HPS శతాబ్ది ఉత్సవం – జాగీర్దార్స్ కళాశాల నుండి హైదరాబాద్ పబ్లిక్ స్కూల్ వరకు HPS Centennial Celebration – From Jagirdars’ College to Hyderabad Public School

 

హైదరాబాద్ లోని బేగంపేట ప్రధాన రహదారిపై చూడవలసిన అద్భుతమైన కట్టడం హైదరాబాద్ పబ్లిక్ స్కూల్/HPS. 1923లో H.E.H నవాబ్ మీర్ ఉస్మాన్ అలీ ఖాన్, అసఫ్ జా VII, హైదరాబాద్ స్టేట్ పాలకుడు హయాంలో ప్రారంభమైన ప్రఖ్యాత హైదరాబాద్ పబ్లిక్ స్కూల్ నిజానికి జాగీర్దార్స్ కాలేజీ. హైదరాబాద్ పబ్లిక్ స్కూల్/HPS పాఠశాల భారతదేశంలోని అత్యుత్తమ దిగువ విద్యాసంస్థల్లో ఒకటిగా గుర్తించబడింది.

జాగీర్దార్స్ కాలేజీని ఫ్యూడల్ ఉన్నత వర్గాల కోసం పూర్తి రెసిడెన్షియల్ స్కూల్‌గా ఈటన్ కాలేజీ తరహాలో గౌరవనీయులైన హెచ్ వీక్‌ఫీల్డ్, కోర్ట్ ఆఫ్ వార్డ్స్ డైరెక్టర్ జనరల్ సలహా మేరకు H.E.H.  నవాబ్ మీర్ ఉస్మాన్ అలీ ఖాన్, అసఫ్ జా VII, స్థాపించారు. 1952లో జాగీర్దార్స్ కాలేజీ పేరు హైదరాబాద్‌ పబ్లిక్ స్కూల్ గా మార్చబడింది.

జాగీర్దార్స్ కాలేజీ/HPS భవన రూపకల్పన చేసిన ఘనత బ్రిటిష్ వాస్తుశిల్పి అయిన విన్సెంట్ ఎస్చ్‌కి చెందుతుంది. విద్యావేత్తగా ఖ్యాతిని కలిగి ఉన్న కురువిల్లా జాకబ్ హైదరాబాద్‌ పబ్లిక్ స్కూల్  ప్రిన్సిపాల్‌గా (1962-69) పనిచేసి దేశంలోని అన్ని ప్రాంతాల విద్యార్థులను ఆకర్షిస్తూ హైదరాబాద్‌ పబ్లిక్ స్కూల్  ను దేశంలోని ప్రముఖ విద్యా సంస్థల్లో ఒకటిగా మార్చారు.

హైదరాబాద్‌ పబ్లిక్ స్కూల్, విస్తీర్ణం లో  వాటికన్ కంటే పెద్దదని అంటారు. హైదరాబాద్‌ పబ్లిక్ స్కూల్ ప్రతి క్రీడకు ప్రత్యేకస్థలంతో కూడిన విశాలమైన అతి పెద్ద మైదానాన్ని కలిగి ఉంది. అసఫ్ జాహి మరియు పైగా కుటుంబానికి చెందిన ప్రముఖులు హైదరాబాద్‌ పబ్లిక్ స్కూల్ కోసం చాలా భూమిని విరాళంగా ఇచ్చారు. 1980లో హైదరాబాద్‌ పబ్లిక్ స్కూల్, కో-ఎడ్యుకేషన్ స్కూల్ గా మారింది.

సత్య నాదెళ్ల-సీఈఓ, మైక్రోసాఫ్ట్, శైలేష్ జెజురికర్- గ్లోబల్ ప్రెసిడెంట్, ప్రొక్టర్ & గాంబుల్, హర్ష భోగ్లే- జర్నలిస్ట్ & క్రికెట్ వ్యాఖ్యాత, కిరణ్ కుమార్ రెడ్డి- మాజీ ముఖ్యమంత్రి, ఉమ్మడి ఆంధ్రప్రదేశ్, వైఎస్ జగన్ మోహన్ రెడ్డి- ముఖ్యమంత్రి, ఆంధ్రప్రదేశ్, రానా దగ్గుబాటి - తెలుగు సినీ నటుడు, సయ్యద్ అక్బరుద్దీన్- ఐక్యరాజ్యసమితిలో భారత శాశ్వత ప్రతినిధి, TK కురియన్- CEO, WIPRO, తలత్ అజీజ్- ప్రఖ్యాత గజల్ గాయకుడు మరియు వివిధ రంగాలలో ఎందరో ప్రముఖులు హైదరాబాద్‌ పబ్లిక్ స్కూల్ పూర్వ విద్యార్ధులు.

హైదరాబాద్‌ పబ్లిక్ స్కూల్ మొటో/నినాదం “అప్రమత్తంగా ఉండండి” మరియు HPS ఎంబ్లెమ్/చిహ్నంగా ఎగిరే  “షాహీన్” కలదు. హైదరాబాద్‌ పబ్లిక్ స్కూల్ కు గర్వకారణంగా HPS పూర్వ విద్యార్థులు-బహుళజాతి కంపెనీల CEOలు, అధికారం చెలాయించే రాజకీయ నాయకులు, ప్రశంసలు పొందిన విధాన నిర్ణేతలు, ఉన్నత స్థాయి అధికారులు, ప్రభావవంతమైన రచయితలు మరియు పాత్రికేయులు, ప్రతిభావంతులైన కళాకారులు మొదలైనవారు నిలిచారు.  

హైదరాబాద్‌ పబ్లిక్ స్కూల్ శతాబ్ది సంవత్సరంలో ఉన్నందున, ఈ సంవత్సరం మొత్తం షెడ్యూల్ చేయబడిన ముఖ్యమైన కార్యక్రమాలతో వేడుకలు ప్రారంభించబడ్డాయి. 31, మార్చి 23న  ఒలింపిక్ సైజు స్విమ్మింగ్ పూల్ ప్రారంభోత్సవం జరిగింది. స్విమ్మింగ్ పూల్ కాంప్లెక్స్‌లో ఒకేసారి 1000 మందికి వసతి కల్పించవచ్చు. హైదరాబాద్‌ పబ్లిక్ స్కూల్/HPS దేశంలో ఒలింపిక్ స్టాండర్డ్ స్విమ్మింగ్ పూల్‌ను కలిగి ఉన్న మొదటి పాఠశాల మరియు విన్యాస మరియు కళాత్మక స్విమ్మింగ్ సూచనలను acrobatic and artistic swimming instruction కూడా అందిస్తుంది. హైదరాబాద్‌ పబ్లిక్ స్కూల్/HPS  పూర్వ విద్యార్థుల ఉదార ​​విరాళాలతో ఇదంతా సాధ్యమైంది.

హైదరాబాద్‌ పబ్లిక్ స్కూల్/HPS ప్రత్యేకత  దాని గొప్ప చరిత్ర, ఉన్నత స్థాయి విద్య, సాటిలేని సహ-పాఠ్య కార్యకలాపాలు, ఎన్‌సిసి మరియు అనేక రకాల క్రీడా కార్యకలాపాలు మాత్రమే కాకుండా దాని విద్యార్థులు  కష్టతరమైన పరీక్ష మరియు సవాళ్లను నిర్ణయాత్మకంగా ఎదుర్కోవడం మరియు మనుగడ సామర్థ్యాన్ని పెంపొందించే సామర్థ్యం కలిగి ఉండటం కూడా..

హైదరాబాద్‌ పబ్లిక్ స్కూల్/HPS తన విద్యార్థులలో నిర్ణయాన్ని తీసుకునే విశ్వాసాన్ని, సామర్ద్యాన్ని  కలిగిస్తుంది. గ్లోబల్ లీగ్ ఇన్‌స్టిట్యూట్ వారి 'చదువుకోవడానికి గొప్ప ప్రదేశాల' జాబితాలో హైదరాబాద్‌ పబ్లిక్ స్కూల్/HPS ఎంపికైంది.  హైదరాబాద్‌ పబ్లిక్ స్కూల్/HPS అంతర్జాతీయ వేదికపై మంచి పేరు తెచ్చుకోవడానికి కళాశాల ఎంబ్లెమ్ అయిన “షాహీన్” విశ్వం యొక్క వినువీధుల్లో ఎగురుతూనే ఉంటుంది.