30 November 2021

మాటీల్ మొఘన్నమ్, "ది పాలస్తీనియన్ గాంధీ Matiel Moghannam, “The Palestinian Gandhi

 


.

మాటీల్ టూమీ మొఘన్నమ్ Matiel Toomey Moghannam (ఫిబ్రవరి 15, 1899 - ఆగష్టు 11, 1992) బ్రిటిష్ మాండేట్ (Mandate) సమయంలో పాలస్తీనా మహిళా ఉద్యమంలో ముఖ్యమైన వ్యక్తి. లెబనాన్‌లో జన్మించిన ఆమె చిన్నతనంలో యునైటెడ్ స్టేట్స్‌కు వెళ్లినది. 1920లలో పాలస్తీనాలోని జెరూసలేంకు వెళ్లి, అక్కడ ప్రముఖ న్యాయవాది మరియు నేషనల్ డిఫెన్స్ పార్టీ సభ్యుడైన మొఘన్నమ్ ఎలియాస్ మొఘన్నమ్‌ Moghannam Elias Moghannam ను వివాహం చేసుకుంది.

1929లో, అల్-బురాక్ (పశ్చిమ గోడ) అల్లర్ల తర్వాత, మాటీల్ పాలస్తీనా మహిళా ఉద్యమంలో క్రియాశీలకంగా మారారు మరియు అరబ్ ఉమెన్స్ ఎగ్జిక్యూటివ్ మరియు అరబ్ ఉమెన్స్ అసోసియేషన్- జాతీయవాద, స్త్రీవాద సంస్థలు రెండింటిలోనూ వాహిదా అల్-ఖలిదీతో కలిసి సహ వ్యవస్థాపకురాలు అయింది.. వారి ప్రాథమిక ఉద్దేశ్యాలు బాలికల విద్యను మరియు మహిళల సామాజిక మరియు ఆర్థిక స్థితిని ప్రోత్సహించడం. మాటిల్ మరియు వాహిదా అల్-ఖలిదీ బ్రిటిష్ మాండేట్ ను నిరసించారు మరియు పాలస్తీనా జాతీయ వాదానికి మద్దతును ఇచ్చారు.

 తారాబ్ అబ్ద్ అల్-హదీతో కలిసి, మాటీల్ పాలస్తీనా అరబ్ మహిళల మొదటి కాంగ్రెస్‌ను నిర్వహించాడు మరియు అక్టోబర్ 1929లో, హైకమిషనర్ లార్డ్ ఛాన్సలర్‌తో సమావేశమైన పాలస్తీనా మహిళా ప్రతినిధి బృందం యొక్క మొదటి ఇద్దరు అధికారిక ప్రతినిధులు అయ్యారు.

15 ఏప్రిల్ 1933న పవిత్ర స్థలాలకు అరబ్ మహిళల అహింసా మార్చ్ సందర్భంగా మాటీల్ మసీదు ఆఫ్ ది డోమ్ ఆఫ్ ది రాక్ వద్ద కూడా మాట్లాడారు.మాటీల్ "ది అరబ్ ఉమెన్ అండ్ ది పాలస్తీనియన్ ప్రాబ్లమ్" (లండన్: హెర్బర్ట్ జోసెఫ్, 1937) రచించారు.

1938లో, ప్రముఖ స్త్రీవాది హుదా షరావి నేతృత్వంలో కైరోలో జరిగిన మొదటి అరబ్ మహిళా కాంగ్రెస్‌లో మాటీల్ పాల్గొంది.

1939లో, మాటియల్ రమల్లాలో రిలీఫ్, చారిటి  కార్యకలాపాలను అందించడానికి మరియు మహిళలకు కుట్టు మరియు ఎంబ్రాయిడరీ వర్క్‌షాప్‌లను అందించడానికి మాటీల్ అరబ్ ఉమెన్స్ యూనియన్ సొసైటీని స్థాపించారు,

1980లో, మాటీల్ USAలోని వర్జీనియాకు తిరిగి వచ్చింది, మాటిల్ 1992లో గుండె పోటు తో మరణించింది.

 

No comments:

Post a Comment