స్వాతంత్ర సమర యోధుడు రఫీ అహ్మద్ కిద్వాయ్ Rafi Ahmed Kidwai

రఫీ అహ్మద్ కిడ్వాయి (18 ఫిబ్రవరి 1894 - 24 అక్టోబర్ 1954) యూ.పి. లోని బారాబంకి జిల్లా, మసౌలి గ్రామంలో లో జన్మించాడు. ఇతను భారతీయ స్వాతంత్ర్య కార్యకర్త,  రాజకీయ నాయకుడు, మరియు సోషలిస్ట్. ఇతను  ఇస్లామిక్ సోషలిస్టుగా పిలువబడినాడు.

ఇంతియాజ్ అలీ కిడ్వాయి మరియు రషీద్ ఉల్-నిసా దంపతుల పెద్ద కుమారుడు. రఫీ అహ్మద్ కిద్వాయ్.  ఇంతియాజ్ అలీ ఒక సంపన్న జమీందార్ మరియు ప్రభుత్వ ఉద్యోగి. రఫీ అహ్మద్ కిద్వాయ్ చిన్నతనంలోనే తల్లిని కోల్పోయాడు.

రఫీ తన మేన మామ, న్యాయవాది విలాయత్ అలీ ఇంటి వద్ద మరియు గ్రామ పాఠశాలలో ప్రారంభ విద్యను పొందాడు. అతను 1913 వరకు బారాబంకిలోని ప్రభుత్వ ఉన్నత పాఠశాలలో చదివాడు. తరువాత అతను ఆలీగర్ లోని మొహమ్మదాన్ ఆంగ్లో-ఓరియంటల్ కళాశాలలో చదివాడు, అక్కడ అతను 1918 లో బిఎ పట్టభద్రుడయ్యాడు. LLB చదివాడు కాని పూర్తి చేయలేదు. 1919 లో రఫీ అహమద్ కిద్వాయ్  మాజిద్-ఉన్-నిసా ను వివాహం చేసుకున్నాడు వారికి ఒక ఒక కొడుకు జన్మించి ఏడు సంవత్సరాల వయస్సులో వివరించలేని జ్వరంతో మరణించాడు.

1920–21 నాటి ఖిలాఫత్ మరియు సహకారేతర ఉద్యమాలలో పాల్గొని  జైలు పాలయ్యాడు. కిద్వాయ్ ఖిలాఫత్ ఉద్యమం ద్వారా రాజకీయాల్లోకి వచ్చారు. 1926 ఎన్నికలలో, ఔద్ నుండి స్వరాజ్ పార్టీ అభ్యర్థిగా కేంద్ర శాసనసభకు ఎన్నికయ్యారు. అసెంబ్లీలో స్వరాజ్ పార్టీకి చీఫ్ విప్ అయ్యారు. 1929 లో కిడ్వాయి అసెంబ్లీలో స్వరాజ్ పార్టీ కార్యదర్శిగా ఎన్నికయ్యారు.

మోతీ లాల్ నెహ్రూ పట్ల కిద్వాయ్  కు  ఎంతో విధేయత ఉండేది. 1929 డిసెంబర్ 19 న భారత జాతీయ కాంగ్రెస్ పూర్ణ స్వరాజ్ డిమాండ్ చేసింది మరియు మహాత్మా గాంధీ జనవరి 1930 లో శాసనోల్లంఘన ఉద్యమాన్ని ప్రారంభించారు. జనవరి 1940 లో, కాంగ్రెస్ వర్కింగ్ కమిటీ చేసిన పూర్ణ స్వరాజ్ తీర్మానానికి అనుకూలంగా కిద్వాయ్  కేంద్ర శాసనసభకు రాజీనామా చేశారు. భారత దేశం శాసనోల్లంఘన ఉద్యమంలో మునిగిపోయింది.

భారత ప్రభుత్వ చట్టం 1935 ఆమోదించిన తరువాత, అతను భారత జాతీయ కాంగ్రెస్ తరుపున పదవిలో ఉన్నారు.1937 లో ప్రాదేశిక స్వయంప్రతిపత్తి పథకం కింద యునైటెడ్ ప్రావిన్సెస్ ఆఫ్ ఆగ్రా మరియు ఔద్ధ్ (యుపి) లోని గోవింద్ బల్లభ్ పంత్ మంత్రివర్గంలో కిడ్వాయి రెవెన్యూ మరియు జైళ్ళకు మంత్రి అయ్యారు. అతని నాయకత్వంలో, జమీందారీ వ్యవస్థను రద్దు చేసిన మొదటి ప్రావిన్స్‌ గా యుపి నిలిచింది. ఏప్రిల్ 1946 లో యుపి హోంమంత్రి అయ్యారు

కిద్వాయ్ మొదటి భారత ప్రధాని జవహర్‌లాల్ నెహ్రూకు మంచి మిత్రుడు. 1947 లో బ్రిటన్ నుండి భారతదేశం స్వాతంత్ర్యం పొందిన తరువాత, కిడ్వాయి భారతదేశపు మొదటి కమ్యూనికేషన్ మంత్రి అయ్యారు. (నెహ్రూ కేంద్ర మంత్రివర్గంలో కిద్వాయ్  మరియు అబుల్ కలాం ఆజాద్ ఇద్దరు ముస్లింలు.)

1952 లో మొదటి సార్వత్రిక ఎన్నికల తరువాత కిడ్వాయి బహ్రాయిచ్Bahraich నుండి ఎన్నికయ్యారు. దేశంలో ఫుడ్ రేషన్ ఉన్న సమయంలో కిద్వాయ్  ఫుడ్ అండ్ అగ్రికల్చర్ పోర్ట్‌ ఫోలియోను నిర్వహించారు.

కేంద్ర మంత్రిగా ఉన్నప్పుడే కిడ్వాయ్ 1954 అక్టోబర్ 24 న 60 సంవత్సరాల వయస్సులో డిల్లి లో తీవ్ర ఉబ్బసం కారణంగా గుండె ఫెయిల్ అయి మరణించారు. అతనిని అతని  సొంత గ్రామంలోని మసీదులో పూర్తి రాజ్య  గౌరవాలతో ఖననం చేశారు.

ఖ్యాతి/లెగసి:

·        చరిత్రకారుడు పాల్ బ్రాస్ ప్రకారం, "కిద్వాయ్ కాంగ్రెస్ ఉద్యమాలు మరియు ఎన్నికలకు బలమైన ఫండ్-రైజర్, అతను తన ఆస్తిని అందరికీ పంపిణీ చేశాడు, కాని అప్పుల్లో మరణించాడు, అతని సొంత గ్రామంలో క్షీణిస్తున్న ఇల్లు మాత్రమే మిగిలింది.

·        వ్యవసాయ రంగంలో భారతీయ పరిశోధకులను గుర్తించడానికి రఫీ అహ్మద్ కిడ్వై అవార్డును 1956 లో ఇండియన్ కౌన్సిల్ ఆఫ్ అగ్రికల్చరల్ రీసెర్చ్ (ఐసిఎఆర్) 1956 లో ఏర్పాటు చేసింది.

·        ఘజియాబాద్‌లోని పోస్టల్ స్టాఫ్ కాలేజీకి రఫీ అహ్మద్ కిడ్వై నేషనల్ పోస్టల్ అకాడమీగా పేరు పెట్టారు.

·        అతని గౌరవార్ధం 1969 పోస్టల్ స్టాంప్ జారిచేయబడినది.

·        కోల్‌కతాలో అతని పేరు మీద ఒక వీధి ఉంది.

·        ఇందిరా నగర్, లక్నో మరియు న్యూ డిల్లి లోని కృష్ణ భవన్ లో అతని  విగ్రహాలు, ఏర్పాటు చేసారు.

·        హార్డోయి జిల్లాలోని రఫీ అహ్మద్ కిద్వాయ్ ఇంటర్ కాలేజీ ఉంది.

·        భారత పార్లమెంటులో కమిటీ గదిలో కిడ్వాయి యొక్క చిత్రం ఉంది.

·        కిడ్వాయి మెమోరియల్ ఇన్స్టిట్యూట్ ఆఫ్ ఆంకాలజీ కి అతని పేరు పెట్టబడింది. క్యాంపస్ భూమి కోసం అతను 20 ఎకరాలు మరియు. రేడియోథెరపీ యంత్రానికి రూ. 100,000విరాళం ఇచ్చాడు.

·        రఫీ అహ్మద్ కిద్వాయ్ కి  నలుగురు తమ్ముళ్లు ఉన్నారు వారు  షఫీ అహ్మద్, మెహఫూజ్ అహ్మద్, అలీ కామిల్ మరియు హుస్సేన్ కామిల్ కిద్వాయ్.

·        ఆయన సోదరుడు షఫీ కమ్యూనిస్టు కార్యకర్త.

·        అతని మరొక తమ్ముడు మెహఫూజ్ అహ్మద్ కిద్వాయ్ కుమారుడు ఫరీద్ కిద్వాయ్ సమాజ్ వాదీ పార్టీ సభ్యుడు మరియు ఉత్తర ప్రదేశ్ ప్రభుత్వంలో రాష్ట్ర మంత్రి.