ఖాలిద్ ఇబ్న్ అల్-వలీద్: అల్లాహ్ ఖడ్గం Khalid Ibn Al-Walid: The Sword of Allah

 

ఖాలిద్ ఇబ్న్ అల్-వలీద్ తొలి ఇస్లామిక్ చరిత్రలో అత్యంత ప్రసిద్ధి చెందిన సేనాధిపతులలో  ఒకరు. ఇస్లాంను స్వీకరించడానికి ముందు ఆయన ముస్లింలకు వ్యతిరేకంగా పోరాడారు, ఆ తర్వాత తాను ఒకప్పుడు వ్యతిరేకించిన సమాజ సేవకే తన సైనిక ప్రతిభను అంకితం చేశారు.

ఇస్లామిక్ సంప్రదాయం ఖాలిద్ ఇబ్న్ అల్-వలీద్ ను 'సైఫ్ అల్లాహ్'—అంటే 'అల్లాహ్ ఖడ్గం' అనే గౌరవప్రదమైన బిరుదుతో స్మరించుకుంటుంది.

ఖాలిద్ ఇబ్న్ అల్-వలీద్, మక్కా ఖురైష్‌ తెగ లోని  ప్రముఖ సైనిక కుటుంబమైన  మఖ్జూమ్ వంశానికి చెందినవాడు. ఖాలిద్ గుర్రపు స్వారీ, ధైర్యం మరియు యుద్ధంలో సైనికులను నడిపించే సామర్థ్యానికి విలువనిచ్చే సమాజంలో పెరిగాడు.

క్రీ.శ. 625లో జరిగిన ఉహుద్ యుద్ధంలో, ప్రవక్త ముహమ్మద్ ﷺ నాయకత్వంలోని ముస్లిం సమాజానికి వ్యతిరేకంగా ఖాలిద్ మక్కావాసుల పక్షాన పోరాడాడు. ఉహుద్ యుద్ధంలో మక్కావాసుల విజయాన్ని సాధించారు. అందులో ఖాలిద్ పాత్ర కూడా ఉంది.   

హుదైబియ్యా సంధి తరువాత మరియు మక్కా విజయానికి ముందు, క్రీ.శ. 629 ప్రాంతంలో ఖాలిద్ ఇస్లాంను స్వీకరించారు. క్రీ.శ. 632లో ప్రవక్త ముహమ్మద్ ﷺ మరణించినప్పుడు, ముస్లిం సమాజం ఒక సంక్షోభాన్ని ఎదుర్కొంది.

కొన్ని అరేబియా తెగలు మదీనా పట్ల తమ విధేయతను ఉపసంహరించుకున్నాయి, ప్రవక్త ముహమ్మద్(స) మరణానంతరం అరేబియాలో వివిధ రకాల ప్రతిఘటనలు చోటుచేసుకున్నాయి. కొన్ని తెగలు మదీనా రాజకీయ అధికారాన్ని అంగీకరించలేదు; కొన్ని తెగలు జకాత్ చెల్లింపును నిరాకరించాయి; మరికొన్ని ప్రాంతాల్లో ప్రవక్తలమని ప్రకటించుకున్న వ్యక్తుల ఉద్యమాలు జరిగాయి.

మొదటి ఖలీఫా అయిన అబూ బక్ర్ అస్-సిద్దీఖ్, సాధారణంగా రిద్దా యుద్ధాలుగా పిలువబడే దండయాత్రలలో ఈ సవాళ్లను ఎదుర్కొన్నారు. ఖాలిద్, అబూ బక్ర్ యొక్క ప్రధాన సేనాధిపతులలో ఒకరిగా మారారు. ఖాలిద్ దండయాత్రలు అరేబియాలోని చాలా ప్రాంతాలలో మదీనా అధికారాన్ని పునరుద్ధరించడానికి సహాయపడ్డాయి.

ఇరాక్ మరియు సిరియాలలో జరిగిన సైనిక దండయాత్రలతో ఖాలిద్‌ ప్రముఖ పాత్ర వహించాడు. క్రీ.శ. 636లో జరిగిన యర్ముక్ యుద్ధం సిరియాలో బైజాంటైన్ శక్తికి వ్యతిరేకంగా జరిగిన పోరాటంలో ముస్లింల విజయం ఆ ప్రాంతంలో శక్తి సమతుల్యతను మార్చివేసి, తదుపరి పురోగమనాలకు మార్గం సుగమం చేసింది. సిరియా విజయం లో ఖాలిద్ తో పాటు ఇతర ముస్లిం సేనానాయకులు  అబూ ఉబైదా ఇబ్న్ అల్-జర్రా మరియు ఇతర సేనాపతులు ప్రధాన పాత్ర వహించినారు.  .

అబూ బక్ర్ మరణానంతరం, క్రీ.శ. 634లో ఉమర్ ఖలీఫా అయ్యారు. అనేక రంగాలలో ముస్లిముల సైనిక దండయాత్రలు కొనసాగాయి. ముస్లిం రాజ్యం వేగం గా విస్తరిస్తోంది. ఉమర్ ఖలీఫాగా ఉన్న కాలంలో ఒకానొక దశలో, సిరియా దండయాత్రలో ఖాలిద్‌ను సర్వోన్నత సైన్యాధిపత్యం నుండి తొలగించి, అబూ ఉబైదాను సైన్యానికి నాయకత్వం వహించడానికి నియమించారు. అయితే, ఈ నిర్ణయానికి గల కారణాలపై చారిత్రక సంప్రదాయాల్లో భిన్నమైన వివరణలు ఉన్నాయి.

ఉమర్‌కు సంబంధించిన సంప్రదాయాల్లో సైనిక విజయాలు ఒక వ్యక్తి సామర్థ్యానికే కాకుండా అల్లాహ్‌పై విశ్వాసానికి సంబంధించినవని ప్రజలు అర్థం చేసుకోవాలనే ఉద్దేశం కూడా ప్రస్తావించబడుతుంది..అబూ ఉబైదా ఇబ్న్ అల్-జర్రాహ్ ప్రవక్త ﷺ యొక్క గౌరవనీయ సహచరుడు.  ఖాలిద్‌ను సర్వోన్నత నాయకత్వం నుండి తొలగించిన తర్వాత కూడా సిరియా సైనిక చర్య కొనసాగింది.

ఖాలిద్ క్రీ.శ. 642 ప్రాంతంలో మరణించాడు, సిరియాలోని హోమ్స్‌ లో  అతని చివరి రోజులు గడిచినవి.  ఖాలిద్ ఇబ్న్ అల్-వలీద్ అసాధారణ సామర్థ్యం గల సేనాపతి, ఒకప్పుడు ముస్లింలను ఎదిరించి తరువాత వారి అత్యంత ప్రసిద్ధ సైనిక సేవకులలో ఒకరిగా మారినవాడు. ఖాలిద్ 'అల్లాహ్ ఖడ్గం'గా స్మరించబడినాడు.