మానవాళికి సేవ అనేది ఇస్లాం యొక్క ప్రధాన అంశం Service to humanity is at the core of Islam

 

ఇస్లామిక్ సంప్రదాయంలో, సామాజిక  సంక్షేమం అనేది అతి ప్రధానమైనది. ఇస్లాం లో సామాజిక సేవ అనేక రూపాలలో సూచించబడింది మరియు ప్రోత్సహించబడింది. మానవాళికి సేవ చేయకపోతే ఒక ముస్లిం యొక్క ధార్మిక జీవితం అసంపూర్ణంగా ఉంటుంది.

దివ్య ఖురాన్ ప్రకారం

·       “మీరు మీ ముఖాలను తూర్పు లేదా పడమర వైపు తిప్పుకోవడం సత్కారం కాదు. సత్కారం అంటే అల్లాహ్ మరియు అంతిమ దినం, దేవదూతలు మరియు గ్రంథం మరియు సందేశహరులను విశ్వసించడం.దైవ ప్రసన్నత నిమిత్తం బంధువులకు, అనాథలకు, పేదలకు, బాటసారులకు,  యాచించే వారికి ధనాన్ని ఇవ్వటం. బానిసల విమోచన కోసం ధనం ఇంకా నమాజును స్థాపించాలి. జకాత్ చెల్లించాలి.చేసిన వాగ్ధానం నెరవేర్చాలి. లేమిలో, భాదల్లో, పోరాట సమయం లో సహన స్థయిర్యాలను ప్రదర్శించాలి. అలాంటి వారు సత్యవంతులు, దైవభీతి కలవారు (ఖురాన్ 2:177).

ఇదే తరహాలో, ఇస్లామిక్ చట్టం తల్లిదండ్రులు, పొరుగువారు, బంధువులు, వృద్ధులు, రోగులు మరియు మైనారిటీ సమూహాల సభ్యులకు బాధ్యతలను నిర్వచిస్తుంది. హదీసులలో, ఆకలితో ఉన్నవారికి ఆహారం ఇవ్వడానికి నిరాకరించి, రోగులను పరామర్శించని  వారు తీర్పు దినం రోజున దేవుని ఆగ్రహానికి గురవుతారని చెప్పబడింది. 

అల్లాహ్ వారిని ప్రశ్నించి, తమను తాము వివరించమని అడగబోతున్నాడు. పై హదీసు ఇతరుల అవసరాలను తీర్చడానికి ప్రజల కర్తవ్యాన్ని గుర్తు చేస్తుంది. సామాజిక బాధ్యతల నెరవేర్పు మరియు సాంఘిక సంక్షేమ పురోగమనం వ్యక్తి, కుటుంబం, రాజ్యం మరియు ప్రభుత్వేతర సంస్థల పరిధిలోకి వస్తాయి.

·       దివ్య ఖురాన్ లో “విశ్వాసులు మానవాళి యొక్క శ్రేయస్సు కోసం పంపబడ్డారని మరియు వారు మంచిని ప్రోత్సహిస్తారని మరియు తప్పును నివారిస్తారని”  చెప్పబడింది.  (3:110).

ఏ వ్యక్తి యొక్క గౌరవాన్ని గాయపరచకూడదు మరియు ఎవరికీ ఎటువంటి హాని జరగకూడదు. ఇస్లామిక్ సంప్రదాయంలో, కుటుంబ సభ్యులకు సరైన విద్యను అందించడంలో మరియు వారిని సమాజంలో మంచి సభ్యులుగా మార్చడానికి వారికి నైతిక విద్యను అందించడంలో కుటుంబానికి ఎక్కువ పాత్ర ఉంది.

జాతి వివక్ష మానవ చరిత్రలో చాలా కాలంగా అన్యాయానికి మూలంగా ఉంది. ప్రజలందరూ ఆడమ్ యొక్క సమాన సంతానం అనే విశ్వాసం ఇస్లాం యొక్క ప్రాథమిక లక్షణం. వ్యక్తులలో జాతి వివక్షను ఇస్లాం అంగీకరించదు. 

ఇస్లాం మానవుల మధ్య రంగు, భాష లేదా తెగ ఆధారంగా ఎటువంటి భేదాన్ని గుర్తించదు. మానవ హక్కులను పొందడంలో మరియు విధులను నిర్వర్తించడంలో అందరూ సమానంగా పరిగణించబడతారు. ఇస్లామిక్ బోధన ప్రకారం, దైవభక్తి లేదా నైతిక శ్రేష్ఠత కలిగిన వారు తప్ప ఎవరికీ ఎటువంటి ప్రత్యేకత లేదా ఎంపిక చేయబడిన తరగతి అనేది ఉనికిలో లేదు.

ముస్లింలు ఇతరులను తక్కువ అంచనా వేయడాన్ని దివ్య ఖురాన్ నిషేధిస్తుంది. ఇస్లాం తోటివారి  పట్ల సోదర భావం పెంపోదిస్తుంది.సమాజంలో సమానత్వాన్ని మరింతగా నెలకొల్పేందుకు ముస్లింలు ప్రతి మనిషి పట్ల సంస్కారవంతంగా ఉండాలని సూచించబడినది.. నైతిక లక్షణాలు మరియు మంచి చర్యలు మనిషి యొక్క స్థితిని పెంచుతాయని ఇస్లామిక్ సంప్రదాయం పేర్కొంది.

దివ్య ఖురాన్ మరియు హదీసులు తరచుగా ముస్లింలను నైతికంగా మంచిగా ఉండమని సూచిస్తాయి. 

తల్లితండ్రులను, పెద్దలను గౌరవించడం, చిన్నవారి పట్ల ప్రేమ, ఉత్తమ రీతిలో పలకరించడం, తోటివారి పట్ల దయ చూపడం, రోగుల పట్ల దయ చూపడం, ఇతరుల ఇళ్లలోకి వెళ్లే ముందు అనుమతి అడగడం, నిజాలు మాట్లాడడం, అసభ్యంగా, తప్పుడు మాటలు మాట్లాడకుండా ఉండటo౦ ఇస్లామిక్ ప్రధాన సూత్రాలు..