ఇస్లామిక్ జ్ఞానమును సుసంపన్నం చేసిన ఆధునిక మహిళా పండితులు Modern day women scholars have enriched Islam

 

 

ఇస్లాంను సంరక్షించడం, వ్యాఖ్యానించడం మరియు వ్యాప్తి చేయడంలో మహిళలు కీలక పాత్ర పోషి౦చారు. ఇస్లాం ఆరంభం నుండి, స్త్రీ-పురుషుల విద్య మరియు సమానత్వాన్ని నొక్కి చెప్పింది, దివ్య ఖురాన్ వివరణలు, హదీసులు, న్యాయశాస్త్రం మరియు ఆధ్యాత్మికతతో సహా వివిధ ఇస్లామిక్ విభాగాలకు ఇస్లామిక్ మహిళలు  గణనీయమైన సహకారం అందించారు.

ప్రారంభంలో, ఆయిషా, హఫ్సా బింట్ ఉమర్ మరియు సకీనా బింట్ హుస్సేన్ వంటి వ్యక్తులు ఖురాన్ మరియు సున్నత్ యొక్క బోధనలను వివరించడంలో మరియు నియంత్రించడంలో ప్రముఖులు. 8వ శతాబ్దంలో, ఫాతిమా బింట్ మూసా మరియు రబియా అల్ బస్రీ వంటి మహిళలు ఆధ్యాత్మిక స్వచ్ఛత మరియు దేవుని పట్ల ఆధ్యాత్మిక భక్తికి ప్రముఖ ఉదాహరణలుగా నిలిచారు.

9వ శతాబ్దం ADలో ఫాతిమా అల్ ఫిహ్రియా అనే ముస్లిం మహిళ చే ప్రపంచంలోనే మొట్టమొదటి విశ్వవిద్యాలయం స్థాపించబడిందని యునెస్కో గుర్తించింది. తరువాతి సంవత్సరాల్లో, కరీమా అల్ మర్వాజియా, జైనత్ బింట్ ఉమర్ అల్-కిండి, సిట్ అల్-జామ్, ఐషా అల్ బునియ్యా మరియు సుల్తాన్ షాజహాన్ వంటి మహిళలు ఇస్లామిక్ జ్ఞానం, అభ్యాసం మరియు పాండిత్యం లో నిపుణులు గా పేరుగాంచారు.  

ఇటీవల, కేంబ్రిడ్జ్ ఇస్లామిక్ కాలేజీకి చెందిన అక్రమ్ నద్వీ "అల్ వఫా బి అస్మా అల్-నిసా Al Wafa bi Asma al-Nisa "ను సంకలనం చేసారు, ఇది ఇస్లాంలోని మహిళా పండితుల ప్రాముఖ్యత మరియు ప్రాబల్యాన్ని చెబుతుంది, ఇందులో 10,000 పైగా ఎంట్రీలు ఉన్నాయి.

20వ శతాబ్దపు ఆరంభం లో ఇస్లామిక్ మహిళా పండితులు  సైన్స్, సోషియాలజీ మరియు సాహిత్యంలో సమకాలీన పరిశోధనలతో సాంప్రదాయ ఇస్లామిక్ విభాగాలను సమర్ధవంతంగా ఏకీకృతం చేశారు. పాత మరియు కొత్త జ్ఞానం యొక్క కలయిక ఇస్లామిక్ స్కాలర్‌షిప్‌ను సుసంపన్నం చేసింది మరియు స్త్రీ దృష్టికోణం నుండి సమకాలీన సమస్యలను పరిష్కరించడానికి ఒక వేదికను అందించింది.

ఇస్లామిక్ జ్ఞానసంపన్నులైన 20వ శతాబ్దపు కొందరు ముఖ్యమైన మహిళలు:

 

 

జైనాబ్ అల్ గజాలి(1917-2005):

జైనాబ్ అల్ గజాలి (1917-2005) ఇస్లామిక్ స్కాలర్‌షిప్‌లో మార్గదర్శకురాలు.  ప్రముఖ ఈజిప్షియన్ ఇస్లామిస్ట్ కార్యకర్త మరియు పండితురాలుగా, జైనాబ్ అల్ గజాలి ఖురాన్ యొక్క మొదటి పూర్తి వివరణను (తఫ్సీర్) రూపొందించడం ద్వారా చరిత్ర సృష్టించింది.

జైనాబ్ అల్ ఘజాలీ యొక్క ఎక్సెజెసిస్/తఫ్సీర్ సంచలనాత్మకమైనది ఎందుకంటే జైనాబ్ అల్ ఘజాలీ వివరణలు ఇస్లామిక్ ఫ్రేమ్‌వర్క్‌లో మహిళల ప్రత్యేక సవాళ్లు మరియు అవకాశాలను పరిష్కరించాయి.

 

మరియం జమీలా(1934-2012)

మరియం జమీలా యునైటెడ్ స్టేట్స్‌లో మార్గరెట్ మార్కస్‌గా జన్మించారు, తన యవ్వనం లోనే  ఇస్లాం లోకి మారారు మరియు ఇస్లామిక్ విషయాలపై గొప్ప రచయిత్రిగా పేరుగాంచారు. మరియం జమీలా పర్దా, బహుభార్యత్వం, కుటుంబ జీవితం మరియు ఇతర సామాజిక సమస్యలపై ముస్లిం మహిళ కోణం నుండి విస్తృతంగా రాసింది.

జమీలా రచనలు ఇస్లాం పై పాశ్చాత్య విమర్శలకు బిన్న౦గా ఇస్లామిక్ అభ్యాసాల యొక్క నైతిక మరియు ఆధ్యాత్మిక ప్రయోజనాలను నొక్కి చెప్పే ఇస్లామిక్ ప్రపంచ దృక్పథాన్ని ప్రదర్శించింది. మరియం జమీలా ఇస్లామిక్ జీవన విధానం యొక్క లోతు మరియు గౌరవాన్ని ఎత్తిచూపుతూ, ప్రబలంగా ఉన్న పాశ్చాత్య దృక్పదానికి వ్యతిరేక కథనాన్ని అందించింది

 

Amina Wadud and Laleh Bakhtiar

 

జైనబ్ అల్ గజాలీ మరియు మర్యమ్ జమీలా యొక్క ఇస్లామిక్ జ్ఞానం  తరువాతి తరాల ముస్లిం మహిళా పండితులకు మార్గం సుగమం చేసింది. ఇస్లామిక్ బోధనల ద్వారా సమకాలీన సమస్యలను పరిష్కరించడం, సాంప్రదాయ ఇస్లామిక్ బోధనలను ఆధునిక జ్ఞానం మరియు సున్నితత్వాలతో సమన్వయం చేయవచ్చని అమీనా వదూద్ మరియు లాలేహ్ బక్తియార్ వంటి వారు నిరూపించారు.

 

అమీనా వదూద్:

అమీనా వదూద్ ఖురాన్ యొక్క స్త్రీవాద వివరణలకు ప్రసిద్ధి చెందిన మరొక ప్రభావవంతమైన పండితురాలు. అమీనా వదూద్ తన  పుస్తకం "ఖురాన్ మరియు స్త్రీ Qur'an and Woman " oలో సాంప్రదాయ పితృస్వామ్య బావాలను సవాలు చేస్తుంది మరియు ఇస్లాం యొక్క సమానత్వ తత్వాన్ని నొక్కి చెబుతుంది. అమీనా వాదూద్ మిశ్రమ-లింగ ప్రార్థనలకు mixed-gender prayers నాయకత్వం వహించారు.

 

లాలే భక్తియార్ Laleh Bakhtiar (1938-2020):

లాలేహ్ భక్తియార్ (1938-2020) ఖురాన్‌ను "ది సబ్‌లైమ్ ఖురాన్"పేర ఆంగ్లములోకి అనువదించిన ప్రముఖ వ్యక్తి. లాలేహ్ భక్తియార్ అనువాదం ఆధునిక స్త్రీల సున్నితత్వాలు మరియు అంతర్దృష్టులను అందించడంతోపాటు, అసలు వచనానికి ప్రాప్యత మరియు విశ్వసనీయత రెండింటినీ లక్ష్యంగా చేసుకుంది. ఖురాన్‌ను ఇంగ్లీష్ మాట్లాడే ముస్లింలకు మరింత అర్థమయ్యేలా చేయడానికి కృషి చేసారు మరియు  ఖురాన్ దృక్పదం లో లింగ సమస్యల పరిష్కారం చూపారు..

సచికో మురాటా:

ఇస్లామిక్ స్టడీస్ ప్రొఫెసర్ సచికో మురాటా, ఇస్లామిక్ మార్మికవాదం (సూఫీయిజం) మరియు లింగ సమస్యలను  తన రచనలలో ప్రముఖంగా ప్రస్తావించినది.. సచికో మురాటా పుస్తకం "ది టావో ఆఫ్ ఇస్లాం The Tao of Islam " అనేది ఇస్లామిక్ బోధనల యొక్క మెటాఫిజికల్ మరియు ఫిలాసఫికల్ అంశాలను పరిశోధించే ఒక ప్రాథమిక రచన మరియు  లింగ పాత్రల gender roles గురించి సూక్ష్మమైన అవగాహనను అందిస్తుంది.

Fatima Mernissi and Kecia Ali

 

ఫాతిమా మెర్నిస్సీ(1940-2015):

ఫాతిమా మెర్నిస్సీ (1940-2015), మొరాకో సామాజిక శాస్త్రవేత్త, మహిళలకు సంబంధించిన ఇస్లామిక్ బోధనల చారిత్రక మరియు సామాజిక సందర్భాలను అన్వేషించారు. ఫాతిమా మెర్నిస్సీ యొక్క "బియాండ్ ది వీల్ Beyond the Veil " మరియు "ది వీల్ అండ్ ది మేల్ ఎలైట్ The Veil and the Male Elite " వంటి రచనలు, ఇస్లామిక్ గ్రంథాలు మరియు చట్టాల వివరణను పితృస్వామ్య నిర్మాణాలు ఎలా ప్రభావితం చేశాయో విమర్శనాత్మకంగా పరిశీలించాయి.

కెసియా అలీ: కెసియా అలీ ఇస్లామిక్ చట్టం మరియు నీతి, ముఖ్యంగా వివాహం, లైంగికత మరియు బానిసత్వ౦ విషయాలపై పరిశోధన చేసినది. . కెసియా అలీ పుస్తకం "సెక్సువల్ ఎథిక్స్ అండ్ ఇస్లాం Sexual Ethics and Islam " పై అంశాలకు సంబంధించిన సంక్లిష్ట సమస్యలను ప్రస్తావిస్తుంది. ఇస్లామిక్ బోధనలపై మరింత సమానమైన అవగాహనను ప్రోత్సహించే క్లిష్టమైన విశ్లేషణను అందిస్తుంది.

పైన పేర్కొన్న ఇస్లామిక్ మహిళా విద్వాంసులు తమ పనిలో ఆధునిక శాస్త్రీయ, సామాజిక మరియు సాహిత్య అంతర్దృష్టులను చేర్చడం ద్వారా ఇస్లామిక్ అధ్యయన రంగాన్ని గణనీయంగా ప్రభావితం చేసారు. వారి ప్రయత్నాలు ఇస్లామిక్ స్కాలర్‌షిప్‌ను సుసంపన్నం చేయడమే కాకుండా ముస్లిం మహిళలకు వారి మేధో మరియు ఆధ్యాత్మిక విషయాలను నొక్కి చెప్పడానికి ఒక వేదికను అందించాయి. లింగ న్యాయాన్ని ప్రోత్సహించే విధంగా ఇస్లాంను అర్థం చేసుకోవడానికి కొత్త మార్గాలను తెరిచారు.