ఇబ్రహీం ఖలీలీ మసీదు Ibrahim Khalili Mosque

 

 

 

ఆక్రమిత వెస్ట్ బ్యాంక్‌లోని హెబ్రోన్‌లోగల  ఇబ్రహీం ఖలీలీ మసీదును ముస్లింలు, యూదులు మరియు క్రైస్తవులు అందరూ పవిత్ర స్థలంగా భావిస్తారు, ఎందుకంటే ఇది మూడు మతాల (ముస్లింలు, యూదులు మరియు క్రైస్తవులు) పితామహుడైన ప్రవక్త అబ్రహాం జన్మస్థలం.

ఇబ్రహీం ఖలీలీ మసీదు 1,400 సంవత్సరాలకు పైగా పాలస్తీనియన్ల పరిపాలనలో మసీదుగా ఉపయోగించబడుతోంది. ఇబ్రహీం ఖలీలీ మసీదులో ప్రవక్త ఇబ్రహీం, అతని భార్య సారా, వారి కుమారుడు ఐజాక్, మనవడు జాకబ్ మరియు వారి భార్యలు రెబెక్కా, లీయా అవశేషాలు ఉన్నాయి.

మస్జిద్ అల్ అక్సా నుండి సుమారు ముప్పై కిలోమీటర్ల దూరంలో ఉన్న ఇబ్రహీం ఖలీలీ మసీదు, సారవంతమైన మరియు పచ్చని ప్రకృతి దృశ్యాలకు ప్రసిద్ధి చెందిన ప్రాంతంలో, ఇస్లామిక్ ప్రపంచంలోని ముఖ్యమైన ప్రదేశాలలో ఒకటి.

హరమ్ అల్-ఇబ్రహీం అని కూడా పిలువబడే హెబ్రోన్‌ నగరం, పాలస్తీనాలో ప్రవక్త ఇబ్రహీం స్థిరపడిన ప్రదేశంగా గుర్తించబడింది. మక్కాలోని అల్-మస్జిద్ అల్-హరామ్, మదీనాలోని అల్-మస్జిద్ అల్-నబవి మరియు అల్-మస్జిద్ అల్-అక్సా తర్వాత, ఇస్లామిక్ ప్రపంచంలో ఇది నాల్గవ అత్యంత పవిత్రమైన మసీదుగా పరిగణించబడుతుంది.

మక్కా మరియు మదీనాలను హరమైన్ అని పిలిచినట్లే, అల్-ఖుద్స్ మరియు అల్-ఖలీల్‌లను కూడా అదే పేరుతో పిలుస్తారు. హెబ్రోన్‌ నగరం పేరు, 'ఖలీల్ అల్-రహ్మాన్' (అత్యంత దయగలవాని స్నేహితుడు) అనే బిరుదుతో గౌరవించబడిన ప్రవక్త ఇబ్రహీంను నుండి వచ్చింది. ఖురాన్‌లో అత్యంత తరచుగా ప్రస్తావించబడిన ప్రవక్తలలో ప్రవక్త ఇబ్రహీం ఒకరు. ప్రవక్త అబ్రహాం హెబ్రోన్‌లో ఖననం చేయబడ్డారు.

 ఇస్లాంలో ప్రవక్త ఇబ్రహీం (అబ్రహాం)ను ఖలీల్-అల్లాహ్ అని పిలుస్తారు, దీని అర్థం "దేవుని స్నేహితుడు" లేదా "అల్లాహ్ యొక్క ఉత్తమ స్నేహితుడు". ఖురాన్ (4:125) ప్రత్యేకంగా ఇలా పేర్కొంది: తీవ్రమైన పరీక్షల సమయంలో కూడా ఇబ్రహీం చూపిన అచంచలమైన విశ్వాసం, నమ్మకం మరియు విధేయత కారణంగా అల్లాహ్ ఆయనను తన సన్నిహిత మిత్రునిగా స్వీకరించాడు

క్రీ.పూ. 1వ శతాబ్దానికి చెందిన పునాదులు గల ఇబ్రహీం ఖలీలీ మసీదు నిర్మాణం, ఒక స్మారక కట్టడంగా నేటికీ దాదాపు పూర్తిగా చెక్కుచెదరకుండా నిలిచి ఉంది. సుమారు 1.8 మీటర్ల మందం మరియు ఏడు మీటర్ల పొడవు వరకు ఉండే భారీ రాతి దిమ్మెలతో నిర్మించిన పునాది గోడలు, ఇబ్రహీం ఖలీలీ మసీదు కట్టడానికి ఒక స్మారక చిహ్నం వంటి రూపాన్ని ఇస్తాయి.