స్వతంత్ర భారతదేశంలోని టాప్ 10 ముస్లిం నాయకులు Independent India's top 10 Muslim leaders

 

భారతదేశం, ప్రజల ఐక్యత, సామరస్యాన్ని కాపాడటం, లౌకిక విలువలను ప్రోత్సహించడం మరియు మైనారిటీల కోసం పనిచేసిన అనేక మంది ముస్లిం నాయకులను చూసింది.

ప్రపంచంలో అత్యంత వేగంగా అభివృద్ధి చెందుతున్న ఆర్థిక వ్యవస్థగా మరియు సవాళ్లను ఎదుర్కొంటూ వైవిధ్యం మరియు ప్రజాస్వామ్య విలువలను కొనసాగించిన దేశంగా భారతదేశం ఎదగడంలో కీలక పాత్ర పోషించిన 10 మంది ముస్లిం నాయకుల జాబితా:

 

సయ్యదా అన్వారా తైమూర్ Syeda Anwara Taimur

 

అస్సాంకు సయ్యదా అన్వారా తైమూర్ చరిత్ర సృష్టించి మొదటి మహిళా ముఖ్యమంత్రి అయ్యారు. అన్వారా తైమూర్ ముఖ్య మంత్రి పదవిలో డిసెంబర్ 6, 1980 నుండి జూన్ 30, 1981 వరకు ఉన్నారు. అన్వారా తైమూర్ అస్సాంలో భారత జాతీయ కాంగ్రెస్ నాయకురాలు మరియు  నాలుగు పర్యాయాలు ఎన్నికైన ఎమ్మెల్యే. అన్వారా తైమూర్ అస్సాంకు ఏకైక మహిళా మరియు ముస్లిం ముఖ్యమంత్రి.

భారత చరిత్రలో, సయ్యదా అన్వరా తైమూర్ ఏ రాష్ట్రానికైనా మొదటి ముస్లిం మహిళా ముఖ్యమంత్రి కూడా. 1988లో, అన్వారా తైమూర్ రాజ్యసభకు నామినేట్ అయ్యారు. అన్వారా తైమూర్ సెప్టెంబర్ 28, 2020న ఆస్ట్రేలియాలో మరణించారు.

 

డాక్టర్ అబ్దుల్ జలీల్ ఫరీది Dr. Abdul Jalil Faridi

 

బహుజన్ సమాజ్ పార్టీ (BSP) వ్యవస్థాపకుడు కాన్షీ రామ్, ఉత్తరప్రదేశ్‌లో 15 శాతం అగ్ర కులాల ఆధిపత్యానికి వ్యతిరేకంగా అన్ని మతాల 85 శాతం దిగువ కులాల రాజకీయ ఫ్రంట్ ఏర్పాటును ప్రతిపాదించిన మొదటి నాయకుడు అనేది ఒక సాధారణ అభిప్రాయం. అయితే, వాస్తవానికి లక్నోకు చెందిన డాక్టర్ అబ్దుల్ జలీల్ ఫరీది అగ్రవర్ణాల ఆధిపత్యానికి వ్యతిరేకంగా అన్ని అణగారిన మరియు వెనుకబడిన తరగతుల రాజకీయ ఐక్యత అనే ఆలోచనను ప్రతిపాదించిన మొదటి వ్యక్తి.

లక్నోకు చెందిన ప్రఖ్యాత కార్డియాలజిస్ట్ మరియు క్షయవ్యాధి నిపుణుడు అయిన డాక్టర్ అబ్దుల్ జలీల్ ఫరీది (1913–1974)లక్నో నగరంలోని ప్రముఖ వైద్యులలో ఒకరు మాత్రమే కాకుండా, సామాజిక సంస్కర్త మరియు రాజకీయ కార్యకర్త కూడా. స్వాతంత్ర్యం తర్వాత దేశంలోని అణగారిన వర్గాలకు, ముఖ్యంగా ముస్లింలు మరియు వెనుకబడిన వర్గాలకు సేవ చేయాలనే మక్కువతో డాక్టర్ ఫరీది రాజకీయాలను ఎన్నుకొన్నారు.

ముస్లింలు రాజకీయంగా వెనుకబడిపోతున్నారని వారి హక్కుల కోసం రాజకీయ ఉద్యమాలలో అబ్దుల్ జలీల్ ఫరీది పాల్గొన్నారు. ప్రారంభంలో, అబ్దుల్ జలీల్ ఫరీది ‘మజ్లిస్-ఎ-ముషార్హత్‌’తో సంబంధం కలిగి ఉన్నారు మరియు 1968లో, ‘ముస్లిం మజ్లిస్‌’ను స్థాపించారు, ముస్లిం మజ్లిస్‌ మైనారిటీల విద్య, ఉపాధి, సాంస్కృతిక రక్షణ మరియు రాజకీయ స్వయంప్రతిపత్తి కోసం పనిచేసింది. 1974లో ఎన్నికల ప్రచారంలో డాక్టర్ ఫరీది గుండెపోటుతో మరణించారు.

డాక్టర్ ఫరూఖ్ అబ్దుల్లాDr. Farooq Abdullah

 

జమ్మూ కాశ్మీర్ రాజకీయాల్లో అబ్దుల్లా కుటుంబం ముఖ్యమైన పాత్ర పోషించింది. షేర్-ఎ-కాశ్మీర్ (కాశ్మీర్ సింహం) అని పిలువబడే షేక్ మొహమ్మద్ అబ్దుల్లా నేషనల్ కాన్ఫరెన్స్ స్థాపకుడు. షేక్ మొహమ్మద్ అబ్దుల్లా, కుమారుడు డాక్టర్ ఫరూక్ అబ్దుల్లా అతని వారసుడు, మరియు ఫరూక్ అబ్దుల్లా కాశ్మీర్ నుండి ఢిల్లీ వరకు భారత రాజకీయాలపై తనదైన ముద్ర వేశాడు.

డాక్టర్ ఫరూక్ అబ్దుల్లా 1996 నుండి 2002 వరకు రాష్ట్ర ముఖ్యమంత్రిగా ఎన్నికయ్యాడు, ఆ తర్వాత రెండుసార్లు రాజ్యసభకు ఎన్నికయ్యాడు మరియు 2009 లో లోక్‌సభ స్థానాన్ని గెలుచుకోవడానికి రాజీనామా చేశాడు, దాని కారణంగా ఫరూక్ అబ్దుల్లా UPA ప్రభుత్వంలో చేరాడు. ఫరూక్ అబ్దుల్లా 2014 లో ఓడిపోయాడు కానీ 2017 ఉప ఎన్నికలో గెలిచాడు. ఆ తర్వాత, ఫరూక్ అబ్దుల్లా 2019 లోక్‌సభ ఎన్నికల్లో విజయం సాధించారు.

 

గులాం నబీ ఆజాద్ Ghulam Nabi Azad

మార్చి 7, 1949న జమ్మూలోని దోడా అనే మారుమూల గ్రామంలో జన్మించిన గులాం నబీ ఆజాద్ 1973లో కాంగ్రెస్ అట్టడుగు నాయకుడిగా తన రాజకీయ ప్రయాణాన్ని ప్రారంభించారు. త్వరలోనే గులాం నబీ ఆజాద్ జమ్మూ కాశ్మీర్ ప్రదేశ్ యూత్ కాంగ్రెస్ అధ్యక్షుడిగా, తరువాత 1980లో ఆల్ ఇండియా యూత్ కాంగ్రెస్ అధ్యక్షుడిగా ఎన్నికయ్యారు. అదే సంవత్సరంలో, గులాం నబీ ఆజాద్ మహారాష్ట్రలోని వాషిమ్ నుండి 7వ లోక్‌సభకు ఎన్నికయ్యారు మరియు 1982లో చట్టం, న్యాయం మరియు కంపెనీ వ్యవహారాలకు డిప్యూటీ మంత్రిగా నియమితులయ్యారు. సంవత్సరాలుగా, గులాం నబీ ఆజాద్ పార్లమెంటు ఉభయ సభలలో పనిచేశారు మరియు పార్లమెంటరీ వ్యవహారాలు, పౌర విమానయానం మరియు ఆరోగ్యం & కుటుంబ సంక్షేమం వంటి కీలక మంత్రిత్వ శాఖలను నిర్వహించారు.

ఆజాద్ నవంబర్ 2005లో జమ్మూ ప్రాంతం నుండి జమ్మూ కాశ్మీర్‌కు మొదటి ముఖ్యమంత్రి అయ్యారు. గులాం నబీ ఆజాద్ తరువాత UPA-II ప్రభుత్వంలో ఆరోగ్య మంత్రిగా పనిచేశారు, అక్కడ గులాం నబీ ఆజాద్ జాతీయ గ్రామీణ ఆరోగ్య మిషన్‌ను గణనీయంగా విస్తరించారు మరియు పట్టణ పేదల ఆరోగ్య సంరక్షణ అవసరాలను తీర్చడానికి జాతీయ పట్టణ ఆరోగ్య మిషన్‌ను ప్రారంభించారు.

2014 నుండి 2021 వరకు రాజ్యసభలో ప్రతిపక్ష నాయకుడిగా, ఆజాద్ పార్లమెంటరీ చర్చలు మరియు జాతీయ విధాన చర్చలలో కీలక పాత్ర పోషించారు. గులాం నబీ ఆజాద్ తన వాక్చాతుర్యం, పరిపాలనా నైపుణ్యాలు మరియు భారత రాజకీయ వ్యవస్థపై లోతైన అవగాహన కోసం విస్తృతంగా గౌరవించబడ్డారు. ఆగస్టు 2022లో, ఆజాద్ భారత జాతీయ కాంగ్రెస్‌కు రాజీనామా చేశారు.

గులాం నబీ ఆజాద్ ఇటీవలే తన నూతన రాజకీయ సంస్థ అయిన డెమోక్రటిక్ ప్రోగ్రెసివ్ పార్టీని ముగించారు. ప్రజా జీవితంలో దశాబ్దాల పాటు చేసిన సేవకు గుర్తింపుగా, ప్రభుత్వం గులాం నబీ ఆజాద్ కు పద్మ భూషణ్‌ను ప్రదానం చేసింది.

ఘని ఖాన్ చౌదరి Ghani Khan Chaudhary

 

ఘని ఖాన్ చౌదరి 1957లో పశ్చిమ బెంగాల్ రాష్ట్ర శాసనసభకు ఎమ్మెల్యేగా ఎన్నికయ్యారు. 1972 వరకు ఘని ఖాన్ చౌదరి న తన నియోజకవర్గం మాల్దా నుండి గెలుస్తూనే ఉన్నారు. 1972 నుండి 1977 వరకు పశ్చిమ బెంగాల్ ప్రభుత్వంలో రాష్ట్ర క్యాబినెట్ మంత్రిగా పనిచేశారు. ఘని ఖాన్ చౌదరి ఎనిమిది సార్లు మాల్దా నుండి ఎన్నికయ్యారు.

ఘని ఖాన్ చౌదరి ఇందిరా గాంధీ మరియు రాజీవ్ గాంధీ ప్రభుత్వాలలో రైల్వే మంత్రిగా పనిచేశారు. కోల్‌కతా నగరంలో కోల్‌కతా మెట్రో రైల్వే మరియు సర్క్యులర్ రైల్వేను ప్రవేశపెట్టడంలో మరియు మాల్డా టౌన్ రైల్వే స్టేషన్‌ను ఈ ప్రాంతంలోని అత్యంత ముఖ్యమైన స్టేషన్లలో ఒకటిగా స్థాపించడంలో ఘని ఖాన్ చౌదరి చురుకైన పాత్ర పోషించారు. ఘని ఖాన్ చౌదరి చేసిన కృషికి గాను, ఘని ఖాన్ చౌదరి ని తరచుగా ఆధునిక మాల్డా రూపశిల్పిగా పిలుస్తారు.

అబ్దుల్ గఫూర్Abdul Ghafoor

బీహార్ కు  13వ ముఖ్యమంత్రి అయిన ఏకైక ముస్లిం అబ్దుల్ గఫూర్. తరువాత అబ్దుల్ గఫూర్, రాజీవ్ గాంధీ ప్రభుత్వంలో క్యాబినెట్ మంత్రిగా ఉన్నారు. 1984 మరియు 1996లో వరుసగా సివాన్ మరియు గోపాల్‌గంజ్ నుండి కాంగ్రెస్ మరియు సమతా పార్టీ టిక్కెట్లపై లోక్‌సభకు ఎన్నికయ్యారు.

 అబ్దుల్ గఫూర్ బీహార్ శాసనమండలి మాజీ ఛైర్మన్ కూడా. అబ్దుల్ గఫూర్ తొలిసారిగా 1952లో బీహార్ రాష్ట్ర శాసనసభ సభ్యుడయ్యారు మరియు జూలై 10, 2004న పాట్నాలో మరణించారు. అబ్దుల్ గఫూర్ స్వాతంత్ర్య పోరాటంలో చురుకుగా పాల్గొన్నారు మరియు జైలు శిక్ష కూడా అనుభవించారు.

జాఫర్ షరీఫ్ Jaffer Sharif

 

కర్ణాటకలో జాఫర్ షరీఫ్ సీనియర్ కాంగ్రెస్ నాయకుడు. కాంగ్రెస్‌లో చీలిక తర్వాత జాఫర్ షరీఫ్ ఇందిరా గాంధీకి మద్దతు ఇచ్చారు. రైల్వే మంత్రిగా జాఫర్ షరీఫ్ అనేక విజయాలు సాధించారు. రైల్వే మంత్రిగా జాఫర్ షరీఫ్ చేసిన కృషికి ఎంతో ప్రాధాన్యత ఉంది. జాఫర్ షరీఫ్ పదవీకాలంలో, దేశవ్యాప్తంగా అనేక సింగిల్-గేజ్ రైల్వే లైన్లు అప్‌గ్రేడ్ చేయబడ్డాయి. ఇది జాఫర్ షరీఫ్ ను జాతీయ స్థాయిలో ప్రజాదరణ పొందిన మంత్రిగా చేసింది.

కేంద్ర ప్రభుత్వం ఆర్థిక సంక్షోభాన్ని ఎదుర్కొంటున్నప్పుడు, జాఫర్ షరీఫ్ రైల్వేలలో స్క్రాప్‌ను అమ్మడం ద్వారా రూ. 2000 కోట్లు వసూలు చేశారు, దీనిని ట్రాక్‌లను అప్‌గ్రేడ్ చేయడానికి ఉపయోగించారు. భారత రైల్వేల అభివృద్ధి కోసం దేశం ఇప్పటికీ జాఫర్ షరీఫ్ ను గుర్తుంచుకుంటుంది.

అసదుద్దీన్ ఒవైసీAsaduddin Owaisi

 

నేడు, అసదుద్దీన్ ఒవైసీ భారతదేశంలో అత్యంత ప్రసిద్ధ రాజకీయ మరియు ప్రజాదరణ పొందిన ముస్లిం నాయకుడు. అసదుద్దీన్ ఒవైసీ తెలంగాణలోని ఒవైసీ కుటుంబ రాజకీయ వారసత్వానికి సంరక్షకుడు మరియు ఆల్ ఇండియా మజ్లిస్-ఎ-ఇత్తెహాద్-ఉల్-ముస్లిమీన్ (AIMIM) యొక్క మూడవ జాతీయ అధ్యక్షుడు. 2004లో, లోక్‌సభలో హైదరాబాద్ నియోజకవర్గ౦ నుంచి  ఒవైసీ లోక్‌సభలోకి ప్రవేశించి ఇప్పటివరకు ఐదుసార్లు ఎన్నికయ్యారు. అసదుద్దీన్ ఒవైసీకి అక్టోబర్ 2013లో సంసద్ రత్న అవార్డు (పార్లమెంటేరియన్ల రత్నం) లభించింది. అసదుద్దీన్ ఒవైసీ వాక్ పటిమను  అన్ని మిత్రపక్షాలు  మరియు ప్రత్యర్థులు గౌరవిస్తారు.

నజ్మా హెప్తుల్లాNajma Hepthullah

నజ్మా హెప్తుల్లా కాంగ్రెస్ కు చెందినవారు, తరువాత బిజెపిలో చేరారు. నజ్మా హెప్తుల్లా 1980, 1986, 1992, మరియు 1998 లలో మహారాష్ట్ర, మధ్యప్రదేశ్ మరియు రాజస్థాన్ నుండి కాంగ్రెస్ రాజ్యసభ సభ్యురాలిగా ఉన్నారు. నజ్మా హెప్తుల్లా 16 సంవత్సరాలు రాజ్యసభ డిప్యూటీ చైర్మన్ గా ఉన్నారు. నజ్మా హెప్తుల్లా2004 లో బిజెపిలో చేరారు. తరువాత, నజ్మా హెప్తుల్లా 2007 లో భారతీయ జనతా పార్టీ (బిజెపి) ఉపాధ్యక్షురాలిగా నామినేట్ అయ్యారు. నజ్మా హెప్తుల్లా నరేంద్ర మోడీ మొదటి ప్రభుత్వంలో మంత్రిగా ఉన్నారు. 2016 నుండి 2021 వరకు, నజ్మా హెప్తుల్లా మణిపూర్ 16 వ గవర్నర్ గా పనిచేశారు. ఆగస్టు 2007 లో జరిగిన 13వ ఉపరాష్ట్రపతి ఎన్నికల్లో హమీద్ అన్సారీ చేతిలో ఓడిపోయారు. నజ్మా హెప్తుల్లా 2017 లో జామియా మిలియా ఇస్లామియా ఛాన్సలర్ గా నియమితులయ్యారు మరియు తరువాత మణిపూర్ గవర్నర్ గా పనిచేశారు. నజ్మా హెప్తుల్లా ఒక శక్తివంతమైన రాజకీయ నాయకురాలిగా పేరుగాంచారు.

మోహ్సినా కిద్వాయ్Mohsina Kidwai

 

భారత జాతీయ కాంగ్రెస్ పార్టీకి చెందిన ప్రముఖ నాయకురాలు మోహ్సినా కిద్వాయ్ ఉత్తరప్రదేశ్‌లోని బారాబంకి జిల్లాకు చెందినవారు. మోహ్సినా కిద్వాయ్ కేంద్ర మంత్రిగా పనిచేశారు మరియు ప్రధాన మంత్రులు ఇందిరా గాంధీ మరియు రాజీవ్ గాంధీల హయాంలో అనేక ముఖ్యమైన మంత్రిత్వ శాఖలను నిర్వహించారు. మోహ్సినా కిద్వాయ్ ఉత్తరప్రదేశ్‌లోని మీరట్ నియోజకవర్గం నుండి 6వ లోక్‌సభకు ఎన్నికయ్యారు మరియు 7వ మరియు 8వ లోక్‌సభలో మీరట్ స్థానాన్ని నిలుపుకున్నారు.

2004 మరియు 2016 మధ్య మీరట్ ఛత్తీస్‌గఢ్ నుండి రాజ్యసభ సభ్యురాలిగా కూడా పనిచేశారు. అత్యవసర పరిస్థితి తర్వాత దేశవ్యాప్తంగా కాంగ్రెస్ తుడిచిపెట్టుకుపోయినప్పుడు మోహ్సినా కిద్వాయ్ విజయం సాధించారు.