పాలస్తీనియన్లు ఎవరు? Who are the Palestinians?

 

తూర్పు మధ్యధరా సముద్రం మరియు జోర్డాన్ నది మధ్య ఉన్న తమ  స్వంత భూమిలో తమను తాము శరణార్థులుగా చూసుకునే పురాతన ప్రజలు పాలస్తీనియన్లు. పాలస్తీనియన్లలో అత్యధికులు ముస్లింలు.

పాలస్తీనా’ అనే పదం మొదట ఎప్పుడు ఉపయోగించబడింది మరియు అది దేనిని సూచిస్తుంది 

ఫినిసియా (ప్రధానంగా ఆధునిక లెబనాన్) మరియు ఈజిప్టు మధ్య తీరప్రాంతాన్ని వివరించడానికి ఐదవ శతాబ్దం BCEలో పాలస్తీనా అనే పదాన్ని మొదటిసారిగా ప్రాచీన గ్రీకు చరిత్రకారుడు మరియు భూగోళ శాస్త్రవేత్త హెరోడోటస్ ఉపయోగించారు.

పాలస్తీనా అనేది ప్రధానంగా గాజా, అష్కెలోన్, అష్డోద్, ఎక్రోన్ మరియు గాత్ (ప్రస్తుత ఇజ్రాయెల్ లేదా పాలస్తీనాలో Gaza, Ashkelon, Ashdod, Ekron, and Gath (all in present-day Israel or Palestine).) నగరాల చుట్టూ ఉన్న నైరుతి లెవాంట్ ప్రాంతానికి గ్రీకు రచయితలు పెట్టిన పేరు ‘ఫిలిస్టియా’ నుండి వచ్చింది.

లెవాంట్ అనేది తూర్పు మధ్యధరా సముద్రం చుట్టూ ఉన్న ప్రాంతానికి ఉన్న చారిత్రక-భౌగోళిక పదం, ఇది ఆఫ్రికా మరియు యురేషియా మధ్య భూ వంతెనను సూచిస్తుంది.

మొదటి నుండి, పాలస్తీనా అనేది ప్రధానంగా స్థల పేరుగా ఉపయోగించబడింది-, జాతి లేదా మతంతో సంబంధం లేకుండా ఈ ప్రాంతంలో నివసించే ప్రజలకు పేరుగా ఉపయోగించబడింది. అందువల్ల, రోమన్ రికార్డులు ఈ పదాన్ని ఉపయోగించినప్పుడు క్రైస్తవులు మరియు యూదుల మధ్య తేడాను గుర్తించలేదు.

7వ శతాబ్దం CEలో అరబ్బులు  లెవాంట్‌ను స్వాధీనం చేసుకున్న తర్వాత, పాలస్తీనా అనే పదాన్ని అధికారిక హోదాలో ఉపయోగించడం ఆగిపోయింది. ఇది 20వ శతాబ్దం వరకు కొనసాగింది. అరబిక్‌లోకి "ఫిలాస్టీన్"గా. హిందీలో పాలస్తీనా "ఫిలిస్టీన్"గా పిలవబడినది. .పాలస్తీనా ప్రాంతం ఇస్లామీకరణకు గురైంది మరియు అరబిక్ సాంస్కృతిక ప్రభావం వ్యాప్తి చెండినది.  .

మొదటి ప్రపంచ యుద్ధంలో ఒట్టోమన్ల ఓటమి మరియు 1922లో ఒట్టోమన్ సామ్రాజ్యాన్ని కూల్చివేసిన తరువాత, ఒట్టోమన్ సుల్తాన్ యొక్క భూభాగాలు, ముఖ్యంగా పాలస్తీనా (ఆధునిక టర్కీ, సిరియా మరియు అరేబియా ద్వీపకల్పం మరియు ఉత్తర ఆఫ్రికాలోని కొన్ని ప్రాంతాలు కాకుండా) బ్రిటిష్ మరియు ఫ్రెంచ్ మధ్య విభజించబడ్డాయి. పాలస్తీనా యొక్క బ్రిటిష్ మాండేట్ పాలస్తీనా యొక్క భౌగోళిక పరిధిని నిర్వచించింది. బ్రిటిష్ మాండేట్ ప్రకారం 1947లో ఇజ్రాయెల్ మరియు పాలస్తీనా రాజ్యాలుగా విభజించబడింది.

పాలస్తీనియన్ల ఊహలో, పాలస్తీనా అనేది సముద్రం (తూర్పు మధ్యధరా) మరియు నది (చారిత్రాత్మకంగా ముఖ్యమైన జోర్డాన్ నది, ఇది ఉత్తరాన గోలన్ హైట్స్ నుండి గలిలీ సముద్రం ద్వారా మృత సముద్రం వరకు ప్రవహిస్తుంది) మధ్య ఉన్న భూమి.

ఈ రోజు పాలస్తీనియన్లు ఎవరు?

ఈ రోజు, పాలస్తీనియన్లు అనే పదం పాలస్తీనా రాజ్యంలో (వెస్ట్ బ్యాంక్, గాజా మరియు తూర్పు జెరూసలేం) నివసిస్తున్న వారిని మరియు ఇతర చోట్ల స్థిరపడిన పూర్వపు బ్రిటిష్ మాండేట్ యొక్క ప్రాదేశిక సరిహద్దుల నుండి వచ్చిన శరణార్థులను సూచిస్తుంది. ప్రస్తుతం ఇజ్రాయెల్ భూభాగాల్లో నివసిస్తున్న కొందరు వ్యక్తులు తమను తాము పాలస్తీనియన్లుగా గుర్తించవచ్చు.

1968 నాటి పాలస్తీనియన్ నేషనల్ చార్టర్, (ఆధునిక పాలస్తీనా జాతీయవాదానికి ఆధారమైన సైద్ధాంతిక పత్రం), పాలస్తీనియన్ల అరబ్ గుర్తింపును నొక్కి చెప్పింది 

పాలస్తీనియన్ నేషనల్ చార్టర్ యొక్క ఆర్టికల్ 5 ఇలా చెబుతోంది: “పాలస్తీనియన్లు అంటే 1947 వరకు, పాలస్తీనా నుండి తొలగించబడినా లేదా అక్కడే ఉండిపోయినా అనేది సంబంధం లేకుండా సాధారణంగా పాలస్తీనాలో నివసించే అరబ్ జాతీయులు. ఆ తేదీ తర్వాత, పాలస్తీనా తండ్రికి జన్మించిన ఎవరైనా - పాలస్తీనా లోపల లేదా దాని వెలుపల - కూడా పాలస్తీనియన్."

చాలా మంది - అందరూ కానప్పటికీ – పాలస్తీనా ప్రాంతంలోని అరబ్బులు ముస్లింలు, పాలస్తీనియన్ నేషనల్ చార్టర్ పాలస్తీనాను మత పరంగా నిర్వచించలేదు.

పాలస్తీనియన్ నేషనల్ చార్టర్ ఆర్టికల్ 6 ఇలా చెబుతోంది: "జియోనిస్ట్ దండయాత్ర ప్రారంభమయ్యే వరకు సాధారణంగా పాలస్తీనాలో నివసించిన యూదులు పాలస్తీనియన్లుగా పరిగణించబడతారు." అయినప్పటికీ, 1948 తర్వాత చాలా కొద్ది మంది స్థానిక యూదులు నూతన ఇజ్రాయెల్ కంటే తమ పాలస్తీనియన్ గుర్తింపును కొనసాగించాలని ఎంచుకున్నారు.

నేటి పాలస్తీనియన్లలో అత్యధికులు సున్నీ ముస్లింలు. సెంట్రల్ ఇంటెలిజెన్స్ ఏజెన్సీ(CIACIA) ప్రచురించిన డేటా ప్రకారం, వెస్ట్ బ్యాంక్‌లోని జనాభాలో 80-85 శాతం మరియు గాజా స్ట్రిప్‌లో 99 శాతం జనాభా ముస్లింలు

పాలస్తీనా ప్రాంతాలలో యూదులు అతిపెద్ద మతపరమైన మైనారిటీ వర్గీయులు  మరియు పాలస్తీనా-వెస్ట్ బ్యాంక్‌లోని ఆక్రమిత భూభాగాల్లో ఉన్న జియోనిస్ట్ సెటిలర్లు 12-14 శాతం వరకు ఉన్నారు.

CIA ప్రకారం, క్రైస్తవులు పాలస్తీనా జనాభాలో 2.5 శాతం ఉన్నారు, కొన్ని ఇతర అంచనాల ప్రకారం వారి సంఖ్య జనాభాలో 6 శాతంగా ఉంది.

వెస్ట్ బ్యాంక్ మరియు గాజా రెండూ ప్రాంతాలు అనేక సహస్రాబ్దాలుగా మనుగడ సాగిస్తున్న క్రైస్తవ సంఘాలకు నిలయంగా ఉన్నాయి.

 

 మూలం:  ది ఇండియన్ ఎక్స్‌ప్రెస్, 19-10-2023