముఖ్యమంత్రిగా చాలా కాలం పాటు ఆయనతో అనుబంధం కొనసాగించిన నితీష్ కుమార్, లాలూ ప్రసాద్, లాంటి వారు ఎందరో ఉన్నారు.రామ్ విలాస్ పాశ్వాన్ వంటి జాతీయ స్థాయి రాజకీయ నేతలు కూడా  సురేంద్ర మోహన్ చే ప్రబావితం అయ్యారు

మాజీ కేంద్ర మంత్రి ఎస్. జైపాల్ రెడ్డి అభిప్రాయం లో సురేంద్ర మోహన్  చివరి గాంధీ అనుచరుడు మరియు నిజమైన సోషలిస్ట్. సురేంద్ర మోహన్‌ త్యాగం మరియు ప్రతిభకు ప్రతీక.

రామ్ విలాస్ పాశ్వాన్, సామాజిక కార్యకర్త స్వామి అగ్నివేష్, ప్రముఖ పాత్రికేయుడు కులదీప్ నాయర్ మరియు పలువురు రాజకీయ నాయకులు పార్టీలకతీతంగా సురేంద్ర మోహన్ చేసిన సేవలను గుర్తు చేసుకుంటూ సురేంద్ర మోహన్ మృతి పట్ల సంతాపం వ్యక్తం చేశారు. 

బీహార్ ముఖ్యమంత్రి శ్రీ నితీష్ కుమార్ పాట్నాలో మాట్లాడుతూ శ్రీ మోహన్ మరణం ఒక శకానికి ముగింపు పలికిందని అన్నారు.

ఎన్‌డిఎ కన్వీనర్ మరియు జనతాదళ్ (యునైటెడ్) అధ్యక్షుడు శ్రీ శరద్ యాదవ్ శ్రీ సురేంద్ర మోహన్ కు మోహన్‌కు నివాళి అర్పిస్తూ సురేంద్ర మోహన్ ఆదర్శవంతమైన సోషలిస్టు. చివరి వరకు అణగారిన, వెనుకబడిన వర్గాల కోసం పోరాడారు. అని అన్నారు..

భారత కమ్యూనిస్ట్ పార్టీ శ్రీ సురేంద్ర మోహన్ మరణం పట్ల తమ సంతాపాన్ని మరియు విచారాన్ని తెలియజేసి, సమతా సమాజాన్ని సృష్టించిన  ప్రముఖ స్వాతంత్ర్య సమరయోధుడు మరియు సోషలిస్టు సిద్ధాంత పితామహుడు గా  సురేంద్ర మోహన్ ను పేర్కొన్నది. కమ్యూనిస్టులకు సురేంద్ర మోహన్ సహచరుడని, అణగారిన, బలహీన పేద ప్రజల అభ్యున్నతి కోసం ఉమ్మడి ప్రయోజనాల కోసం పోరాడారని భారత కమ్యూనిస్ట్ పార్టీ పేర్కొంది.

మాజీ ప్రధాని హెచ్‌డి దేవెగౌడ ఒక సంతాప సందేశంలో, "అనుభవజ్ఞుడైన సోషలిస్ట్ నాయకుడి మరణం తనను దిగ్భ్రాంతికి గురిచేసింది మరియు విచారంగా ఉంది" అని అన్నారు.

స్వామి అగ్నివేష్ మాట్లాడుతూ సురేంద్ర మోహన్ తాను ప్రబోధించిన దానిని ఆచరించారు. "ధనికులు మరియు పేదల మధ్య అసమానతలు పెరుగుతున్న ప్రస్తుత భారతదేశంలో సురేంద్ర మోహన్ సరళత, తోటి జీవులు మరియు పేదల పట్ల శ్రద్ధ చాలా అవసరం," అన్నారాయన.

 సురేంద్ర మోహన్ కు భార్య మంజు, ఒక కుమారుడు మరియు కుమార్తె ఉన్నారు.