ఇస్లాం ప్రకారం జంతువుల పట్ల కరుణ మరియు ఉత్తమ వ్యవహారం Compassion and Ethical Treatment: Islam’s Perspective on Animals

 

ఇస్లాం ఎల్లప్పుడూ జంతువులను అల్లాహ్  యొక్క సృష్టిలో ఒక ప్రత్యేక భాగంగా పరిగణిస్తుంది.

“నేలపై నడిచె (ప్రాకే) జంతువుగాని, తన రెక్కలతో గాలిలో ఎగిరే పక్షిగాని- అవన్నీ మీలాంటి జీవరాశులే. మేము దేనిని వ్రాయకుండా వదలలేదు. తరువాత అంతా తమ ప్రభువు వద్దకే సమీకరించబడతారు.” (దివ్య ఖురాన్ 6:38).

దివ్య ఖురాన్‌లో జంతువులకు సంబంధించిన 200కి పైగా ఆయతులు ఉన్నాయి మరియు ఆరు సూరాలకు వాటి పేరు పెట్టారు: అల్-బఖరా (Cow/ ఆవు), అల్-అనామ్ (Cattleపశువులు ), అల్ నహ్ల్ (Bee/బీ), అల్ అంకబుట్ (The Spider/ది స్పైడర్), అల్-నామ్ల్ (The Ants/ది యాంట్స్), మరియు అల్-ఫిల్ (The Elephantది/ఎలిఫెంట్). మొత్తంగా, ఖురాన్‌లో 31 జంతువులు పేరు ద్వారా ప్రస్తావించబడ్డాయి, ప్రతి ఒక్కటి ఏదో వివరించడానికి, పాఠం బోధించడానికి లేదా వాటి ఉపయోగాన్ని హైలైట్ చేయడానికి ఉపయోగపడుతుంది. ఇస్లాం జంతువులపట్ల ఉత్తమ౦గా  ప్రవర్తించమని చెబుతుంది. సృష్టిలో వాటి ఉద్దేశ్యాన్ని నొక్కి చెబుతుంది.

ప్రవక్త ముహమ్మద్ (సల్లల్లాహు అలైహి వసల్లం) జంతువుల పట్ల దయ మరియు కరుణతో వ్యవహరించాలని తన సహచరులను కోరారు. ప్రవక్త ముహమ్మద్ (సల్లల్లాహు అలైహి వసల్లం) మానవత్వంతో జంతువుల పట్ల వ్యవహరించాల్సిన అవసరాన్ని నొక్కి చెప్పారు  మరియు "దేవుని జీవుల పట్ల దయ చూపేవాడు తన పట్ల దయ చూపుతాడు" అని పేర్కొన్నారు.

ప్రవక్త (సల్లల్లాహు అలైహి వసల్లం)కు ముయెజ్జా అనే పేరున్న ఒక ఇష్టమైన పిల్లి ఉంది మరియు ప్రవక్త(స)జంతువులను కాల్చడం, లాగడం, మ్యుటిలేట్ చేయడం, బ్రాండింగ్(ముద్ర) చేయడం, పోరాడేలా చేయడం లేదా వాటికి ఏదైనా హాని కలిగించడం వంటి వాటిని నిషేధించారు. ప్రవక్త(స) బోధనలు అన్ని జీవుల పట్ల దయ మరియు కరుణ చూపడం యొక్క ప్రాముఖ్యతను నొక్కిచెప్పాయి.

వినోదం లేదా జూదం కోసం జంతువులను ఎర వేయడం ఇస్లాంలో ఖచ్చితంగా నిషేధించబడింది. జంతువులను ఆహారం కోసం లేదా ప్రజలకు హానిని నివారించడానికి మాత్రమే చంపాలి. ఇస్లాం కొన్ని హలాల్ జంతువుల నుండి మాంసాన్ని తినడాన్ని అనుమతిస్తుంది, మానవీయ మరియు నిర్దిష్ట వధ పద్ధతిని నొక్కి చెబుతుంది. జర్మన్ రాజ్యాంగ న్యాయస్థానం మరియు ఇతర అధ్యయనాలు హలాల్ కట్ నొప్పిలేకుండా ఉందని నిర్ధారించాయి, దీని వలన జంతువుకు వేగంగా అపస్మారక స్థితి ఏర్పడుతుంది. బాధను తగ్గించడానికి శీఘ్ర మరియు దయగల పద్ధతికి ప్రాధాన్యత ఇవ్వబడింది.

హలాల్ ప్రమాణాల ప్రకారం జుబా కోసం ఉపయోగించే కత్తి చాలా పదునైనదిగా, మచ్చలు లేకుండా, కనీసం మెడ వెడల్పుతో రెట్టింపు ఉండాలి. తక్షణ మరియు భారీ రక్త నష్టాన్ని ప్రేరేపించడానికి కట్ వేగంగా, దూకుడుగా మరియు గొంతు అంతటా ఉండాలి. జంతువులు ఒత్తిడికి గురికాకుండా, వధను మానవీయంగా నిర్వహించాలి. వధ సమయంలో జంతువులపై క్రూరత్వాన్ని నిరోధించడానికి ఇస్లాం కఠినమైన మార్గదర్శకాలను నిర్దేశిస్తుంది, ప్రక్రియ సాధ్యమైనంత నొప్పిలేకుండా ఉండేలా చూస్తుంది.

దివ్య ఖురాన్ ఇలా చెబుతోంది, "భూమిపై ఆయనే మిమ్మల్ని వారసులుగా చేసాడు" (35:39). భూమిపై దేవుని ప్రతినిధులుగా, మానవులు బాధ్యతాయుతంగా వ్యవహరించాలి, జంతువుల పట్ల దయ మరియు సానుభూతితో వ్యవహరి౦చాలి. ఇస్లాం, శాంతి మరియు కరుణ యొక్క మతం, అది సంరక్షణను మానవాళికి మాత్రమే కాకుండా జంతువులకు కూడా విస్తరిస్తుంది.

ఇస్లాం కు ముందు, జంతువులు క్రూరత్వాన్ని ఎదుర్కొన్నాయి మరియు దుర్వినియోగం చేయబడ్డాయి. అయినప్పటికీ, ఇస్లాం యొక్క బోధనలు జంతువుల పట్ల వైఖరిని విప్లవాత్మకంగా మార్చాయి, జంతువుల పట్ల ఉత్తమ వ్యవహారం మరియు వాటి సంక్షేమాన్ని నొక్కిచెప్పాయి.

అల్-హఫీజ్ బషీర్ అహ్మద్ మస్రీ (1914-1992) ఇస్లాంలో జంతు సంక్షేమ క్రియాశీలతకు మార్గదర్శకుడు. అహ్మద్ మస్రీ జంతు సంక్షేమానికి ఇస్లామిక్ బాధ్యతలపై విస్తృతంగా రాశాడు మరియు ఫ్యాక్టరీ, ఫారాలలో జంతువులను అనైతికంగా ప్రవర్తించడాన్ని విమర్శించాడు.

రవాణా సమయంలో, వధకు ముందు మరియు వధ సమయంలో జంతువులపై జరిగే సాధారణ క్రూరత్వం గురించి చాలా మందికి తెలియదు. ఇస్లాం మానవీయ చికిత్సను నొక్కి చెబుతుంది మరియు ఇమామ్‌లు మరియు ఖతీబ్‌లు శుక్రవారం ప్రసంగాలలో జంతు సంక్షేమం గురించి అవగాహన పెంచుకోవాలి. పశువుల వ్యాపారంలో పాలుపంచుకునే వారికి జంతు సంరక్షణకు సంబంధించి ఇస్లామిక్ బోధనలపై అవగాహన కల్పించాలి.

ప్రవక్త ముహమ్మద్ (సల్లల్లాహు అలైహి వసల్లం) ఇలా అన్నారు, "మీరు మీ సృష్టికర్తచే ప్రేమించబడాలనుకుంటే, అతని జీవులను ప్రేమించండి" (అల్ తిర్మిది).

ఇస్లాం బోధనలు తోటి మానవులకు మాత్రమే కాకుండా జంతు రాజ్యానికి కూడా విస్తరించి, కరుణ తో కూడిన బాధ్యతాయుతమైన మరియు నైతిక ప్రవర్తనను నొక్కి చెబుతాయి.