అమెరికా లో క్రికెట్ కు రెండు శతాబ్దాల చరిత్ర కలదు Two centuries History of Cricket in USA

 

1844లో అమెరికా మరియు కెనడా మద్య జరిగిన  క్రికెట్ మ్యాచ్

844లో మాన్‌హట్టన్‌లోని సెయింట్ జార్జ్ క్రికెట్ క్లబ్‌లో కెనడాతో జరిగిన మొట్టమొదటి మ్యాచ్‌కి అమెరికా  ఆతిథ్యం ఇచ్చింది. కెనడా 1845లో మాంట్రియల్‌లోని మెక్‌గిల్ యూనివర్సిటీ క్యాంపస్‌లో రిటర్న్ మ్యాచ్‌ను నిర్వహించింది. అమెరికా గడ్డపై నమోదైన తొలి అంతర్జాతీయ క్రికెట్ మ్యాచ్‌లు ఇవే. క్రికెట్ మ్యాచ్‌ల భారీ విజయం మరియు ప్రజాదరణ పొందిన తరువాత, కెనడా ప్రధాన మంత్రి జాన్ ఎ. మక్‌డొనాల్డ్ క్రికెట్ కెనడా యొక్క అధికారిక క్రీడ అని ప్రకటించారు.

అమెరికా  మరియు కెనడా మధ్య క్రికెట్ మ్యాచ్‌లు ఇప్పటికీ ఆడబడుతున్నాయి మరియు ఇది ప్రపంచంలోనే అత్యంత పురాతన క్రికెట్ సిరీస్. ఇది యాషెస్ కంటే పాతది. అమెరికా  మరియు కెనడా మధ్య K.A. కార్ల్ ఆండ్రూ ఆటీ పేర ఆటీ కప్ స్థాపించారు.నిర్వాహకులు ఎదుర్కొన్న ఆర్థిక ఇబ్బందుల కారణంగా 1994 నుంచి 2011 వరకు టోర్నీకి సుదీర్ఘ విరామం లభించింది. కానీ 2011 తర్వాత మళ్లీ పునరుద్ధరించారు.

బ్రిటీష్ నుండి స్వతంత్రం పొందటానికి ముందే అమెరికా లో క్రికెట్ పాతుకుపోయింది. ఏప్రిల్ 29, 1751న, న్యూయార్క్ గెజిట్ న్యూయార్క్ వాసులు మరియు సందర్శించే ఆంగ్లేయుల మధ్య జరిగిన క్రికెట్ మ్యాచ్ గురించి ఒక నివేదిక ప్రచురించినది. .

USA మొదటి ప్రెసిడెంట్ అయిన జార్జ్ వాషింగ్టన్ క్రికెట్ ఆడినట్లు రికార్డులు ఉన్నాయి. .

అమెరికాలో అంతర్యుద్ధం అంతర్యుద్ధం కారణంగా క్రికెట్‌తో సహా అన్ని క్రీడా కార్యకలాపాలు నిలిచిపోయాయి. అంతర్యుద్ధం ముగిసిన తర్వాత, క్రికెట్ బదులుగా ప్రజలు బేస్ బాల్ వైపు మొగ్గు చూపారు, బేస్ బాల్ బాగా ప్రాచుర్యం పొందింది. కానీ USA మరియు కెనడా మధ్య సిరీస్ పునరుద్ధరించబడింది మరియు అది శాశ్వత పోటీగా మారింది.

1932లో లాస్ ఏంజిల్స్‌లో ఒక హాలీవుడ్ క్రికెట్ క్లబ్‌ని ఇంగ్లీష్ టెస్ట్ క్రికెటర్ చార్లెస్ ఆబ్రే స్మిత్ స్థాపించాడు. చాలా మంది ప్రసిద్ధ చలన చిత్ర  తారలు క్లబ్‌లో సభ్యులుగా ఉన్నారు. ప్రముఖ రచయిత పి.జి. వోడ్‌హౌస్‌ హాలీవుడ్ క్రికెట్ క్లబ్‌కు కార్యదర్శిగా పనిచేసారు.

ఇప్పుడు అమెరికా వెస్టిండీస్‌తో పాటు ICC T20 ప్రపంచ కప్‌ను సంయుక్తంగా నిర్వహించనుంది. ఇంగ్లండ్‌లో మొదలైన క్రికెట్ అట్లాంటిక్ మహాసముద్రం మీదుగా పయనించి అమెరికాలోని ప్రేక్షకులను మరోసారి ఉర్రూతలూగిస్తుంది ఈ చర్య  అమెరికా ప్రజలలో  క్రికెట్‌ పట్ల తిరిగి ఆసక్తి కి దారితీస్తుంది అని అశించవచ్చు..

..