రాబోయే బీహార్‌ ఎన్నికలలో పస్మాండ ముస్లింల వైఖరి – ఒక పరిశిలన

 

పాట్నా:

రాబోయే బీహార్  అసెంబ్లీ ఎన్నికలకు ఇంకా కొన్ని నెలల దూరం ఉంది.  భారతీయ జనతా పార్టీ (బిజెపి) పస్మాండ ముస్లిములను ఆకర్షించే  ప్రచార కార్యక్రమం ఆరంబించినది. బీహార్‌లో పస్మాండ ముస్లిం సమాజం మద్దతు పొందుతానని  బిజెపి విశ్వాసం వ్యక్తం చేస్తున్నప్పటికీ, రాజకీయ విశ్లేషకులు పస్మండా ముస్లిములు బి.జే.పి పార్టీకి దూరంగానే ఉంటారని సూచిస్తున్నారు.

లాలూ ప్రసాద్ యాదవ్ నేతృత్వంలోని రాష్ట్రీయ జనతా దళ్ (ఆర్‌జెడి)ను బలహీనపరిచే వ్యూహంగా బిజెపి ముస్లిం ఓటును విభజించడానికి పస్మాండ విభాగంలో గందరగోళాన్ని సృష్టించడానికి ప్రయత్నిస్తోందని విశ్లేషకులు భావిస్తున్నారు - ఇది ప్రధానంగా లాలూ ప్రసాద్ యాదవ్ నేతృత్వంలోని రాష్ట్రీయ జనతా దళ్ (ఆర్‌జెడి)ను బలహీనపరిచే వ్యూహంగా భావిస్తున్నారు. బీహార్‌లో ప్రస్తుతం ఆర్జేడీ మరియు దాని మిత్రపక్షాలు (కాంగ్రెస్ మరియు వామపక్షాలు) ముస్లింల మద్దతును ఎక్కువగా పొందుతున్నాయి, ముస్లిం  సమాజం బీహార్ రాష్ట్ర జనాభాలో దాదాపు 17.7% ఉంది.

బీహార్ లోని సుమారు 72% ముస్లింలు అనధికారిక "పస్మాండ" వర్గంలోకి వస్తారు - వారు ఇతర వెనుకబడిన తరగతులు (OBC) లేదా అత్యంత వెనుకబడిన తరగతులు (EBC)కి చెందినవారు.

243 అసెంబ్లీ నియోజకవర్గాలలో కనీసం 30 చోట్ల, ముఖ్యంగా కిషన్‌గంజ్, అరారియా, పూర్నియా, కతిహార్, మధుబాని, సివాన్, భాగల్పూర్, బెగుసరాయ్, దర్భంగా మరియు ఇతర జిల్లాల్లో ముస్లిం ఓట్లు నిర్ణయాత్మకంగా పరిగణించబడతాయి. పస్మాండ ముస్లింలలో కుంజ్రా, అన్సారీ, మన్సూరి, రైన్, దర్జీ, నై, బఖో, లోహార్, థథేరా మరియు ఫకీర్ వంటి సంఘాలు ఉన్నాయి.

ప్రచార ప్రయత్నాలలో భాగంగా, బిజెపి మైనారిటీ సెల్ ఈ సంవత్సరం ఈద్ సందర్భంగా 'సౌగత్-ఎ-మోడీ' కార్యక్రమాన్ని ప్రారంభించింది, పేద ముస్లింలలో కిట్లు (ఆహార పదార్థాలు మరియు బట్టలు కలిగినవి) పంపిణీ చేసింది. గతంలో, నవంబర్ 26, 2022న, రాజ్యాంగ దినోత్సవం నాడు బిజెపి పాట్నాలో పస్మాండ ముస్లింలను లక్ష్యంగా చేసుకొని  ఒక కార్యక్రమాన్ని నిర్వహించింది,

2022లో హైదరాబాద్‌లో జరిగిన పార్టీ జాతీయ కార్యవర్గ సమావేశంలో "అణగారిన మరియు బలహీన పస్మాండ ముస్లింలను అక్కువ చేర్చుకోవాలని ప్రధానమంత్రి నరేంద్ర మోడీ పిలుపు ఇచ్చారు..2023 సెప్టెంబర్‌లో భాగల్పూర్‌కు చెందిన పస్మాండ ముస్లిం అయిన కమ్రుజ్జామా అన్సారీని బిజెపి పార్టీ తన మైనారిటీ విభాగానికి అధ్యక్షుడిగా నియమించింది.

అష్రఫ్ (ఎలైట్) ముస్లిం నాయకత్వం నేతృత్వంలోని మునుపటి ప్రభుత్వాల క్రింద  పస్మండా ముస్లిములకు  సంక్షేమ కార్యక్రమాలు నిరాకరించబడ్డాయని బిజెపి పార్టీ వాదిస్తోంది.

బీహార్ బిజెపి ప్రకారం  ప్రత్యక్ష ప్రయోజన బదిలీలు (డిబిటి), పిఎం విశ్వకర్మ పథకం వంటి సంక్షేమ కార్యక్రమాల ద్వారా "పాస్మాండను ప్రధాన స్రవంతిలోకి తీసుకురావడం" అనే మోడీ దార్శనికతను సాక్షం అని అంటుంది.

బీహార్‌లో, పాస్మాండ రాజకీయాలను మొదట చురుకుగా ప్రోత్సహించింది నితీష్ అని గమనించడం ముఖ్యం, సామాజిక-ఆర్థిక అణగారిన వర్గాల నుండి కొంతమంది నాయకులను రాజ్యసభకు నామినేట్ చేయడం కూడా జరిగింది.నితీష్ నాయకత్వంలోని ఎన్డీఏ ప్రభుత్వం పాస్మాండ ముస్లింల కోసం 800 కంటే ఎక్కువ ఖబ్రిస్తాన్ల (స్మశానవాటికలు) సరిహద్దు గోడల నిర్మాణాన్ని చేసింది.

వివాదాస్పద వక్ఫ్ (సవరణ) చట్టానికి వ్యతిరేకంగా బీహార్ కూడా వ్యతిరేకతకు బలమైన కోటగా ఉద్భవించింది. అయితే, కొత్త వక్ఫ్ చట్టం పస్మాండ సమాజానికి ప్రయోజనం చేకూరుస్తుందని బిజెపి ప్రతినిధి డానిష్ అభిప్రాయాన్ని వ్యక్తం చేశాడు. వక్ఫ్ ఆస్తులను చారిత్రాత్మకంగా అష్రఫ్ ఉన్నత వర్గాలు నియంత్రించి దుర్వినియోగం చేశాయనే కథనాన్ని బిజెపి ప్రచారం చేస్తోంది. 

అయితే కొంతమంది అభిప్రాయం ప్రకారం “పస్మాండ సమాజం ఇప్పటికీ బిజెపికి అందుబాటులో లేదు. మాబ్ లించింగ్‌కు హింసకు గురైన వారిలో ఎక్కువ మంది పస్మాండలు" అని అంటున్నారు. మాబ్ లించింగ్ సంఘటనలకు పాల్పడిన చాలా మంది నేరస్థులు ముఖ్యంగా బిజెపి వర్గాల నుండి రాజకీయ రక్షణ లేదా సానుభూతిని పొందుతున్నారని విస్తృతంగా నమ్ముతారు.

బిజెపి వ్యతిరేకుల అభిప్రాయం ప్రకారం DBT వంటి సంక్షేమ పథకాలు సంవత్సరాలుగా ఉన్నాయి. పస్మాండను లక్ష్యంగా చేసుకుని కొత్తగా ఏమీ లేదు. 'సౌగత్-ఎ-మోడీ' చొరవ కూడా లోపభూయిష్టంగా ఉంది

BJP పార్టీకి బీహార్ అసెంబ్లీలో ఒక్క ముస్లిం MLA కూడా లేకపోవడం గమనార్హం. రాష్ట్రంలోని NDA ప్రభుత్వంలో ఒకే ఒక ముస్లిం మంత్రి ఉన్నారు - జమాన్ ఖాన్ (మైనారిటీ సంక్షేమ శాఖ) - ఆయన మొదట BSP టికెట్‌పై తన స్థానాన్ని గెలుచుకుని తరువాత JD(U)లో చేరారు.

"BJP తన పస్మాండ ప్రచారానికి నిజంగా కట్టుబడి ఉంటే, పస్మాండ సమాజానికి అసెంబ్లీ మరియు లోక్‌సభ స్థానాలను రిజర్వ్ చేస్తూ ఒక చట్టాన్ని తీసుకురావాలి".

పస్మాండ సీనియర్ స్వరం మరియు ఆల్ ఇండియా పస్మాండ ముస్లిం మహాజ్ (AIPMM) వ్యవస్థాపకుడు అలీ అన్వర్ అన్సారీ కూడా బిజెపి  ప్రచారాన్ని రాజకీయ సౌలభ్యం కోసం నడిపించబడుతుందని భావిస్తున్నారు.

హిందీ దినపత్రిక ప్రభాత్ ఖబర్ రాష్ట్ర సంపాదకుడు అజయ్ కుమార్, బిజెపి నాయకత్వం వద్ద పస్మాండ వర్గాలకు స్థిరమైన మరియు దీర్ఘకాలిక ప్రణాళిక లేదని భావిస్తున్నారు.

 

 June 24, 2025 టు సర్కిల్స్ సౌజన్యం తో