కరాటే ప్రపంచ ఛాంపియన్‌షిప్‌లో జబీర్ అన్సారీ స్వర్ణం సాధించాడు Zabir Ansari wins gold in Karate world championship

 

 

కరాటే ప్లేయర్ జబీర్ అన్సారీ నేపాల్‌లోని కకర్విట్టా మెషినగర్ ఝాపాలో నిర్వహించిన పదో అంతర్జాతీయ ఛాంపియన్‌షిప్‌ మేయర్ కప్ 2024 లో బంగారు పతకాన్ని గెలుచుకున్నాడు.

మే 31న జరిగిన రెండు రోజుల పదో అంతర్జాతీయ ఛాంపియన్‌షిప్‌ మేయర్ కప్ 2024 లో భారత్, పాకిస్థాన్, శ్రీలంక, బంగ్లాదేశ్, భూటాన్, ఆఫ్ఘనిస్తాన్ మరియు నేపాల్ పాల్గొన్నాయి.

జబీర్ అన్సారీ పాట్నా విశ్వవిద్యాలయంలో ఉర్దూ విభాగంలో పోస్ట్-గ్రాడ్యుయేట్ డిగ్రీ విద్యార్ధి. అంతకుముందు, జబీర్ శ్రీలంక, థాయ్‌లాండ్, చైనా, టర్కీ మరియు ఈజిప్టులలో జరిగిన అంతర్జాతీయ కరాటే ఈవెంట్‌లలో పతకాలు సాధించాడు.

జబీర్ 75 కేజీల విభాగంలో నేపాల్, భూటాన్‌లను ఓడించి స్వర్ణ పతకాన్ని కైవసం చేసుకున్నాడు.

జబీర్ తన విజయానికి క్రెడిట్‌ను తన కోచ్ రాహుల్ కుమార్‌కు సమర్ఫించాడు. జబీర్ ప్రతిరోజూ 6 నుండి 8 గంటల పాటు కష్టపడి ప్రాక్టీస్ చేసాడు.

ఇంతకూ ముందు 188 యూనివర్శిటీలు పాల్గొంటున్న ఆలిండియా యూనివర్సిటీ పోటీల్లో జబీర్ గోల్డ్ మెడల్ సాధించినాడు.

జబీర్ బీహార్‌లోని మారుమూల మరియు నక్సల్స్ ప్రభావిత ప్రాంతానికి చెందినవాడు.

జబీర్ తండ్రి ఇంతియాజ్ అన్సారీ జముయి జిల్లాలోని ఝఝా బ్లాక్‌లోని తుంబాపహార్ గ్రామంలోని ఒక పాఠశాలలో ఉపాధ్యాయుడు.నలుగురు తోబుట్టువుల్లో జబీర్ పెద్దవాడు. తల్లి ఫాహిమా ఖాతూన్ రాష్ట్ర వీరమాత  జీజాబాయి సమ్మాన్-2018ని అందుకున్నారు.

జబీర్ ఐదుసార్లు భారత దేశానికి ప్రాతినిధ్యం వహించాడు. 2017లో శ్రీలంకలో జరిగిన దక్షిణాసియా కరాటే పోటీల్లో దేశానికి రజత పతకం సాధించాడు.

జబీర్ 2018లో చైనా, థాయిలాండ్ మరియు 2019లో టర్కీలో భారతదేశానికి ప్రాతినిధ్యం వహించాడు. జబీర్ 2018లో ఇండోనేషియాలో జరిగిన ఆసియా క్రీడలలో భారతదేశానికి చెందిన సంభావ్య కరాటే క్రీడాకారులలో చేర్చబడ్డాడు మరియు శిక్షణా శిబిరంలో పాల్గొన్నాడు.

జబీర్ రాష్ట్ర స్థాయి కరాటే ఛాంపియన్‌షిప్‌లో వరుసగా ఆరుసార్లు బంగారు పతకాన్ని,2017 మరియు 2019లో రజత మరియు కాంస్య పతకాలను గెలుచుకున్నాడు.

గతేడాది ఆల్ ఇండియా ఇంటర్‌ యూనివర్శిటీ కరాటే ఛాంపియన్‌షిప్ లో మూడో స్థానం సాధించి కాంస్య పతకాన్ని సాధించాడు. 

ఖేలో ఇండియా యూనివర్శిటీ గేమ్ 2022లో జబీర్ అన్సారీ నాల్గవ స్థానాన్ని కూడా సాధించాడు

జబీర్ 2018, 2021 మరియు 2022లో రాష్ట్ర ప్రభుత్వ క్రీడా అవార్డును అందుకున్నాడు.

జబీర్ అన్సారీ విజయం ఉర్దూ డిపార్ట్‌మెంట్ మరియు పాట్నా యూనివర్శిటీకి  విజయమని పాట్నా విశ్వవిద్యాలయం ఉర్దూ విభాగం ఛైర్మన్ షహబ్ జాఫర్ అజ్మీ అన్నారు. "

బీహార్ గవర్నర్ రాజేంద్ర విశ్వనాథ్ అర్లేకర్ జబీర్‌ ను అభినందించారు.