దివ్య ఖురాన్‌లో తలుపు తాళాలు Door Locks in the Quran

 

దివ్య ఖురాన్‌లోని జోసెఫ్/యూసుఫ్  కథలో తలుపు తాళాల ప్రస్తావన కలదు. కాని దివ్య ఖురాన్ లో వివరించిన ఈ ప్రస్తావన తప్పు అని  కొంతమంది సంశయవాదులు పేర్కొoటున్నారు. వారి ప్రకారం  జోసెఫ్/యూసుఫ్ తర్వాత 1వ మిలీనియ BC సమయంలోనే  గ్రీకులు మరియు రోమన్లు ​​తాళాలు కనుగొన్నారు. కాని నేడు ఈజిప్టోలోజిస్ట్లు Egyptologists గ్రీకులు మరియు రోమన్ల కంటే 3000 సంవత్సరాల ముందు తలుపు తాళాలను కనుగొన్నారు అని అంటున్నారు..

తాళాల చరిత్ర:

యాంత్రిక తాళాల చరిత్ర పురాతన ఈజిప్టులో 6వేల సంవత్సరాల క్రితం ప్రారంభమైంది, ఇక్కడ తాళాలు తయారు చేసేవాళ్ళు మొదట పూర్తిగా చెక్కతో తయారు చేయబడిన సరళమైన, ప్రభావవంతమైన పిన్ టంబ్లర్ లాక్‌ని తయారు చేసారు.. ఇది తలుపుకు అతికించిన చెక్క పోస్ట్‌ ను కలిగి ఉంది మరియు పోస్ట్‌ లోకి జారిపోయే క్షితిజ సమాంతర horizontal బోల్ట్ కలిగి ఉంది.

ఈ బోల్ట్‌ లో పిన్నులతో నిండిన ఓపెనింగ్‌ల సెట్ ఉంది. ప్రత్యేకంగా రూపొందించిన పెద్ద మరియు బరువైన చెక్క కీ లాక్‌లోని రంధ్రాలు మరియు పిన్‌లకు అనుగుణంగా ఉండే మేకులతో కూడిన  ఆధునిక టూత్ బ్రష్ ఆకారంలో ఉంది. ఈ కీని ఓపెనింగ్‌లోకి చొప్పించవచ్చు మరియు ఎత్తవచ్చు, ఇది పిన్‌లను కదిలిస్తుంది మరియు సెక్యూరిటీ బోల్ట్‌ను కదిలించడానికి అనుకూలంగా ఉంటుంది..

1వ మిలీనియం BC సమయంలో, గ్రీకులు మరియు రోమన్లు ​​ప్రవేశపెట్టిన సాంకేతికతలు మరియు డిజైన్‌లతో చివరకు తాళాల తయారీ అభివృద్ధి చెందడం ప్రారంభమైనది.

డోర్ లాక్స్ 6000 సంవత్సరాల క్రితం ఈజిప్షియన్లు కనిపెట్టారు. ఇది ఇటీవలే తెలిసింది; అయితే దీనిని  కనుగొనబడటానికి 1400 సంవత్సరాల ముందు దివ్య ఖురాన్‌లో వ్రాయబడినది.

అతను ఉంటున్న ఇంటిలోని స్త్రీ అతని కోసం వల పన్నసాగింది. ఒకరోజు తలుపులు మూసి “వచ్చేయి!” అని అన్నది. యూసుఫ్ ఇలా అన్నాడు: “నేను అల్లాహ్ శరణు వేడుకొంటున్నాను. నా ప్రభువు  నాకు మంచి స్థానం ప్రసాదించాడు. (నేను ఈ పని ఎలా చేయను?) అటువంటి దుర్మార్గులు ఎన్నటికి సాఫల్యం పొందలేరు.” దివ్య ఖురాన్ 12:23

ఎవరూ లోపలికి రాకుండా ఆమె తలుపులు మూసేసింది. ఎవరూ లోపలికి రాకుండా ఉండాలంటే తలుపులకు  తాళం వేయాలి? జోసెఫ్/యూసుఫ్  కంటే చాలా కాలం ముందే ఈజిప్షియన్లు తలుపు తాళాలు కనుగొన్నారని ఈ రోజు మనకు తెలుసు.

దివ్య ఖురాన్‌లో తప్పులు లేవు.

1400 సంవత్సరాల క్రితం జీవించిన నిరక్షరాస్యుడు అయిన ప్రవక్త (స) డోర్ లాక్‌లను ఎవరు కనుగొన్నారో ఎలా తెలుసుకోగలడు?

పశువులలో ఒక పాఠం A Lesson in Cattle

  

 

1400 సంవత్సరాల క్రితం ప్రజలు చనుమొనల దగ్గర ఉన్న తెల్లటి కొవ్వు నుండి పాలు వస్తాయని భావించారు. అయితే ఈరోజు అది అబద్ధమని తేలింది 

క్షీర గ్రంధి అనేది మానవులలో మరియు ఇతర క్షీరదాలలో ఒక ఎక్సోక్రైన్ గ్రంధి, ఇది యువ సంతానాన్ని పోషించడానికి పాలను ఉత్పత్తి చేస్తుంది. క్షీరదాలు తమ పేరును లాటిన్ పదం మమ్మా, "రొమ్ము" నుండి పొందాయి.- వికీపీడియా

క్షీర గ్రంధులలో పాలు ఉత్పత్తి అవుతాయి, ఇవి రక్త ప్రవాహం నుండి నేరుగా పోషకాలను పొందుతాయి; రక్త ప్రవాహం జీర్ణవ్యవస్థ నుండి పోషకాలను పొందుతుంది. ఇది ఇటీవలే తెలిసింది, అయితే దీనిని 1400 సంవత్సరాల ముందు దివ్య ఖురాన్‌లో తెలుపబడింది

“మీకు  పశువులలో కూడా మీకు ఒక గుణపాఠo ఉన్నది, వాటి గర్భం లో పేడ, రక్తానికి మద్య ఉన్న ఒక వస్తువును మేము మీకు త్రాగిస్తాము. అంటే స్వచమైన పాలు. అది త్రాగేవారికి ఎంతో కమ్మనిది.”-దివ్య ఖురాన్ 16:66.

ఇది సరైనదని ఈ రోజు మనకు తెలుసు. దివ్య ఖురాన్‌లో తప్పులు లేవు

1400 సంవత్సరాల క్రితం జీవించిన నిరక్షరాస్యుడు అయిన వ్యక్తికి  పాలు ఎక్కడ నుండి వస్తాయో ఎలా తెలుసుకోగలిగాడు?

ఆవు పాలలో 88% నీరు ఉంటుంది. పాలు మరియు నీరు అనే పదాన్ని 88 అక్షరాలతో వేరు చేసినట్లు తేలింది.

సాధారణంగా  పాలు 87.7% నీరు, 4.9% లాక్టోస్ (కార్బోహైడ్రేట్), 3.4% కొవ్వు, 3.3% ప్రోటీన్ మరియు 0.7% ఖనిజాలుకలిగి ఉందును

దివ్య ఖురాన్ 16:65-66లోని “నీరు” మరియు “పాలు” అనే పదాలను 88 అక్షరాలతో వేరు చేసినట్లు తేలింది. 

1400 సంవత్సరాల క్రితం జీవించిన నిరక్షరాస్యుడికి పాలలోని నీటి కూర్పు గురించి ఎలా తెలుసు?

ఇస్లాంలో సహనం యొక్క ప్రాముఖ్యత; దివ్య ఖురాన్, హదీసుల వెలుగులో Significance of Patience in Islam; in the Light of the Holy Quran

 

 

ఇస్లాం దివ్య  ఖురాన్ లేదా హదీసుల ద్వారా అన్ని రకాల ప్రవర్తనా నియమావళిని వివరిస్తుంది. ఇస్లాం  సహనంను  చాలా ముఖ్యమైన లక్షణంగా వివరిస్తుంది. దివ్య  ఖురాన్ సహనం గురించి అనేక సార్లు ప్రస్తావించింది మరియు అనేక సందర్భాలలో దాని ప్రాముఖ్యతను వివరించినది. ఇస్లాంలో సహనం యొక్క ప్రాముఖ్యతను తెలుసుకొందాము వ్యక్తికి మరియు మొత్తం సమాజానికి దాని వలన కలిగే కొన్ని ప్రయోజనాలను చర్చిoచుదాము..

·       అల్లాహ్ ఇలా చెప్పాడు, "సహనం ద్వారా,  నమాజ్  ద్వారా సహాయం పొందండి. నిస్సందేహంగా నమాజ్ కష్టతరమైన కార్యం. కాని అల్లాహ్ కు విధేయులైన దాసులకు అది ఏ మాత్రం కష్టతరం కాదు. " - (దివ్య ఖురాన్ 2:45).

పై ఆయత్ లో, అల్లాహ్ (SWT) ఓపికగా ఉండమని మరియు సహనం కోల్పోకుండా ఉండమని చెప్పాడు, ఎందుకంటే ఓర్పు అనేది ముస్లిం యొక్క ముఖ్యమైన లక్షణం.

·       “సహనం తో మెలగండి.నిశ్చయంగా సహనం చూపే వారితో ఉంటాడు”. (దివ్య  ఖురాన్, 8:46)

 ప్రవక్త ముహమ్మద్ ఇలా అన్నారు:“విశ్వాసుల వ్యవహారాలు నిజంగా వింతగా ఉన్నాయి, ఎందుకంటే వారి వ్యవహారాలన్నీ వారికి మంచివే... వారికి మంచి జరిగితే, వారు కృతజ్ఞతలు తెలుపుతారు మరియు అది వారికి మంచిది; మరియు వారికి చెడు జరిగితే, వారు ఓపికగా ఉంటారు, అది కూడా వారికి మంచిది. -(ముస్లిం, 2999)

జీవితంలో సహనం యొక్క ఫలాలు:

·       సర్వశక్తిమంతుడైన అల్లాహ్ దివ్య  ఖురాన్‌లో ఇలా చెప్పాడు:"(ఓ ప్రవక్తా) ఇలా చెప్పు, “విశ్వసించిన నా దాసులారా! మీ ప్రభువుకు భయపడండి. ఈ లోకంలో సద్పవర్తనును అవలబించేవారికి మేలు జరుగుతుంది. దేవుని భూమి విశాలమైనటువంటిది.ఓర్పు వహించే వారికి లేక్కలేననత ప్రతిఫలం ఇవ్వబడుతుంది. " (దివ్య ఖురాన్, 39:10).

ఇస్లాంలో సహనం అనేది విశ్వాసులకు అడ్డంకులను అధిగమించడానికి మరియు వారి లక్ష్యాలను సాధించడానికి ఒక శక్తివంతమైన సాధనం. అల్లాహ్ సహాయంతో, సహనం/ఓర్పు  ముస్లింలు కష్ట సమయాల్లో పట్టుదలతో ఉండటానికి మరియు పరీక్షలను ఎదుర్కొనేందుకు స్థిరంగా ఉండటానికి వీలు కల్పిస్తుంది. ఈ గుణాన్ని అల్లాహ్ ఎంతో విలువైనదిగా పరిగణించాడు మరియు పరలోకంలో గొప్ప ప్రతిఫలాలను ఇస్తుంది.

·       ప్రవక్త(స) మనకు ఇలా చెబుతున్నారు:"నిజమైన సహనం విపత్తు యొక్క మొదటి అడుగు వద్ద ఉంది." (అల్-బుఖారీ, 1302)

ఇస్లాంలో సహనం అనేది ఒక ముస్లిం కలిగి ఉండే గొప్ప లక్షణాలలో ఒకటి. అంతిమంగా, మనం ఎలాంటి కష్టమైనా, పరీక్షలనైనా ఓపికతో దాటగలం. ఓపికగా ఉండేవారిని అల్లాహ్ నిజంగా ప్రేమిస్తాడు, కాబట్టి మనలో ఈ లక్షణాన్ని అలవర్చుకునేలా చూసుకోండి.

·      దివ్య ఖురాన్‌లో అల్లాహ్ ఇలా అన్నాడు:“మరియు ఓపికపట్టండి. నిశ్చయంగా, అల్లాహ్ సహనం వహించే వారితో ఉన్నాడు."

సహనం యొక్క రకాలు (Sabr):

• సత్కార్యాలు చేయండి, నమాజ్ చేయండి, జీవితాంతం ఓర్పుతో పైకి వెళ్లండి.

• పాపాలు మరియు చెడు పనులు చేయకపోవడం.

• అల్లాహ్ (SWT) మన కోసం నిర్ణయించిన పరీక్షలు మరియు కష్టాలపై సహనంతో ఉండటం . మనం ఫిర్యాదు చేయకూడదు లేదా అసంతృప్తి చెందకూడదు లేదా అసహనానికి గురికాకూడదు.

ఇస్లాంలో సహనం అనేది ఒక ముఖ్య ధర్మం మరియు ఇది కష్ట సమయాల్లో ఉపయోగపడుతుంది. ఓర్పుతో, మనం అల్లా (SWT) పై నమ్మకం ఉంచవచ్చు మరియు మన భయాలను తగ్గించుకోవచ్చు. సహనం, వినయం మరియు పట్టుదల వంటి ఇతర సద్గుణాలకు దారితీస్తుంది.

అల్లాహ్ (SWT) ఓపికగా ఉన్నవారిని ప్రేమిస్తాడని మనకు గుర్తు చేస్తున్నాడు మరియు ఇది ఖచ్చితంగా మనకు గొప్ప ప్రోత్సాహం.

·       అల్లాహ్ ఇలా అంటాడు:" అలాంటి సహనశీలురనే అల్లాహ్ ప్రేమిస్తాడు"[అల్-ఇమ్రాన్ 3:146]

అంతేగాక, సహనం వల్లనే సహనానికి తగిన ప్రతిఫలం లభిస్తుంది. సర్వశక్తిమంతుడైన అల్లాహ్ ఇలా అంటున్నాడు.

·        " సర్వశక్తిమంతుడైన అల్లాహ్ దివ్య  ఖురాన్‌లో ఇలా చెప్పాడు:"(ఓ ప్రవక్తా) ఇలా చెప్పు, “విశ్వసించిన నా దాసులారా! మీ ప్రభువుకు భయపడండి. ఈ లోకంలో సద్పవర్తనును అవలబించేవారికి మేలు జరుగుతుంది. దేవుని భూమి విశాలమైనటువంటిది.ఓర్పు వహించే వారికి లేక్కలేననత ప్రతిఫలం ఇవ్వబడుతుంది. " (దివ్య ఖురాన్, 39:10)."-(అజ్-జుమర్ 39:10)

 

అల్లాహ్ (SWT) కష్టాల సమయాల్లో సహనంతో ఉన్న ప్రజలకు గొప్ప ప్రతిఫలాన్ని ఇస్తానని వాగ్దానం చేశాడు. అన్ని విపత్తులను భరించిన తరువాత, సర్వశక్తిమంతుడైన అల్లా మీకు అనేక రెట్లు బహుమతులు ఇస్తాడు.

 గుర్తుంచుకోండి, అల్లాహ్ ఎల్లప్పుడూ మీతో ఉంటాడు!

·     ఓ విశ్వాసులారా, సహనం ద్వారా, నమాజ్ ద్వారా సహాయం అర్ధించండి.. సహనం కలవారికి అల్లాహ్ తోడుగా ఉంటాడు.-[దివ్య ఖురాన్ 2:153]

ఇస్లాంలో సహనం (హదీసుల ద్వారా):

అబూ సయీద్ అల్-ఖుద్రీ ఇలా వివరించాడు: కొంతమంది అన్సారీ వ్యక్తులు అల్లాహ్ దూత  (ﷺ) (p.b.u.h) నుండి (ఏదో) అడిగారు మరియు అతను వారికి ఇచ్చాడు. వారు మళ్ళీ అతనిని (ఏదో) అడిగారు మరియు అతను మళ్ళీ వారికి ఇచ్చాడు. ఆపై వారు అతనిని మళ్ళిఅడిగారు మరియు అతను తన వద్ద ఉన్నదంతా పూర్తయ్యే వరకు వారికి  ఇచ్చాడు. ఆపై అల్లాహ్ దూత “నా దగ్గర ఏదైనా ఉంటే. నేను దానిని మీ నుండి దూరంగా ఉంచను. (గుర్తుంచుకోండి) ఎవరైతే ఇతరులను అడగడం మానుకుంటారో, అల్లాహ్ అతనిని తృప్తిపరుస్తాడు మరియు ఎవరు తనను తాను స్వయం సమృద్ధిగా మార్చుకోవాలని ప్రయత్నిస్తారో, అల్లాహ్ అతన్ని స్వయం సమృద్ధిగా చేస్తాడు. మరియు ఎవరైతే ఓపికగా ఉంటారో, అల్లాహ్ అతనిని సహనవంతుడిగా చేస్తాడు. సహనం కంటే గొప్ప దీవెన ఎవరికీ ఇవ్వబడదు."అని అన్నారు.-[సహీహ్ అల్-బుఖారీ 1469 పుస్తకం-24 హదీసులు-72]

·       ప్రవక్త (స) ఇలా అన్నారు:"అల్లాహ్ ఇలా అన్నాడు: "నేను నా దాసునికి అతని రెండు ప్రియమైన వస్తువులను (అంటే అతని కళ్ళు) దూరం చేసి, అతను ఓపికగా ఉంటే, వాటికి పరిహారంగా నేను అతనిని స్వర్గంలో స్థానం ఇస్తాను. "-(అల్-బుఖారీ 5653).

·       అనస్ బిన్ మాలిక్ ఉల్లేఖించారు: అల్లాహ్ యొక్క ప్రవక్త (ﷺ) ఇలా చెప్పడం నేను విన్నాను, "నేను నా దాసుని రెండు ప్రియమైన వస్తువులను (అంటే అతని కళ్ళు) హరించి, అతను ఓపికగా ఉంటే, వాటికి పరిహారంగా స్వర్గంలో స్థానం ఇస్తాను" అని అల్లా చెప్పాడు.-[సహీహ్ అల్-బుఖారీ 5653 పుస్తకం-75 హదీసులు-14]

·       ” అల్లాహ్ యొక్క దూత (సల్లల్లాహు అలైహి వసల్లం) ఇలా అన్నారు: "-విశ్వాసి యొక్క వ్యవహారం ఎంత అద్భుతమైనది, ఎందుకంటే అతని వ్యవహారాలన్నీ మంచివి, మరియు ఇది నమ్మిన వ్యక్తికి తప్ప ఎవరికీ వర్తించదు. అతనికి ఏదైనా మంచి జరిగితే, అతను దానికి కృతజ్ఞతతో ఉంటాడు మరియు అది అతనికి మంచిది. అతనికి ఏదైనా చెడు జరిగితే, అతను దానిని సహనంతో భరిస్తాడు  మరియు అది అతనికి మంచిది 

ఇస్లాంలో సహనం యొక్క ముఖ్యాంశాలు మరియు జీవితంలో మరియు మరణానంతర జీవితంలో దాని ఫలాలు పైన వివరించబడినవి. కష్ట సమయాల్లో స్థిరంగా ఉండటం మరియు సర్వశక్తిమంతుడైన అల్లాపై మీ పూర్తి విశ్వాసం ఉంచడం అవసరం.

ప్రపంచ రేడియో దినోత్సవం-భారతదేశ స్వాతంత్ర్య సంగ్రామంలో రేడియో పాత్ర भारत की जंग ए आज़ादी में रेडियो का रोल

 

 

 

 

ఆజాద్ హింద్ ఫౌజ్ వ్యవస్థాపకులలో ఒకరైన కల్నల్ ఎహ్సాన్ ఖాదిర్ ఆజాద్ హింద్ రేడియోకు డైరెక్టర్. కల్నల్ ఇనాయతుల్లా హసన్ ఆజాద్ హింద్ రేడియో కోసం దేశభక్తి నాటకాలు రాసేవాడు, అతను రాసిన నాటకాలు చాలా అద్భుతంగా ఉండేవి. ఆల్ ఇండియా రేడియో దానికి సమాంతరంగా తన స్వంత కార్యక్రమాన్ని నిర్వహించవలసి వచ్చేది.

ఈ రోజు  ప్రపంచ రేడియో దినోత్సవం మరియు మనం ఆజాది కి అమృత్ మహోత్సవ్ కూడా జరుపుకుంటున్నాము. ఈ సందర్భం లో  జంగ్-ఎ-ఆజాదీలో రేడియో పాత్ర కూడా చర్చించబడాలి.

।1942 జూన్ 17, 27 జూలై మరియు 17 ఆగస్టు 17 తేదీల్లో నేతాజీ సుభాష్ చంద్రబోస్ రేడియో ద్వారా భారతీయులను ఉద్దేశించి ప్రసంగించారు మరియు  బ్రిటీష్ వారికి వ్యతిరేకంగా భారతదేశ ప్రజలు పోరాడాలి అని  చెప్పారు. నేతాజీ సుభాష్ చంద్రబోస్ ఆ సమయంలో జర్మనీ రాజధాని బెర్లిన్‌లో భారతదేశానికి స్వాతంత్ర్యం కోసం సైనిక సహాయం కోసం ప్రయత్నిస్తున్నారు. కానీ ఆజాద్ హింద్ రేడియో ద్వారా భారత దేశంతో అతని అనుబంధం కొనసాగింది.

ఆ సమయం లో యూసుఫ్ జాఫర్ మెహెర్ అలీ ప్రారంభించిన క్విట్ ఇండియా ఉద్యమం తర్వాత, బ్రిటీష్ ప్రభుత్వం 9 ఆగస్టు 1942 వరకు గాంధీతో సహా చాలా మంది కాంగ్రెస్ సభ్యులను అరెస్టు చేసింది. ఆ తర్వాత ఆగష్టు 27, 1942న, బొంబాయిలోని చౌపటీ ప్రాంతంలోని ఒక భవనంలో ట్రాన్స్‌మిటర్‌ను అమర్చడం ద్వారా కాంగ్రెస్ రహస్య రేడియో ప్రసారాన్ని ఉషా మెహతా ప్రారంభించారు.

బ్రిటీష్ వారి నుండి తప్పించుకుంటూ ఉషా మెహతా కాంగ్రెస్ రహస్య రేడియో ను  మొత్తం 88 రోజులు మాత్రమే నడపగలిగింది. ఉషా మెహతా ఈ రేడియో స్టేషన్ యొక్క మొదటి ప్రసారాన్ని ఈ పదాలతో ప్రారంభించారు: "ఇది ఇండియన్ నేషనల్ కాంగ్రెస్ రేడియో, 42.34 మీటర్ల బ్యాండ్‌లలో మీరు భారతదేశంలోని ఏదో ఒక ప్రదేశం నుండి మమ్మలను వింటున్నారు." ఆ చీకటి క్షణాలలో, కాంగ్రెస్ సీక్రెట్ రేడియో భారతీయులలో లౌకికవాదం, అంతర్జాతీయవాదం, సౌభ్రాతృత్వం మరియు స్వేచ్ఛ యొక్క స్ఫూర్తిని వ్యాప్తి చేసింది.

నేతాజీ సుభాష్ చంద్రబోస్ ప్రసంగాలు  బెర్లిన్ నుండి ప్రసారం చేయబడి వాటిని భారత ప్రజలు శ్రద్ధగా వినేవారు. 1942 ఆగస్టు 31న ప్రసారమైన తన ప్రసంగంలో, క్విట్ ఇండియా ఉద్యమంతో బ్రిటిష్ పాలన పునాది కదిలిందని బోస్ అన్నారు. బోస్ ఈ ఉద్యమాన్ని అహింసా గెరిల్లా యుద్ధం అని పిలిచారు. అదే ప్రసంగంలో బోస్ తన గత రేడియో ప్రసారాన్ని ఉటంకిస్తూ, ఈ ఉద్యమాన్ని ఎలా ముందుకు తీసుకెళ్లాలో దేశప్రజలకు కీలకంగా చెప్పారు. బోస్ ప్రకారం, గాంధీ మరియు ఇతర నాయకులు జైలుకు వెళ్లడం స్ఫూర్తికి మూలం. మరియు దేశప్రజలు వారి సిద్ధాంతాలను అనుసరించి ఉద్యమాన్ని ముందుకు తీసుకెళ్లాలి.

బ్రిటిష్ ప్రభుత్వానికి పన్నులు కట్టకూడదని, ప్రభుత్వ ఉద్యోగులు నెమ్మదిగా పనిచేయాలని, కాలేజీ చదువులు ఆగిపోవాలని, మహిళలు దూతలుగా పనిచేయాలని, ప్రభుత్వ ఉద్యోగాలను వదిలిపెట్టకుండా ఆ ఉద్యోగాన్ని దేశానికి ముఖ్యమైన గూఢచర్యానికి ఉపయోగించుకోవాలని బోస్ విజ్ఞప్తి చేశారు.  ఇంట్లో/సమాజం లో  ప్రభుత్వ ఉద్యోగం పనిచేసే వారికి ఆదరణ ఇవ్వవద్దు.. సొంత రేడియో స్టేషన్ యొక్క ఆలోచన కూడా ఈ ప్రసంగంలో ఇవ్వబడింది. పోలీస్ స్టేషన్లు, ప్రభుత్వ స్థలాల్లో ప్రజలు ప్రదర్శన చేయాలని విజ్ఞప్తి చేశారు. నిశితంగా పరిశీలిస్తే భారతీయ ప్రజలు ఈ మార్గాన్ని అవలంబించి ఉద్యమానికి బలాన్నిచ్చారని తెలుస్తుంది. అందుకే గాంధీజీ ఉద్యమాన్ని ప్రారంభించినా సుభాష్ బోస్ దానిని చివరి వరకు తీసుకొచ్చారు.

1941లో, ముహమ్మద్ ఇక్బాల్ షైదాయ్ ఇటలీలో బ్రిటీష్ పాలనకు వ్యతిరేకంగా హిమాలయా రేడియో ను ప్రారంభించాడు. దీని నిర్వహణ బాధ్యత మొత్తం భగత్ సింగ్ మామ అయిన సర్దార్ అజిత్ సింగ్ పై ఉంది. వీరందరూ బ్రిటిష్ వారి కోసం పోరాడుతున్న భారతీయ సైనికులను తమ వైపు తిప్పుకోవడానికి రేడియో హిమాలయాను ఉపయోగించారు. నేతాజీ సుభాష్ చంద్రబోస్ BBCని "ది బ్లఫ్ అండ్ బ్లస్టర్ కార్పొరేషన్, ఆఫ్ లండన్" అని పిలిచేవారు

 

 

 

 

 

.

నేతాజీ సుభాష్ చంద్రబోస్ మరియు అతని ముస్లిం సహచరుల వీరోచిత కథ नेताजी सुभाष चंद्रा बोस और उनके मुस्लिम साथियों की वीरगाथा

 

 

నేతాజీ సుభాష్ చంద్రబోస్ గొప్ప విప్లవ  నాయకుడు. బోస్ తన ఆజాద్ హింద్ ఫౌజ్ ద్వారా భారత దేశం,  బ్రిటిష్ పాలన నుండి విముక్తి పొందటానికి కృషి  చేసారు. నేతాజీ సుభాష్ చంద్రబోస్ హిందూ/ముస్లిం వంటి పదాలకు దూరంగా ఉండేవారు.

ఆజాద్ హింద్ ఫౌజ్‌లో ముస్లింల పాత్రను చూద్దాం:-

1.అబిద్ హసన్: జై హింద్ నినాద సృష్టికర్త  మరియు నేతాజీ వ్యక్తిగత సహాయకుడు జర్మనీ నుండి జపాన్‌కు జలాంతర్గామి ప్రయాణంలో నేతాజీతో కలిసి ప్రయాణించారు..

2.కల్నల్ హబీబుర్ రెహమాన్: ఆజాద్ హింద్ ఫౌజ్ వ్యవస్థాపకులలో ఒకరు మరియు నేతాజీకి అత్యంత నమ్మకమైన సహచరుడు, నేతాజీ 18 ఆగస్టు 1945న తన చివరి విమాన ప్రయాణంలో నేతాజీ తో పాటు కలసి ఉన్నారు.

౩.కల్నల్ ఎహ్సాన్ ఖాదిర్: ఆజాద్ హింద్ ఫౌజ్ వ్యవస్థాపకులలో ఒకరు, ఆజాద్ హింద్ రేడియోకు డైరెక్టర్ కూడా అయ్యారు. ఆజాద్ హింద్ దళ్ స్థాపనలో కూడా ఆయన ముఖ్య పాత్ర పోషించారు.

4.కల్నల్ ఇనాయతుల్లా హసన్: ఆజాద్ హింద్ ఫౌజ్ యొక్క ముఖ్య శిక్షకుడు, అలాగే ఆజాద్ హింద్ రేడియో కోసం దేశభక్తి నాటకాల రచయిత.

5.మేజర్ జనరల్ షానవాజ్ ఖాన్: ఆజాద్ హింద్ ఫౌజ్ కమాండర్ ఆఫ్ ఫోర్స్‌లో ఆజాద్ హింద్ ఫౌజ్ సైనికులు భారత భూభాగంపై దాడులు ప్రారంభించారు, ఇందులో నాగాలాండ్ అరకాన్ మహాజ్.

6.కల్నల్ మెహబూబ్ అహ్మద్: ఆజాద్ హింద్ ఫౌజ్ మరియు ఆజాద్ హింద్ ప్రభుత్వానికి మధ్య సమన్వయం చేసిన ముఖ్యమైన అధికారి. ఆయన నేతాజీ సైనిక కార్యదర్శి కూడా.

7.కరీం ఘని మరియు DM ఖాన్: ఆజాద్ హింద్ ప్రభుత్వానికి ఆరుగురు సలహాదారులలో ఇద్దరు మరియు 2వ ప్రపంచ యుద్ధం ముగిసిన తర్వాత బ్రిటన్ చే శత్రువులుగా ప్రకటించిన జాబితా లో ఉన్నారు.

8.యూసుఫ్ మర్ఫానీ: ఆజాద్ హింద్ ఫౌజ్‌కు గొప్ప దాత. ఆ సమయంలో కోటి విరాళం ఇచ్చి ఆజాద్ హింద్ ఫౌజ్ ఆర్మీ యూనిఫాం తీసుకున్నాడు.

9.మేజర్ జనరల్ మొహమ్మద్ జమాన్ ఖాన్ కియానీ: గాంధీ/నెహ్రూ/ఆజాద్ బ్రిగేడ్ కమాండ్  తో కూడిన  ఆజాద్ హింద్ ఫౌజ్ మొదటి డివిజన్ కమాండర్. నేతాజీ సుభాష్ చంద్రబోస్ 1945 ఆగస్టు 18న హబీబ్ ఉర్ రెహ్మాన్ తో కలసి  విమాన ప్రయాణo చేసినప్పుడు ఆర్మీ చీఫ్ మేజర్ జనరల్ గా మహ్మద్ జమాన్ ఖాన్ కియానీని చేశారు.

10.నేతాజీ సుభాష్ చంద్రబోస్ ద్వారా  "తమ్గా-ఎ-సదర్-ఎ-జంగ్“तमगा-ए-सदर-ए-जंग " అవార్డు అందుకున్న ముస్లిం సైనికులు:

1. కల్నల్ S.A. మాలిక్

2. మేజర్ సికందర్ ఖాన్

3. మేజర్ అబిద్ హుస్సేన్

4. కెప్టెన్ తాజ్ మహ్మద్.

11.నేతాజీ సుభాష్ చంద్రబోస్ ద్వారా  "తమ్గా-ఇ-వీర్-ఏ-హింద్ तमगा-ए-वीर-ए-हिन्द " అవార్డు అందుకున్న ముస్లిం సైనికులు:

1. లెఫ్టినెంట్ అస్రఫీ మండల్

2. లెఫ్టినెంట్ ఇనాయత్ ఉల్లా

12.నేతాజీ సుభాష్ చంద్రబోస్ ద్వారా  "తమ్గా-ఎ-బహదూరి तमगा-ए-बहादुरी " అవార్డు అందుకున్న ముస్లిం సైనికులు:

1. హవల్దార్ అహ్మద్ దీన్

2. హవల్దార్ దిన్ మహ్మద్

3. హవల్దార్ హకీమ్ అలీ

4. హవల్దార్ గులాం అహ్మద్ షా

13.నేతాజీ సుభాష్ చంద్రబోస్ చేత "తమ్గా-ఎ-శత్రునాష్ तमगा-ए-शत्रुनाश " అవార్డు అందుకున్న ముస్లిం సైనికులు:

1. హవల్దార్ పీర్ మహ్మద్

2. హవల్దార్ హకీమ్ అలీ

3. నాయక్ ఫైజ్ మహ్మద్

4. సిపాయి గులాం రసూల్

5. నాయక్ ఫైజ్ బక్ష్

14.నేతాజీ సుభాష్ చంద్రబోస్ చేత "సనద్-ఎ-బహదూరి सनद-ए-बहादुरी " అవార్డు అందుకున్న ముస్లిం సిపాయిలు:

1. హవల్దార్ అహ్మదుద్దీన్

2. హవల్దార్ మహ్మద్ అస్గర్

3. హవల్దార్ గులాం షా

15.కల్నల్ షౌకత్ అలీ మాలిక్: 14 ఏప్రిల్ 1944న, ఆజాద్ హింద్ సైన్యం మణిపూర్ మొయిరాంగ్‌ను విముక్తి చేసినప్పుడు, స్వతంత్ర భారతదేశంలో ఆజాద్ హింద్ ప్రభుత్వం యొక్క త్రివర్ణ పతాకాన్ని మొట్టమొదట ఎగురవేసిన వ్యక్తి షౌకత్ మాలిక్. అందులో చిహ్నంగా టిప్పు సుల్తాన్ గుర్తుగా  పులి కలదు.. అక్కడ అబిద్‌ హసన్‌ ఇచ్చిన జై హింద్‌ నినాదం ఢిల్లీ వరకు వినిపించేంతగా ప్రతిధ్వనించింది.