INA యొక్క రాణి ఝాన్సీ రెజిమెంట్ INA’s Rani Jhansi Regiment

 

ఝాన్సీ రాణి రెజిమెంట్ అనేది వలస భారతదేశంలో బ్రిటిష్ రాజ్‌ను వెళ్లగొట్టే లక్ష్యంతో ఇండియన్ నేషనల్ ఆర్మీ లేదా ఆజాద్ హింద్ ఫౌజ్ యొక్క మహిళా రెజిమెంట్. ఝాన్సీ రాణి రెజిమెంట్ రెండవ ప్రపంచ యుద్ధంలో పూర్తిగా మహిళలతో కూడిన పోరాట రెజిమెంట్లలో ఒకటి.

కెప్టన్  లక్ష్మీ సెహగల్ నేతృత్వంలో, ఝాన్సీ రాణి రెజిమెంట్ జూలై 1943లో ఆగ్నేయాసియాలోని ప్రవాస భారతీయ జనాభా నుండి స్వచ్ఛంద సేవకులతో ఏర్పాటు చేయబడింది. ఝాన్సీ రాణి లక్ష్మీబాయి పేరు మీద రెజిమెంట్ కు ఝాన్సీ రాణి రెజిమెంట్ అని పేరు పెట్టారు. నేతాజీ సుభాష్ చంద్రబోస్ జూలై 12, 1943న ఝాన్సీ రాణి రెజిమెంట్  ఏర్పాటును ప్రకటించారు.

ఝాన్సీ రాణి రెజిమెంట్  లో చాలా మంది మహిళలు మలయన్ రబ్బరు ఎస్టేట్‌ల నుండి వచ్చిన భారత సంతతికి చెందిన టీనేజ్ వాలంటీర్లు సింగపూర్‌లో సుమారు నూట డెబ్బై మంది క్యాడెట్‌లతో ఝాన్సీ రాణి రెజిమెంట్  యొక్క ప్రారంభ శిక్షణా శిబిరం స్థాపించబడింది. క్యాడెట్‌లకు వారి విద్య ప్రకారం నాన్-కమిషన్డ్ ఆఫీసర్ లేదా సిపాయి (ప్రైవేట్) ర్యాంకులు ఇవ్వబడ్డాయి. తరువాత, రంగూన్ మరియు బ్యాంకాక్‌లలో శిబిరాలు స్థాపించబడ్డాయి మరియు నవంబర్ 1943 నాటికి, ఈ ఝాన్సీ రాణి రెజిమెంట్ లో మూడు వందలకు పైగా క్యాడెట్‌లు ఉన్నారు.

సింగపూర్‌లో శిక్షణ 1943 అక్టోబర్ 23న ప్రారంభమైంది. క్యాడెట్‌లు డ్రిల్స్, రూట్ మార్చ్‌లతో పాటు రైఫిల్స్, హ్యాండ్ గ్రెనేడ్‌లు మరియు బయోనెట్ ఛార్జ్‌లలో ఆయుధ శిక్షణతో సైనిక మరియు పోరాట శిక్షణ పొందారు. తరువాత, అనేక మంది క్యాడెట్‌లను బర్మాలో అడవి యుద్ధంలో మరింత అధునాతన శిక్షణ కోసం ఎంపిక చేశారు. 1944 మార్చి 30న ఐదు వందల మంది సైనికులతో కూడిన సింగపూర్ శిక్షణా శిబిరంలో రెజిమెంట్ తన మొదటి పాసింగ్ అవుట్ పరేడ్‌ను నిర్వహించింది. చాంద్ బీబీ నర్సింగ్ కార్ప్స్ పేర దాదాపు 200 మంది క్యాడెట్‌లను నర్సింగ్ శిక్షణ కోసం కూడా ఎంపిక చేశారు.

INA యొక్క ఇంఫాల్ ముట్టడి సమయంలో, ఝాన్సీ రాణి దళాలలో దాదాపు వంద మందితో కూడిన ప్రారంభ బృందం మేమ్యోకు Maymyo తరలించబడింది, దీనిలో కొంత భాగం ఇంఫాల్ పతనం తర్వాత బెంగాల్‌లోని గంగా మైదానాల్లోకి ప్రవేశించడానికి వాన్‌గార్డ్ యూనిట్‌ను ఏర్పాటు చేయడానికి ఉద్దేశించబడింది. ఝాన్సీ రాణి రెజిమెంట్ లోని ఒక భాగం మేమ్యోలోని INA ఆసుపత్రిలో నర్సింగ్ కార్ప్స్‌ను కూడా ఏర్పాటు చేసింది. ఇంఫాల్ ముట్టడి విఫలమైన తరువాత, ఇండియన్ నేషనల్ ఆర్మీ (INA) యొక్క ఝాన్సీ రాణి రెజిమెంట్ 1943-45లో జపాన్ ఆక్రమిత మలయా మరియు సింగపూర్‌లలో శిక్షణ పొందింది మరియు 1944-45 సమయంలో బర్మాలో మిత్రరాజ్యాలపై పోరాడింది.

పట్టణాలు మరియు రబ్బరు తోటల నుండి వచ్చిన యువ భారతీయ మహిళలతో కూడిన అద్భుతమైన ఝాన్సీ రాణి రెజిమెంట్ యొక్క చరిత్ర ఇది.

భారత విముక్తి పోరాటంలో పాల్గొనడానికి చాలా మంది యువతులు తమ సౌకర్యవంతమైన జీవితాలను విడిచిపెట్టారు. రెండవ ప్రపంచ యుద్ధంలో పాల్గొన్న అతి కొద్ది మంది మహిళా పోరాట రెజిమెంట్లలో ఇది ఒకటి. దీనికి కెప్టెన్ లక్ష్మీ స్వామినాథన్ సెహగల్ నాయకత్వం వహించారు.

నేతాజీ తన ప్రసంగాలలో ఒకదానిలో, "1857లో భారతదేశ మొదటి స్వాతంత్య  యుద్ధంలో ధైర్యవంతురాలైన ఝాన్సీ రాణి ప్రయోగించిన కత్తిని పట్టుకునే 'మరణాన్ని ఎదిరించే  రెజిమెంట్'ను ఏర్పాటు చేయడానికి ధైర్యవంతులైన భారతీయ మహిళల యూనిట్‌ను కూడా నేను కోరుకుంటున్నాను" అని అన్నారు.

చాలా రోజుల తర్వాత ఇండియన్ ఇండిపెండెన్స్ లీగ్ (IIL) మహిళా విభాగం ఆధ్వర్యంలో జరిగిన భారతీయ మహిళల సమావేశంలో నేతాజీ తన మాటలను పునరుద్ఘాటించారు. సుభాష్ చంద్ర బోస్ కోసం మహిళా గార్డ్ ఆఫ్ హానర్ ఏర్పాటు చేయబడింది. INA నుండి అరువు తెచ్చుకున్న లీ-ఎన్ఫీల్డ్ 303 రైఫిల్స్ ఉపయోగించి ఆయుధ శిక్షణ పొందేందుకు దాదాపు 20 మంది మహిళలను ఒప్పించారు. యూనిఫాంలు కుట్టడానికి చాలా తక్కువ సమయం ఉంది, కాబట్టి మహిళలు తెల్ల చీరలు ధరించారు. భారతీయ మహిళలు స్వాతంత్ర్య పోరాటంలో భాగమయ్యారు.

ఆజాద్ హింద్ ఫౌజ్ కింద పూర్తి మహిళా సైనికుల యూనిట్‌గా ఝాన్సీ రాణి రెజిమెంట్ ఏర్పడింది. అక్టోబర్ 22, 1943న సింగపూర్‌లోని వాటర్లూ స్ట్రీట్‌లో రాణి ఆఫ్ ఝాన్సీ రెజిమెంట్ అధికారికంగా ప్రారంభించబడినది.

ఝాన్సీ రాణి రెజిమెంట్ లో మహిళా సైనికుల నియామకం ప్రధానంగా మలయా, సింగపూర్ మరియు బర్మాలోని అణచివేతకు గురైన, అణచివేయబడిన, పేద తమిళ తోటల కార్మికులపై ఆధారపడి ఉండేది. చరిత్రకారులు మరియు పరిశోధకులు రెజిమెంట్‌లో మహిళల సంఖ్య 5,000 వరకు ఉందని పేర్కొన్నారు, అయితే స్పష్టమైన అంచనా అందుబాటులో లేదు. మహిళలు ఝాన్సీ రాణి రెజిమెంట్‌లో ఎందుకు చేరారో విశ్లేషించడం కష్టం మరియు సాధారణీకరించడం అసాధ్యం.

కొంతమంది రాణులను  ఝాన్సీ రాణి రెజిమెంట్‌లో ఎందుకు చేరారు?" అనే ప్రశ్నకు సమాధానం గా "భారతదేశ స్వేచ్ఛ కోసం పోరాడటానికి" మరియు "మా మాతృభూమిని విడిపించడానికి". బోస్ పిలుపుకు సమాధానం చెప్పాలని మరియు భారతదేశానికి న్యాయం చేయడానికి సానుకూల సహకారం అందించాలని తమకు లోతైన కోరిక ఉందని చాలా మంది రాణులుచెప్పారు. పదిహేనేళ్ల వయసులో, రసమ్మ నవరెడ్నం Rasammah Navarednam 1919లో నిరాయుధ పౌరుల హత్య గురించి నిషేధిత పుస్తకం జలియన్ వాలా బాగ్ - ది అమృత్‌సర్ మారణకాండలో చదివారు. ఒక సంవత్సరం తర్వాత ఆమె ఝాన్సీ రాణి రెజిమెంట్‌లో చేరింది. .