ఈద్ రోజున గోహత్యకు వ్యతిరేకంగా ముస్లిం మేధావి వర్గం ఎప్పుడూ ప్రచారం చేసింది Muslims intelligentsia always campaigned against Cow slaughter on Eid

 

 “ఇస్లాం, గోవును బలివ్వాలని పట్టుబట్టదు మరియు హిందువుల మతపరమైన భావాలను గౌరవిస్తూ ముస్లింలు దానిని విడిచిపెట్టాలి. హిందువులను ద్వేషించడం కోసం గోవులను బలి ఇచ్చే ముస్లింలు ఇతరుల భావాలను గౌరవించాలనే ఇస్లాం యొక్క చాలా పవిత్రమైన భావనను ఉల్లంఘిస్తున్నారు”.

1912లో ఈద్ ఉల్-అజా (బక్రా-ఈద్) రోజున అయోధ్యలో అల్లర్లు చెలరేగిన తర్వాత ఈ మాటలు గోరఖ్‌పూర్‌కు చెందిన హకీమ్ అబ్దుల్ కరీం ఖాన్ ఉర్దూ దినపత్రిక “మష్రిక్‌” లో రాశారు.

హిందువులు మరియు ముస్లింలకు గోవులు పవిత్రమైనవి, శతాబ్దాలుగా ముస్లిములు గోవులను చంపడం మానేశారు. ఉలేమాతో పాటు మెజారిటీ ముస్లిం పాలకులు కూడా ఈద్ ఉల్-అజా రోజున గోహత్యను పూర్తిగా లేదా పాక్షికంగా నిషేధించారు. ముస్లింలు ఆహారం కోసం మటన్ మరియు ఇతర జంతువులను తింటారు కానీ హిందువులు పూజించే ఆవులను ముట్టుకోరు.

బ్రిటీష్ కాలంలో, యూరోపియన్లు గొడ్డు మాంసం కోసం గోవధను ప్రోత్సహించారు. ఉలేమాతో సహా చాలా మంది విద్యావంతులైన ముస్లింలు గోవధ నుండి ప్రజలను ఆపారు.

1910లో కోల్‌కతాలో ఈద్ ఉల్-అజా రోజున హిందూ-ముస్లిం అల్లర్లు చెలరేగాయి. కోల్‌కతాకు చెందిన “సూరత్-ఇ-ముస్తకీమ్” అనే ఉర్దూ దినపత్రిక, గోహత్య చేయవద్దని ముస్లింలను కోరింది, ఎందుకంటే ఇది బ్రిటీష్ వారికి మాత్రమే సహాయం చేస్తుండి.

 

“సూరత్-ఇ-ముస్తకీమ్” వార్తాపత్రిక ఇలా సంపాదకుడు రాశారు :బెంగాల్‌లో హిందువులు ప్రారంభించిన జాతీయవాద ఉద్యమంలో ముస్లింలు చేరడoతో  బ్రిటిష్ వారు భయపడ్డారు మరియు హిందూ-ముస్లిం రెండు వర్గాల మధ్య శత్రుత్వానికి బీజాలు నాటారు. గోహత్యకు పాల్పడుతున్న ముస్లింలు పెయిడ్ బ్రిటీష్ తొత్తులు అని పత్రిక పేర్కొంది.

1912లో నాగ్‌పూర్‌కు చెందిన “మార్వాడీ” అనే హిందీ వార్తాపత్రిక ఆవులను చంపడం మానేసినందుకు ముస్లిం సమాజానికి కృతజ్ఞతలు తెలుపుతూ ఒక కథనాన్ని ప్రచురించింది మరియు భారతదేశం మొత్తం ఈ నమూనాను అనుసరించాలని కోరింది.

దక్షిణ భారతదేశంలోని ఆంగ్ల దినపత్రిక “ఇండియన్ పేట్రియాట్” గోహత్యకు దూరంగా ఉన్నందుకు ముస్లింలను ప్రశంసించింది. విద్యావంతులైన ముస్లింల కృషి ప్రజలకు చేరువ కావాలని ఆకాంక్షించినది.

మౌల్వీ అక్బర్ ఖాన్ మరియు అక్రమ్ ఖాన్ కోల్‌కతా ఆధారిత దినపత్రిక “మహమ్మదీ” సంపాదకీయంలో 1912 ఈద్ ఉల్-అజాకు ముందు, గోవధ చేయవద్దని ముస్లింలకు విజ్ఞప్తి చేశారు. ఆవులను వధించడం ద్వారా ముస్లింలు తమ హిందూ పొరుగువారి మనోభావాలను గాయపరచకూడదని వారు రాశారు. ఇతర మతాల అనుచరుల మనోభావాలను దెబ్బతీయవద్దని దివ్య ఖురాన్ ముస్లింలకు బోధించిందని, గోవధ  ఇస్లాంలో భాగం కాదని కూడా వారు రాశారు.

డైలీ భారత్ మిత్ర అనే బెంగాలీ వార్తాపత్రిక కూడా 1912లో ఈద్ ఉల్-అజాకు ముందు గోవధ ను నిషేధించినందుకు ముర్షిదాబాద్ నవాబ్‌కు కృతజ్ఞతలు తెలుపుతూ ఒక కథనాన్ని ప్రచురించింది.

విద్యావంతులు మరియు వలసవాద వ్యతిరేక ముస్లింలు ఎల్లప్పుడూ గోహత్యను వ్యతిరేకించారని ఈ ఉదాహరణలు చూపిస్తున్నాయి. అలాంటప్పుడు అది వివాదాస్పద అంశంగా ఎందుకు మిగిలిపోయింది? ఎందుకంటే బ్రిటీష్ వారికి బీఫ్ (గొడ్డు మాసం)ప్రధానమైనది కాబట్టి గోవధ అవసరం.

1920 నాటి అధికారిక నివేదిక ప్రకారం బ్రిటిష్ సైన్యం బీఫ్ కొరత పై చాలా ఆందోళన చెందింది, ఎందుకంటే భారతీయులు బ్రిటిష్ వారిని కంటోన్మెంట్లలో ఆవులను వధించనివ్వలేదు. ముస్లిం నవాబులు కూడా తమ అధికార పరిధిలో దీన్ని అనుమతించలేదు.

ఇస్లాంలోని మాలసూత్రాలకు విరుద్ధo కానంతవరకు ఇతరుల మతపరమైన భావాలను దెబ్బతీయడం అనుమతించబడదని మరియు గోవధ తప్పనిసరి కాదని ఉలేమా ఎల్లప్పుడూ నొక్కి చెబుతారు.