ప్రభుత్వ పథకాల్లో ముస్లింలపై ‘క్రమబద్ధమైన వివక్ష’: SPECT ఫౌండేషన్ ‘Systematic Discrimination’ against Muslims in government schemes: SPECT Foundation

 

SPECT ఫౌండేషన్, అనే ఒక  స్వచ్ఛంద సంస్థ, మైనారిటీ జనాభా అధికంగా ఉన్న పది జిల్లాల్లో అభివృద్ధి ఆడిట్ నిర్వహించింది. ‘పది మైనారిటీ కేంద్రీకరణ జిల్లాల్లో ముస్లింల మార్జినలైజేషన్: ఈక్విటీ ప్రశ్నను తిరిగి రాజకీయ చర్చలోకి తీసుకురావడం‘Marginalization of Muslims in Ten Minority Concentration Districts: Bringing the Equity Question Back Into the Political Discourse’,’ పేరుతో ఆడిట్ నివేదిక విడుదలైంది. ఆడిట్ నివేదిక మైనారిటీ కేంద్రీకరణ జిల్లాల్లోని మైనారిటీలు ఎదుర్కొంటున్న సామాజిక ఆర్థిక సవాళ్లను వివరిస్తుంది.  

జిల్లాల మొత్తం జనాభాలో 52% ప్రాతినిధ్యం వహిస్తున్న సుమారు 14.1 మిలియన్ల గణనీయమైన ముస్లిం జనాభాను కలిగి ఉన్న పది జిల్లాలపై SPECT ఫౌండేషన్ ఆడిట్ దృష్టి సారించింది. ఆడిట్ నివేదిక పది నిర్దిష్ట జిల్లాలపై దృష్టి సారించింది, అవి బీహార్‌లోని అరారియా, పూర్నియా, కిషన్‌గంజ్ మరియు కతిహార్; అస్సాంలోని ధుబ్రి మరియు కోక్రాఝర్; ఉత్తరప్రదేశ్‌లోని శ్రావస్తి మరియు బలరాంపూర్; మరియు పశ్చిమ బెంగాల్‌లోని మాల్దా మరియు ముర్షిదాబాద్.

 

ఆడిట్ నివేదిక ప్రకారం, ఎంపిక చేసిన పది జిల్లాల్లోని ముస్లిం జనాభా దేశంలోని ఇతర ప్రాంతాల కంటే ప్రాథమిక వనరులు మరియు సౌకర్యాల లేమిని ఎదుర్కొంటున్నది మరియు ముస్లింల పట్ల ప్రాధాన్యత లేకపోవడాన్ని సూచిస్తోంది. ముస్లింలు ఇతర వర్గాల కంటే అనుకూలమైన ట్రీట్మెంట్ మరియు అవకాశాలను పొందుతారనే కథనాన్ని ఈ డేటా సవాలు చేస్తుంది

 

బీహార్‌లోని నాలుగు జిల్లాల్ల పేద సామాజిక ఆర్థిక పరిస్థితులను నివేదిక హైలైట్ చేసింది. ఈ జిల్లాలు రాష్ట్ర సగటు కంటే తక్కువ అక్షరాస్యతను కలిగి ఉన్నాయి మరియు పాఠశాలల్లో విద్యార్థి-ఉపాధ్యాయుల నిష్పత్తి కూడా రాష్ట్ర సగటు కంటే గణనీయంగా ఎక్కువగా ఉంది, ఇది సరిపోని విద్యా మౌలిక సదుపాయాలను సూచిస్తుంది. ప్రభుత్వ పథకాల పంపిణీలో మైనారిటీలపై క్రమబద్ధమైన వివక్షను కూడా నివేదిక బహిర్గతం చేసింది. గణనీయమైన తక్కువ-ఆదాయ జనాభా ఉన్నప్పటికీ, ఈ జిల్లాల్లో ప్రధాన మంత్రి గ్రామీణ ఆవాస్ యోజన (PMGAY) లబ్ధిదారులలో కేవలం 31.20% మంది ముస్లింలు ఉన్నారు, ఇది ముస్లిం జనాభా మొత్తం సగటు కంటే 17.5% తక్కువ. 2014-15 మరియు 2020-21 మధ్య రాష్ట్ర సగటు కంటే ఈ జిల్లాల్లో మహాత్మా గాంధీ జాతీయ గ్రామీణ ఉపాధి హామీ చట్టం (MGNREGA) కింద పనికి ఎక్కువ డిమాండ్ ఉందని నివేదిక వెల్లడించింది. COVID-19 మహమ్మారి ఇప్పటికే ఉన్న భయంకరమైన పరిస్థితిని మరింత తీవ్రతరం చేసింది

 

ఉత్తరప్రదేశ్‌లోని రెండు జిల్లాల్లో ముస్లింలలో జనాభా విస్ఫోటనం అనే అపోహను ఈ నివేదిక ఖండించింది. శ్రావస్తిలో, 2001-11 మధ్య దశాబ్ధ జనాభా పెరుగుదల (DPG) -5.02%, ఇది మునుపటి దశాబ్దం కంటే 32.23% క్షీణతను సూచిస్తుంది. ఇతర జిల్లాలతో పోలిస్తే బలరాంపూర్‌లో డీపీజీ స్వల్పంగా పెరిగింది. రెండు జిల్లాల్లో అక్షరాస్యత స్థాయిలు రాష్ట్ర సగటు కంటే తక్కువగా ఉన్నాయి, రాష్ట్ర సగటు 57.25%తో పోలిస్తే,బలరాంపూర్ 49.51% మరియు శ్రావస్తి 37.89%. బల్రామ్‌పూర్‌లో కేవలం 16.8% మంది మహిళలు మాత్రమే పది లేదా అంతకంటే ఎక్కువ సంవత్సరాలు పాఠశాల విద్యను పూర్తి చేశారని, NFHS-5 డేటా లో రాష్ట్ర సగటు 39.3%గా ఉంది. శ్రావస్తిలో ఆరోగ్య మౌలిక సదుపాయాలు కూడా లేవు, ఉత్తరప్రదేశ్‌లోని అత్యంత పేద జిల్లాగా ర్యాంక్ పొందింది.

 

ఆడిట్‌లో పొందుపరిచిన అస్సాంలోని రెండు జిల్లాల్లోనూ ఇదే పరిస్థితి ఉందని నివేదిక వెల్లడించింది. కోక్రాఝర్‌లో ఫంక్షనల్ లోయర్ ప్రైమరీ పాఠశాలల సంఖ్య క్షీణించింది, అయితే ధుబ్రి మరియు కోక్రాఝార్ రెండింటిలో మౌలిక సదుపాయాలు మరియు ఆరోగ్య ఫలితాలు తక్కువగా ఉన్నాయి.

 

పశ్చిమ బెంగాల్ జిల్లాలైన మాల్దా మరియు ముర్షిదాబాద్‌లో ముస్లింలు వరుసగా 51% మరియు 66% ఉన్నారు, రెండు జిల్లాల్లో దశాబ్దాల జనాభా పెరుగుదల ప్రతికూలంగా negative, ఉందని, నివేదిక సూచిస్తుంది. ఈ జిల్లాల్లో విద్య మరియు ఆరోగ్య మౌలిక సదుపాయాల పేలవమైన స్థితిని కూడా నివేదిక హైలైట్ చేస్తుంది.

 

-ముస్లిం మిర్రర్ సౌజన్యం తో