గ్రనడా పతనం Fall of Granada

 

  

చరిత్రలో ఒక పుట

స్పెయిన్‌ను ముస్లింల నుండి తిరిగి స్వాధీనం చేసుకోవడానికి క్రైస్తవ రాజ్యాలు శతాబ్దాలుగా చేసిన పోరాటమే 'రికాన్కిస్టా'. 13వ శతాబ్దం నాటికి గ్రెనడా మాత్రమే స్పెయిన్ లోని చివరి ముస్లిం రాజ్యంగా మిగిలింది

15వ శతాబ్దం చివరిలో, హిస్పానియా (స్పెయిన్)లోని చివరి మూరిష్ (ముస్లిం) కోట అయిన గ్రనడా పతనమైంది. గ్రెనడా పతనం (Fall of Granada) అనేది ఐబీరియన్ ద్వీపకల్పంలో (ప్రస్తుత స్పెయిన్) సుమారు 800 సంవత్సరాల ముస్లిం (మూర్స్) పాలనకు ముగింపు పలికిన ఒక చారిత్రాత్మక ఘట్టం.

1492 జనవరి 2న గ్రెనడా ఎమిరేట్ చివరి ముస్లిం పాలకుడైన సుల్తాన్ ముహమ్మద్ XII (బోయాబ్దిల్), స్పానిష్ కాథలిక్ రాజులైన ఫెర్డినాండ్ II, ఇసాబెల్లా I లకి లొంగిపోవడంతో గ్రెనడా  నగరం క్రైస్తవుల వశమైంది

దీంతో అక్కడ 750 ఏళ్ల ముస్లిం పాలన ముగిసి, క్రైస్తవుల ఎదుగుదలకు దారితీసింది. ఆ తర్వాత క్రైస్తవులు ముస్లింలపై అనేక దారుణాలకు పాల్పడ్డారు, సామూహిక హత్యలు చేశారు, మరియు క్రైస్తవ మతంలోకి మారడమో లేదా దేశం విడిచి వెళ్ళడమో చేయాలని ఆదేశాలు జారీ చేశారు. మతం మారడానికి నిరాకరించిన వారు తొలగింపు, సామాజిక బహిష్కరణ, దేశ బహిష్కరణ, చిత్రహింసలు, చివరికి హత్యలను కూడా ఎదుర్కొన్నారు.

వేలాది మంది ముస్లింలు చంపబడ్డారు, మరియు లక్షలాది మంది కత్తి మొనపై క్రైస్తవ మతంలోకి మార్చబడ్డారు. క్రైస్తవ దాడులకు ముస్లింలు మాత్రమే బాధితులు కాలేదు, ముస్లింల రక్షణలో నివసిస్తున్న యూదులు కూడా క్రైస్తవ హింసకు బలి అయ్యారు. చివరికి, ముస్లింలు మరియు యూదులు వలస వెళ్లాలని భావించారు.

ఒట్టోమన్ సామ్రాజ్యపు సుల్తాన్ బయాజిద్, స్పెయిన్ నుండి బహిష్కరించబడిన యూదులకు మరియు ముస్లింలకు పూర్తి గౌరవ మర్యాదలతో ఆశ్రయం కల్పించారు. స్పెయిన్ నుండి వలసదారులను తిరిగి తీసుకురావడానికి అడ్మిరల్ కమల్ రైస్ నాయకత్వంలో ఒక పెద్ద నౌకాదళాన్ని స్పానిష్ తీరానికి పంపారు. లక్షలాది మంది ప్రజలను అక్కడి నుండి వెనక్కి తీసుకువచ్చి ఒట్టోమన్ సామ్రాజ్యంలో గృహవసతి కల్పించారు. స్పెయిన్ నుండి ముస్లింలచే సజీవంగా రక్షించబడిన యూదుల సంఖ్య 1,50,000.

ఇబ్రహీం (అ.స.) మరియు ప్రవక్త యాకూబ్ (అ.స.) ప్రజలను రక్షించే బాధ్యతను అల్లా తనకు అప్పగించాడని సుల్తాన్ బాయెజిద్ II విశ్వసించారు. యూదులను ఉద్దేశించి ప్రసంగిస్తున్నప్పుడు సుల్తాన్ బాయెజిద్ ఈ విషయాన్ని ప్రస్తావించారు.

సుల్తాన్ బాయెజిద్II తాత అయిన మురాద్II కుమారుడైన మహమ్మద్ II, రాజ్యాన్ని మరియు సైన్యాన్ని పునర్వ్యవస్థీకరించి, మే 29, 1453న కాన్స్టాంటినోపుల్‌ను జయించాడు. మహమ్మద్II అక్కడ ఆర్థడాక్స్ చర్చి యొక్క స్వయంప్రతిపత్తిని కొనసాగించాడు. దానికి ప్రతిగా, ఆర్థడాక్స్ ఆచర్చి ఒట్టోమన్ ఆధిపత్యాన్ని అంగీకరించింది. చాలా మంది ఆర్థడాక్స్ క్రైస్తవులు వెనీషియన్ పాలన కంటే ఒట్టోమన్ పాలననే ఇష్టపడ్డారు, ఎందుకంటే వారు అక్కడ మత స్వేచ్ఛను అనుభవించారు. అయితే, స్పెయిన్‌లో క్రైస్తవులు ముస్లింలకు ఏమి చేశారనేది రహస్యమేమీ కాదు.