డా. ద్వారకానాథ్ శాంతారామ్ కోట్నీస్ 1910-1942 Dr. Dwarkanath Shantaram Kotnis1910-1942

 

డాక్టర్. ద్వారకానాథ్ శాంతారామ్ కోట్నీస్ మరణించి అనేక  దశాబ్దాలు గడిచినా ఇప్పటికీ చైనీయులు గౌరవించే ఏకైక భారతీయుడు. 2009లో "చైనా యొక్క విదేశీ మిత్రులు" అనే ఇంటర్నెట్ పోల్‌లో డాక్టర్ కోట్నిస్ "టాప్ 10 విదేశీయులలో" ఒకరిగా ఎంపికయ్యాడు. చైనా నాయకులు ఎవరైనా  భారతదేశాన్ని సందర్శించిన ప్రతిసారీ, జపాన్‌తో జరిగిన సంఘర్షణ లో  గాయపడిన చైనా సైనికులకు చికిత్స చేస్తూ మరణించిన డాక్టర్ కోట్నీ కుటుంబాన్ని కలుసుకోవడం పరిపాటి. డాక్టర్ కోట్నిస్ అనేక మంది చైనా సైనికుల ప్రాణాలను కాపాడే ఫ్రంట్ లైన్ లో పనిచేశాడు.

ద్వారకానాథ్ కొట్నీస్ 10 అక్టోబర్ 1910న షోలాపూర్‌లో మధ్యతరగతి మహారాష్ట్ర కుటుంబంలో జన్మించాడు. కొట్నీస్ అతను బొంబాయిలోని సేథ్ G S మెడికల్ కాలేజీ నుండి పట్టభద్రుడయ్యాడు మరియు విదేశాల్లో స్వచ్ఛందంగా సేవ చేయమని కోరినప్పుడు పోస్ట్ గ్రాడ్యుయేషన్‌కు సిద్ధమవుతున్నాడు.

సెప్టెంబరు 1938న ఇండియన్ మెడికల్ మిషన్ బృందంలో భాగంగా డాక్టర్ కోట్నిస్ చైనాలో అడుగుపెట్టారు. భారత యువ వైద్యుడు ప్లేగు వ్యాధితో బాధపడుతున్న 800 మందికి పైగా సైనికులకు చికిత్స చేశాడు.

డాక్టర్ కోట్నిస్ ను  చైనీస్  లో  “కే దిహువా” అని పిలుస్తారు. చైనా సైన్యానికి నిరంతరం వైద్య సహాయం అందించడం ద్వారా  మిలియన్ల హృదయాలను గెలుచుకున్నాడు.

ద్వారకానాథ్ ఎస్ కోట్నిస్ 1938లో చైనాను జపాన్ ఆక్రమించిన తర్వాత భారత వైద్య మిషన్‌ బృందంలో భాగంగా  చైనాకు పంపబడ్డారు. 1938లో, చైనాపై జపనీస్ దండయాత్ర తర్వాత, కమ్యూనిస్ట్ జనరల్ ఝూ డి, జవహర్‌లాల్ నెహ్రూను చైనాకు కొంతమంది వైద్యులను పంపమని అభ్యర్థించారు. భారత జాతీయ కాంగ్రెస్ అధ్యక్షుడు నేతాజీ సుభాష్ చంద్రబోస్ 30 జూన్ 1938న పత్రికా ప్రకటన ద్వారా ప్రజలకు ఒక విజ్ఞప్తి చేశారు. రూ. 22,000 నిధిని సేకరించి స్వచ్ఛంద వైద్యుల బృందాన్ని మరియు అంబులెన్స్‌ ను పంపేందుకు ఏర్పాటు చేశారు.

అలహాబాద్‌కు చెందిన డాక్టర్ ఎం. అటల్ (మిషన్ టీమ్ లీడర్), నాగ్‌పూర్‌కు చెందిన ఎం.చోల్కర్, షోలాపూర్‌కు చెందిన డి.కోట్నీస్, బి.కె. కలకత్తాకు చెందిన బసు మరియు దేబేష్ ముఖర్జీ సెప్టెంబరు 1938లో ఇండియన్ మెడికల్ మిషన్ టీమ్ సభ్యులుగా నియమితులయ్యారు.

వుహాన్‌లోని హాంకౌ నౌకాశ్రయo ద్వారా  భారత వైద్యుల బృందం తొలిసారిగా చైనా చేరుకుంది. ఆ తర్వాత వారిని యాన్‌నాన్‌కు పంపారు, అక్కడ వారికి మావో జెడాంగ్, ఝు దే మరియు కమ్యూనిస్ట్ పార్టీ ఇతర అగ్ర నాయకులు సాదరంగా స్వాగతం పలికారు.

28 ఏళ్ల డాక్టర్ కొట్నిస్  ఐదుగురు సభ్యుల బృందంలో భాగంగా వచ్చి మొబైల్ క్లినిక్‌లలో గాయపడిన సైనికులకు చికిత్స చేయడానికి దాదాపు 5 సంవత్సరాలు చైనాలో ఉన్నారు. డాక్టర్ కొట్నిస్,  అతనితో పనిచేసిన చైనీస్ నర్సు క్వో క్వింగ్లాన్ ను ప్రేమించి పెళ్లి చేసుకోవడంతో డాక్టర్ కోట్నిస్ మినహా మిగతా అందరూ భారతదేశానికి తిరిగి వచ్చారు.. డాక్టర్ కొట్నిస్ మరియు క్వో క్వింగ్లాన్ కు  యిన్హువా అనే కుమారుడు ఉన్నాడు. యిన్హువా - అంటే భారతదేశం (యిన్) మరియు చైనా (హువా). యిన్హువా పుట్టిన మూడు నెలల తర్వాత, మూర్ఛ వ్యాధి బారిన పడ్డ డాక్టర్  కోట్నిస్‌ 9 డిసెంబర్ 1942న 32 ఏళ్ల చిన్న వయస్సులో చనిపోయారు.

డాక్టర్ కొట్నిస్ జీవిత కథ తో  డా. కొట్నిస్ కి అమర్ కహానీ (1946) అనే టైటిల్‌తో ఒక హిందీ చలనచిత్రo రూపొన్దినది మరియు  ఒక చైనీస్ చలన చిత్రం కే ది హువా ఫూ Kē Dì Huá Dài Fū (1982) కూడా రూపొందినది.

నాన్‌క్వాన్ విలేజ్‌లోని హీరోస్ ప్రాంగణంలో డాక్టర్ కోట్నిస్‌ను ఖననం చేశారు. మావో జెడాంగ్ (పీపుల్స్ రిపబ్లిక్ ఆఫ్ చైనా వ్యవస్థాపక తండ్రి) అతని మరణానికి సంతాపం తెలుపుతూ “సైన్యం ఒక సహాయ హస్తాన్ని కోల్పోయింది, దేశం స్నేహితుడిని కోల్పోయింది. అతని అంతర్జాతీయవాద స్ఫూర్తిని మనం ఎల్లప్పుడూ గుర్తుంచుకుందాం అన్నారు.

చైనా ప్రీమియర్ లీ కెకియాంగ్ 2013లో ముంబైలోని డాక్టర్ కొట్నిస్  కుటుంబాన్ని సందర్శించారు, అక్కడ కొట్నిస్ 92 ఏళ్ల సోదరి చైనా ప్రధానిని కలుస్తూ . "చాలా సంవత్సరాల తర్వాత కూడా, నా సోదరుడిని చైనీయులు గుర్తుంచుకుంటారు మరియు ప్రేమిస్తున్నారని మరియు మమ్మల్ని కలవడానికి ప్రధానమంత్రి వచ్చారు. దీనికి  మేము సంతోషిస్తున్నాము" అని ముగ్గురు చైనా నాయకులను కలిసిన మనోరమా కోట్నిస్ మార్చి 2013న అన్నారు. .