మొఘల్ స్మారక చిహ్నాలు ఐదు సంవత్సరాలలో ప్రభుత్వానికి ₹548 కోట్లు ఆర్జించాయి Mughal monuments earn govt ₹548 crore in five years

 

న్యూఢిల్లీ

భారత ప్రభుత్వం గత ఐదు సంవత్సరాలలో ఐదు ప్రసిద్ధ మొఘల్ కాలం నాటి స్మారక చిహ్నాల నుండి ₹548 కోట్లకు పైగా సంపాదించింది. వీటిలో తాజ్ మహల్, ఆగ్రా కోట, కుతుబ్ మినార్, ఎర్రకోట మరియు రబియా దుర్రానీ సమాధి ఉన్నాయి.

కేంద్ర సాంస్కృతిక మంత్రిత్వ శాఖ ఏప్రిల్ 3న పార్లమెంటుకు సమర్పించిన సమాచార౦ ప్రకారం . 2019 మరియు 2024 మధ్య టిక్కెట్ల అమ్మకాల ద్వారా ఈ ఆదాయం వచ్చింది. మొఘల్ కాలం నాటి  చారిత్రాత్మక భవనాలు ప్రధాన పర్యాటక ఆకర్షణలుగా ఉన్నాయి మరియు స్థిరమైన ఆదాయాన్ని తెస్తాయి.

చక్రవర్తి షాజహాన్ తన భార్య ముంతాజ్ మహల్ జ్ఞాపకార్థం నిర్మించిన తాజ్ మహల్ 2019 మరియు 2024 మధ్య టిక్కెట్ల అమ్మకాల ద్వారా ₹297.33 కోట్లు ఆర్జించింది. దాదాపు 2.2 కోట్ల మంది దీనిని సందర్శించారు. ఒక RTI కు సమాధానం 2015 నుండి సెప్టెంబర్ 2024 వరకు, ఆగ్రాలోని తాజ్ మహల్ స్మారక చిహ్నం నుండి ప్రభుత్వం ₹535.62 కోట్లు ఆర్జించింది అని తెలిపినది...

సందర్శనకు  భారతీయ పౌరులు  ₹50 మరియు విదేశీయులు  ₹1,100 చెల్లిస్తారు. ప్రధాన గోపురంలోకి ప్రవేశించడానికి అదనంగా ₹200 ఖర్చవుతుంది. 2023–24లో, తాజ్ ₹98.5 కోట్లు సంపాదించింది, అయితే ప్రభుత్వం ఆగ్రాలోని అన్ని స్మారక చిహ్నాలపై ₹23.52 కోట్లు మాత్రమే ఖర్చు చేసింది.

మొఘలుల కాలం నాటి ఇతర స్మారక చిహ్నాలు కూడా పెద్ద మొత్తంలో సంపాదిస్తున్నాయి. కుతుబ్ మినార్ ఐదు సంవత్సరాలలో ₹63.74 కోట్లు సంపాదించింది, 92 లక్షలకు పైగా సందర్శకులు వచ్చారు. గత పదేళ్లలో, కుతుబ్ మినార్ ₹178 కోట్లు తెచ్చిపెట్టింది.

ప్రధాని స్వాతంత్ర్య దినోత్సవం నాడు దేశాన్ని ఉద్దేశించి ప్రసంగించే ఎర్రకోట ఐదు సంవత్సరాలలో ₹54.32 కోట్లు సంపాదించింది. ఆగ్రా కోట ₹64.84 కోట్లు తెచ్చిపెట్టింది మరియు దాదాపు 70 లక్షల మంది సందర్శకులను చూసింది.

మహారాష్ట్రలోని ఔరంగాబాద్‌లోని రబియా దుర్రానీ సమాధి 42 లక్షల మంది పర్యాటకులతో ₹68.51 కోట్లు సంపాదించింది. దిల్రాస్ బాను బేగం అని కూడా పిలువబడే రబియా దుర్రానీ, చక్రవర్తి ఔరంగజేబు భార్య. ఈ సమాధిని బీబీ కా మక్బారా అని కూడా పిలుస్తారు.

ఢిల్లీలోని హుమాయున్ సమాధి, సఫ్దర్‌జంగ్ సమాధి, పురానా ఖిలా మరియు ఫిరోజ్ షా కోట్లా వంటి ఇతర మొఘల్ ప్రదేశాల నుండి కూడా ప్రభుత్వం 2019 మరియు 2024 మధ్య ₹42 కోట్లు సంపాదించినది..

 నేటికీ, లక్షలాది మంది ఈ చారిత్రాత్మక ప్రదేశాలను సందర్శిస్తున్నారు.

 

 

ఆధారం: క్లారియన్ ఇండియా, ఏప్రిల్, 13, 2025

By: Clarion India, Date: April 13, 2025