భారతీయ ముస్లింలకు మేధావి వర్గం ఎందుకు లేదు? Why do Indian Muslims lack an intellectual class?

 

భారతీయ ముస్లింలలో మేధావి వర్గం ఉందా? ఉంటె,  వామపక్ష-ఉదారవాదులు బహిరంగ చర్చలలో ముస్లిములకు ఎందుకు ప్రాతినిధ్యం వహించాలి? ముస్లింలకు  తమకు తాము ప్రాతినిధ్యం వహించే సామర్థ్యం ఉన్నట్లయితే వామపక్ష-ఉదారవాదులు ఈ పనిచేయవలసిన అవసరం ఉంటుందా?

విచారకరమైన వాస్తవమేమిటంటే, ప్రజా చర్చకు అవసరమైన సామర్థ్యం, నైపుణ్యం మరియు హుందాతనంతో ముస్లిం సమాజానికి ప్రాతినిధ్యం వహించే ఒక్క ముస్లిం మేధావి కూడా లేకపోవడం. కారణం చదువు లేకపోవడం కాదు. 75 శాతానికి పైగా అక్షరాస్యత రేటుతో, భారతదేశంలోని ముస్లింలలో  తగినంత పెద్ద సంఖ్యలో ఉన్నత విద్యావంతులు ఉన్నారు కాని వారు చర్చలలో పాల్గొనారు.

పాత్రికేయుడు, సామాజిక సంస్కర్త  హమీద్ దల్వాయ్ మాటలలో, “‘ముస్లిం మేధావి’ పదం నిజమైన అర్థంలో మేధావి కాదు. అతను కేవలం ముస్లిం మాత్రమే."

ముస్లిం సమాజం కు మౌల్వీలు - మత నిపుణులు ప్రాతినిధ్యం వహించడం చాలా సహజం. తరచుగా టీవీ ప్యానెల్ చర్చలలో ఆధునిక ముస్లింలకు బదులు  మౌల్వీలు కనిపిస్తారు.

సామాజిక సంస్కర్త దల్వాయి ప్రకారం ఒక సమాజం యొక్క మేధో తరగతి ఆ సమాజం యొక్క పురోగతిని కొలుస్తుంది. మేధావుల వర్గం అనేది అనేక క్లిష్టమైన చారిత్రక, సామాజిక, రాజకీయ మరియు ఇతర ప్రక్రియల ఉత్పత్తి. భారతదేశంలోని ముస్లిం సమాజం అటువంటి పరివర్తన ప్రక్రియను పొందలేదు. అందువల్ల, ఒక ముస్లిం,  ముస్లిం సమాజం వైపు, ముఖ్యంగా దాని చరిత్ర మరియు రాజకీయాలపై, విమర్శనాత్మక దృష్టిని మళ్లించిన క్షణం, వారు మతం నుంచి బహిష్కరించబడతారు. దళవాయికి అదే గతి పట్టింది.

1960 నుండి 80 వరకు, ఉర్దూ ప్రెస్‌లో అత్యంత దూషించబడిన వ్యక్తులు  బొంబాయి హైకోర్టు ప్రధాన న్యాయమూర్తిగా పనిచేసిన MC చాగ్లా మరియు హమీద్ దల్వాయ్.

దాల్వాయి తన పుస్తకం Muslim Politics in India లో ఎక్కడా ఇస్లాం మతం గురించి ప్రస్తావించలేదు మతాన్ని రిమోట్‌గా విమర్శించటం లేదా దాని సూత్రాలు మరియు అభ్యాసాలను ప్రశ్నించలేదు. అలాంటప్పుడు దాల్వాయి ను ఇస్లాంకు శత్రువుగా పరిగణించేందుకు ముస్లిం అభిప్రాయాలను రూపొందించే వర్గం ఎందుకు ముందుకు వచ్చింది? దాల్వాయి ఆలోచనల విధ్వంసక సామర్థ్యాన్ని వారు గుర్తించినందున వారు అలా చేశారు. దాల్వాయి వారి అధికారాన్ని, మతపరమైన భావజాలం ను  అణగదొక్కాడు.

ముస్లిం మత వర్గ౦ యొక్క  రాజకీయ అధికారాన్ని ప్రశ్నించడం వారి దృష్టిలో క్షమించరాని నేరం. వారి దృష్టిలో మతం కన్నా  రాజకీయాలు మరియు పాలించే హక్కు నిజంగా ముఖ్యమైనది.

సర్ సయ్యద్ అహ్మద్ ఖాన్ యొక్క మతపరమైన ఆలోచనలు ముస్లింలకు ఎంతమాత్రం ఆమోదయోగ్యంగా లేవు. సర్ సయ్యద్ అహ్మద్ ఖాన్ స్వంత సంస్థ అయిన అలీఘర్ ముస్లిం విశ్వవిద్యాలయం ఖురాన్‌పై సర్ సయ్యద్ వ్యాఖ్యానాన్ని ప్రచురించడానికి నిరాకరించింది. సర్ సయ్యద్ గౌరవనీయమైన వ్యక్తి, ముస్లింలకు ఒక  సొంత కళాశాలను నిర్మించాడు.

అదేవిధంగా, ముహమ్మద్ అలీ జిన్నా వేర్పాటువాద రాజకీయాలకు విజయవంతమైన నాయకత్వాన్ని అందించినందున ముస్లిములకు జిన్నా  క్వాయిడ్-ఇ ఆజం అయ్యాడు. దీనికి విరుద్ధంగా, మత రాజకీయాలను వ్యతిరేకిస్తే, జిన్నా ముస్లిం సమాజం నుండి చెడు మాటలను తప్పించుకోలేడు.

రాజకీయ ఇస్లాం యొక్క మౌదూదియన్ థీసిస్‌ మతాన్ని రాజకీయ భావజాలంగా మార్చే విధంగా వ్యాఖ్యానిస్తుంది మరియు ప్రపంచాన్ని పాలించే ముస్లింలకు ఒక ఛార్టర్. ఇస్లాం యొక్క వేదాంతశాస్త్రం మరియు మతతత్వం నిస్సందేహంగా ఆధిపత్యవాదం వైపు దృష్టి సారించాయి.

దల్వాయి ప్రకారం, ముస్లింలలో సంస్కరణలు  అసంభవం మరియు ముస్లిం సమాజం విమర్శనాత్మక ఆలోచనాపరుల తరగతిని సృష్టించలేకపోవడం పెద్ద  సైద్ధాంతిక లోపం.

భారతీయ ముస్లింలలో విమర్శనాత్మక ఆలోచనాపరుల గురించి ఆలోచించినప్పుడు, సర్ సయ్యద్ కాకుండా మరొక పేరు గురించి ఆలోచించడం చాలా కష్టం. సాంఘిక సంస్కర్తగా సర్ సయ్యద్ కు జనాదరణ పొందిన ఇమేజ్ ఉన్నప్పటికీ, సర్ సయ్యద్ ముస్లిం సమాజాన్ని దాని దుష్ప్రవర్తన గురించి విమర్శించలేదు.

విమర్శనాత్మక ఆలోచనాపరుడు అయిన అల్లామా ఇక్బాల్‌ తన అభిమానులచే కవి-తత్వవేత్తగా గుర్తించబడినాడు.  అల్లామా ఇక్బాల్‌ ఉలేమాలను "ముల్లా" అని ధిక్కరిస్తూ వారి పట్ల అసహ్యాన్ని సాధారణీకరించాడని గమనించాలి. అల్లామా ఇక్బాల్‌ ముల్లాలను మరియు వారి ఇస్లాం సంస్కరణను ముస్లిం పాలన పతనానికి కారణమని నిందించాడు. అల్లామా ఇక్బాల్‌ కు అనుగుణంగా, నేటి "ఆధునిక-ప్రగతిశీల-మితవాద ముస్లింలు" కూడా అదే కారణంతో ఉలేమాలను మరియు వారి పురాతన వేదాంతాన్ని విమర్శిస్తున్నారు.

దల్వాయ్‌తో పాటు, ముస్లింలలో నిజమైన మేధావి లేదా విమర్శనాత్మక ఆలోచనాపరుడి పేరు చెప్పడం కష్టం. ముస్లిం ఆధునికీకరణపై దల్వాయ్‌తన ఆశలు పెట్టుకున్నాడు.

ముస్లిములు తమ స్వంత గాంధీ/నాయకుడు ని తయారు చేయలేకపోవడం ముస్లింల అతిపెద్ద వైఫల్యం. ఒక ముస్లిం గాంధీ ఆవిర్భావాన్ని దల్వాయి చూడలేదు.

దల్వాయ్ ప్రకారం ముస్లిములు తమ బాధలన్నింటికీ హిందువులను నిందించారు మరియు వారి స్వంత స్థితికి ఎటువంటి బాధ్యత వహించకుండా చేతులు కడుగుకొన్నారు.. ఎందుకంటే వారు మేధో పక్షవాతంతో బాధపడుతున్నారు మరియు తమ అసంతృప్త స్థితి వెనుక కారణాలను విమర్శనాత్మకంగా పరిశీలించలేరు.

దాల్వాయి ఒక ప్రశ్న అడిగారు: ఆధునిక విద్యకు ముస్లింల ప్రతిఘటనకు హిందువులు ఎలా కారణమయ్యారు?

దల్వాయ్‌ హిందూ-ముస్లిం సంబంధాలపై ఒక వివేచనాత్మక అంశాన్ని చెప్పాడు, “హిందువులు తగినంతగా చైతన్యవంతంగా ఉంటే, హిందూ-ముస్లిం సమస్య పరిష్కారమవుతుందని నేను నమ్ముతున్నాను.

మూలం: The Print, 26 March, 2024