అరుణా అసఫ్ అలీ స్వాతంత్ర్య సమరయోధురాలు Aruna Asaf Ali, The freedom fighter

భారతదేశం యొక్క స్వాతంత్ర్య పోరాటం మరియు ఆనాటి ప్రసిద్ధ స్వాతంత్ర్య సమరయోధుల ప్రస్తావన లేకుండా భారత చరిత్రను పూర్తి చేయలేము.

తన కాలానికి ముందున్న భారత స్వాతంత్ర్య సమరయోధురాలు  అరుణ అసఫ్ అలీని మనం ఒకసారి గుర్తు చేసుకొందాము.

క్విట్ ఇండియా ఉద్యమo లో ప్రసిద్ది గాంచిన భారతీయ మహిళా స్వాతంత్ర సమరయోధురాలు  అరుణా అసఫ్ అలీ. స్వాతంత్ర్య ఉద్యమం యొక్క 'గ్రాండ్ ఓల్డ్ లేడీ' గా ప్రసిద్ది చెందిన ధీర వనిత అరుణ అసఫ్ అలీ.

 మహాత్మా గాంధీ ఆదర్శాలు మరియు నమ్మకాలతో ఆమె బాగా ప్రభావితమైంది. అరుణ అసఫ్ అలీ 1942 లో క్విట్ ఇండియా ఉద్యమంలో చురుకుగా పాల్గొన్న విప్లవాత్మక వామపక్షవాది.

ఆగష్టు 8, 1942 న, కాంగ్రెస్ క్విట్ ఇండియా తీర్మానాన్ని ఆమోదించింది  మరియు మహాత్మా గాంధీ. జవహర్ లాల్ నెహ్రూతో సహా కాంగ్రెస్ ప్రముఖ నాయకులందరినీ బ్రిటిష్ ప్రభుత్వం అరెస్టు చేసింది.

"చేయండి లేదా చనిపోవాలి DO or DIE" అన్న  గాంధీజీ  పిలుపుకు స్పందిస్తూ, 1942 ఆగస్టు 9 న బొంబాయిలోని గోవాలియా ట్యాంక్ మైదాన్ (ఇప్పుడు ఆజాద్ మైదాన్) వద్ద త్రివర్ణ పతాకాన్ని  ఎగురవేయడం ద్వారా బ్రిటిష్ వారిని ధిక్కరించి, క్విట్ ఇండియా ఉద్యమ విజయానికి అరుణ ఆసిఫ్ అలీ తోడ్పడినది. బ్రిటిష్ పోలీసులు ఆమె కోసం వెతుకుతున్నందున ఆమె అరెస్టు నుండి తప్పించుకొని అజ్ఞాతం లోకి వెళ్లింది.

ఆమె అజ్ఞాతం లో ఉన్నప్పుడు అజ్ఞాత రేడియో, కరపత్రాలు మరియు 'ఇంక్విలాబ్' వంటి పత్రికల ద్వారా తన పోరాటాన్ని కొనసాగించింది. 1946 లో ఆమెకు వ్యతిరేకంగా ఉన్న వారెంట్ ఉపసంహరించబడింది మరియు ఆమె అజ్ఞాతం నుండి  బయటకు వచ్చింది.

స్వాతంత్ర్యం తరువాత, ఆమె ప్రజా సేవలో చురుకుగా పాల్గొన్నారు మరియు 1958 లో డిల్లి యొక్క మొట్టమొదటి మహిళా మేయర్‌గా ఎన్నికయ్యారు. ఆమె పేట్రియాట్ వార్తాపత్రిక మరియు లింక్‌ వారపత్రిక ను నడిపింది.

ఆమె జూలై 16, 1909 న ఉదార ​​బ్రహ్మో కుటుంబంలో అరుణ గంగూలీగా జన్మించింది. ఆమె తండ్రి, ఉపేంద్రనాథ్ గంగూలీ, రెస్టారెంట్ యజమాని, ఆధునిక బంగ్లాదేశ్‌లోని బారిసాల్ నుండి యునైటెడ్ ప్రావిన్సెస్ (ప్రస్తుత ఉత్తర ప్రదేశ్) కు వలస వచ్చారు.

ఆమె లాహోర్ యొక్క సేక్రేడ్ హార్ట్ కాన్వెంట్ నుండి పాఠశాల విద్యను పూర్తి చేసింది మరియు తరువాత నైనిటాల్ లోని ఆల్ సెయింట్స్ కాలేజీకి వెళ్ళింది. కలకత్తాలోని గోఖలే మెమోరియల్ స్కూల్లో టీచర్‌గా ఆమె మొదటి ఉద్యోగం చేసింది.

1928 లో ఆమె ముస్లిం మరియు ఇండియన్ నేషనల్ కాంగ్రెస్ (ఐఎన్సిINC) లో ప్రముఖ నాయకుడు మరియు భగత్ సింగ్‌ తరుపున వాదించిన  ఆసఫ్ అలీని వివాహం చేసుకుంది. ఆమె వివాహాన్ని ఆమె తల్లిదండ్రులు వ్యతిరేకించారు. ఆసిఫ్ అలీ ఆమెకన్నా 23 సంవత్సరాల సీనియర్, మరియు అతను 1953 లో మరణించాడు.

ఆమె తన భర్త  అసఫ్ అలీ ద్వారానే రాజకీయ ప్రపంచానికి మొదటిసారి పరిచయం అయ్యింది. ఆమె తన భర్త అడుగుజాడలను అనుసరించి, కాంగ్రెస్ పార్టీలో చురుకైన సభ్యురాలిగా మారింది.1930 లో సాల్ట్ సత్యాగ్రహంలో చురుకుగా పాల్గొనడంతో ఆమె రాజకీయాల్లోకి అడుగు పెట్టారు.

అరుణ అసఫ్ అలీ కి వివాహం అయిన రెండేళ్లలోనే 1931 లో ఆమెను అరెస్టు చేశారు, ప్రజల బహిరంగ నిరసనల తరువాత మహాత్మా గాంధీ జోక్యం తో ఆమె విడుదల అయ్యారు.

1932 లో, ఆమెను అరెస్టు చేసి తిహార్ జైలులో ఉంచారు. అక్కడ ఇతర రాజకీయ ఖైదీల పట్ల అనుసరిస్తున్న జైలు అధికారులు అనుసరిస్తున్న వివక్షత/ ట్రీట్మెంట్ కు నిరసనగా ఆమె నిరాహార దీక్ష ప్రారంభించింది. ఇది వారి జీవన పరిస్థితుల మెరుగుదలకు దారితీసింది ఆ తరువాత ఆమెను అంబాలాలో ఏకాంత ఖైదుకు తరలించారు, మరియు విడుదలైన తర్వాత క్విట్ ఇండియా ఉద్యమం వరకు పదేళ్లపాటు రాజకీయంగా క్రియారహితంగా ఉన్నారు.

1942 తరువాత, ఆమె ఆస్తిని ప్రభుత్వం స్వాధీనం చేసుకుని విక్రయించినది. ఆమె అజ్ఞాతం లోకి వెళ్లి, కాంగ్రెస్ యొక్క మాస పత్రిక ఇంక్విలాబ్‌ను రామ్ మనోహర్ లోహియాతో కలసి ఎడిట్ చేసినది.

ఆమె స్వతంత్ర భావాలకు పేరుగాంచిన ధీరవనిత. 1946 లో తనకు తాను లొంగిపోవాలన్న గాంధీ అభ్యర్థనను ఆమె అంగీకరించలేదు.ఆమె తన ఆదర్శాలకు కట్టుబడి ఉంది మరియు రాయల్ ఇండియన్ నేవీ తిరుగుబాటుకు మద్దతు ఇచ్చినందుకు గాంధీ ఆమెను విమర్శిoచెను.

 1948 లో అరుణ కాంగ్రెస్ నుంచి వైదొలిగి సోషలిస్ట్ పార్టీలో చేరారు. 1950 దశకం ప్రారంభంలో ఆమె కమ్యూనిస్ట్ పార్టి లో చేరిన తరువాత 1956 లో ఆమె పార్టీ నుండి వైదొలిగినది.

1958 లో ఆమె డిల్లి కి  ఎన్నికైన మొదటి మహిళా  మేయర్‌గా పనిచేశారు

తన కాలానికి ముందు ఉన్న అబ్యుదయ మహిళ ఆమె. అరుణ అసఫ్ అలీ 29 జూలై 1996 న కన్నుమూశారు.

స్వాతంత్య్రానంతరం ఆమె మహిళా విద్యను ప్రోత్సహించడం ద్వారా మహిళల హోదాను మెరుగుపర్చడానికి కృషి చేసింది. ఈ లక్ష్యాన్ని సాధించడానికి ఆమె 'వీక్లీ' మరియు 'పేట్రియాట్' అనే వార్త పత్రికను కూడా ప్రారంభించింది

ఆమె జీవితాంతం వామపక్షవాదిగా ఉండి, సిపిఐ యొక్క మహిళల విభాగమైన నేషనల్ ఫెడరేషన్ ఆఫ్ ఇండియన్ ఉమెన్‌ను అభివృద్ధి చేయడంలో కీలకపాత్ర పోషించింది.అరుణ దళితుల సమీకరణకు తన  మద్దతు ప్రకటించారు మరియు పర్యావరణ క్షీణతకు మరియు సామాజిక పరాయీకరణకు దారితీసే "అనవసరమైన పారిశ్రామికీకరణ" ను వ్యతిరేకించారు. మహిళల అభ్యున్నతి కోసం ఆమె కృషి చేసారు. రిజర్వేషన్ల కంటే విద్య మరియు మెరుగైన ఆరోగ్య సంరక్షణ మహిళలకు ఎక్కువ మేలు చేస్తుందని ఆమె నమ్మారు.

క్రియాశీల రాజకీయాల నుండి వైదొలిగినప్పటికీ, 1964 లో ఆమె తిరిగి కాంగ్రెస్‌లో చేరారు. అత్యవసర పరిస్థితిని విమర్శించినప్పటికీ ఆమె ఇందిరా గాంధీతో సన్నిహితంగా ఉంది.

అరుణను జాతీయవాదులు మరియు వామపక్షాలు సత్కరించాయి. ఆమెకు ఆర్డర్ ఆఫ్ లెనిన్ మరియు 1965 లో లెనిన్ శాంతి బహుమతి లభించింది. 1992 లో ఆమెకు పద్మ విభూషణ్ మరియు 1997 లో భారత రత్న అవార్డు  మరణానంతరం లభించింది. ఆమె అంతర్జాతీయ అవగాహన కోసం ఉద్దేశించబడిన నెహ్రూ అవార్డు గ్రహీత కూడా.

 

 

 

భారత స్వాతంత్ర సమర యోధుడు అసఫ్ అలీ Asaf Ali(1909-1953)

అసఫ్ అలీ (11 మే 1888 - 2 ఏప్రిల్ 1953) ప్రముఖ  భారతీయ స్వాతంత్ర్య సమరయోధుడు మరియు ప్రముఖ న్యాయవాది. ఇతను 11 మే 1888న సియోహరా, నార్త్-వెస్ట్రన్ ప్రావిన్సెస్, బ్రిటిష్ ఇండియా లో జన్మించాడు మరియు 2 ఏప్రిల్ 1953న 64 ఏళ్ళ వయసులో మరణించారు.

అతను అమెరికాలో మొదటి భారత రాయబారి మరియు ఒడిశా రాష్ట్ర గవర్నర్‌గా కూడా పనిచేశారు.

అసఫ్ అలీ డిల్లి లోని సెయింట్ స్టీఫెన్స్ కాలేజీలో చదువుకున్నాడు. అతను  ఇంగ్లాండ్‌లోని లింకన్స్ ఇన్ నుండి బారిస్టర్ పట్ట పొంది డిసెంబర్ 1914 లో భారతదేశానికి తిరిగి వచ్చాడు. భారతదేశానికి తిరిగి వచ్చిన తరువాత, అసఫ్ అలీ జాతీయవాద ఉద్యమంలో ఎక్కువగా పాల్గొన్నాడు.

అసఫ్ అలీ దేశంలో అత్యంత ప్రముఖ గౌరవనీయమైన ప్రముఖ న్యాయవాదులలో ఒకరిగా అతి త్వరలోనే ఎదిగాడు.

1928 లో అతను తనకు 20 సంవత్సరాలు పైగా  తనకు జూనియర్ అయిన అరుణా గంగూలి(అరుణా అసఫ్ అలీ) ని వివాహం చేసుకున్నాడు. 1942క్విట్ ఇండియా ఉద్యమం, సందర్భంగా బొంబాయిలోని గోవాలియా ట్యాంక్ మైదానంలో భారత జాతీయ కాంగ్రెస్ జెండాను ఎగురవేసినందుకు ఆమె పేరు గాంచినది.

1929 ఏప్రిల్ 8 న సెంట్రల్ లెజిస్లేటివ్ అసెంబ్లీలో బాంబు విసిరిన షాహీద్ భగత్ సింగ్ మరియు బతుకేశ్వర్ దత్ల తరుపున న్యాయవాది గాపనిచేసాడు.

1935 లో ముస్లిం నేషనలిస్ట్ పార్టీ సభ్యుడిగా కేంద్ర శాసనసభకు ఎన్నికయ్యారు. తరువాత అతను కాంగ్రెస్ సభ్యునిగా ప్రాముఖ్యత పొందాడు మరియు ఉప నాయకుడిగా నియమించబడ్డాడు.

ఆగష్టు 1942 లో అఖిల భారత కాంగ్రెస్ కమిటీ ఆమోదించిన 'క్విట్ ఇండియా' తీర్మానం కు అనుగుణంగా ఆందోళనలో పాల్గొన్నాడు మరియు జవహర్‌లాల్ నెహ్రూ మరియు ఇతర కాంగ్రెస్ వర్కింగ్ కమిటీ సభ్యులుతో సహా అహ్మద్‌నగర్ ఫోర్ట్ జైలులో జైలు జీవితం గడిపినాడు.

1945 లో, భారత జాతీయ సైన్యం యొక్క అధికారుల డిఫెన్స్ కోసం కాంగ్రెస్ స్థాపించిన ఐఎన్ఎ డిఫెన్స్ బృందం కన్వీనర్‌గా 1945 నవంబర్‌లో అసఫ్ అలీ పనిచేశారు.

1946 లో జవహర్‌లాల్ నెహ్రూ నేతృత్వంలోని ఏర్పడిన మధ్యంతర ప్రభుత్వంలో రైల్వే మరియు రవాణా బాధ్యతలను నిర్వహించారు.

ఫిబ్రవరి 1947 నుండి ఏప్రిల్ 1947 మధ్యకాలం వరకు అతను యునైటెడ్ స్టేట్స్‌లో మొదటి భారత రాయబారిగా పనిచేశాడు.

2,ఏప్రిల్ 1953న స్విట్జర్లాండ్‌ బెర్న్లోని కార్యాలయంలో భారత రాయబారిగా పనిచేస్తున్నప్పుడు అసఫ్ అలీ మరణించాడు.

1989 లో అతని గౌరవార్థం ఇండియా పోస్ట్ ఒక స్టాంప్‌ను విడుదల చేసినది.

అతని భార్య అరుణ అసఫ్ అలీకి భారతదేశపు అత్యున్నత పౌర పురస్కారం “భారత రత్న”మరణాంతరం లబిoచినది.

అసఫ్ అలీ రచించిన పుస్తకాలు: Gandhi's Life And Death: Its Meaning For Mankind

సూఫీ ఇనాయత్ యొక్క వివేకం మాటలు

తన ప్రసంగాలలో ఒకటైన “ది ఆర్ట్ ఆఫ్ బీయింగ్ అండ్ బికమింగ్ The Art of Being and Becoming” హజ్రత్ ఇనాయత్  “సాక్షాత్కారానికి మొదటి సంకేతం ఇతరుల పట్ల సహనం చూపటం” అన్నారు.

భారతీయ సంగీతకారుడు- ఆధ్యాత్మిక వేత్త - హజ్రత్ ఇనాయత్ ఖాన్ మొదటి ప్రపంచ యుద్ధాన్ని ఎదుర్కొన్నప్పుడు పశ్చిమ దేశాలకు ఆధ్యాత్మికతతో సంగీతాన్ని నేర్పించారు.

"మీకు  నిజంగా ఎవరు మీరు  అని ధైర్యం ఉందా?" -హజ్రత్ ఇనాయత్ ఖాన్

భారతదేశపు "ప్రపంచ  సూఫీ" గా ప్రసిద్ది చెందిన హజ్రత్ సూఫీ ఇనాయత్ ఖాన్ పాశ్చాత్య ప్రజలకు సితార్ మరియు "వయోలిన్" ద్వారా   "హింస” నుoడి  ఆధ్యాత్మిక ఉపశమనం అందించాడు. అందువల్ల, "ది బౌల్ ఆఫ్ సాకి" లో ఉన్న అతని ఆధ్యాత్మిక ఉపన్యాసాలు మరియు వివేకం గల మాటలు భారతదేశంలో అనాదిగా అమలులో ఉన్న పురాతన బహుళ మరియు రహస్యమయ వాదాన్ని pluralistic and mystical tradition పునరుజ్జీవింపచేయడానికి తీవ్రంగా అమలు చేయాలి.

హజ్రత్ ఇనాయత్ అంతర్-మత inter-religious వాతావరణంలో పెరిగారు  అందువల్ల, తన బాల్యం నుండి, అతను దైవిక విశ్వవ్యాప్తత గురించి, అనుభవపూర్వక స్థాయిలో బలమైన నమ్మకంతో జీవించాడు. ఆ విధంగా తన జీవితాంతం, మతపరమైన ఆదర్శాల ఐక్యత, ఆధ్యాత్మిక స్వేచ్ఛ, తోటి మానవులకు పరస్పర గౌరవం, వ్యక్తిత్వ కళను పెంపొందించడం మరియు సంగీతం యొక్క పవిత్ర స్వభావాన్ని మెచ్చుకోవడం వైపు ఒక అంతర్గత మార్గాన్ని చూపించారు.

“ది బౌల్ ఆఫ్ సాకి, ది హార్ట్ ఆఫ్ సూఫిజం, ది వే ఆఫ్ ఇల్యూమినేషన్, ది మ్యూజిక్ ఆఫ్ లైఫ్ మరియు ఇన్నర్ లైఫ్” వంటి అతని అన్ని ఉపన్యాసాల సారాంశం ఇది.

అతను తన బాల్యంలో సంగీతం మరియు కవితలను బాగా నేర్చుకున్నాడు మరియు నవాబులు మరియు యువరాజుల కోర్టులలో మరియు హైదరాబాద్ నిజాం వద్ద వీణ వాయించేవాడు. "సంగీతం, కవిత్వం మరియు తత్వశాస్త్రం పట్ల నా అభిరుచి, ప్రతిరోజూ పెరిగింది, నా వయస్సు గల అబ్బాయిలతో ఆటల  కంటే వాటిని నేను చాలా ఇష్టపడ్డాను" అని ఆయన చెప్పారు.

అతని మర్షిద్, సయ్యద్ అబూ హషీమ్ చిష్తి అతన్ని “తూర్పు మరియు పడమరలను నీ సంగీతం యొక్క సామరస్యంతో సమన్వయం చేయి” అని ప్రోత్సహించారు. ఈ విధంగా, ఇనాయత్ తన ఆధ్యాత్మిక యానానికి పశ్చిమ దేశాలకు బయలుదేరాడు, అక్కడ అతను మతపరమైన ఆదర్శాల ఐక్యతను బలోపేతం చేసే లక్ష్యంతో భారతీయ సూఫీయిజం, పవిత్ర సంగీతం, ధ్వని మరియు సంగీతం యొక్క హిందూస్థానీ గాత్ర మార్మికతను పరిచయం చేశాడు.

 “ది ఆర్ట్ ఆఫ్ బీయింగ్ అండ్ బికమింగ్” అనే తన ప్రసంగo లో  హజ్రత్ ఇనాయత్ “సాక్షాత్కారానికి మొదటి సంకేతం ఇతరుల పట్ల సహనం చూపటం” అన్నారు. యేసుక్రీస్తు: “నా తండ్రి ఇంట్లో చాలా భవనాలు ఉన్నాయి” అన్నారు  మరియు ప్రవక్త ముహమ్మద్ (స): “ప్రతి ఆత్మకు దాని స్వంత మతం ఉంది”. అన్నారు దాని అర్ధం “ఆధ్యాత్మిక స్వేచ్ఛ”

మారుతున్న ఈ జీవితంలో వెతకడానికి లేదా నివసించడానికి కావాల్సినది ఏమిటనే ప్రశ్నకు సమాధానమిస్తూ ప్రతి ఒక్కరూ తన పరిణామం ప్రకారం కోరికను కలిగి ఉన్నారని చెప్పారు. మనకు  సిద్ధంగా ఉన్నది మనకు కావాల్సిoది సూచిస్తుంది. ఉదాహరణకు - పసి శిశువుకు కావాల్సినది, పాలు ఎందుకంటే దాని కోసం మాత్రమే పసిపాప సిద్ధంగా ఉన్నాది.

పెద్దవారికి చాలా ఆహారాల పట్ల కోరిక ఉంటుంది. "జీవితంలో ప్రతి దశకు తగిన మరియు కావాల్సిన విషయాలు ఉన్నాయి" అని ఆయన చెప్పారు. రూమి తన మస్నావిలో సూచించిన దానికి ఇది అనుగుణంగా ఉంటుంది:

ఒక వ్యక్తి తన అవసరానికి అనులోమానుపాతంలో సాధనాలను కలిగి ఉంటాడు.

ప్రేమగల దయతో సమృద్ధిగా ఉన్న సముద్రం పెరిగేలా, త్వరగా, మీ అవసరాన్ని పెంచుకోండి.

అల్లాహ్‌(SWT) పై తవక్కుల్ చీకటిలో మీకు మార్గం చూపిస్తుంది

మీరు అల్లాహ్‌(SWT)పై తవాకుల్ కలిగి ఉంటే, మీరు ప్రతి జీవన సంఘర్షణ అందు విజయం సాధించవచ్చు. అల్లాహ్‌పై నమ్మకం ఉంచి మరియు జీవిత కష్టాలను విజయవంతంగా ఎదుర్కొనే ప్రతి ముస్లింకు ఇది వర్తిస్తుంది.

"మీరు అల్లాహ్ (SWT) పై ఆధారపడినట్లయితే అయన ఉదయం ఆకలితో మేల్కొని, సంధ్యా సమయంలో పూర్తి కడుపుతో తిరిగి వచ్చే పక్షులకు ఆహరం అందించినట్లు ఆయన మీకు అందిస్తాడు.."-(అల్-తిర్మిజి )

అల్లాహ్ (SWT) పై నమ్మకంతో మనల్ని ముందుకు వెళ్ళేలా చేసే హృదయ కాంతి తవాకుల్. అల్లాహ్‌పై తవక్కుల్ అయన ఉనికికి మనకు దగ్గిర చేస్తుంది మరియు తరువాత జీవితంలో ఏది అసాధ్యం కాదు  అనిపిస్తుంది. తవక్కుల్ అల్లాహ్ మీద ఆధారపడిన మరియు అల్లాహ్ మీద నమ్మకం ఉన్న రెండు ముఖ్యమైన స్తంభాలపై నిర్మించబడింది.

దివ్య ఖురాన్ లో చెప్పినట్లు:

కష్టాలతో  పాటు తప్పని సరిగా సుఖాలు కూడా ఉన్నాయి. (94: 6)

పవిత్ర ఖురాన్ వెలుగులో తవక్కుల్:

·         'మేమంతా అల్లాహ్ కే చెందిన వారము. అల్లాహ్ వైపునకే మరలి పోవలసినవారము” అని అనేవారికి శుభావార్తలు  తెలుపు. వారిపై వారి ప్రభువు తన అపూర్వ అనుగ్రహాలను కురిపిస్తాడు. ఆయన కారుణచ్చాయలు వారికి అశ్రయమిస్తాయి.వారే సన్మార్గగాములు.” -సూరా అల్-బకారా 2: 155-157.

·         అల్లాహ్‌ పై భారం వెయ్యి. తననే నమ్ముకొని పనిచేసేవారంటే అల్లాహ్ కు ఎంతో ఇష్టం.-సూరా అల్-ఇమ్రాన్ 3: 159

·         మేము నిన్నే ఆరాధిస్తాము, సహాయం కొరకు నిన్నె అర్ధిస్తాము- సూరా అల్-ఫాతిహా: 5

·         ‘ అల్లాహ్ మాకోరకు వ్రాసి ఉంచింది తప్ప మాకు ఏది (చెడు గాని మంచిగాని) ఎ మాత్రం కలుగదు. అల్లాహ్ యే మా సంరక్షకుడు. విశ్వసించే వారు ఆయననే నమ్ముకోవాలి.”-సూరా అత్-తౌబా 9: 51

పైన వివరించిన ఆయతులు విశ్వాసి  తవక్కుల్ గురించి చెబుతున్నాయి కాబట్టి మీరు అల్లాహ్ (SWT) పై తవాకుల్ ఉన్నప్పుడు ఇతరులపైన ఎందుకు నమ్మకం ఉంచాలి

హదీసుల  వెలుగులో తవక్కుల్:

·         "దేవునిపై వివిధ స్థాయిలలో నమ్మకం ఉంది. వాటిలో ఒకటి ఏమిటంటే, మీ వ్యవహారాలన్నిటిలో మీరు దేవునిపై నమ్మకం ఉంచాలి, దేవుడు మీకు చేసే పనులన్నింటినీ బాగా సంతోషించి, మీ పట్ల ఆయన చేసిన మంచితనం మరియు దయను అతను నిలిపివేయలేడని మరియు దానిలోని ఆజ్ఞ అతనితోనే ఉందని ఖచ్చితంగా తెలుసుకోవడం.  కాబట్టి దేవునిపై మీ నమ్మకాన్ని ఉంచండి. దానిని ఆయనకు వదిలేయండి మరియు దానికి మరియు మిగతా వాటికి సంబంధించి ఆయనపై ఆధారపడండి. ”- [అల్-కులాయిని, అల్ కాఫీ, వాల్యూమ్ 2, పే. 391, హదీసు నం 3]

జీవితం లోని అన్ని దసలలోను  మీ చేతిని పట్టుకోవడానికి సర్వశక్తిమంతుడైన అల్లాహ్ ఎల్లప్పుడూ ఉంటాడు. ఆనందం లేదా విచారం రెండింటిలోనూ ప్రార్థన చేయడం గుర్తుంచుకోండి. మీ విధి ఎల్లప్పుడూ అల్లాహ్ చేతిలో ఉంటుంది. కాబట్టి మీ విషయాలన్నీ ఆయనకు వదిలేయండి. చివరికి అంతా గొప్పగా ఉంటుంది.