డాక్టర్ రోషన్ జహాన్ షేక్: ప్రతికూలతను ధైర్యసాహసాలతో ఎదిరించిన వనిత Dr. Roshan Jahan Sheikh: An Woman Turning Adversity into an Extraordinary Journey of Courage

 

 

ముంబై, మహారాష్ట్ర:

 

రెండు కాళ్లు కోల్పోవడం, ఆర్థికంగా ఇబ్బందులు పడుతున్న కుటుంబం నుండి MBBS డాక్టర్‌గా, MD పాథాలజిస్ట్‌గా, ప్రేరణా వక్తగా, అవార్డులు గెలుచుకున్న వ్యక్తిగా డాక్టర్ రోషన్ షేక్ ప్రయాణం  అద్భుతం.

డాక్టర్ రోషన్ షేక్ ఇప్పుడు విద్యా రంగంలో ఒక ప్రముఖ పేరుగా, వేలాది మంది విద్యార్థులకు స్ఫూర్తిగా నిలుస్తున్నారు. డాక్టర్ రోషన్ షేక్ ను అస్సాంలోని మౌలానా అజ్మల్ విద్యా సంస్థ, కర్ణాటకలోని బీదర్‌లో ఉన్న షాహీన్ గ్రూప్ ఆఫ్ ఇన్‌స్టిట్యూషన్స్, ముంబైలోని అంజుమన్-ఎ-ఇస్లాం, ఇంకా మహారాష్ట్ర మరియు ఉత్తర ప్రదేశ్‌లోని డజన్ల కొద్దీ ఇతర ప్రతిష్టాత్మక సంస్థలు ప్రత్యేకంగా ఆహ్వానిస్తున్నాయి.

ముంబైలో సామాన్య ఆర్ధిక శక్తీ కుటుంబంలో జన్మించిన రోషన్ జహాన్, డాక్టర్ కావాలని కలలు కన్నారు. రోషన్ జహాన్ పదకొండవ తరగతిలో ఉన్నప్పుడు జరిగిన ఒక ఘోర రైలు ప్రమాదంలో తన రెండు కాళ్లను కోల్పోవడంతో మూడు నెలలకు పైగా మంచానికే పరిమితమైంది.

నాలుగో తరగతి వరకు మాత్రమే చదువుకున్న రోషన్ జహాన్ ను తల్లి, తదుపరి విద్యాబ్యాసం కోసం వీల్‌చైర్‌లో పాఠశాలకు తీసుకువెళ్ళేది. తీవ్రమైన శారీరక, ఆర్థిక ఇబ్బందులు ఉన్నప్పటికీ, రోషన్ జహాన్ 12వ తరగతిని పూర్తి చేసి, రాష్ట్ర వైద్య ప్రవేశ పరీక్షలో దివ్యాంగుల విభాగంలో మూడవ ర్యాంకును సాధించింది.

అయితే, రోషన్ జహాన్ వైకల్యం 96 శాతంగా నిర్ధారించబడటంతో వైద్య ప్రవేశం నిరాకరించబడినప్పుడు పోరాటం కొనసాగింది. ఎందుకంటే, అప్పటి నిబంధనల ప్రకారం 70 శాతానికి పైగా వైకల్యం ఉన్న అభ్యర్థులకు మాత్రమే ప్రవేశం పరిమితం చేయబడింది. తన కలను సాకారం చేసుకోవాలనే పట్టుదలతో, రోషన్ జహాన్ 2011లో ఆర్థోపెడిక్ సర్జన్ డాక్టర్ సంజయ్ కోఠారియా, న్యాయవాది పి.బి. పాటిల్ మద్దతుతో బొంబాయి హైకోర్టును ఆశ్రయించింది. కోర్టు రోషన్ జహాన్ సామర్థ్యాలను గుర్తించి, వైద్య విద్యను అభ్యసించడానికి అనుమతించింది.

ఆ తర్వాత రోషన్ జహాన్ ముంబైలోని కెఇఎం మెడికల్ కాలేజీలో ప్రవేశం పొందింది. 2016లో తన MBBS పూర్తి చేసి, ఆ తర్వాత రోషన్ జహాన్ 2021లో ముంబై నుండి పాథాలజీలో MD పట్టా పొందారు.

 విద్యా పొందడం లో చాలా  మంది రోషన్ జహాన్ కుసహాయం చేసారు.. కాంగ్రెస్ ఎమ్మెల్యే అమీన్ పటేల్ వైద్య విద్యకు ఆర్థిక సహాయం చేయగా, పోస్ట్ గ్రాడ్యుయేట్ చదువులు అభ్యసించడంలో ఇబ్బందులు ఎదుర్కొన్నప్పుడు బీజేపీ ఎంపీ కిరీట్ సోమయ్య రోషన్ జహాన్ కు అండగా నిలిచారు.

MD పూర్తి చేసిన తర్వాత, రోషన్ కన్సల్టెంట్ పాథాలజిస్ట్ మరియు సైటోపాథాలజిస్ట్‌గా పనిచేశారు. 2022 అక్టోబర్ 28న రోషన్ జహాన్ ముంబైకి చెందిన వ్యాపారవేత్త సల్మాన్ అబ్దుల్ లతీఫ్‌ను వివాహం చేసుకుని, 2026లో తల్లి అయ్యారు.

రోషన్ జహాన్ ప్రేరణా వక్తగా కూడా మారి, మహారాష్ట్ర, కర్ణాటక మరియు ఇతర రాష్ట్రాల్లోని విద్యాసంస్థలకు పర్యటిస్తూ, తన జీవిత కథతో వేలాది మంది విద్యార్థులను ప్రేరేపించారు.

రోషన్ జహాన్ సాధించిన విజయాలకు జాతీయ స్థాయిలో హిందుస్థాన్ టైమ్స్ ఉమెన్ ఆఫ్ ది ఇయర్ అవార్డు (2018)తో సహా అనేక ప్రతిష్టాత్మక పురస్కారాలు లభించాయి. ఇతర గుర్తింపులలో శూర్వీర్ అవార్డు, భారత్ ప్రేరణ అవార్డు, బాంబే హైకోర్టు నుండి శౌర్యం మరియు ధైర్యసాహసాలకు అవార్డు, ఇంక్లాబ్ అవార్డు, గల్లీ న్యూస్ గ్రిఫిన్ అవార్డ్ ఫర్ ఉమెన్ ఇంపాక్ట్, కావిన్‌కేర్ ఎబిలిటీ అవార్డు, డాక్టర్ ఏ.పి.జె. అబ్దుల్ కలాం అవార్డు, సాహస్ ఎబిలిటీ అవార్డు, మైక్రోసాఫ్ట్ బ్రేవరీ అవార్డు మరియు టాటా నుండి సబల్ అవార్డు వంటి అనేక పురస్కారాలను రోషన్ జహాన్ అందుకున్నారు.

డాక్టర్ రోషన్ జహాన్ షేక్ ప్రతికూలతను ఒక లక్ష్యంగా మార్చుకున్నారు. శారీరక పరిమితులు మానవ కలలను పరిమితం చేయవని, ధైర్యం, విద్య మరియు పట్టుదల అసాధ్యంగా కనిపించే లక్ష్యాలను కూడా సాకారం చేయగలవని రోషన్ జహాన్ జీవితం ఒక శక్తివంతమైన సందేశంగా నిలుస్తుంది.

మూలం: ముస్లిం మిర్రర్, 8 సెప్టెంబర్ 2026