ఉత్తర భారత రాజకీయాలలో బి.జె.పి. పట్ల పస్మంద ముస్లింలలో పెరుగుతున్న ఆదరణ.

 

పస్మండలు సామాజికంగా, విద్యాపరంగా మరియు ఆర్థికంగా వెనుకబడిన వారిని కలిగి ఉంటారు. భారత దేశంలోని ముస్లిం సమాజంలో పస్మందాస్ మెజారిటీగా ఉన్నారు. పస్మంద నాయకుడు ప్రకారం, పస్మాండ ముస్లిం సమాజంలో భాగంగా అనేక కులాలు గుర్తించబడ్డాయి, ఇందులో అన్సారీ, మన్సూరి, కస్గర్, రైన్, గుజార్, ఘోసి, ఖురేషి, ఇద్రిసి, నాయక్, ఫకీర్, సైఫీ, అల్వీ మరియు సల్మానీ ఉన్నారు. వారు సాధారణంగా వారసత్వంగా వచ్చే  వృత్తులను కలిగి ఉంటారు, చిన్న తరహా రోడ్‌సైడ్ వ్యాపారాలను నిర్వహిస్తారు మరియు చిన్న సంపాదనతో జీవిస్తున్నారు.

ఇతర OBC-ఆధారిత ప్రాంతీయ పార్టీలు యు.పి.లో ప్రధాన ప్రతిపక్షమైన సమాజ్‌వాదీ పార్టీ (ఎస్‌పి) తో బలమైన పొత్తును కలిగి ఉన్నప్పటికీ, ఇటీవలి యు.పి.రాష్ట్ర అసెంబ్లీ ఎన్నికలలో దాదాపు ఎనిమిది శాతం మంది ఓటర్లు పార్టీ బిజె.పి.వైపు మొగ్గు చూపడంతో పస్మండ ముస్లింల మద్దతు పొందాలనే ఆ పార్టీ ఆశ పెరిగింది.

అన్ని వర్గాలలోని "అణగారిన " వర్గాలకు చేరువ కావాలని ప్రధానమంత్రి నరేంద్రమోదీ కోరిన నేపథ్యంలో పస్మాండ (వెనుకబడిన తరగతి) ముస్లింలపై దృష్టి సారించాలని బి,జె.పి.ప్రణాళిక వేసింది. ఇది ప్రతిపక్ష పార్టీలకు, ముఖ్యంగా ఉత్తరప్రదేశ్ మరియు బీహార్‌లలో తాజా ఆందోళన కలిగిస్తుంది.. 

ఇటివల "అసెంబ్లీ పోల్‌లో, బారాబంకి జిల్లాలో SP అభ్యర్థి పసమండా ముస్లింల ఓట్లు BJP వైపు మారడంపై ఆందోళన వ్యక్తం చేశారు.లక్నోలోని పస్మండ ముస్లిం కమ్యూనిటీకి చెందిన ఒక SP నాయకుడు అభిప్రాయం ప్రకారం “నేను ఒక పస్మండ గ్రామాన్ని సందర్సిoచినప్పుడు అక్కడి ప్రజలు  బిజెపి ప్రభుత్వ హయాంలో తమకు (పస్మండ ముస్లిములకు)ఇళ్లు, ఉచిత రేషన్లు, మరుగుదొడ్లు, ఎల్‌పిజి సిలిండర్లు, తక్కువ ఖర్చుతో కూడిన వైద్య సదుపాయాలు లభించాయని, ఇతర పార్టీలు తమకు అలాంటి వాటిని ఎప్పుడూ అందించలేదని చెప్పారు”.

ఎన్నికల ఫలితాల తర్వాత, యు.పి. బిజెపి ప్రభుత్వం దాని ఏకైక ముస్లిం మంత్రిగా డానిష్ ఆజాద్ అన్సారీ (పస్మాండ ముస్లిం)ని చేర్చుకుంది. మునుపటి ఆదిత్యనాథ్ మంత్రివర్గంలో, ఫార్వర్డ్ క్లాస్ ముస్లిం కమ్యూనిటీకి చెందిన మొహ్సిన్ రజా ఏకైక ముస్లిం మంత్రి.

అలాగే, యుపిలోని మైనారిటీలకు సంబంధించిన వివిధ బోర్డులు మరియు అకాడమీలలో, బిజెపి ప్రభుత్వం ఇప్పుడు పస్మాండ ముస్లింలను నియమించింది. ఇటీవల జరిగిన యూపీ అసెంబ్లీ ఎన్నికల్లో ఎన్నికైన మొత్తం 34 మంది ముస్లిం ఎమ్మెల్యేలలో 30 మంది పస్మాండ ముస్లింలు.

ఉత్తరప్రదేశ్ రాష్ట్రంలో నాలుగు కోట్ల మంది పస్మాండ ముస్లింలు ఉన్నారు. మోడీ ప్రభుత్వంతో పాటు ఆదిత్యనాథ్ ప్రభుత్వం లో వీరు అనేక సంక్షేమ పథకాలను పొందారు. యు.పి.రాష్ట్ర బీజేపీ మైనారిటీ మోర్చాలో 70 శాతానికి పైగా కార్యకర్తలు పస్మాండ ముస్లింలు.

బి.జె.పి.అనుబంధ సంస్థలు కూడా విద్య లేకపోవడం మరియు ఆర్థిక సమస్యల కారణంగా అట్టడుగున ఉన్న పసమందా ముస్లింలపై దృష్టి పెట్టాలని కోరుతున్నాయి. ఉదాహరణకు, "ప్రధాన స్రవంతిలోకి తీసుకురావడానికి" తక్కువ-స్థాయి వ్యవసాయంలో నిమగ్నమై ఉన్న వాన్ గుజర్లు, ముస్లిం రాజ్‌పుత్‌లు మరియు ముస్లిం జాట్‌ల వంటి పస్మాండాలను చేరుకోవడానికి ప్రయత్నిస్తున్నాయి. “పసమండ లో  ఒక వర్గం ప్రభుత్వ పథకాల ప్రయోజనాలను పొందిన తర్వాత తమ అభిప్రాయాలను మార్చుకుంది మరియు ఇప్పుడు సమాజ ప్రధాన స్రవంతిలో చేరడానికి ఇష్టపడుతున్నారు, ”అని ఒక పస్మండ నాయకుడు అన్నారు.

indian express సౌజన్యం తో