క్విట్ ఇండియా ఉద్యమంలో బ్రిటిష్ వారు పౌరులపై బాంబులు వేశారు British bombed civilians during the Quit India Movement

 

 

భారతదేశంలో కాంగ్రెస్ మరియు ఇండియన్ నేషనల్ ఆర్మీ (INA) ప్రారంభించిన క్విట్ ఇండియా ఉద్యమం లేదా సింగపూర్‌లో సుభాష్ చంద్రబోస్ స్థాపించిన ఆజాద్ హింద్ ఫౌజ్ భారతదేశంలోని 'గ్రేట్ బ్రిటిష్ సామ్రాజ్యం' శవపేటికకు చివరి మేకుగా నిరూపించబడింది.

రెండవ ప్రపంచ యుద్ధం, భారతదేశం వెలుపల భారతీయ సైన్యాల సృష్టి(INA), INSరహస్య సాయుధ విప్లవ ఉద్యమాలు మరియు సామూహిక ఆందోళనలు వీటితో బ్రిటిష్ ప్రభుత్వ౦ మునుపెన్నడూ లేని విధంగా ప్రతిఘటనను ఎదుర్కొంది.  ఒక నిరంకుశుడు అధికారం పై పట్టు కోల్పోవడం ప్రారంభించినప్పుడు చాలా క్రూరత్వం వహిస్తాడు. బ్రిటీష్ వారు కూడా అందుకు భిన్నంగా లేరు. నిరాయుధులైన పౌరులపై హింసను ప్రయోగించారు., భారతీయ జనాభాపై జరిగిన ఈ దురాగతాలను నివేదించకుండా ఉండటానికి  ప్రెస్ సెన్సార్ విధించారు..

1945లో 2వ ప్రపంచ యుద్ధం ముగియడంతో కాంగ్రెస్ నాయకత్వం జైలు నుంచి విడుదలైంది. కాంగ్రెస్ నేతలు ఆగస్టు 9 నుంచి ‘స్వాతంత్య్ర వారోత్సవాలు’ పాటించారు. యునైటెడ్ ప్రావిన్స్ యొక్క కాంగ్రెస్, ఆగస్టు 9ని అమరవీరుల దినోత్సవంగా, ఆగస్ట్ 10ని రాజకీయ ఖైదీల దినోత్సవంగా, ఆగస్టు 11ని పౌరహక్కుల దినోత్సవంగా, ఆగస్టు 12ని విద్యార్థుల డిమాండ్ దినంగా, ఆగస్ట్ 13ని చరఖా ప్రదర్శన దినంగా, ఆగస్టు 14ని జాతీయ ఐక్యతా దినోత్సవంగా, ఆగస్టు 15ని అంటరానితనం వ్యతిరేక దినంగా జరుపుకోవాలని ప్రకటించింది..

స్వాతంత్ర్యం కోసం కాంగ్రెస్ నాయకత్వం బ్రిటిష్ ప్రభుత్వంతో బేరసారాలు సాగిస్తున్న సమయంలో, INA ట్రయల్స్ యువతలో దేశభక్తి రేకెత్తించాయి మరియు నేవీ, ఆర్మీ, ఎయిర్ ఫోర్స్ మరియు పోలీసులలోని  భారతీయ సైనికులు ఆజాద్ హింద్ ఫౌజ్‌కు బహిరంగంగా మద్దతు ఇస్తున్నారు.

ఇటువంటి పరిస్థితులలో “ది హిందూస్తాన్ టైమ్స్ (HT)” బ్రిటిష్ రాజ్ యొక్క ఒక హేయమైన మరియు అమానవీయ దృశ్యాన్ని ప్రపంచం ముందు బయటపెట్టి౦ది.. 9 ఆగస్ట్ 1945న, క్విట్ ఇండియా ఉద్యమంలో నిరాయుధ పౌరుల నిరసనలకు వ్యతిరేకంగా బ్రిటిష్ వారు వైమానిక దళాన్ని ఉపయోగించారని HT వెల్లడించింది. 1942, 43లో నిరసనకారులపై ‘గాలి బాంబు దాడులు‘air bombings’’ జరిగాయని “ది హిందూస్తాన్ టైమ్స్ (HT)” నివేదిక పేర్కొంది.

బ్రిటిష్ అధికారులు వెంటనే స్పందించారు. వైస్రాయ్ అదే రోజు ప్రతిస్పందిస్తూ సర్ ఫ్రాన్సిస్ ముడీ (క్విట్ ఇండియా ఉద్యమ సమయంలో బీహార్ ప్రభుత్వ సీనియర్ అధికారి మరియు గవర్నర్) కి వ్రాశారు, “H.E. (వైస్రాయ్) ఈ కథనాల గురించి తెలుసుకోవాలనుకుంటున్నారు. ప్రత్యేకించి ఎయిర్ బాంబింగ్ గురించి?,  వాస్తవంగా ఎయిర్ బాంబింగ్ జరగకపోతే, ఎయిర్ బాంబింగ్ అనే ప్రకటనను ఎడిటర్ బహిరంగంగా ఉపసంహరించుకోవాలని భావిస్తున్నారు”.

భారత ప్రభుత్వ కార్యదర్శి సర్ రిచర్డ్ టోటెన్‌హామ్, మరుసటి రోజు వైస్రాయ్ లార్డ్ వేవెల్‌కి హెచ్‌టి (HT) కి వ్యతిరేకంగా తక్షణ చర్య సాధ్యం కాదని చెప్పారు. ఆ లేఖలో, “ఈ కథనాలకు సంబంధించి హిందుస్థాన్ టైమ్స్‌ని విచారించడం సాధ్యం కాదని నేను భావిస్తున్నాను. C.Cని అడగవచ్చు. (కమాండర్ ఇన్ చీఫ్) కేసును అడ్వైజరీ కమిటీ ముందు ఉంచడానికి మరియు బహుశా, హిందుస్థాన్ టైమ్స్‌ను లిబర్టీ వీక్‌కి సంబంధించిన అన్ని ప్రచారాలకు సంబంధించి ప్రీ-సెన్సార్‌షిప్ ఆర్డర్ కింద ఉంచడాన్ని పరిగణించండి. ప్రీ-సెన్సార్‌షిప్ ఆర్డర్ ప్రెస్‌కి మరింత మనోవేదనను కల్గిస్తుంది మరియు రాజకీయ వాతావరణాన్ని కలవరపెడుతుంది. ఎడిటర్ కి ఒక లేఖను జారీ చేయాలని నేను సిఫార్సు చేస్తున్నాను. ఎడిటర్ స్పందన సంతృప్తికరంగా లేకుంటే, మొత్తం కేసును అడ్వైజరీ కమిటీ ముందు ఉంచవచ్చు. దానివల్ల ప్రయోజనం లేకుంటే, మేము పైన పేర్కొన్న కొన్ని గణాంకాలను కలిగి ఉన్న ప్రెస్ కమ్యూనిక్‌ని జారిచేయవచ్చు.”

వైస్రాయ్ లేఖ బ్రిటిష్ ప్రభుత్వానికి మరింత ఇబ్బందిని తెచ్చిపెట్టింది. HT రిపోర్టింగ్‌పై బ్రిటిష్ ప్రభుత్వం అభ్యంతరం వ్యక్తం చేసింది. HT ఎడిటర్‌కి 11 ఆగస్ట్ 1945న రాసిన లేఖలో, టోటెన్‌హామ్ ఇలా వ్రాశాడు, “ప్రభుత్వం ముఖ్యంగా మీ HT లక్నో కరస్పాండెంట్ అందించిన కథనంలో మరియు ఆగస్టు 9 నాటి మీ ప్రముఖ కథనంలో కనిపించిన ప్రకటనపై తీవ్ర అభ్యంతరం వ్యక్తం చేసింది. ఎయిర్ బాంబింగ్ జరగలేదని శాసనసభలో అధికారిక ప్రకటనలు జరిగింది. కాబట్టి ఈ ప్రకటనను వెంటనే ఉపసంహరించుకోవాలని మరియు ఆరోపణ ఉపసంహరణకు ప్రచారం ఇవ్వాలని మిమ్మల్ని అభ్యర్థించవలసిందిగా నేను ఆదేశించబడ్డాను.

విమానం బాంబులు వేయలేదు కానీ పౌరులను చంపడానికి యుద్ధ విమానాలలో అమర్చిన మెషిన్ గన్‌లను ఉపయోగించినారు  కాబట్టి నివేదిక తప్పు అని బ్రిటిష్ ప్రభుత్వం వాదించింది.

ఆగష్టు 1942లో కనీసం ఐదు ప్రదేశాలలో నిరాయుధ నిరసనకారులను మెషిన్ గన్ చేయడానికి విమానం ఉపయోగించబడిందని సర్ అలాన్ హార్ట్లీ 25 సెప్టెంబర్ 1943న కౌన్సిల్ ఆఫ్ స్టేట్‌కు చెప్పారు.

సర్ అలాన్ హార్ట్లీ ఇలా అన్నారు, “(1) పాట్నా జిల్లాలోని సిరిక్ సమీపంలోని రైల్వేలో, బీహార్ షరీఫ్‌కు దక్షిణంగా 12 మైళ్లు. (2) రైలు మార్గంలో భాగల్పూర్ నుండి సాహిబ్గంజ్ వరకు, భాగల్పూర్ జిల్లాలో, కుర్సేలాకు దక్షిణంగా 15 మైళ్ల దూరంలో. (3) నదియా జిల్లాలోని కృష్ణనగర్‌కు దక్షిణంగా 16 మైళ్ల దూరంలో రానాఘాట్ దగ్గర. (4) ముంఘైర్ జిల్లాలోని పస్రాహా మరియు మహేశ్ ఖుర్ట్ మధ్య, హాజీపూర్ నుండి కతిహార్ వెళ్లే మార్గంలో రైల్వే హాల్ట్ వద్ద. (5) తాల్చేర్ రాష్ట్రంలోని తాల్చేర్ నగరానికి దక్షిణంగా రెండు లేదా మూడు మైళ్ల దూరంలో నిరాయుధ నిరసనకారులను మెషిన్ గన్ చేయడానికి విమానం ఉపయోగించబడింది

HT యొక్క జాయింట్ ఎడిటర్, K. సంతానం, (తరువాత స్వతంత్ర భారతదేశం యొక్క రైల్వే మంత్రిగా పనిచేశారు) 15 ఆగష్టు 1945న టోటెన్‌హామ్‌కి బదులిచ్చారు, "బాంబింగ్" అనే పదాన్ని గాలి నుండి మెషిన్-గన్నింగ్‌ చేసే అర్థంలో ఉపయోగించబడింది. గాలి నుండి మెషిన్-గన్నింగ్‌ కొన్ని సందర్భాలలో జరిగినట్లు అధికారికంగా గుర్తించబడింది... U.P.లోని నిషేధాజ్ఞలకు  వ్యతిరేకంగా ప్రజల నిరసన వ్యక్తం చేయకుంటే మేము (HT) ప్రజలపట్ల  మా కర్తవ్యాన్ని నిర్వర్తించడంలో విఫలమయినట్లే”.

HT అదే రోజు వివరణ ఇచ్చింది, HT తన మునుపటి రిపోర్టింగ్(ఎయిర్ బాంబింగ్) పై ప్రచురించిన వివరణ ఇలా ఉంది, “ఎయిర్ బాంబింగ్ జరగలేదని మరియు విమాన౦ నుంచి కేవలం  కాల్పులు జరిపిన కొన్ని కేసులు మాత్రమే ఉన్నాయని చేసిన చేసిన  అధికారిక ప్రకటన   HT దృష్టికి వచ్చింది.

సెప్టెంబరు 15, 1942న సెంట్రల్ అసెంబ్లీలో అప్పటి హోమ్ సభ్యుడు సర్ రెజినాల్డ్ మాక్స్‌వెల్ చేసిన ప్రకటన సారం క్రింది విధంగా ఉంది:

“వైమానిక దళం నిఘా మరియు గస్తీ (బీహార్‌లో) కోసం ఉపయోగించబడింది మరియు. ఒకటి లేదా రెండు సందర్భాల్లో, హెచ్చరికలు ప్రభావం చూపకపోవడంతో, రైలు మార్గాన్ని నాశనం చేయడంలో నిమగ్నమైన గుంపులపై విమానం కాల్పులు జరిపింది; కానీ ఎలాంటి బాంబు దాడి జరగలేదు. జరిగిన పొరపాటుకు చింతిస్తున్నాము”.

క్విట్ ఇండియా ఉద్యమ నిరసనల సందర్భంగా భారతీయులను 'నియంత్రించడానికి' 565 చోట్ల పోలీసులు కాల్పులు జరిపినట్లు బ్రిటిష్ ప్రభుత్వం అంగీకరించిందని HT తన రిపోర్టింగ్‌లో ఎత్తి చూపింది.

ధైర్యవంతులైన జర్నలిస్టులు, వలస ప్రభుత్వం యొక్క అసలైన అనాగరిక ముఖాన్ని ప్రపంచం మొత్తానికి బట్టబయలు చేశారు.