నవీ ముంబై విద్యార్థులు, గుల్మాన్ సలీం అన్సారీ మరియు హఫ్సా అబ్దుల్ వహాబ్ దాల్వీ జాతీయ CA పరీక్షలో టాప్ ర్యాంక్‌లు సాధించారు. Navi Mumbai students, Gulman Salim Ansari and Hafsa Abdul Wahab Dalvi, secured top ranks in the national CA examination

 

ముస్లిం యువత విద్యాసాదికారికత

 

ముంబై –

నవీ ముంబైకి చెందిన 22 ఏళ్ల గుల్మాన్ సలీమ్ అన్సారీ మరియు 24 ఏళ్ల హఫ్సా అబ్దుల్ వహాబ్ దాల్వీ మేలో జరిగిన చివరి చార్టర్డ్ అకౌంటెంట్ (CA) పరీక్షలలో అత్యుత్తమ ఫలితాలను సాధించారు. ఇద్దరు విద్యార్థులు తమ అసాధారణ విజయం తో వారి కుటుంబాలు మరియు సమాజాన్ని గర్వించేలా చేశారు.

గుల్మాన్ 477 మార్కులతో జాతీయ స్థాయిలో మూడో ర్యాంక్ సాధించాడు. గుల్మాన్ తండ్రి కైజర్ అన్సారీ గోవండిలో కంపెనీ సెక్రటరీగా పనిచేస్తున్నారు మరియు అతని తల్లి గృహిణి. తమ కుమారుడి అద్భుత విజయంతో వారు హర్షం వ్యక్తం చేస్తున్నారు.

హఫ్సా దాల్వీ కూడా సీఏ ఫైనల్ ఇయర్ పరీక్షలో సత్తా చాటింది. బైకుల్లాలోని గ్లోరియా ఇంగ్లీష్ హైస్కూల్ నుండి SSC పరీక్షలో 93% మార్కులతో ఉత్తీర్ణత సాధించిన హఫ్సా, నెరుల్‌లోని SIES కళాశాలలో తన HSC మరియు BCom చివరి సంవత్సరం పరీక్షలలో 94% మరియు 96% మార్కులు సాధించినది.

ఫైనల్ CA పరీక్షా ఫలితాలలో  ఢిల్లీకి చెందిన శివమ్ మిశ్రా 500 మార్కులతో మొదటి ర్యాంక్ మరియు ఢిల్లీకి చెందిన వర్ష అరోరా 480 మార్కులతో రెండవ ర్యాంక్ సాధించారు. ముంబైకి చెందిన కిరణ్ రాజేంద్ర సింగ్, గుల్మాన్ 477 మార్కులతో మూడో ర్యాంక్‌ను పంచుకున్నారు.

గుల్మాన్ మరియు హఫ్సా విజయగాథలు సంకల్పం, క్రమశిక్షణతో కూడిన అధ్యయన అలవాట్లు మరియు కుటుంబం నుండి మద్దతు యొక్క ప్రాముఖ్యతను నొక్కి చెబుతున్నాయి.