సయ్యద్ ముంతాజ్ అలీ ( 1860 – 1935) Syed Mumtaz Ali (1860 – 1935)

 

19వ శతాబ్దపు చివరిలో జీవించిన మరొక సామాజిక మరియు మత సంస్కర్త సయ్యద్ ముంతాజ్ అలీ. మహిళా సాధికారత మరియు ఇస్లాం స్త్రీలను పురుషుల కంటే తక్కువగా పరిగణించదని సయ్యద్ ముంతాజ్ అలీ నమ్మాడు. దివ్య ఖురాన్ దృష్టిలో స్త్రీ పురుషులు సమానమని సయ్యద్ ముంతాజ్ అలీ అన్నారు. సయ్యద్ ముంతాజ్ అలీ దారుల్ ఉలూమ్ దేవబంద్ నుండి పట్టభద్రుడయ్యాడు మరియు మౌలానా ఖాసిం నానౌతావి ఆధ్వర్యంలో ఖురాన్ మరియు ఫిఖ్ నేర్చుకున్నాడు. అయినప్పటికీ, సయ్యద్ ముంతాజ్ అలీ స్త్రీల గురించి ఆధునిక, విప్లవాత్మక అభిప్రాయాలను కలిగి ఉన్నాడు, అది అతని కాలంలోని మతాధికారులకు బాగా నచ్చలేదు. సయ్యద్ ముంతాజ్ అలీ ఆలోచనలు మరియు అభిప్రాయాలు చాలా ప్రగతిశీలమైనవి. సయ్యద్ ముంతాజ్ అలీ తన పుస్తకం "హుక్-అన్-నిస్వాన్" ను ప్రచురించాడు. ఈ పుస్తకాన్ని మతపెద్దలు పట్టించుకోలేదు.

స్త్రీ సమానత్వానికి అనుకూలంగా సయ్యద్ ముంతాజ్ అలీ సమర్పించిన కొన్ని ఆసక్తికరమైన వాదనలు ఈ క్రింది విధంగా ఉన్నాయి.

దివ్య ఖురాన్ ఒక పురుషునికి బదులు ఇద్దరు స్త్రీలను సాక్షులుగా సూచించినందున స్త్రీలు పురుషుల కంటే తక్కువ అన్న ఉలేమా వాదనకు సమాధానంగా, సయ్యద్ ముంతాజ్ అలీ వాదించారు. ఖురాన్ స్త్రీలను పురుషుల కంటే తక్కువగా పరిగణించడం లేదు.  కానీ స్త్రీలకు కొన్ని శారీరక ఆరోగ్య  సమస్యలు ఉన్నాయి ఋతుస్రావం, గర్భం మొదలైనవి అవి పురుషులకు లేవు. కాబట్టి, ఒక స్త్రీ అందుబాటులో లేకుంటే, మరొకరు సాక్ష్యమివ్వడానికి ఇద్దరు మహిళా సాక్షులు అవసరం అని  సలహా ఇవ్వబడింది.

ఏ ప్రవక్త కూడా స్త్రీ కానందున ఇస్లాం స్త్రీలను హీనంగా పరిగణిస్తుందనే ఉలేమాల మరో వాదనకు సమాధానంగా, సయ్యద్ ముంతాజ్ అలీ వాదిస్తూ, దేవుడు ప్రపంచంలో ఒక లక్షా 24 వేల మంది ప్రవక్తలను పంపాడని, అయితే మనకు అందరి ప్రవక్తల పేర్లు తెలియవు. . ప్రవక్తలందరి పేర్లు మనకు తెలియనప్పుడు ఏ స్త్రీ ప్రవక్త కాదని ఎలా చెప్పగలం?.

ఈ విధంగా, సయ్యద్ ముంతాజ్ అలీ ఖురాన్‌లోని ఆయతుల సహాయంతో స్త్రీల హీనత గురించి అప్పటి ఉలేమా యొక్క అన్ని వాదనలను ఖండించారు.

సయ్యద్ ముంతాజ్ అలీ ‘తఫ్సిల్ అల్ బయాన్ ఫి మకాసిద్ అల్ ఖురాన్’ పేరుతో ఖురాన్ యొక్క 6 సంపుటాల వ్యాఖ్యానాన్ని కూడా వ్రాసారు. ఇది అన్వర్ షా కాశ్మీరీ, మౌలానా అబుల్ కలాం ఆజాద్ మరియు సయ్యద్ సులేమాన్ నద్వీ వంటి గొప్ప ఇస్లామిక్ పండితులచే ప్రశంసించబడింది.

‘తహజీబ్-ఎ-నిస్వాన్’ అనే మహిళా పత్రికను కూడా తీసుకొచ్చాడు. సయ్యద్ ముంతాజ్ అలీ భార్య మహమ్మదీ బేగం దీనికి సంపాదకురాలు