మధ్యప్రదేశ్: ముస్లిముల అల్ప రాజకీయ ప్రాతినిధ్యం-విశ్లేషణ Madhya Pradesh: Lack of Political Representation for Muslims-An Analysis

 

2011 జనాభా లెక్కల ప్రకారం, మధ్యప్రదేశ్‌లోని మొత్తం జనాభాలో ముస్లింలు సుమారుగా 6.57% ఉన్నారు. మధ్యప్రదేశ్‌ లో దాదాపు 5 మిలియన్ల మంది ముస్లింలు నివసిస్తున్నారు.మద్య ప్రదేశ్ లోని  19 కంటే ఎక్కువ జిల్లాల్లో ఒక మిలియన్ కంటే ఎక్కువ మంది ముస్లిములు నివసిస్తున్నారు.

ఇండోర్-1, ఇండోర్-3, ఉజ్జయిని, జబల్‌పూర్, ఖండ్వా, రత్లాం, జవర, గ్వాలియర్, షాజాపూర్, మాండ్లా, నీముచ్, మహిద్‌పూర్, మందసౌర్, ఇండోర్. -5, నస్రుల్లాగంజ్, ఇచ్చావర్, అష్టా మరియు ఉజ్జయిని సౌత్, వంటి కీలకమైన దాదాపు రెండు డజన్ల అసెంబ్లీ నియోజకవర్గాల్లో ముస్లింలు ముఖ్యమైన పాత్ర పోషిస్తున్నారు

మధ్యప్రదేశ్ లో  ముస్లిం రాజకీయ ప్రాతినిధ్యం సంవత్సరాలుగా గణనీయమైన క్షీణతను చవిచూసింది. 1962లో కమ్యూనిస్ట్ పార్టీ ఆఫ్ ఇండియా (CPI) నుండి షకీర్ అలీ ఖాన్ వంటి నాయకులు ఎన్నికైనప్పుడు ముస్లిం ప్రాతినిధ్యం గరిష్టంగా 7%గా ఉంది. ప్రస్తుతం, మధ్యప్రదేశ్ అసెంబ్లీలో ఇద్దరు ముస్లిం ఎమ్మెల్యేలు మాత్రమే ఉన్నారు: భోపాల్ నార్త్ నుండి ఆరిఫ్ అక్వీల్ మరియు భోపాల్ సెంట్రల్ నుండి ఆరిఫ్ మసూద్

ఎన్నికలకు కాంగ్రెస్ అభ్యర్థుల జాబితాను ఇంకా విడుదల చేయనప్పటికీ, బిజెపి ఇప్పటివరకు తన జాబితాలలో ఒక్క ముస్లిం పేరును చేర్చలేదు.

ప్రస్తుత పరిస్థితి ముస్లిం రాజకీయ నాయకులు మరియు కార్మికులను ప్రభావితం చేయడమే కాకుండా ఎన్నికలపై ముస్లిం ఓటర్లలో పెరుగుతున్న అసంతృప్తిను కూడా తెలుపుతుంది.

ముస్లిముల జీవన పరిస్థితులు ముస్లిం ఘెట్టోలకు అద్దం పడుతున్నాయి, పౌర సౌకర్యాల కొరత, మౌలిక సదుపాయాల లేమి, పరిమిత విద్యాసంస్థలు మరియు స్థూల మునిసిపల్ పాలన  నిర్లక్ష్యానికి గుర్తుగా ఉన్నాయి. రాష్ట్రంలోని ముస్లింలు విస్తృత సామాజిక-ఆర్థిక సవాళ్ల ను ఎదుర్కొంటున్నారు.  పౌర అధికారులు ప్రదర్శించిన నిర్లక్ష్యమే ఈ పరిస్థితులకు కారణమని ముస్లిములు అంటున్నారు..

muslimముస్లిములు తమ  సమస్యలకు ముఖ్యమైన అంశంగా రాజకీయ నాయకత్వం లేకపోవడo౦ అంటున్నారు. ముస్లిం సమాజం ఎదుర్కొంటున్న రోజువారీ సవాళ్ల గురించి నిజమైన శ్రద్ధ వహించే నాయకులు లేరు.

రాష్ట్ర రాజధాని భోపాల్‌లో ముస్లింల వెనుకబాటుతనాన్ని ప్రస్తావిస్తూ, సామాజిక శాస్త్రవేత్తలు క్రిస్టోఫర్ జాఫ్రెలాట్ మరియు షాజియా అజీజ్ విల్బర్స్ తమ “ముస్లింస్ ఇన్ ఇండియన్ సిటీస్” పుస్తకంలో 1947కి ముందు భోపాల్ ఒక ముఖ్యమైన ముస్లిం రాష్ట్రంగా, హైదరాబాద్ తర్వాత రెండవ స్థానంలో ఉన్నదని పేర్కొన్నారు.

హిందూ-ముస్లిం సంబంధాలు సంక్లిష్టంగా ఉన్నాయి, 1992 అల్లర్లు మరియు బిజెపి పెరుగుదల ఉద్రిక్తతలను తీవ్రతరం చేసింది.

మధ్యప్రదేశ్‌లోని ఇతర నగరాల్లోనూ ముస్లింలు ఘెట్టోలైజేషన్ మరియు అట్టడుగున ఉన్నారని నిపుణులు అభిప్రాయపడుతున్నారు.ప్రాథమిక మౌలిక సదుపాయాలు మరియు పౌర సౌకర్యాలకు దూరంగా ఉన్నారు.

 మధ్యప్రదేశ్‌లో పేలవమైన ముస్లిం ప్రాతినిధ్యానికి రెండు ముఖ్యమైన కారకాలు కలవు. : 1992లో బాబ్రీ మసీదు కూల్చివేత తర్వాత ఓట్ల పోలరైజేషన్/ధ్రువణత మరియు 2002లో నియోజకవర్గాల విభజన కారణంగా ముస్లిం జనాభా విభజన, కాంగ్రెస్ పాలన.

ముస్లిం వికాస్ పరిషత్‌ను నడుపుతున్న మహమ్మద్ మహిర్, అభిప్రాయం ప్రకారం మధ్యప్రదేశ్‌లో, రాజకీయాలు సాంప్రదాయకంగా మతతత్వం మరియు లౌకికవాదం చుట్టూ తిరుగుతున్నాయి, ప్రాతినిధ్యంపై తక్కువ ప్రాధాన్యత ఉంది,". " ఎంపీలో కాంగ్రెస్‌లో, ముస్లిమేతర నాయకులు ముస్లింలు అధికంగా ఉండే నియోజకవర్గాల్లో టిక్కెట్ల కోసం పోటీ పడుతున్నారు.. ముస్లింల ప్రభావం కనీసం 20 స్థానాల్లో ఉన్నప్పటికీ, గత ఎన్నికల్లో భోపాల్ నుంచి ముస్లిం అభ్యర్థులకు కేవలం రెండు టిక్కెట్లు మాత్రమే కేటాయించడం ఈ ధోరణి స్పష్టంగా కనిపిస్తోంది.

మహిర్ యొక్క ముస్లిం వికాస్ పరిషత్ ముస్లిం సమాజానికి సంబంధించిన ఆందోళనలను ప్రస్తావిస్తూ కాంగ్రెస్ మరియు బిజెపి రెండింటికీ 15 పాయింట్ల మెమోరాండం సమర్పించింది. ఈ అంశాలను ఆయా పార్టీలు తమ మేనిఫెస్టోల్లో చేర్చాలని డిమాండ్‌ చేశారు. విద్యార్థులు తమ మాతృభాషలో విద్యను అభ్యసించడానికి అనుమతించడం, సమాజానికి సంబంధించిన రంగనాథన్ మిశ్రా కమిషన్ సిఫార్సులను అమలు చేయడం మరియు రాష్ట్రంలో AMU క్యాంపస్‌ను ప్రారంభించడం వంటివి ఈ డిమాండ్‌లలో కొన్ని.

2018లో కాంగ్రెస్‌కు 40.89 శాతం ఓట్లు రాగా, బీజేపీకి 41.02 శాతం ఓట్లు వచ్చాయి. ఈసారి కూడా రెండు పార్టీల మధ్య ఓట్ షేర్‌లో 1% తేడా ఉన్నట్లు ఒపీనియన్ పోల్స్ సూచిస్తున్నాయి.

2023 ఎన్నికల విషయానికొస్తే, ప్రభుత్వ ఏర్పాటులో ముస్లిం ఓట్లు కీలకమని రాజకీయ పార్టీలు గుర్తుంచుకోవాలని మహమ్మద్ మహిర్ ఉద్ఘాటించారు. రాష్ట్రంలో, కేవలం 1 లేదా 2% ఓట్ల స్వింగ్ రాజకీయ దృశ్యాన్ని మరియు పార్టీల భవిష్యత్తును గణనీయంగా మార్చగలదు