ముస్లిం జనాభా పెరుగుదలపై అపోహలు-డాక్టర్ SY ఖురైషీ myths on Muslim population growth-SY Qureshi

 

హైదరాబాద్:

భారతదేశంలో ముస్లిం జనాభా వేగంగా పెరుగుతోందని, భవిష్యత్తులో హిందువులను మించిపోవచ్చని సూచిస్తున్న వాదనలను  భారత మాజీ చీఫ్ ఎలక్షన్ కమిషనర్ డాక్టర్ SY ఖురైషీ ఖండించారు.

హైదరాబాద్‌లో జరిగిన 'మంథన్ సంవాద్-2024' కార్యక్రమంలో డాక్టర్ ఖురైషీ మాట్లాడుతూ, ఈ కథనాలు నిరాధారమైనవని మరియు మరో వెయ్యి సంవత్సరాలలో కూడా దేశంలో హిందువులను మించి ముస్లింలు ఉండరని అన్నారు.

డాక్టర్ ఖురేషి ప్రకారం అన్ని వర్గాలలో జననాల రేటు క్షీణించడoకు  ప్రధానంగా వివాహ వయస్సు పెరుగుదల కారణంగా ఉందని అన్నారు.

మారుతున్న సామాజిక కట్టుబాట్లతో కుటుంబాల్లో పిల్లలు తక్కువగా ఉన్నారని వివరించారు. ప్రస్తుతం పరిస్థితులలో మహిళలు ఇద్దరి కంటే ఎక్కువ పిల్లలను కనే పరిస్థితులు లేవని పేర్కొన్నారు.

కుటుంబ నియంత్రణ అమలు పద్ధతులకు సంబంధించి జాబితాలో ముస్లింలు అట్టడుగున ఉన్నారని, హిందువులు వారి కంటే కొంచెం ఎగువన ఉన్నారని డాక్టర్ ఖురైషి అన్నారు.

డాక్టర్ ఖురేషి 1921 నుండి 2011 వరకు జనాభా పెరుగుదలపై గణాంకాల ప్రకారం  ముస్లిం జనాభా 13.6 కోట్లు పెరిగితే, హిందువుల జనాభా 67.7 కోట్ల పెద్ద పెరుగుదలను చూసింది.

2011 నుండి, అధికారిక జనాభా గణనలు నిర్వహించబడలేదని, ప్రస్తుత పోకడలను ఖచ్చితంగా అంచనా వేయడం కష్టమని పేర్కొన్నారు. అయితే, ప్రస్తుతం హిందువుల కంటే ముస్లింలు కుటుంబ నియంత్రణను మరింత సమర్థవంతంగా ఆచరిస్తున్నారని ఖురైషి నొక్కి చెప్పారు.

డాక్టర్ ఖురేషి ప్రకారం భారతదేశంలో అక్షరాస్యత రేటులో ముస్లింలు రెండవ అత్యల్ప స్థానంలో ఉన్నారని మరియు ఉద్యోగాలు మరియు ప్రాథమిక మౌలిక సదుపాయాలకు సంబంధించి షెడ్యూల్డ్ కులాల (ఎస్సీలు)తో సమానంగా ఉన్నారని పేర్కొన్నారు.