న్యూఢిల్లీ—
ఉత్తర ఢిల్లీలోని షాలిమార్ బాగ్‌లో ఉన్న చారిత్రాత్మక మొఘల్ కాలం నాటి షీష్ మహల్‌ను అందంగా పునరుద్ధరించి ప్రజల కోసం తెరిచారు
మొదట 1653లో చక్రవర్తి షాజహాన్ పాలనలో నిర్మించబడిన షీష్ మహల్ మరియు దాని చుట్టుపక్కల తోటలు దశాబ్దాలుగా నిర్లక్ష్యం చేయబడ్డాయి. ఢిల్లీ డెవలప్‌మెంట్ అథారిటీ (DDA) సహకారంతో ఆర్కియాలజికల్ సర్వే ఆఫ్ ఇండియా (ASI) పునరుద్ధరణ కార్యక్రమానికి నాయకత్వం వహించింది.ప్రక్కనే ఉన్న చార్ బాగ్ ప్రకృతి దృశ్యాన్ని కూడా సాంప్రదాయ మొఘల్ శైలిలో తిరిగి రూపొందించినారు
ఒకప్పుడు ఐజ్జాబాద్ Aizzabad గార్డెన్‌గా పిలువబడే షాలిమార్ బాగ్‌ను ఐజున్-నిషా బేగం జ్ఞాపకార్థం షాజహాన్ నిర్మించారు. . 'షాలా' మరియు 'మారా' నుండి ఉద్భవించిన 'షాలీమార్' అనే పేరును చక్రవర్తి షాజహాన్ స్వయంగా ఎంచుకున్నాడని చెబుతారు, దీని అర్థం 'ఆనంద నివాసం'. షీష్ మహల్ 1658లో ఔరంగజేబు మొదటి పట్టాభిషేక వేదికగా కూడా గుర్తుండిపోతుంది.
పునరుద్ధరణ ప్రయత్నాలలో శిథిలమైన బారాదరి (పెవిలియన్) మరియు మూడు వారసత్వ కుటీరాల పునరుద్ధరణ ఉన్నాయి. పునరుద్ధరించబడిన రెండు కుటీరాలలో - ఒకటి "ది రీడర్స్ కేఫ్ కార్నర్"గా మరియు మరొకటి ప్రజా రిఫ్రెష్‌మెంట్‌ల కోసం "కేఫ్ షాలీమార్"గా మార్చారు.
పునరుద్ధరించబడిన షీష్ మహల్ ఒక సాంస్కృతిక మరియు
చారిత్రక ఆకర్షణగా మారుతుందని, ఢిల్లీ నడిబొడ్డున మొఘల్ వాస్తుశిల్పం మరియు వారసత్వం యొక్క గొప్పతనాన్ని
అనుభవించడానికి సందర్శకులను ఆహ్వానిస్తుందని భావిస్తున్నారు.
No comments:
Post a Comment