మైవాండ్‌కు చెందిన మలలై: ఆఫ్ఘనిస్తాన్ నిర్భయ కుమార్తె Malalai of Maiwand: Afghanistan’s Fearless Daughter

 

 

1880లో మైవాండ్‌లో, 19 ఏళ్ల మలలై తన ముసుగు/veil ను జెండాగా చేసుకుని ఆఫ్ఘన్ దళాలకు నాయకత్వం  వహిస్తూ ముందుకు కదిలి బ్రిటిష్ వారి పై పోరాడింది. పోరాటం లో బ్రిటిష్ వారిచే  కాల్చి చంపబడిన మలలై చేసిన త్యాగం ఆఫ్ఘన్ల విజయాన్ని ప్రేరేపించింది, మలలై ఆఫ్ఘనిస్తాన్ యొక్క ధైర్యం మరియు గౌరవానికి శాశ్వత చిహ్నంగా నిలిచింది.

మలలై 1861లో ఆఫ్ఘనిస్తాన్‌లోని దక్షిణ కాందహార్ ప్రావిన్స్‌లోని అప్పటి మైవాండ్ గ్రామానికి నైరుతి దిశలో 3 మైళ్ల దూరంలో ఉన్న ఖిగ్ గ్రామంలో నూర్జాయ్ తెగలో జన్మించారు. మలలై తండ్రి ఒక గొర్రెల కాపరి. మలలై కు 19 ఏళ్లు నిండినప్పుడు, మలలై తండ్రి ఆఫ్ఘన్ సైన్యంలో సైనికుడిగా ఉన్న వ్యక్తితో మలలై కు వివాహం ఏర్పాటు చేశాడు.

1880ల కాలంలో, బ్రిటన్ మరియు రష్యా రెండు మధ్య ఆసియాపై నియంత్రణ కోసం పోటీ పడ్డాయి, ఫలితంగా మధ్య ఆసియా తరచుగా యుద్ధభూమిగా మారింది. స్థానిక పరిపాలన మరియు ప్రజలు వారి మాతృభూమిని రక్షించుకోవడానికి ఎల్లప్పుడూ సిద్ధంగా ఉన్నారు. వారు తమ గడ్డపై ఏదైనా విదేశీ శక్తి ఆధిపత్యాన్ని తిరస్కరించారు.

1878లోఆఫ్ఘనిస్తాన్ అమీర్ షేర్ అలీ ఖాన్ ఆస్థానానికి , రష్యా, దౌత్య మిషన్‌ను పంపింది. తటస్థంగా ఉండాలని కోరుకునే షేర్ అలీ ఖాన్ రష్యా దౌత్య  మిషన్‌ను తిరస్కరించాడు. తరువాత, బ్రిటిష్ ఇండియా వైస్రాయ్ లార్డ్ లిట్టన్, ఆఫ్ఘనిస్తాన్‌లో బ్రిటిష్ రెసిడెంట్‌ను నియమించడానికి ప్రయత్నించాడు, ఆఫ్ఘనిస్తాన్ అమీర్ షేర్ అలీ ఖాన్ బ్రిటిష్ దౌత్య మిషన్‌ను కూడా అంగీకరించడానికి నిరాకరించాడు.

షేర్ అలీ ఖాన్ బ్రిటిష్ దౌత్యాన్ని నిరాకరించడం వల్ల 1878 నవంబర్ 21న బ్రిటిష్ వారు ఆఫ్ఘనిస్తాన్ పై  దండయాత్ర చేశారు, ఇది రెండవ ఆంగ్లో-ఆఫ్ఘన్ యుద్ధానికి నాంది పలికింది.

బ్రిటిష్ ప్రధాన సైనిక దండు మైవాండ్‌కు దగ్గరగా ఉన్న నగరమైన కాందహార్‌లో ఉంది. ఆఫ్ఘన్ సైన్యానికి ఆఫ్ఘన్ ఎమిర్ షేర్ అలీ ఖాన్ కుమారుడు కమాండర్ అయూబ్ ఖాన్ నాయకత్వం వహించాడు మరియు బ్రిటిష్-ఇండియన్ సైన్యానికి బ్రిగేడియర్ జనరల్ జార్జ్ బర్రోస్ నాయకత్వం వహించాడు.

మెరుగైన శిక్షణ మరియు ఆధునిక సైనిక ఆయుధాలతో కూడిన సుమారు 2,500 మంది బ్రిటిష్ దళాలు ఆఫ్ఘన్ దళాలను ఎదుర్కొన్నాయి.  ఆధునిక ఆయుధాలు మరియు నైపుణ్యం కలిగిన బ్రిటిష్ సైనికుల చేతిలో ఆఫ్ఘన్ దళాలు ఓటమిని ఎదుర్కొంటున్నాయి మరియు వారిలో నిరాశ పెరుగుతోంది.

గాయపడిన ఆఫ్ఘన్  సైనికులను చూసుకోవడానికి మరియు వారి గాయాలకు కట్టు కట్టడానికి మైవాండ్ పౌరులు నిరంతరం సిద్ధంగా ఉన్నారు. 19 ఏళ్ల మలలై గాయపడిన ఆఫ్ఘన్ సైనికులకు సహాయం చేయడానికి మైవాండ్ యుద్ధభూమికి వెళ్ళింది.

ఆఫ్ఘన్ సైనికులు తీవ్ర నిరాశకు గురవుతున్నారని మరియు యుద్ధభూమి నుండి వెనక్కి తగ్గుతున్నారని మలలై గ్రహించినప్పుడు, యుద్ధభూమిలో, ఆఫ్ఘన్ దళాలను ప్రేరేపించడానికి మరియు ఆఫ్ఘన్ సైనికులకు వారి కర్తవ్యాన్ని గుర్తు చేయడానికి మలలై ఆఫ్ఘన్ సైనికులను ఉత్సహపరుస్తూ పాష్టో యుద్ద కవితలను చదవసాగింది.

ఆఫ్ఘన్ సైనికులు స్ఫూర్తిదాయకమైన యుద్ద కవితలను విన్నప్పుడు మరియు మలలై యొక్క శక్తివంతమైన మాటలు, వెనక్కి తగ్గుతున్న సైనికులను కదిలించాయి మరియు వారిని మళ్ళీ తిరుగు దాడి చేయడానికి ప్రేరేపించాయి.మలలై చర్యలు,  చూపిన ధైర్యం చరిత్ర పుటలలో నమోదు చేయబడ్డాయి.

యుద్ధ జెండాగా తన ముసుగును పైకెత్తి ఊపుతూ, మలలై ఆఫ్ఘన్ దాడికి నాయకత్వం వహించింది మరియు జెండాను మోస్తూ ముందుకు కదిలింది. పోరాటం లో  బ్రిటిష్ బుల్లెట్ మలలై ప్రాణాలను బలిగొంది. మలలై బలిదానంతో, ఆఫ్ఘన్ సైనికులు కోపంతో రగిలిపోయి బ్రిటిష్ దళాలపై పూర్తి శక్తితో ఎదురుదాడి చేసి ప్రతీకారం తీర్చుకున్నారు.

మలలై ధైర్యం మరియు త్యాగం ఆఫ్ఘన్ విజయంలో కీలక పాత్ర పోషించింది, ఇది ఆఫ్ఘనిస్తాన్‌లో బ్రిటిష్ సామ్రాజ్యానికి అత్యంత దారుణమైన పరాజయాలలో ఒకటి. మలలై ఆఫ్ఘనిస్తాన్ యొక్క గొప్ప హీరోయిన్ అయ్యింది

మలలై త్యాగం మరియు ఉత్సాహం గురించి, ప్రసిద్ధ కవి మరియు తత్వవేత్త రూమి ఇలా అన్నారు:

"మలలై కథ ఒక చిన్న స్వరం కూడా విప్లవాన్ని రేకెత్తించగలదని మరియు చరిత్ర గమనాన్ని మార్చగలదని గుర్తు చేస్తుంది."

"మైవాండ్‌కు చెందిన మలలై ధైర్యం మరియు నిస్వార్థతకు ఒక ప్రకాశవంతమైన ఉదాహరణ." - (ఖలేద్ హొస్సేనీ, ప్రఖ్యాత నవలా రచయిత)

మలలై ధైర్యం ఆమెను అమరుడిని చేసింది. ఆఫ్ఘన్ యోధులకు విజయానికి మార్గం సుగమం చేసింది.

మలలై ఆఫ్ఘనిస్తాన్‌లో ధైర్యానికి ఒక ఉదాహరణ, మరియు మలలై పేరు మీద ఆఫ్ఘనిస్తాన్ లో అనేక పాఠశాలలు మరియు ఆసుపత్రులు స్థాపించబడ్డాయి.

ఆఫ్ఘనిస్తాన్‌లోని , తల్లి-తండ్రులు తమ కుమార్తెలు కూడా మలలై లాగా ధైర్యవంతులు మరియు నిర్భయ మహిళలుగా మారాలనే ఆశతో తమ కుమార్తెలకు మలలై పేరు పెడతారు.

నోబెల్ బహుమతి గ్రహీత మలాల యూసఫ్‌జాయ్ పేరుకు కూడా ఆఫ్ఘన్ మలలై మూలం.నోబెల్ బహుమతి గ్రహీత మలాల యూసఫ్‌జాయ్ కూడా స్వయంగా ఈ విషయాన్ని ప్రస్తావించి, "నాకు ఆఫ్ఘనిస్తాన్ యొక్క గొప్ప హీరోయిన్ మైవాండ్‌కు చెందిన మలలై పేరు పెట్టారు" అని అన్నారు.

శౌర్యాన్ని శారీరక బలంతో కొలవలేమని మైవాండ్‌ మలలై కథ మనకు చెబుతుంది; ధైర్యం అంటే చివరి శ్వాస వరకు శత్రువుపై స్థిరంగా నిలబడటం, పోరాడటం.