కాలికట్-కేరళ రాజు జామోరిన్-ముస్లిముల హిందూ అమీర్ Hindu Amir of Muslims-King Zamorin of Calicut-kerala

 

కేరళ :కోజికోడ్

షేక్ జైనుద్దీన్ మఖ్దూమ్ మరియు ఖాజీ ముహమ్మద్ వంటి ఇస్లామిక్ పండితులు  ముస్లిం కాని వ్యక్తి ముస్లింల అమీర్ అవుతాడని నిరూపించారు. వారు ఇందుకు ఉదాహరణగా కాలికాట్-కేరళ  రాజు జామేరిన్ ను పేర్కొన్నారు.  

పదహారవ శతాబ్దంలో చొరబాటుదారులు(పోర్చగిస్) వారికి   జామోరిన్‌ రాజు తో వివాదం పడినప్పుడు  పోర్చుగీసువారికి వ్యతిరేకంగా హిందూ రాజును రక్షించడానికి ముస్లింలు జిహాద్‌కు పిలుపునిచ్చారని  చారిత్రికవేత్తలు పేర్కొన్నారు.

పాశ్చాత్య దృక్పథంలో, జిహాద్‌ను మతపరమైన శత్రుత్వం మరియు విధ్వంసం యొక్క రూపం లో చిత్రీకరించారు, కానీ మలబార్ విషయం జిహాద్ అనేది మతాల మధ్య సామరస్యం మరియు శాంతియుత సహజీవనాన్ని సూచిస్తుంది.  

“ఖాజీ ముహమ్మద్ కవిత “ఫత్'హుల్ ముబిన్” పోర్చుగీసువారు నిర్మించిన చలియమ్ కోటపై దాడి సమయంలో జరిగిన సంఘటనను వివరిస్తుంది. జామోరిన్ పాలకుడు అయిన  హిందూ రాజు కోసం పోరాటంలో తమ ప్రాణాలను త్యాగం చేస్తామని ముస్లింలు ప్రతిజ్ఞ చేశారు. ఇది విన్న హిందువులు, ముస్లిములతో  కలిసి పోరాడాలని నిర్ణయించుకున్నారు.

ఖాజీ జామరిన్ రాజు కోసం ప్రార్థనలు నిర్వహించి, ముస్లింలందరూ ముస్లిమేతర సార్వభౌముడి కోసం ప్రార్థించమని అభ్యర్థించారు. పోర్చుగీసులతో ఒప్పందాలు కుదుర్చుకున్న మరియు వారి క్రూరత్వాలకు మద్దతు ఇచ్చిన ముస్లిం రాజులను విమర్శించబడిరు.

"ఇక్కడ, జిహాద్ స్థానిక పాలకుడి(జామోరిన్ రాజు)కి అతని మతంతో సంబంధం లేకుండా మద్దతుగా ప్రకటించబడింది. జామోరిన్ రాజ్యంలో జిహాద్ సామరస్యం మరియు మతాంతర సహజీవనం యొక్క సాధనంగా మారింది"

చలియాం కోట ముట్టడి సమయంలో జామోరిన్ తల్లి ముస్లిం నాయకులకు జామరిన్ తరుపున  జోక్యం కోరుతూ ఒక లేఖ రాసింది మరియు యుద్ధ వ్యూహాల గురించి చర్చించడానికి జామోరిన్ అధికారులతో పాటు కోజికోడ్‌లోని ఒక మసీదులో కుంజలి మరక్కర్, ఉమర్ అంతబీ మరియు అబ్దుల్ అజీజ్‌లతో సహా ముఖ్యమైన ముస్లిం యోధులు సమావేశమయ్యారు.

పదహారవ శతాబ్దంలో రచించిన షేక్ జైనుద్దీన్ మఖ్దూం II రచించిన “తుఫాత్ అల్-ముజాహిదీన్”, జామోరిన్ పాలనలో ముస్లింలు అనుభవిస్తున్న అధికారాలను వివరిస్తుంది.

“ముస్లిమేతర పాలకులు మసీదుల నిర్మాణం మరియు మతపరమైన ఆచారాల నిర్వహణకు చురుకుగా మద్దతు ఇచ్చారు మరియు ఖాజీలు (న్యాయమూర్తులు) మరియు ముఅద్దీన్లు (ప్రార్థనకు పిలుపునిచ్చేవారు) వంటి ఇతర మత అధికారుల జీతాలకు కాలికట్ రాజ్యం నిధులు సమకూర్చింది. జామరిన్ రాజు పాలనా లో ముస్లింలు గణనీయమైన స్వేచ్ఛ మరియు సౌమ్యతను అనుభవించినారు.