బక్రీద్ (ఈద్-ఉల్-అధా) సందర్భంగా పూణేలోని ముస్లిం సత్యశోధక్ మండల్ రక్త మరియు అవయవ దాన ప్రచారాన్ని నిర్వహిస్తోంది

 

2025లో బక్రీద్ (ఈద్-ఉల్-అధా) సందర్భంగా పూణేలోని ముస్లిం సత్యశోధక్ మండల్ రక్త మరియు అవయవ దాన ప్రచారాన్ని నిర్వహిస్తోంది. బక్రీద్ పండుగ ద్వారా శాస్త్రీయ ఆలోచన మరియు మానవతా విలువలను ప్రోత్సహించడం ఈ ప్రచారం లక్ష్యం, జూన్ 7, 2025న ప్రారంభమయ్యే ఈ శిబిరంలో అవయవ మరియు శరీర దానం గురించి అవగాహన కార్యక్రమాలు కూడా ఉంటాయి

సమాజాన్ని మరింత శాస్త్రీయ ఆధారితంగా మార్చడానికి, ముస్లిం సత్య శోధక్ మండల్ రాష్ట్ర స్థాయి కార్యక్రమం ను మహారాష్ట్ర రాష్ట్ర మాజీ ప్రధాన ఎన్నికల అధికారి శ్రీకాంత్ దేశ్‌పాండే మరియు మహారాష్ట్ర రాష్ట్ర మాజీ అదనపు డైరెక్టర్ జనరల్ ఆఫ్ పోలీస్ అశోక్ దివారే సమక్షంలో ప్రారంభించారు. డాక్టర్ షంసుద్దీన్ తంబోలి ఈ కార్యక్రమానికి అధ్యక్షత వహించారు.

ముస్లిం సత్యశోధక్ మండల్  పూణేలోని నేషనల్ సేవాదళ్ యొక్క సానే గురూజీ స్మారక్, బారిస్టర్ నాథ్ ఆడిటోరియం  లో శిబిరం జూన్ 7, 2025 శనివారం ఉదయం 10:30 నుండి మధ్యాహ్నం 2:30 వరకు జరిగింది.

మానవ సంక్షేమం కోసం ప్రముఖ సామాజిక సంస్కర్త హమీద్ దల్వాయి 1970 మార్చి 22న MSMను స్థాపించారు. శాస్త్రీయ ఆలోచన, మానవతా విలువలు మరియు సామాజిక బాధ్యతను ప్రోత్సహించడం పై MSM ప్రచారం నొక్కి చెబుతుంది. గత 15 సంవత్సరాలుగా, ప్రతి ఈద్-ఉల్-అఝా నాడు MSM రక్తదాన శిబిరాలను నిర్వహిస్తోంది

ముస్లిం సత్య శోధక్ మండల్ నిర్వహించే కార్యక్రమాలకు సానుకూల స్పందన లభిస్తోంది. రక్తదాన శిబిరాల కార్యక్రమo కారణంగా, మానవతా మరియు శాస్త్రీయ విధానం వ్యాప్తి చెందుతోందని శ్రీకాంత్ దేశ్‌పాండే అన్నారు. ముస్లిం సమాజం అవయవాలను లేదా శరీరాలను దానం చేయదని, కానీ వారికి అవసరమైనప్పుడు, వారు ఇతరుల నుండి రక్తం మరియు అవయవాలను తీసుకుంటారని ఒక అపోహ ఉంది. ఈ అపోహను తొలగించడానికి, ముస్లిం సత్య శోధక్ మండల్ బోర్డు ఈ కార్యక్రమం ను ప్రారంభించినది.

ఈద్ సందర్భంగా, ముస్లిం సత్య శోధక్ మండల్ బోర్డు ఒక తీర్మానం ద్వారా మరణానంతర అవయవ దానం మరియు శరీర దానం గురించి సమాజం లో అవగాహన పెంచుతోంది. ఇది ప్రస్తుత పరిస్థితులలో  అవసరం. ఇటువంటి ఆలోచనలను వ్యాప్తి చేసే ముస్లిం సత్య శోధక్ మండల్ బోర్డు సబ్యులను  అభినందించాలని శ్రీకాంత్ దేశ్‌పాండే  అన్నారు..

ముస్లిం సత్య శోధక్ మండల్ పని ముస్లిం సమాజానికి అవగాహన కల్పించడము అని అది మానవతా మరియు ప్రపంచ దృక్పథం నుండి ముఖ్యమైనదని శ్రీకాంత్ దేశ్‌పాండే  అన్నారు. ఇటువంటి చొరవ ద్వారా ముస్లిం సమాజం యొక్క సాంప్రదాయ తిరోగమన ఇమేజ్ తుడిచివేయబడుతుంది మరియు సమాజంలో సద్భావన మరియు సామరస్యం ఏర్పడతాయి అని శ్రీకాంత్ దేశ్‌పాండే అన్నారు. .

బక్రీ ఈద్ రోజున ఇంత కష్టతరమైన కార్యక్రమాన్ని పట్టుదలతో కొనసాగించినందుకు ముస్లిం సత్య శోధక్ మండల్ బోర్డును శ్రీకాంత్ దేశ్‌పాండే  ప్రశంసించారు.

ఈ కార్యక్రమం యొక్క ఉద్దేశ్యాన్ని వివరిస్తూ, ముస్లిం సత్య శోధక్ మండల్ బోర్డు అధ్యక్షుడు డాక్టర్ షంషుద్దీన్ తంబోలి మతాన్ని లౌకిక పద్ధతిలో అధ్యయనం చేయడం మరియు సమాజంలో శాస్త్రీయ మరియు పర్యావరణ అనుకూల వైఖరిని సృష్టించడం అవగాహన కల్పించడం బోర్డు ఉద్దేశ్యం అని అన్నారు.

సమాజానికి కొత్త దిశను చూపుతున్నందున ఇటువంటి నిర్ణయం స్వాగతించదగినది మరియు ప్రశంసనీయం అని డాక్టర్ షంషుద్దీన్ తంబోలి అన్నారు. ఖుర్బానీ యొక్క నిజమైన అర్థం సమాజం కోసం త్యాగం చేయడమేనని MSM అధ్యక్షుడు ప్రొఫెసర్ షంషుద్దీన్ తంబోలి అన్నారు.

బక్రి ఈద్ రోజున, పూణే, కొల్హాపూర్, సతారా, నందూర్బార్, పన్వేల్, జల్గావ్, లాతూర్, సస్వాద్ మరియు ఇతర ప్రదేశాలలో ముస్లిం సత్య శోధక్ మండల్ బోర్డు ద్వారా రక్తదాన కార్యక్రమం అమలు చేయబడింది. ఈ కార్యక్రమం జూన్ 14 వరకు వివిధ నగరాల్లో కొనసాగుతుంది. హేతువాది డాక్టర్ నరేంద్ర దభోల్కర్ స్థాపించిన మహారాష్ట్ర అంధశ్రద్ధ నిర్ములన్ సమితి (MANS) కూడా ఈ కార్యక్రమంలో పాల్గొంది.

సస్వాద్‌లో జరిగిన కార్యక్రమాన్ని ముస్లిం సమాజం స్వాగతించింది మరియు స్థానిక ముస్లింలు శుక్రవారం ప్రార్థనల సమయంలో ఒక ప్రకటన చేసి ఈ కార్యక్రమంలో పాల్గొనమని విజ్ఞప్తి చేశారు. సస్వాద్‌లో జరిగిన కార్యక్రమంలో ముస్లిం సమాజం పాల్గొనడం గణనీయంగా ఉంది, అనేక మంది ముస్లిం మహిళలు కూడా రక్తదానం చేశారు. ముస్లింలు రక్తదానంలో ఉత్సాహంగా పాల్గొనడమే కాకుండా, వారి శరీరాలను దానం చేస్తామని ప్రతిజ్ఞ చేయడం ద్వారా ఫారాలను కూడా నింపారు

ముస్లిం సమాజంతో పాటు, వివిధ మత మరియు స్వచ్చంద సేవా సంస్థలు ఇందులో పాల్గొన్నాయి. దిలావర్ షేక్, నబాబ్ అల్తాపా హుస్సేన్, ప్రొఫెసర్ సమీనా పఠాన్, గులాబ్ అత్తార్, శ్రీరూపా బగ్వాన్, డాక్టర్ బెనజీర్ తంబోలి, అప్సర అగా, బెనజీర్ కాజీ, షాహెద్ షేక్, ప్రొఫెసర్ సైరా ములానీ, ప్రొఫెసర్ నస్రీన్ అన్సారీ, ఫిరోజ్ ఖాన్, అద్ షేక్, ఫిరోజ్ షేక్ మొదలగు వారు ఈ కార్యక్రమాన్ని నిర్వహించారు.

ఈద్ సందర్భంగా నిర్వహించే రాష్ట్రస్థాయి రక్తదాన ప్రచారం జూన్ 14 వరకు వివిధ నగరాల్లో కొనసాగనుంది అని డాక్టర్ షంషుద్దీన్ తబోలి,అధ్యక్షుడు: ముస్లిం సత్యశోధక్ మండల్ తెలియ జేశారు.