రెజ్లింగ్ స్టడీస్‌లో భారతదేశపు మొదటి డాక్టరేట్ పొందిన షబ్నం షేక్ Shabnam Shaikh is India's first doctorate in wrestling studies

 

సల్మాన్ హైదర్

 

మహారాష్ట్రలోని అహ్మద్‌నగర్ జిల్లాలోని కర్జాత్, అంబిజల్‌గావ్ గ్రామానికి చెందిన షబ్నమ్ షేక్ భారతీయ మహిళలకు బిన్న౦గా  కుస్తీ/ రేజిలింగ్ ని తన కెరియర్ గా ఎన్నుకోంది.

జమ్మూలో జన్మించిన  షబ్నమ్ షేక్ తండ్రి షబ్బీర్ సారాభాయ్ షేక్ భారత సైన్యంలో పనిచేశారు. తల్లి రిజ్వానా బేగం ఇల్లు మరియు కుటుంబాన్ని చూసుకోనేది. షబ్నమ్ షేక్ తన తల్లిదండ్రులకు మూడవ సంతానం. షబ్నమ్ షేక్ తండ్రి ఎప్పుడూ తన కుమార్తె ధైర్యంగా ఉండాలని, స్వయం ప్రతిపత్తిని కలిగి ఉండాలని మరియు సామాజిక మూస పద్ధతులను బద్దలు కొట్టాలని కోరుకునేవాడు.

షబ్నమ్ షేక్ ఎక్కువగా అంబాలా, ఉదంపూర్, శ్రీనగర్ మరియు అహ్మదాబాద్‌లోని ఆర్మీ పాఠశాలల్లో చదువుకుంది. కర్జాత్‌లోని 'దాదా పాటిల్ కాలేజీ'లో 11వ తరగతి సైన్స్ స్ట్రీమ్‌లో చేరింది. షబ్నమ్ షబ్బీర్ షేక్ చదువుకోవడంతోపాటు కుస్తీ కోచింగ్‌కు కూడా వెళ్లింది.

షబ్నం  షేక్ తన బ్యాచిలర్ ఆఫ్ ఫిజికల్ ఎడ్యుకేషన్ (BPE)ని ఔరంగాబాద్ (సంభాజీనగర్)లో పూర్తి చేసింది. షబ్నం  షేక్ పంజాబ్‌లోని నేషనల్ ఇన్‌స్టిట్యూట్ ఆఫ్ పాటియాలా నుండి కోచింగ్‌లో డిప్లొమా సర్టిఫికేట్ కూడా పొందింది, ఆపై 'బాబాసాహెబ్ అంబేద్కర్ మరాఠ్వాడా విశ్వవిద్యాలయం నుండి మాస్టర్స్ చేసింది మరియు  పిహెచ్‌డి అధ్యయనాల కోసం నమోదు చేసుకుంది.

షబ్నమ్ రెజ్లింగ్ కెరీర్ ఏడేళ్ల వయసులో ప్రారంభమైంది. షబ్నం  షేక్ తండ్రి ఆమె మొదటి కోచ్. షబ్నం మల్లయోధుల కుటుంబం నుండి వచ్చింది: షబ్నం తాత సదర్‌భాయ్ షేక్ మరియు ముత్తాత ప్రసిద్ధ మల్లయోధులు.

షబ్నమ్ కుస్తీ ప్రాక్టీస్ చేయడం ప్రారంభించినప్పుడు కుటుంబం మరియు బంధువుల నుండి అవమానం మరియు నిరాకరణను ఎదుర్కోవలసి వచ్చింది. షబ్నమ్ తన తండ్రి మరియు ఇద్దరు అన్నల నుండి శిక్షణ పొందడం ప్రారంభించింది.

షబ్నమ్ మల్లయుద్ధం యొక్క సూక్ష్మ నైపుణ్యాలను నేర్చుకుంది మరియు లూథియానా (పంజాబ్)లో తన మొదటి పోటీలో రన్నరప్‌గా నిలిచింది.

షబ్నమ్ 2010లో జరిగిన 'మహిళా మహారాష్ట్ర కేసరి' టైటిల్‌ను గెలుచుకుంది. 2009 నుండి వరుసగా మూడేళ్లపాటు 'షిర్డీ కేసరి'లో బంగారు పతకం, 2011లో 'లాతూర్'లో బంగారు పతకం, “మహారాష్ట్ర రాష్ట్ర కుస్తిగిర్‌”పోటిలలో  వరుసగా ఆరు సంవత్సరాలు బంగారు పతకం సాధించింది..

షబ్నమ్ నాలుగు అంతర్ విశ్వవిద్యాలయాల పోటీలు, 10 జాతీయ పోటీలు మరియు 15 కంటే ఎక్కువ రాష్ట్ర స్థాయి పోటీలలో పాల్గొంది. జాతీయ స్థాయి 'గ్రేట్ భారతకుమారి రెజ్లింగ్ పోటీ'లో షబ్నమ్ ముస్లిం సమాజం నుంచే కాకుండా మహారాష్ట్ర నుంచి కూడా మొదటి విజేతగా నిలిచింది.

Ph.D కోసం షబ్నమ్ యొక్క థీసిస్. 'మహారాష్ట్రలోని గ్రామీణ మరియు పట్టణ మహిళా రెజ్లర్ల భావోద్వేగ పరిపక్వత యొక్క తులనాత్మక అధ్యయనం'Comparative study of emotional maturity of rural and urban women wrestlers in Maharashtra'.'.

షబ్నం స్పోర్ట్స్ స్టడీస్‌లో డాక్టరేట్ చేసిన భారతదేశంలో మొదటి మహిళ.

 2017 సంవత్సరంలో, షబ్నమ్ 'ది రెజ్లింగ్ ఉమెన్స్ అసోసియేషన్' ఆఫ్ ఇండియా యొక్క జూనియర్ కోచ్‌గా ఎంపికైంది; షబ్నమ్ 'సుల్తాన్' చిత్రం కోసం అనుష్క శర్మ మరియు సల్మాన్ ఖాన్‌లకు రెజ్లింగ్ శిక్షణ ఇచ్చింది.

షబ్నం, కజకిస్తాన్ మరియు ఉజ్బెకిస్థాన్‌లలో భారతదేశానికి ప్రాతినిధ్యం వహించింది.

షబ్నమ్ ప్రస్తుతం 'రెజ్లింగ్ ఉమెన్స్ అసోసియేషన్' ఆఫ్ ఇండియాలో 'సీనియర్ ట్రైనర్'గా పనిచేస్తున్నారు.2023లో జరిగిన 'అండర్-20 వరల్డ్ ఛాంపియన్‌షిప్'లో 'మహిళల రెజ్లింగ్'లో భారత్ ఏడు పతకాలు సాధించింది. వీటిలో మూడు బంగారు పతకాలు.

డా. షబ్నమ్ షేక్ నేడు 'అంతర్జాతీయ రెజ్లింగ్ కోచ్‌గా పిలవబడుతోంది.

షబ్నమ్ గత ఏడాది గుజరాత్‌లో జరిగిన జాతీయ టోర్నీకి 'మహారాష్ట్ర జట్టు' కోచ్‌గా ఎంపికయ్యారు.

ఆడపిల్లల కోసం ఒక రెజ్లింగ్ సెంటర్ నిర్మించాలన్నది షబ్నమ్ కల.