ఐయూఎంఎల్ నాయకురాలు ఫాతిమా ముజఫర్ అహ్మద్ ముస్లిం మహిళా నాయకత్వానికి ప్రతీక. IUML's Fatima Muzaffar Ahmed is the epitome of Muslim woman leadership

 

గత సంవత్సరం జాతీయ స్థాయిలో పార్టీలో తొలి మహిళా పదవిని చేపట్టిన ఫాతిమా ముజఫర్ అహ్మద్, ఇండియన్ యూనియన్ ముస్లిం లీగ్ యొక్క మారుతున్న స్వరూపానికి ప్రతీకగా నిలుస్తున్నారు. ఫాతిమా ముజఫర్ అహ్మద్ ఐయూఎంఎల్ యొక్క ఇద్దరు మహిళా జాతీయ సహాయ కార్యదర్శులలో ఒకరు. ఫాతిమా ముజఫర్ అహ్మద్, లీగ్ మహిళా విభాగానికి జాతీయ అధ్యక్షురాలిగా ఉన్నారు.

గత సంవత్సరం, చెన్నై కార్పొరేషన్‌లో ఐయూఎంఎల్ తరపున గెలిచిన ఏకైక వ్యక్తి ఫాతిమా ముజఫర్ అహ్మద్. 2022లో జరిగిన మొత్తం తమిళనాడు కౌన్సిల్ ఎన్నికలలో గెలిచిన ఆరుగురు ముస్లిం మహిళా కౌన్సిలర్లలో ఫాతిమా ముజఫర్ అహ్మద్ కూడా ఒకరు.

ఫాతిమా ముజఫర్ అహ్మద్ తండ్రి  ఏకే అబ్దుల్ సమద్, ఐయూఎంఎల్ మాజీ జాతీయ ప్రధాన కార్యదర్శి. ఏకే అబ్దుల్ సమద్ లోక్‌సభకు రెండుసార్లు, రాజ్యసభకు రెండుసార్లు వెలూరు నియోజకవర్గానికి ప్రాతినిధ్యం వహించారు. ఏకే అబ్దుల్ సమద్ మొదట్లో హార్బర్ నియోజకవర్గం నుండి కౌన్సిలర్‌గా ఉండేవారు. ఏకే అబ్దుల్ సమద్ ఒక ప్రగతిశీల వ్యక్తి.

ఫాతిమా ముజఫర్ అహ్మద్ తాతగారు స్వాతంత్ర్య ఉద్యమంలో పాల్గొన్న ఒక మౌలానా. ఆయన తమిళనాడులో ఖిలాఫత్ ఉద్యమంలో పాల్గొన్నారు మరియు మొదటిసారిగా ఖురాన్‌ను తమిళంలోకి అనువదించారు. అది తమిళంలోకి అనువదించబడిన అన్ని ఖురాన్‌లకు మాతృక. తమిళ అనువాదాన్ని పూర్తి చేయడానికి ఫాతిమా ముజఫర్ అహ్మద్ తాతగారికి  26 సంవత్సరాలు పట్టింది.

ఫాతిమా ముజఫర్ అహ్మద్ నలుగురు తోబుట్టువులలో (వారిలో ముగ్గురు పురుషులు) కేవలం ఆమె (అందరికంటే చిన్నది) మాత్రమే రాజకీయాల్లోకి వచ్చారు.

ఫాతిమా ముజఫర్ అహ్మద్ పాఠశాలలో ఉపన్యాసాలు ఇవ్వడంలో మంచి ప్రావీణ్యం కలిగి ఉండేవారు  మరియు ఒక సామాజిక కార్యకర్త. కళాశాలలో విద్యార్థి సంఘ నాయకురాలు మరియు  ఐయుఎంఎల్ మహిళా విభాగంలో నాయకురాలుగా పనిచేసారు.

2022లో, చెన్నై కార్పొరేషన్‌లో భారీ మెజారిటీతో గెలిచిన ఏకైక ఐయుఎంఎల్ కౌన్సిలర్‌ ఫాతిమా ముజఫర్ అహ్మద్.ఫాతిమా చెన్నై కార్పొరేషన్‌లోని విద్యా స్టాండింగ్ కమిటీలో సభ్యురాలు.

ఫాతిమా ముజఫర్ అహ్మద్ వక్ఫ్ బోర్డు మరియు హజ్ కమిటీకి మూడవసారి నామినేట్ అయ్యారు; ఫాతిమా ముజఫర్ అహ్మద్ ఆల్ ఇండియా ముస్లిం పర్సనల్ లా బోర్డు కార్యనిర్వాహక కమిటీలో సభ్యురాలు.

ఆల్ ఇండియా ముస్లిం పర్సనల్ లా బోర్డు కార్యనిర్వాహక కమిటీలో 40 మంది సభ్యులు ఉండగా, వారిలో కేవలం ఆరుగురు మాత్రమే మహిళలు. వారిలో ఫాతిమాతో సహా ఇద్దరు తమిళనాడుకు చెందినవారు.

ఫాతిమా ముజఫర్ అహ్మద్ సమాజంలోని అణగారిన, వెనుకబడిన, నిరక్షరాస్యులైన మరియు ఆర్థికంగా వెనుకబడిన వర్గాలను సాధికారత కల్పించడం వైవిధ్యంలో సమానత్వం మరియు ఐక్యతను స్థాపించాలని, మత సామరస్యం మరియు ప్రపంచ శాంతిని ప్రోత్సహించాలని కోరుకుంటున్నారు.  

సామాజికంగా బలహీన వర్గాల కోసం ఫాతిమా ముజఫర్ అహ్మద్ చేసిన కృషికి అవార్డులు లభించాయి మరియు మదర్ థెరిసా విశ్వవిద్యాలయం నుండి సామాజిక సేవలో గౌరవ డాక్టరేట్ మరియు మద్రాస్ విశ్వవిద్యాలయం నుండి జీవిత సాఫల్య పురస్కారం కూడా లభించాయి. సామాజిక మరియు రాజకీయ అంశాలపై అంతర్జాతీయ ప్రతినిధిగా ఫాతిమా ముజఫర్ అహ్మద్ 25 దేశాలను సందర్శించినారు.

ఇటీవలి ఫాతిమా ముజఫర్ అహ్మద్ అబుదాబిలో జరిగిన గ్లోబల్ సమ్మిట్ ఆఫ్ ఉమెన్‌లో పాల్గొనడానికి వెళ్ళింది. అంతకుముందు, ఉగ్రవాదం మరియు భద్రతపై మాట్లాడటానికి చెన్నైలోని US కాన్సులేట్ స్పాన్సర్ చేసిన సమావేశంలో పాల్గొనడానికి ఫాతిమా ముజఫర్ అహ్మద్ యునైటెడ్ స్టేట్స్‌ను సందర్శించింది.

రాజకీయ నాయకురాలిగా ఫాతిమా ముజఫర్ అహ్మద్ కలల గురించి అడిగినప్పుడు, తన రాష్ట్ర అభివృద్ధి కథలో భాగం కావాలని కోరుకుంటున్నట్లు చెబుతుంది.