సామాజిక,ఆర్థిక పురోగతికి మహిళా సాధికారత కీలకం Empowering Women: The Key to Socio-Economic Progress

 

జాతి పిత మహాత్మా గాంధీ మాటలు, “మీరు ఒక పురుషునికి విద్యనందిస్తే, మీరు ఒక వ్యక్తికి విద్యను అందిస్తారు, కానీ మీరు ఒక స్త్రీకి విద్యనందిస్తే, మీరు మొత్తం కుటుంబాన్ని విద్యావంతులను చేస్తారు” మహాత్మా గాంధీ యొక్క ఈ మాటలు స్త్రీ విద్య మరియు సాధికారత యొక్క పరివర్తన శక్తిని ప్రతిబింబిస్తాయి.

ఆధునిక యుగంలో, ఏ దేశం తన పౌరులందరి ప్రతిభను ఉపయోగించకుండా ఆర్థికంగా మరియు సామాజికంగా నిజంగా అభివృద్ధి చెందదు. విలువైన వనరు అయిన మానవ సామర్థ్యంలో  మహిళలు సగం ఉన్నారు. మహిళలను అణచివేసే దేశాలు తరచుగా ఆర్థికంగా వెనుకబడి ఉన్నాయని స్పష్టమవుతోంది.

ఒక గ్రామం, రాష్ట్రం లేదా దేశం యొక్క అభివృద్ధి దాని వనరులను సమర్ధవంతంగా ఉపయోగించడంపై ఆధారపడి ఉంటుంది. మానవ ప్రతిభ బహుశా అన్నింటికంటే అత్యంత కీలకమైన వనరు. మానవ ప్రతిభ సమీకరణంలో మహిళలు కీలక పాత్ర పోషిస్తారు. వివిధ సమాజాలలో స్త్రీల అణచివేత ఆర్థిక పురోగతిని అడ్డుకుంటుంది. లింగ సమానత్వం కోసం పని చేయాలి.

విచారకరంగా ప్రపంచంలోని అనేక ప్రాంతాల్లో లింగ అసమానతలు ఇంకా కొనసాగుతున్నాయి. ఇవి  వినాశకరమైన పరిణామాలకు దారి తీస్తుంది. మనం తరచుగా సమాజం లో ఆర్థికంగా వెనుకబడిన తల్లులను చూస్తాము. వారు తమ పిల్లల ప్రాణాలను రక్షించే మందులను కొనుగోలు చేయలేక భాదపడుతుంటారు ఇంటి యజమాని అయిన తండ్రి  సమీపంలోని మద్యం దుకాణాలలో ఉంటాడు.. ఇంటి యజమాని అయిన తండ్రులు దుర్వినియోగ ప్రవర్తన కుటుంబ సమస్యలను మరింత తీవ్రతరం చేస్తుంది. విద్య మరియు ఆర్థిక స్వాతంత్ర్యం లేకపోవడం మహిళల దుర్బలత్వానికి దారి తీస్తుంది.  మహిళలపై హింసను తగ్గించడంలో మరియు వారి జీవితాలపై వారికి నియంత్రణ కల్పించడంలో విద్య ఒక శక్తివంతమైన సాధనం.

అభివృద్ధి చెందుతున్న దేశాలలో కూడా ఉద్యోగ అవకాశాలు, వేతనాలు మరియు రాజకీయ అధికారంలో లింగ అంతరాలు కొనసాగుతున్నాయి. వ్యవస్థాగత అసమానతలతో మహిళల సామర్థ్యాన్ని అడ్డుకోవడం నిరుత్సాహపరుస్తుంది. ఈ అసమానతలను పరిష్కరించడం సమాజ పురోగతికి అత్యవసరం.

ప్రపంచవ్యాప్తంగా మహిళలు ఇప్పటికీ భయంకరమైన హింస మరియు దోపిడీ చర్యలను ఎదుర్కొంటున్నారు. మానవ అక్రమ రవాణా, బలవంతపు శ్రమ, మరియు "నవ వధువు మరణం " ప్రతిరోజూ జరుగుతున్నాయి.. మహిళల హక్కులు, జీవితాలను కాపాడేందుకు తక్షణ చర్యలు అవసరం

లింగ వ్యత్యాసాన్ని తగ్గించడానికి, సమగ్ర చర్యలు తీసుకోవాలి. ప్రభుత్వం అమలు చేసిన చట్టం ప్రకారం మహిళలు సమాన చట్టపరమైన హక్కులు మరియు రక్షణ కల్పించాలి.. సమాన ఉద్యోగావకాశాలు మరియు సమాన పనికి వేతనం కల్పించబడాలి..

ఇస్లాం మహిళలను పని చేయమని ప్రోత్సహిస్తుంది మరియు ఆర్థిక సమానత్వాన్ని ప్రోత్సహిస్తూ వారి ఆదాయాన్ని సొంతం చేసుకునేందుకు వారికి అధికారం ఇస్తుంది.ఇస్లామిక్ బోధనలు లింగ సమానత్వాన్ని నొక్కిచెప్పాయి. జ్ఞానాన్ని పొందేందుకు మరియు ధర్మబద్ధమైన జీవితాలను గడపడానికి మహిళల గల హక్కును ఇస్లాం గుర్తిస్తుంది. వ్యక్తిగత మరియు ఆధ్యాత్మిక ఎదుగుదలకు మహిళలకు సమాన అవకాశాలు ఉన్నాయనే ఆలోచనను ఇస్లాం  బలపరుస్తుంది.

ఆధునిక సమాజాలలో విద్యను పొందుతున్న స్త్రీల సంఖ్య పెరుగుతుంది. సంఖ్యలో పరిమితంగా అయిన స్త్రీలు నిర్వహణ మరియు నాయకత్వ స్థానాలకు చేరుకుంటున్నారు.. ఈ తక్కువ ప్రాతినిధ్యం మహిళల జ్ఞానం మరియు నైపుణ్యాల వినియోగాన్ని పరిమితం చేస్తుంది. మహిళలు కొత్త స్థానాల్లోకి ప్రవేశించినప్పుడు లింగ పక్షపాతం ఇప్పటికీ సవాలు చేస్తుంది

మహిళల సామాజిక-ఆర్థిక స్థితి దేశ ప్రగతితో విడదీయరాని విధంగా ముడిపడి ఉంది. మహిళలకు సాధికారత కల్పించడం అనేది కేవలం నైతిక అవసరం మాత్రమే కాదు, సమాజ ఉజ్వల భవిష్యత్తు కోసం ఆచరణాత్మక అవసరం. మహిళా సాధికారికత అడ్డంకులను తొలగించి, లింగ అంతరాలను తగ్గించి, అందరికీ సమాన అవకాశాలను కల్పించాల్సిన సమయం ఆసన్నమైంది.

లింగ భేదం లేకుండా ప్రతి వ్యక్తి యొక్క ప్రతిభను గుర్తించడం మరియు పెంపొందించడం ద్వారా. మహిళా సాధికారికత సాధించవచ్చు.