ఉన్నత విద్య లో పెరిగిన స్త్రీల, ముస్లింల ఎన్రోల్మెంట్

ఆర్థిక మరియు సామాజిక దుర్బలత్వం నుండి బయటపడటానికి విద్య ఒకేటే సాధనమని భారతీయుల మధ్య అవగాహన పెరుగుతుంది. ఉన్నత విద్య నమోదులో  ముస్లింలు మరియు మహిళల ముందంజ వారి సామాజిక-ఆర్థిక వెనుకబడటాన్ని పరిష్కరించడానికి సహాయపడుతుంది.

అఖిల భారత సర్వే ఆఫ్ హయ్యర్ ఎడ్యుకేషన్ 2016-17 ప్రకారం దేశంలో ఉన్నత విద్య ఎన్రోల్మెంట్/నమోదులో మహిళలు మరియు ముస్లింల సంఖ్యపెరిగింది.ఆల్ ఇండియా సర్వే ఆఫ్ హయ్యర్ ఎడ్యుకేషన్ 2016- 17 నివేదిక ప్రకారం ఉన్నత విద్యలో మొత్తం ముస్లింల నమోదు 37% పెరిగింది మరియు ముస్లిం  మహిళల నమోదు శాతం ఉన్నత విద్యలో  45% పెరిగింది.

పెరిగిన ముస్లిం ఎన్రోల్మెంట్:

·        గత ఐదు సంవత్సరాల్లో ఉన్నత విద్యాసంస్థలలో నమోదైన ముస్లింల సంఖ్య 37% పెరిగినది. ఇది అన్ని వర్గాల విద్యార్ధులలో  18% పెరుగుదలగా  ఉంది.

·        గత ఐదు సంవత్సరాల్లో ఉన్నత విద్య లో ముస్లిముల నమోదు శాతం  37% పెరిగినది మరియు  ముస్లిం మహిళల నమోదు శాతం 45% పెరిగింది.

  

·        ముస్లిం మహిళల నమోదు 2010-11లో 12 మిలియన్ల నుంచి 2017-18 లో 17.4 మిలియన్లకు పెరిగినది అనగా  45 శాతం పెరిగింది అని  అల్ ఇండియా సర్వే ఆఫ్ హయ్యర్ ఎడ్యుకేషన్ 2016-17 నివేదిక తెలుపుతుంది.

·        2013-14 సంవత్సరంలో భారతదేశ ఉన్నత విద్యా వ్యవస్థలో 12.80 లక్షల మంది ముస్లిం విద్యార్ధులు ఉన్నారు, వారు మొత్తం విద్యార్ధుల సంఖ్య లో  4 శాతం మాత్రమె  ఉన్నారు. అప్పటి నుండి, ప్రతి సంవత్సరం స్థిరమైన పెరుగుదల ఉంది.

·        లింగ సమానత్వం అన్ని వర్గాలలో మెరుగుపడింది.

·        గత ఐదేళ్ళలో ముస్లిం మహిళల నమోదు  46 శాతం పెరిగింది.  కాగా అన్ని వర్గాల నమోదు 24 శాతానికి పెరిగింది అని  సర్వే వెల్లడించింది.

·        గత ఐదు సంవత్సరాల్లో ముస్లిం మహిళల నమోదు నిష్పత్తి మరియు మొత్తం ముస్లింల నమోదు నిష్పత్తి, సాధారణ నిష్పత్తి కంటే 1 పాయింట్ అధికంగా ఉంది.

·        తాజా నివేదిక ప్రకారం, ఉన్నత విద్యలో చేరిన ముస్లింలలో 49 శాతం మహిళలు కాగా  మొత్తం లో అది  48 శాతంఉంది.

·        ముస్లిం పురుషుల సంఖ్యలో పెరుగుదల శాతం 2013-14 నాటికి రెండింతలు పెరిగిoది.

·        2001 లో  సచార్ నివేదిక ప్రకారం దేశవ్యాప్తంగా మొత్తం గ్రాడ్యుయేట్లలో  ముస్లింల సంఖ్య కేవలం 6.3% ఉంది. అది ఎస్సీలు / ఎస్టీల వాటా  8.2% కంటే తక్కువగా ఉంది.

·        20 సంవత్సరాలు అంతకంటే వయస్సు అధికంగా  ముస్లిం యువకులలో  గ్రాడ్యుయేట్లు కేవలం 3.6% ఉన్నారు.

·        ఉన్నత విద్యలో ముస్లింల  స్థూల నమోదు నిష్పత్తి 5.2% ఉంది. అది అన్ని సామాజిక-మత వర్గాలతో పోలిస్తే  చాలా తక్కువ.

·        ఇటీవలి ఉన్నత విద్య నమోదు గణాంకాలలో ముస్లిం పురుషులు మరియు మహిళల పెరుగుదల వలన ముస్లిం కమ్యూనిటీ భవిష్యత్తు ఆశాజనకం గా ఉంటుంది.

·        అయితే, రాజస్థాన్ వంటి రాష్ట్రాల్లో ఉన్నత విద్యలో చేరే  ముస్లింలు అతి తక్కువ ఉన్నారు.

·        రాజస్థాన్ యొక్క మొత్తం జనాభాలో ముస్లింల శాతం 9% కంటే ఎక్కువగా ఉన్నారు  కాని  ఉన్నత విద్యలో వారి నమోదు శాతం  కేవలం 2.65% మాత్రమే ఉంది.

·        రాజస్తాన్ లోని ఇతర వర్గాలతో పోల్చినప్పుడు  2016-17లో 33,794 మంది ముస్లింలు ఉన్నత విద్య లో ఎన్రోల్ అవగా 2017-18లో అది  38,556 కు చేరుకొంది అని ఆల్ ఇండియా సర్వే ఆఫ్ హయ్యర్ ఎడ్యుకేషన్ 2016- 17 తెల్పుతుంది.

·        దేశంలోని ఉపాధ్యాయుల సంఖ్య లో  జనరల్ కేటగిరీ నుంచి 56.8%, ఎస్.సి. నుంచి  8 శాతం మరియు ఎస్టి 2.27 శాతం ఉన్నారు. అది వారి  రిజర్వేషన్ కోటా వరుసగా 15 శాతం, 7.5 శాతం కన్నా తక్కువ.

·        దేశంలోని ఉపాధ్యాయుల సంఖ్య లో  ముస్లిమ్స్  కేవలం 5% మాత్రమే ఉన్నారు.

స్త్రీల ఎన్రోల్మెంట్- ప్రగతి:

మహిళల నమోదు 45% పెరుగుదలను చూపించింది

·        మహిళల ఎన్రోల్మెంట్/నమోదు 2010-11లో 12 మిలియన్ల నుండి 2017-18 లో 17.4 మిలియన్లకు అనగా  45% పెరిగింది.

·        2010-11లో పీహెచ్డీ, ఎంపీహిల్, పిజి ఎన్రోల్మెంట్/నమోదులలో మహిళల వాటా పురుషలలో సగం కంటే తక్కువగా ఉండేది.

·        కాని 2017-18 లో MPhil మరియు పిజిలలో  మహిళల విద్యార్థుల ఎన్రోల్మెంట్/నమోదు సంఖ్య మగ విద్యార్థుల సంఖ్యను  మించిపోయింది

.  

·        మొత్తం MPhil విద్యార్థులలో  64% మంది మరియు మొత్తం పిజి విద్యార్ధులలో  53.8% విద్యార్ధులు మహిళలుగా ఉన్నారు.

·        ఈ సర్వే ప్రకారం మహిళలు తమ ఆధిపత్యాన్ని పోస్ట్గ్రాడ్యుయేట్ సైన్స్లో విభాగం లో కొనసాగించారు.

·        వారి ఎన్రోల్మెంట్ గత ఐదు సంవత్సరాలలో MSc మరియు MA కోర్సులలో గణనీయంగా పెరిగింది.

·        అయితే, ఉన్నత విద్యలో మహిళల ఎన్రోల్మెంట్ ఇంజనీరింగ్ మరియు టెక్నాలజీ విభాగాల్లో చాలా తక్కువగా ఉన్నట్లు కనిపిస్తోంది.

·        ఉదాహరణకు B.Tech కోర్సుల్లో 21.19 లక్షల మంది విద్యార్థులు ఎన్రోల్ కాగా వారిలో  72% పురుషులు ఉన్నారు.

·        అదేవిధంగా, BE లో, 18.2 లక్షల మంది విద్యార్ధులు ఎన్రోల్ కాగా వారిలో  71% మంది పురుషులు.

·        PG అయిన విద్యార్ధులలో లో పీహెచ్డీ కి ఎన్రోల్ అయినవారు 0.5% కంటే తక్కువగా ఉన్నారు.

·        ఇది పరిశోధనలో భారతదేశంలో కల మానవ వనరుల లోటును వెల్లడిస్తుంది.