ఉన్నత విద్యలో మహిళల నమోదు పెరుగుతోంది, అయితే సైన్స్ మరియు ఇంజనీరింగ్ రంగాలలో మహిళల నమోదు వెనుకబడి ఉంది Women’s enrollment in higher education surges, yet lags in science and engineering fields

 

ఉన్నత విద్య మరియు పరిశోధన సమాజాన్ని సాధికారపరచడానికి మరియు సామాజిక మార్పును తీసుకురావడానికి కీలకమైన కారకాలు. . ఉన్నత విద్యా సంస్థలు లింగ సమానత్వం సమ్మిళితత్వాన్ని ప్రోత్సహించడంలో మరియు లింగ అంతరాన్ని తగ్గించడంలో ముఖ్యమైన పాత్ర పోషిస్తాయి. విద్యలో మహిళల మెరుగైన నమోదు నిష్పత్తి మహిళల జీవన ప్రమాణాలను మరియు సమాజంలో నిర్ణయం తీసుకునే శక్తిని మెరుగుపరుస్తుంది.

కొన్ని దక్షిణాది రాష్ట్రాలను మినహాయించి, భారతదేశంలోని ప్రతి రాష్ట్రం మరియు కేంద్రపాలిత ప్రాంతంలో ఉన్నత విద్యలో మహిళల నమోదు తగ్గింది. భారతదేశం గణనీయమైన పురోగతి సాధించినప్పటికీ సామాజిక-ఆర్థిక, సాంస్కృతిక మరియు మౌలిక సదుపాయాల అంశాలు ఉన్నత విద్యలో మహిళల నమోదు తగ్గడానికి దోహదం చేస్తున్నాయి..

2010-11 నుండి 2021-22 వరకు ఉన్నత విద్యలో విద్యార్థుల నమోదు క్రమంగా పెరిగింది. 2010-11లో 27.5 మిలియన్ల మంది విద్యార్థుల నుండి 2021-22లో 43.27 మిలియన్లకు చేరుకుంది, ఇది 1.6 రెట్లు పెరుగుదలను సూచిస్తుంది. ఈ కాలంలో, 2021-22 నాటికి మొత్తం వృద్ధి రేటు 57.34%కి చేరుకుంది.

2021-22లో ఉన్నత విద్యలో మహిళల నమోదు 47.82% ఉండి లింగ అంతరాన్ని 4.36%కి తగ్గించింది. దాదాపు 16 రాష్ట్రాలు మరియు కేంద్రపాలిత ప్రాంతాలలో ఉన్నత విద్యలో మహిళా నమోదు 50% కంటే ఎక్కువగా ఉంది.

సైన్స్, టెక్నాలజీ, ఇంజనీరింగ్ మరియు గణితం (STEM)లో మహిళల నమోదు చాలా ముఖ్యమైనది. దాదాపు 22.8% మంది విద్యార్థులు STEM ప్రోగ్రామ్‌లలో చేరారు. STEMలో, 58% మంది విద్యార్థులు సైన్స్ ప్రోగ్రామ్‌లలో, 42% మంది ఇంజనీరింగ్ మరియు టెక్నాలజీ కోర్సులలో చేరారు. సైన్స్ ప్రోగ్రామ్‌లలో మహిళల నమోదు 52.14% కాగా, ఇంజనీరింగ్ & టెక్నాలజీలో ఇది 29.33% మాత్రమే. సైన్స్ ప్రోగ్రామ్‌లలో మహిళల నమోదు 52.14% కాగా, ఇంజనీరింగ్ & టెక్నాలజీలో ఇది 29.33% మాత్రమే. ఇంజనీరింగ్ & టెక్నాలజీ శాఖ ఆర్కిటెక్చర్ లో మాత్రమే పురుషుల కంటే మహిళల నమోదు ఎక్కువగా ఉన్నది.  

IITలు, NITలు మరియు IISERలు వంటి జాతీయ ప్రాముఖ్యత కలిగిన ఉన్నత విద్యా  సంస్థలలో, డీమ్డ్ విశ్వవిద్యాలయాలు మరియు ప్రైవేట్ విశ్వవిద్యాలయాలలో మహిళా ప్రాతినిధ్యం చాలా తక్కువగా ఉంది.

రాబోయే సంవత్సరాల్లో మహిళా విద్యార్థుల సంఖ్య పెరుగుతూనే ఉండవచ్చు, ఉన్నత విద్యలో STEM కోర్సులలో మహిళల నమోదును మరింత పెంచడ౦ కీలకమైనది.

గత 12 సంవత్సరాలుగా, అంటే 2010-11 నుండి 2021-22 వరకు భారత ప్రభుత్వం నిర్వహించిన ఆల్-ఇండియా సర్వే ఆన్ హయ్యర్ ఎడ్యుకేషన్ (AISHE) నివేదికల నుండి సేకరించిన డేటా ఆధారంగా ఈ విశ్లేషణ రూపొందించబడింది.