అమెరికన్ కార్డినల్ రాబర్ట్ ఫ్రాన్సిస్ ప్రీవోస్ట్ పోప్‌గా ఎన్నికయ్యారు, పోప్ లియో XIV అని పేరు మార్చుకున్నారు American Cardinal Robert Francis Prevost elected Pope, takes name Pope Leo XIV

 

 

పోప్ ఫ్రాన్సిస్‌కు సన్నిహితుడు, మితవాది, పెరూలో మిషనరీగా సంవత్సరాలు గడిపిన రాబర్ట్ ఫ్రాన్సిస్ ప్రీవోస్ట్ కాథలిక్ చర్చి యొక్క 267వ పోప్  గా ఎన్నికైనారు.

ప్రపంచవ్యాప్తంగా ఉన్న కార్డినల్స్ ప్రపంచంలోని 1.4 బిలియన్ కాథలిక్కులకు నాయకుడిగా రాబర్ట్ ఫ్రాన్సిస్ ప్రీవోస్ట్ ను ఎన్నుకున్న తర్వాత, రాబర్ట్ ఫ్రాన్సిస్ ప్రీవోస్ట్ యునైటెడ్ స్టేట్స్ నుండి ఎన్నికైన  మొదటి పోప్ అయ్యారు,

ప్రపంచవ్యాప్తంగా ఉన్న కార్డినల్స్ రాబర్ట్ ఫ్రాన్సిస్ ప్రీవోస్ట్ ను ప్రపంచంలోని 1.4 బిలియన్ కాథలిక్కులకు నాయకుడిగా ఎన్నుకున్న తర్వాత, రాబర్ట్ ఫ్రాన్సిస్ ప్రీవోస్ట్,  పాపల్ పేరు లియో XIV గా ఎంచుకున్నారు.

సెయింట్ పీటర్స్ స్క్వేర్‌లో నిండిన పదివేల మంది ప్రజలకు  సెయింట్ పీటర్స్ బసిలికా బాల్కనీలో రెండు చేతులతో ఊపుతూ, నవ్వుతూ, నమస్కరిస్తూ ప్రీవోస్ట్ కనిపించడంతో హర్షధ్వానాలు చేశారు.

"మీకు శాంతి కలుగుగాక" అని కొత్త పొప్ లియో XIV జనసమూహానికి చెప్పారు.

రహస్య సమావేశంలో కార్డినల్స్ తన ఎన్నికను ప్రకటించడానికి ఓటింగ్ జరిగిన రెండవ రోజు సిస్టీన్ చాపెల్ నుండి తెల్లటి పొగ ఆకాశంలోకి ఎగిరింది, సెయింట్ పీటర్స్ బసిలికా మరియు రోమ్ అంతటా ఉన్న చర్చిల గంటలు మోగాయి.

మృదుభాషి రాబర్ట్ ఫ్రాన్సిస్ ప్రీవోస్ట్ అమెరికా నుండి ఎన్నికైన మొదటి పోప్. 267వ పోప్ ప్రపంచాన్ని ఉద్దేశించి చేసే  మొదటి ప్రసంగం కోసం ఎర్రటి తెరలతో అమర్చబడిన బాసిలికా బాల్కనీని చూడటానికి ప్రజలు గుంపులు గుంపులుగా సెయింట్ పీటర్స్ స్క్వేర్‌ వైపు తరలివచ్చారు.

అర్జెంటీనా సంస్కర్త పోప్ ఫ్రాన్సిస్ తర్వాత వచ్చిన కొత్త పోప్‌ను లాటిన్‌లో తాను ఎంచుకున్న పాపల్ పేరుతో పరిచయం చేశారు.

పోప్ ఫ్రాన్సిస్ ఏప్రిల్ 21, 2025న మరణించారు, 88 సంవత్సరాల వయస్సులో 12 సంవత్సరాల పాపసీ కాలంలో పోప్ ఫ్రాన్సిస్ తన ప్రగతిశీల విధానంతో మరింత కరుణామయమైన చర్చిని నిర్మించడానికి ప్రయత్నించారు

కొత్త పోప్ సంఘర్షణతో కూడిన ప్రపంచ వేదికపై తన నైతిక స్వరాన్ని నొక్కి చెప్పడంతో పాటు, విభజించబడిన చర్చిని ఏకం చేయడానికి మరియు లైంగిక వేధింపుల కుంభకోణం మొదలగు సమస్యలను పరిష్కరించడానికి ప్రయత్నించాలి.

సాధారణంగా ఎన్నికలు జరిగిన వారం లోపు కొత్త పాపల్ పదవీ స్వీకారం జరుగుతుంది. కొత్త పోప్ తన ప్రాధాన్యతలను వివరిస్తూ ఒక ప్రసంగం చేసే ముందు, సెయింట్ పీటర్స్ స్క్వేర్‌ను సందర్శించే అవకాశం ఉంది

 

మూలం: ది హిందూ, మే 08, 2025, రాయిటర్స్,