రతన్ టాటా నేతృత్వంలోని ట్రస్ట్ 10,000 మంది మదర్సా విద్యార్థుల జీవితాలను మెరుగుపరిచింది Ratan Tata-led Trust improved lives of 10,000 Madrasa students

 

సచార్ కమిటీ నివేదిక దేశంలోని అతిపెద్ద మైనారిటీ కమ్యూనిటీ అయిన ముస్లింల విద్యా స్థితిని బట్టబయలు చేసింది. ముస్లిం అక్షరాస్యత రేటు కేవలం 59.1% మాత్రమేనని, 6-14 ఏళ్లలోపు పిల్లలలో నాలుగింట ఒక వంతు మంది బడి బయటే (డ్రాప్-అవుట్  గా ) ఉన్నారని నివేదిక పేర్కొంది. మెట్రిక్యులేషన్ చదివిన  ముస్లిం విద్యార్థుల శాతం కూడా 23.9% మాత్రమే ఉంది, ఇది జాతీయ సగటు 42.5% కంటే తక్కువగా ఉంది.

ప్రీమియర్ కాలేజీలలో 25 మంది అండర్ గ్రాడ్యుయేట్ విద్యార్థులలో ఒకరు మరియు 50 మంది పోస్ట్ గ్రాడ్యుయేట్ విద్యార్థులలో ఒకరు మాత్రమే ముస్లిం అని సచార్ కమిటీ నివేదిక పేర్కొంది.

సచార్ కమిటీ నివేదిక మరియు భారతీయ ముస్లింల తక్కువ విద్యా స్థాయి కారణంగా పారిశ్రామికవేత్త-పరోపకారి రతన్ టాటా భారతదేశంలో మదర్సా విద్య మెరుగుపరచడానికి నిశ్చయించుకొన్నారు. రతన్ టాటా నేతృత్వంలోని టాటా ట్రస్ట్ 2006లో పేద పిల్లలు చదివే మదర్సా విద్యను మెరుగుపరిచే పనిలో పడింది.

రతన్ టాటా మదర్సా విద్యను సంస్కరించడానికి ఒక సమగ్ర ప్రణాళికను రూపొందించారు. టాటా ట్రస్ట్ గొడుగు కింద రతన్ టాటా స్వచ్ఛంద సంస్థలు మరియు దాతృత్వ జాబితాలో మదరసా ప్రోగ్రామ్‌ను చేర్చాడు

టాటా ట్రస్ట్ తన వెబ్‌సైట్‌లో ఇలా పేర్కొంది, " టాటా ట్రస్ట్ లక్ష్యం సైన్స్, గణితం మరియు సాంఘిక శాస్త్రాలను ఇస్లామిక్  దీని తాలీమ్‌తో అనుసంధానించడం మరియు , ముస్లిం శాస్త్రవేత్తల విద్యా కృషిని  హైలైట్ చేయడం. సైన్స్, గణితం మరియు భూగోళ శాస్త్రాన్ని ఇస్లామిక్ జీవన విధానంతో అనుసంధానించడానికి పాఠ్య ప్రణాళికలు ఒక బోధనా ఫ్రేమ్‌వర్క్‌ను అందిస్తాయి."

టాటా ట్రస్ట్ పశ్చిమ బెంగాల్‌లోని నాలుగు మదర్సాలలో ఈ కార్యక్రమాన్ని ప్రారంభించింది మరియు తరువాత ఈ కార్యక్రమ౦ తూర్పు ఉత్తర ప్రదేశ్, బీహార్‌లోని కిషన్‌గంజ్ మరియు ముంబైకు  కూడా విస్తరించింది.

టాటా ట్రస్ట్ సెంటర్ మరియు కో-టీచింగ్ పద్ధతుల ద్వారా వినూత్న బోధనా పద్ధతుల్లో మదర్సా ఉపాధ్యాయులకు శిక్షణ ఇచ్చింది. ఇంటరాక్టివ్ మరియు సృజనాత్మక మార్గాల్లో పిల్లలకు ఎలా బోధించాలో కూడా ఉపాధ్యాయులకు నేర్పించారు.

అత్యధిక సంఖ్యలో మదర్సాలు ఉన్న ఉత్తరప్రదేశ్‌లో, టాటా ట్రస్ట్ వారణాసి మరియు జౌన్‌పూర్‌లోని 50 మదర్సాలలో సుమారు 10,000 మంది పిల్లలతో ఒక పెద్ద ప్రయోగాన్ని నిర్వహించింది. మదర్సాలను అప్‌గ్రేడ్ చేయడం మరియు ఆధునీకరించడం యొక్క సాధ్యాసాధ్యాలను తనిఖీ చేయడం ఈ ప్రయోగ లక్షం, తద్వారా ఇవి సాధారణ పాఠశాలల వలె మారుతాయి.

టాటా ట్రస్ట్ మదరసా సంస్థలను అప్‌గ్రేడ్ చేయడానికి మరియు ఆధునీకరించడానికి ప్రాధాన్యతనిస్తూ సమకాలీన కోర్సులు మరియు ఆధునిక విద్యా పద్ధతులను మదరసా పిల్లలకు పరిచయం చేసింది. మదర్సా విద్యార్థులు రెగ్యులర్ పాఠశాలలకు వెళ్లేలా ప్రోత్సహింపబడినారు.

విద్యారంగంలో పాలుపంచుకున్న NGOలతో టాటా ట్రస్ట్ భాగస్వామిగా ఉంది. సచార్ కమిటీ నివేదిక వెలువడిన వెంటనే యూపీలో తొలి దశ కార్యక్రమాన్ని టాటా ట్రస్ట్ ప్రారంభించినది.. మదర్సాలతో పాటు ప్రభుత్వ పాఠశాలలను కూడా విద్యాభివృద్ధికి లక్ష్యంగా పెట్టుకున్నారు. 2008 నుండి, టాటాట్రస్ట్ తన చొరవ, విద్యా కార్యక్రమాల  అమలు, కవరేజ్ మరియు వనరుల మద్దతును పెంచింది..

మదర్సా ఎడ్యుకేషన్ ఇంప్రూవ్‌మెంట్ ప్రోగ్రామ్‌ (MIP) లోని అతి ముఖ్యమైన అంశం విద్య నాణ్యతను మెరుగుపరచడమే కాకుండా తరగతి గదులలో సమ్మిళిత వాతావరణాన్ని సృష్టించింది. టాటా ట్రస్ట్ ఈ పథకంలో 400 మదర్సాలను కవర్ చేసింది, వాటిలో 75 'మోడల్ మదర్సా'లుగా అభివృద్ధి చేయబడ్డాయి. దానికి గాను వివిధ ప్రభుత్వేతర సంస్థలతో టాటాట్రస్ట్ సహకరించింది.

టాటా ట్రస్ట్ యొక్క మదర్సా ఎడ్యుకేషన్ ఇంప్రూవ్‌మెంట్ ప్రోగ్రాం (MIP) మతపరమైన మరియు ఆధునిక విద్యను ఏకీకృతం చేయగలదని మరియు సమాజంపై కూడా సానుకూల ప్రభావం చూపుతుందని రుజువు చేస్తుంది.

MIP కింద, మదర్సాలో సుమారు లక్ష మంది విద్యార్థులు మెరుగైన సిలబస్ కింద కవర్ చేయబడ్డారు. సుమారు ఒక దశాబ్దం క్రితం, టాటాట్రస్ట్ MIPని బీహార్ మరియు జార్ఖండ్‌లకు విస్తరించడం ప్రారంభించింది. ఈ కార్యక్రమం 3 రాష్ట్రాల్లోని 45,000 మంది విద్యార్థులకు చేరువైంది.